ក្រុមអ្នកស្រាវជ្រាវមកពីប្រទេសអូស្ត្រាលី និងក្រសួងវប្បធម៌កម្ពុជាបានរកឃើញគ្រោងឆ្អឹងមនុស្សនៅទីតាំងកំណាយក្នុងបរិវេណអតីតមន្ទីរឃុំឃាំង ម១៣ ក្នុងខេត្តកំពង់ស្ពឺ។ បើតាមអ្នកជំនាញអូស្ត្រាលី គ្រោងឆ្អឹងនោះ អាចផ្ដល់ព័ត៌មានជាច្រើនដូចជា ភេទ អាយុ កម្ពស់ និងរបៀប ដែលត្រួវបានគេសម្លាប់។ ការស្រាវជ្រាវដល់ទីកន្លែងនេះធ្វើឡើង ក្នុងគោលបំណងផ្ទៀងផ្ទាត់សក្ខីកម្ម សិក្សារចនាសម្ព័ន្ធនៃមន្ទីរឃុំឃាំង និងអនុវត្តន៍ទៅតាមគោលការណ៍ណែនាំរបស់អង្គការUNESCO ដែលទើបបានដាក់បញ្ចូល ម១៣ ទៅជាបូជនីយដ្ឋានចងចាំនៅកម្ពុជាក្នុងឆ្នាំ២០២៥៕

នៅថ្ងៃសុក្រ ទី២៩ ឧសភា ចិនតាមរយៈក្រសួងការបរទេស បានចេញមុខប្រឆាំង ជប៉ុន និងហ្វីលីពីន ដែលមានគម្រោងបើកការចរចាជាផ្លូវការ ស្តីពីការកំណត់ព្រំដែនសមុទ្ររវាងប្រទេសទាំងពីរ។ ទីក្រុងប៉េកាំង ចាត់ទុកការចរចារវាងជប៉ុន និងហ្វីលីពីននេះថា ជាការចរចា “ខុសច្បាប់ និងគ្មានសុពលភាព”។ ចិននៅបានអះអាងថា ខ្លួនមានសិទ្ធិផ្តាច់មុខលើដែនសមុទ្រមួយផ្នែកនៅភាគខាងកើតកោះតៃវ៉ាន់។ នេះបើតាមការថ្លែងរបស់អ្នកស្រី Mao Ning អ្នកនាំពាក្យក្រសួងការបរទេសចិន។

ជំនួបកំពូលសន្តិសុខអាស៊ី ឬ សង់គ្រីឡា (Shangri-La) ដែលជាកិច្ចប្រជុំថ្នាក់រដ្ឋមន្រ្តីការពារជាតិដ៏ធំបំផុត ប្រចាំតំបន់អាស៊ី-ប៉ាស៊ីហ្វិក បានបើកទ្វារ នៅថ្ងៃសុក្រ ទី២៩ ខែឧសភា នៅប្រទេសសិង្ហបុរី។ នៅឆ្នាំនេះ រដ្ឋមន្ត្រីការពារជាតិអាមេរិក លោក Pete Hegseth បានក្លាយជាតួអង្គ លេចធ្លោនៅក្នុងវេទិកា ខណៈ ដែលមហាអំណាចចិនមិនបានបញ្ជូនរដ្ឋមន្ត្រីការពារជាតិរបស់ខ្លួនទៅចូលរួមនោះទេ។ នេះជាលើកទីពីរហើយ គិតចាប់តាំងពីឆ្នាំ ២០១៩មក ដែលចិនអវត្តមានក្នុងជំនួបកំពូលនេះ។ អវត្តមានរបស់ចិននឹងធ្វើឲ្យសហរដ្ឋអាមេរិកមានឱកាសកាន់តែច្រើន ក្នុងការដាក់សម្ពាធលើប៉េកាំង ជុំវិញបញ្ហាតៃវ៉ាន់ និងសង្គ្រាមនៅអ៊ីរ៉ង់។

ដ្រូនមួយគ្រឿង​របស់​រុស្ស៊ី​បានហោះទៅ​ផ្ទុះ​ធ្លាក់​នៅលើ​អគារ​រស់នៅ​របស់ប្រជាជន មួយកន្លែង​ក្នុងទឹកដី​រូម៉ានី ជាប់ព្រំដែន​អ៊ុយក្រែន។ ភ្លាមៗ អូតង់​ដែលមាន​រូម៉ានីជា​ប្រទេស​សមាជិក បាន​ប្រកាស​ថ្កោលទោស​ទង្វើ​គ្មាន​ការទទួលខុសត្រូវ​របស់​រុស្ស៊ី។ ប្រធាន​គណៈកម្មការអឺរ៉ុប​ព្រមានថា រុស្ស៊ី​កំពុង​ដើរហួស​ខ្សែបន្ទាត់មួយទៀតហើយ។

បណ្តាប្រទេសជាសមាជិកអាស៊ានរួមទាំងកម្ពុជាផង នឹងទៅចូលរួមកិច្ចប្រជុំកំពូល «រុស្ស៊ី-អាស៊ាន» ដែលគ្រោងធ្វើឡើងនៅទីក្រុងកាហ្សង់ ប្រទេសរុស្ស៊ី ចាប់ពីថ្ងៃទី១៧ ដល់ថ្ងៃទី១៨ ខែមិថុនា ឆ្នាំ២០២៦ ខាងមុខ។ កិច្ចប្រជុំនេះធ្វើ ឡើងស្របពេលអាស៊ានបន្តរក្សាទំនាក់ទំនងជាមួយទីក្រុងម៉ូស្គូក្នុងនាមជា «ដៃគូសន្ទនា» ទោះបីប្រទេសសមាជិកភាគច្រើនធ្លាប់គាំទ្រសេចក្តីសម្រេចរបស់អង្គការសហប្រជាជាតិដែលថ្កោលទោសរុស្ស៊ីជុំវិញសង្គ្រាមនៅអ៊ុយក្រែនក៏ដោយ។ 

នៅថ្ងៃទី២៩ ខែឧសភា ឆ្នាំ២០២៦ រាជបណ្ឌិតសភាកម្ពុជាបានរៀបចំកិច្ចពិភាក្សាតុមូល ក្រោមប្រធានបទ «តើកម្ពុជាឈរលើគោលការណ៍អ្វីខ្លះ ដើម្បីឲ្យផលិតផលជាតិមានស្ថិរភាព»។ ក្នុងវេទិកានេះ អ្នកជំនាញបានលើកឡើងថា កម្ពុជាមានលទ្ធភាព ក្នុងការផលិតកសិផលលើសពីតម្រូវការប្រើប្រាស់ក្នុងស្រុក ប៉ុន្តែបញ្ហានៅត្រង់ថា ចំពោះផលិតផលខ្លះ គេពិបាកនឹងលក់ចេញ ដ្បិតថា ផលិតផលទាំងនោះនៅមិនទាន់មានស្តង់ដារ តាមការចង់បានរបស់អ្នកបញ្ជាទិញ។ ហេតុអ្វីកម្ពុជាមានលទ្ធភាពផលិតកសិផលលើសតម្រូវការ ប៉ុន្តែ ពិបាកក្នុងការលក់ចេញ?

មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) បានកត់សម្គាល់ថា សា្ថនភាពសេរីភាពសារព័ត៌មានឆ្នាំ២០២៥ នៅតែបន្តធ្លាក់ចុះ បើធៀបនឹងឆ្នាំ២០២៤។ នេះបើតាមរបាយការណ៍ប្រចាំឆ្នាំ២០២៥ស្តីពីបញ្ហាប្រឈមរបស់ប្រព័ន្ធផ្សព្វផ្សាយឯករាជ្យដែលចេញផ្សាយនៅថ្ងៃព្រហស្បតិ៍ទី២៨ ខែឧសភា។ បើតាមរបាយការណ៍ សេរីភាពសារព័ត៌មានបន្តធ្លាក់ចុះ ក៏ព្រោះតែអ្នកសារព័ត៌មាននៅកម្ពុជានៅតែបារម្ភពីសុវត្ថិភាព និងការប្រឈមនឹងទោសជាប់ពន្ធនាគារ។

សមាជិករដ្ឋសភាថៃ លោក ប៊ុនរ៉ាវី យមជីនដា បានចោទប្រកាន់អ្នកឧកញ៉ា កុក អាន សមាជិកព្រឹទ្ធសភាកម្ពុជា ពីបទ លាងលុយកខ្វក់ តាមរយៈការលក់ឆ្នោតផ្សងសំណាងនៅក្នុងប្រទេសថៃ។ នេះបើតាមការចុះផ្សាយរបស់កាសែតថៃ Thai Enquirer កាលពីថ្ងៃទី២៧ ខែឧសភា ឆ្នាំ២០២៦។

អតីតឧកញ៉ា​ ឡេង​ ចាន់ណា និង​បក្ខ​ពួក​បាន​ទទួល​ស្គាល់​ថា ​ខ្លួន​បាន​យក​ប្រាក់​ជិត​ ១០០​លាន​ដុល្លារ​ពី​មេក្រុមឆបោកម្នាក់​​ដើម្បី​យក​ទៅ​ទិញ​ដីក្នុង​ការ​វិនិយោគ។ ​នេះបើ​តាមសេចក្តីជូនដំណឹងរបស់​អង្គភាពប្រឆាំងអំពើ​ពុក​រលួយ​នៅ​ថ្ងៃទី​២៨​ ខែឧសភា ​ឆ្នាំ​២០២៦ និងថា ក្រុម​ឡេង ចាន់ណា បានយកលុយទាំងនោះ​​​ទៅទិញដីអភិវឌ្ឍ​​គម្រោង ដោយ​ផ្តល់ការប្រាក់​​​​​ទៅ​មេក្រុមឆបោករូបនោះ និងអ្នកវិយោគផ្សេងទៀត​។ លោក​ ​សយ​ ច័ន្ទវិចិត្រ​ អ្នកនាំពាក្យអង្គភាពប្រឆាំងអំពើពុករលួយប្រាប់វិទ្យុបារាំងអន្តរជាតិ RFI នៅថ្ងៃទី២៩ឧសភាថា អង្គភាពកំពុងបន្តស៊ើបអង្កេត នៅក្នុងសំណុំរឿងឆបោកទ្រង់ទ្រាយធំដែលប្រព្រឹត្តដោយអតីតឧកញ៉ា ឡេង ចាន់ណា និងបក្ខពួក។

នៅព្រឹកថ្ងៃទី​២៩ឧសភានេះ​ សហរដ្ឋអាមេរិកបានស្វាគមន៍ចំពោះការដោះលែងលោក កឹម សុខា ប្រធានអតីតគណបក្សសង្គ្រោះជាតិ ដោយចាត់ទុកថាជាការវិវឌ្ឍវិជ្ជមានមួយសម្រាប់ស្ថានភាពសិទ្ធិមនុស្ស និងនយោបាយនៅកម្ពុជា។ តែទន្ទឹមនឹងការសាទរ សហរដ្ឋអាមេរិកនៅតែបន្តច្រានចោលការចោទប្រកាន់ក្នុងសំណុំរឿងលោក កឹម សុខា​ ដែលថា ខ្លួនបានជ្រៀតជ្រែកក្នុងសកម្មភាពប្រឆាំងរដ្ឋាភិបាលកម្ពុជា។

កិច្ចព្រមព្រៀង​សហការរវាង​ចិន និងស៊ែរប៊ី​ចំនួន​២០​ត្រូវ​បាន​ចុះហត្ថលេខា​នៅក្នុងអំឡុង​ទស្សនកិច្ច​ផ្លូវរដ្ឋ​រយៈពេល​៥ថ្ងៃ របស់​ប្រធានាធិបតី​ស៊ែរប៊ី​នៅប្រទេស​ចិន។ នៅទីក្រុងប៉េកាំង មេដឹកនាំ​ស៊ែរប៊ី​បានទទួល​មេដាយ​មិត្តភាព ពី​លោកប្រធានាធិបតីចិន ស៊ី ជីនពីង​ដែលបាន​រំលឹកប្រាប់​ឲ្យ​ប្រទេសទាំងពីរ​ពង្រីក​សហប្រតិបត្តិការរវាងគ្នា​ទៅក្នុង​វិស័យ​គន្លឹះ​ ដូចជា​កម្មវិធី​បញ្ញាសិប្បនិម្មិត សេដ្ឋកិច្ច​ឌីជីថល និង​ថាមពល។

ជាមួយ​នឹងបរិបទសង្គ្រាមនៅអ៊ុយក្រែន និង​នៅមជ្ឈិមបូព៌ា វត្តមាន​របស់​​ដ្រូនធុន​ស្រាល​ និងតម្លៃថោក​ៗ​ បានចូល​មកធ្វើ​ឲ្យ​ប្រែប្រួល​ ដល់តាក់ទិក​នៃការប្រយុទ្ធ និងប្រសិទ្ធិភាពយុទ្ធសាស្ត្ររបស់កងទ័ព​។ តម្រូវការ​ប្រើប្រាស់ដ្រូន បានស្ទុះហក់ឡើងខ្លាំង​។ យ៉ាងណាម៉ិញ ការនាំចេញដ្រូនរបស់តៃវ៉ាន់ គិតចាប់ពីដើមឆ្នាំ​២០២៦​ បាន​កើន​ឡើងទំហំ ដល់ទៅ​១គុណ​នឹង​២០ដង​ បើប្រៀបធៀបទៅឆ្នាំមុន​។ ការរីកចម្រើននៃវិស័យ​ឧស្សាហកម្មសព្វាវុធតៃវ៉ាន់នេះ ក៏ជាកត្តា​​មួយ​ដ៏សំខាន់ដែរ ក្នុងការត្រៀម​កម្លាំង​ទប់ទល់នឹងការគំរាមរបស់ចិន​។

នៅថ្ងៃព្រហស្បតិ៍ ទី២៨ខែឧសភា រុស្ស៊ីបានចុះកិច្ចព្រមព្រៀងជាមួយកាហ្សាក់ស្ថានដើម្បី សាងសង់ រោងចក្រអគ្គិសនីទី១ដើរដោយថាមពលនុយក្លេអ៊ែរ ក្នុងប្រទេសតំបន់អាស៊ីកណ្តាលមួយនេះ។ នៅក្នុង​គម្រោងដែលមានតម្លៃប្រមាណ ១៦,៥ ពាន់លានដុល្លារ មួយផ្នែកនៃទឹកប្រាក់នេះ ផ្គត់ផ្គង់ដោយ ប្រាក់កម្ចីពីរុស្ស៊ី។ 

កិច្ចព្រមព្រៀង​សហការរវាង​ចិន និងស៊ែប៊ី​ចំនួន​២០​ត្រូវ​បាន​ចុះហត្ថលេខា​នៅក្នុងអំឡុង​ទស្សនកិច្ច​ផ្លូវរដ្ឋ​រយៈពេល​៥ថ្ងៃ របស់​ប្រធានាធិបតី​ស៊ែរប៊ី​នៅប្រទេស​ចិន។ នៅទីក្រុងប៉េកាំង មេដឹកនាំ​ស៊ែរប៊ី​បានទទួល​មេដាយ​មិត្តភាព ពី​លោកប្រធានាធិបតីចិន ស៊ី ជីនពីង​ដែលបាន​រំលឹកប្រាប់​ឲ្យ​ប្រទេសទាំងពីរ​ពង្រីក​សហប្រតិបត្តិការរវាងគ្នា​ទៅក្នុង​វិស័យ​គន្លឹះ​ ដូចជា​កម្មវិធី​បញ្ញាសិប្បនិម្មិត សេដ្ឋកិច្ច​ឌីជីថល និង​ថាមពល។

កម្ពុជា និងចិនឯកភាពគ្នាពង្រីកយុទ្ធសាស្រ្តពី ២+២ ឱ្យដល់កម្រិត ៣+៣ ដើម្បីពង្រឹងកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ និងនាំមកនូវការអភិវឌ្ឍកាន់តែធំ។ ការឯកភាពនេះធ្វើឡើងនៅក្នុងជំនួបទ្វេភាគីរវាងលោកឧបនាយករដ្ឋមន្ត្រីប្រាក់ សុខុន រដ្ឋមន្ត្រីការបរទេសកម្ពុជា និងសមភាគីចិន លោក វ៉ាង យី អំឡុងពេលចូលរួមកិច្ចប្រជុំបើកចំហកម្រិតខ្ពស់របស់ក្រុមប្រឹក្សាសន្តិសុខអង្គការសហប្រជាជាតិនាថ្ងៃទី២៧ ខែឧសភា ឆ្នាំ២០២៦។

គិតមកត្រឹមថ្ងៃទី២៨ ខែឧសភា ឆ្នាំ២០២៦នេះ មានរយៈពេល ១ឆ្នាំគត់ដែលកម្ពុជា និងថៃមានជម្លោះបញ្ហាព្រំដែននឹងគ្នា។ ជាជម្លោះដែលបណ្តាលមកពីយោធាថៃ បានបាញ់ប្រហារមកលើកងទ័ពកម្ពុជា នៅតំបន់មុំបី ខេត្តព្រះវិហារ បណ្តាលឲ្យលោកព្រិន្ទបាលឯក សួន រោន អាយុ៤៨ឆ្នាំ ពលីជីវិត។ ផ្តើមពីចំណុចនេះ ភាពតានតឹងខាងយោធា នៅតាមបណ្តោយព្រំដែនកម្ពុជា-ថៃ បានអូសបន្លាយរហូតមកដល់បច្ចុប្បន្ន។

បណ្តាអង្គទូតបរទេសមួយចំនួនប្រចាំនៅកម្ពុជា រួមមានសហភាពអឺរ៉ុប បារាំង អាល្លឺម៉ង់ អង់គ្លេស និងអូស្ត្រាលីបានស្វាគមន៍ និងចាត់ទុកការលើកលែងទោសលោក កឹម សុខា ប្រធានអតីតគណបក្សសង្គ្រោះជាតិថាជាជំហានវិជ្ជមានមួយសម្រាប់ស្ថានភាពនយោបាយនៅកម្ពុជា។ តែទន្ទឹមគ្នានេះ បណ្តាប្រទេសលោកខាងលិចមិនភ្លេចអំពាវនាវឲ្យមានការធានាសេរីភាពនយោបាយ ការចូលរួមរបស់គណបក្សប្រឆាំង និងការបញ្ឈប់ការប្រើប្រព័ន្ធតុលាការដោយហេតុនយោបាយផងដែរ។ 

  អតីត​មេបក្សប្រឆាំង និងជា​សា្ថបនិក​ចលនា​ចម្រើននិយម​នៅ​ប្រទេស​ថៃ លោក​ថាណាថន ជឹងរុងរឿងគីត​ត្រូវ​បាន​តុលាការ​ព្រហ្មទណ្ឌ​ថៃ​ នៅថ្ងៃព្រហស្បតិ៍ទី ២៨ឧសភានេះ សម្រេច​លើកលែង​ទោស រួចផុត​ពីការចោទប្រកាន់​ក្នុងបទជេរប្រមាថព្រះមហាក្សត្រ។ អតីត​ប្រធាន​គណបក្ស​ Future Forward Party ដែលត្រូវ​បាន​តុលាការ​ធម្មនុញ្ញថៃ​រំលាយចោលរួចទៅហើយនោះបានរងការចោទប្រកាន់​តាំង​ពី​ឆ្នាំ ២០២២ បន្ទាប់ពីលោក​បាន​រិះគន់​យុទ្ធសាស្រ្ត​ចាក់វ៉ាក់សាំងបង្ការជំងឺកូវីដ ដែលមានជាប់ពាក់ព័ន្ធ​នឹង​ក្រុមហ៊ុនSiam BioScience គ្រប់គ្រង​ដោយ ការិយាល័យ​ហិរញ្ញវត្ថុ​របស់​រាជវាំង​ថៃ។

ស្ថានការណ៍អសន្តិសុខ​នៅច្រកសមុទ្រអកមូហ្ស នៅតែបន្តគំរាមមកលើចរាចរនាវា​ដឹកទំនិញ។ កាលពីយប់ថ្ងៃពុធឈានចូលថ្ងៃព្រហស្បតិ៍ទី២៨ឧសភានេះ​ កងទ័ពអាមេរិក​បាន​បាញ់​កម្ទេចដ្រូន​៤គ្រឿងរបស់អ៊ីរ៉ង់ ដែលប៉ុនប៉ងវាយប្រហារ​នៅ​​ច្រកសមុទ្រអកមូហ្ស។ ខាងអ៊ីរ៉ង់វិញ បានអះអាងថាគេបាន​បាញ់​ប្លោងគ្រាប់សំដៅទៅមូលដ្ឋានរបស់កងទ័ពអាមេរិក​។ គិតត្រឹមពេលនេះ ការចរចារវាងអ៊ីរ៉ង់និងសហរដ្ឋអាមេរិក នៅទ្រឹងមួយកន្លែង ជាមួយនឹងដំណឹងមិនច្បាស់លាស់ ទាក់ទិននឹង​ការទាមទាររបស់​ភាគីទាំងសងខាង​។

ជំនួបទ្វេភាគីរវាងរដ្ឋមន្ត្រីការបរទេសកម្ពុជា និងថៃនៅទីក្រុងញូវយ៉ក សហរដ្ឋអាមេរិក មិនទាន់អាចនាំឲ្យភាគីទាំងពីរឈានដល់កិច្ចព្រមព្រៀងណាមួយបាននៅឡើយទេ ពាក់ព័ន្ធនឹងជម្លោះដែនសមុទ្រត្រួតស៊ីគ្នា។ នេះបើតាមប្រព័ន្ធផ្សព្វផ្សាយក្នុងស្រុកថៃនៅថ្ងៃទី២៨ ឧសភា ឆ្នាំ២០២៦ ដោយបន្ថែមថា ភាគីថៃនៅតែចង់បន្តការចរចាមុននឹងសម្រេចប្រើយន្តការផ្សះផ្សាក្រោមក្របខ័ណ្ឌ UNCLOS។ ​តែយ៉ាងណា ​កម្ពុជានៅតែរក្សា​ជំហរក្នុងការជំរុញដំណើរការផ្សះផ្សាដោយបង្ខំក្រោមអនុសញ្ញាច្បាប់សមុទ្រ UNCLOS ដើម្បីស្វែងរកដំណោះស្រាយយុត្តិធម៌ និងយូរអង្វែងរវាងប្រទេសទាំង២។

កម្ពុជាបាន​បញ្ជូន​ជន​ជាតិ​សាម៉ន ២នាក់​ទៅកាន់​ប្រទេស​វៀត​ណាម​ ក្រោយពួកគេរត់គេចពី​ការតាមចាប់ខ្លួន​ក្នុង​បទល្មើស​បាញ់​សម្លាប់ជន​ជាតិអូស្ត្រាលី​ ២​នាក់ ​នៅ​ទីក្រុង​ហូជីមិញ​ កាល​ពី​ថ្ងៃទី​២១​ ខែឧសភា ​ឆ្នាំ២០២៦​។​ បើ​តាម​អគ្គ​ស្នង​ការ​នគរ​បាល​ជាតិកម្ពុជា​នៅ​ថ្ងៃទី​២៧​ឧសភា​ សមត្ថ​កិច្ចកម្ពុជាបាន​ចាប់​ខ្លួនអ្នក​ទាំង​២​ នៅក្នុង​ខេត្ត​​ព្រះសីហនុ​ បន្ទាប់​ពីមានការ​ស្នើ​សុំ​ពីសមត្ថកិច្ច​វៀតណាម​។​ 

នៅក្នុងតំបន់ព្រំដែនរវាងឥណ្ឌា និងបង់ក្លាដែស ស្ថានការណ៍កំពុងមានភាពតានតឹងដោយសារមានមនុស្សជាច្រើនរយនាក់បានរត់ចេញពីឥណ្ឌាចូលបង់ក្លាដែស។ ព្រឹត្តិការណ៍នេះកើតឡើង បន្ទាប់ពីអាជ្ញាធរឥណ្ឌាក្នុងរដ្ឋបង់ហ្គាល់ខាងលិច បានប្រកាសបង្កើតមណ្ឌលសម្រាប់ឃុំខ្លួនជនអន្តោប្រវេសន៍ខុសច្បាប់មកពីបង់ក្លាដែស និងជនភៀសខ្លួនរ៉ូហ៊ីងយ៉ា។ តែប៉ូលិសក្នុងរដ្ឋបង់ហ្គាល់ខាងលិចបានអះអាងថា ស្ថានការណ៍កំពុងស្ថិតក្រោមការគ្រប់គ្រង។ ទោះជាយ៉ាងណា ការសម្រេចចិត្តរបស់អាជ្ញាធរឥណ្ឌាបានបង្កឲ្យមានភ័យខ្លាច និងរងការរិះគន់ថាបានរើសអើងលើសហគមន៍មូស្លីមនៅតំបន់ព្រំដែនរដ្ឋបង់ហ្គាល់ខាងលិច។

ម៉ូហាម៉េដ អូដេហ៍ មេថ្មីរបស់ក្រុម​ប្រដាប់អាវុធនៃចលនាហាម៉ាសប៉ាឡេស្ទីន​ ត្រូវបានកងទ័ពអ៊ីស្រាលអែលសម្លាប់បាន​ នៅថ្ងៃទី​២៦ឧសភា។ ជននេះ ទើបតែ​ឡើងមកជំនួស​ឲ្យ​មេចាស់ ដែលត្រូវបាន​កងទ័ពអ៊ីស្រាអែល​សម្លាប់​បានដែរ កាលពីថ្ងៃទី​១៥ឧសភា​។

ក្រុមអ្នកជួយសង្គ្រោះឡាវ ពិសេសក្រុមអ្នកជំនាញមុជទឹកកំពុងបន្តប្រតិបត្តិការយ៉ាងសកម្ម និងសស្រាក់សស្រាំនៅថ្ងៃពុធ ទី២៧ ឧសភាដើម្បីស្វែងរក និងសង្គ្រោះមនុស្សចំនួន ៧នាក់ដែលបាន និងកំពុងបន្តជាប់គាំងក្នុងរូងភ្នំដែលជន់លិចដោយទឹកភ្លៀងនៅខេត្ត Xaysomboun ប្រទេសឡាវតាំងពីថ្ងៃទី២០ ឧសភា។ បើតាមក្រុមអ្នកជំនាញមុជទឹក ថ្ងៃពុធ ទី២៧ ឧសភានេះអាចជាការធ្វើប្រតិបត្តិការចុងក្រោយដើម្បីចូលក្នុងរូងភ្នំនោះឲ្យជ្រៅបំផុតដែលពួកគេជឿថាមនុស្សទាំង ៧នាក់កំពុងនៅទីនោះដើម្បីរងចាំការសង្គ្រោះ។

សមត្ថ​កិច្ច​ខេត្ត​កំពង់​ឆ្នាំងកំពុង​តាម​ចាប់ខ្លួនជន​បង្ក​ក្នុង​គ្រោះ​ថ្នាក់​ចរាចរណ៍​ដែល​ផ្តាច់ជីវិត​​កម្ម​ករ​​ ៩នាក់​កាលពី​ថ្ងៃ​ទី២៣​ឧសភាកន្លងទៅ​។​​ ​នេះជា​ការ​បញ្ជាក់​របស់​លោក តេង ច័ន្ទណាត ​ស្នងការនគរបាលខេត្តកំពង់​ឆ្នាំងមក​កាន់​វិទ្យុ​បារាំងអន្តរជាតិ​នៅ​ថ្ងៃ​ទី​២៦​ ខែឧសភា ​ឆ្នាំ២០២៦​។​ ស្នងការនគរបាលខេត្តកំពង់​ឆ្នាំងរូប​នេះ​បន្ថែម​ថា ​សមត្ថ​កិច្ច​បាន​បញ្ជូន​សំណុំ​រឿង​នេះ​ទៅ​កាន់​តុលាការ​ដើម្បី​បន្ត​នីតិវិធី​តាម​​ផ្លូវ​ច្បាប់។ 

ក្នុងឆ្នាំ២០២៥ ការនាំចេញកៅស៊ូរកចំណូលបានប្រមាណ ៦០៤លានដុល្លារអាមេរិក ថយចុះ៩.១% ខណៈការផ្គត់ផ្គង់ក្នុងស្រុកមានចំណូលប្រមាណ ២២៣លានដុល្លារ កើនឡើង ១៣១%។ នេះ​បើតាមការឱ្យដឹង​ពី​ប្រមុខរដ្ឋាភិបាលកម្ពុជា លោក ហ៊ុន ម៉ាណែត នៅក្នុងពិធីសម្ពោធរោងចក្រផលិតកែច្នៃកៅស៊ូរបស់ក្រុមហ៊ុន គីមស៍ រ៉ាប់ប៊ើរ (ខេមបូឌា) ក្នុងខេត្តត្បូងឃ្មុំ នាព្រឹកថ្ងៃពុធ ទី២៧ ខែឧសភា ឆ្នាំ២០២៦។ តាមលោកនាយករដ្ឋមន្រ្តី ការកើនឡើងនៃការផ្គត់ផ្គង់កៅស៊ូក្នុងស្រុកបង្ហាញថា វិស័យកសិកម្មក្នុងស្រុកមានការអភិវឌ្ឍ។ គួរបញ្ជាក់ដែរថា នាយករដ្ឋមន្រ្តីកម្ពុជា លោក ហ៊ុន ម៉ាណែត ក៏បានជំរុញឲ្យមានរោងចក្រកែច្នៃកៅស៊ូបង្កើនផលប្រយោជន៍ដល់កសិករដែលដាំដុះផ្ទាល់ តាមរយៈការជួយទិញផលិតផលនៅតាមសហគមន៍តូចៗដើម្បីបង្កើតទីផ្សារនៅនឹងកន្លែង។ ក្នុងន័យនេះ ​លោក ហ៊ុន ម៉ាណែត សង្កត់ធ្ងន់ថា កម្ពុជានឹងឈានទៅរកការកាត់បន្ថយការនាំចូល​វត្ថុធាតុដើម និងនាំចេញផលិតផលសម្រេច៕

ក្រុមប្រទេសសម្ព័ន្ធភាព Quad ដែលមានសហរដ្ឋអាមេរិក ជប៉ុន ឥណ្ឌា និងអូស្រ្តាលីបានប្រកាសគម្រោងសហប្រតិបត្តិការថ្មីៗជាច្រើននៅក្នុងតំបន់ឥណ្ឌូប៉ាស៊ីហ្វិក ពិសេសលើវិស័យសន្តិសុខសមុទ្រ កំពង់ផែ និងធនធានរ៉ែកម្រ។ ការប្រកាសនេះបានធ្វើឡើងនៅក្នុងកិច្ចប្រជុំរដ្ឋមន្ត្រីការបរទេស Quad ដែលរៀបចំនៅក្នុងទីក្រុងញូវដែលីនាថ្ងៃអង្គារ ទី២៦ ឧសភា។

ជំហរ​របស់​លោកដូណាល់ ត្រាំ រេដូចចុងស្រល់។ ពីមួយថ្ងៃ ទៅ​មួយថ្ងៃ ប្រធានាធិបតីទី​៤៧​របស់​អាមេរិក​ប្រកាសដំណឹង​ជាមួយ​ការប្តូរជំហរ​ក្រឡាប់ចាក់ ធ្វើ​ឲ្យពិភពលោក​តាមសឹង​មិនទាន់។ ទាក់ទង​នឹង​ការចរចា​ដើម្បីបញ្ចប់សង្រ្គាមជាមួយ អ៊ីរ៉ង់ មេដឹកនាំ​អាមេរិក​បង្ហោះសារ​ម្តងថា ជិត​ឈាន​សម្រេច​បាន​កិច្ចព្រមព្រៀងជាមួយអ៊ីរ៉ង់ ម្តងថា លោក​មិន​ប្រញាប់​ចង់​បាន​កិច្ចព្រមព្រៀង​ភ្លាមៗ​ជាមួយ​អ៊ីរ៉ង់។ ជាក់ស្តែង  នៅក្នុងសារ​បង្ហោះផ្សាយ​លើ​បណ្តាញសង្គម​Truth Social របស់​លោក​កាលពីថ្ងៃចន្ទទី ២៥ ឧសភា លោកត្រាំបាននិយាយ​ថា លោក​បាន​ប្រាប់​ក្រុមចរចាអាមេរិក​កុំ​ឲ្យ​ប្រញាប់ នៅក្នុង​រឿង​រកកិច្ចព្រមព្រៀង​ជាមួយ​អ៊ីរ៉ង់។ លោកត្រាំ​និយាយ​យ៉ាងដូច្នេះ នៅពីរថ្ងៃ​ក្រោយ លោក​ជួបពិភាក្សា​តាមទូរស័ព្ទ​ជាមួយ​មេដឹកនាំ​អារ៉ាប់ ដើម្បី​និយាយ​ពី​កិច្ចព្រមព្រៀង​Abraham ឬ​កិច្ចព្រមព្រៀងចងសម្ព័ន្ធមេត្រីភាព​រវាងអ៊ីស្រាអែល និង​ក្រុមប្រទេស​អារ៉ាប់។

ក្រុមប្រទេសសម្ព័ន្ធភាព Quad ដែលមានសហរដ្ឋអាមេរិក ជប៉ុន ឥណ្ឌា និងអូស្រ្តាលីបានប្រកាសគម្រោងសហប្រតិបត្តិការថ្មីៗជាច្រើននៅក្នុងតំបន់ឥណ្ឌូប៉ាស៊ីហ្វិក ពិសេសលើវិស័យសន្តិសុខសមុទ្រ កំពង់ផែ និងធនធានរ៉ែកម្រ។ ការប្រកាសនេះបានធ្វើឡើងនៅក្នុងកិច្ចប្រជុំរដ្ឋមន្ត្រីការបរទេស Quad ដែលរៀបចំនៅក្នុងទីក្រុងញូវដែលីនាថ្ងៃអង្គារ ទី២៦ ឧសភា។

លោក កឹម សុខា ប្រធានអតីតគណបក្សសង្គ្រោះជាតិ ត្រូវបានលើកលែងទោសតាមរយៈព្រះរាជក្រឹត្យដែលចុះហត្ថលេខាដោយប្រមុខរដ្ឋស្តីទី លោក ហ៊ុន សែន នាថ្ងៃទី២៥ ខែឧសភា ឆ្នាំ២០២៦។ តាមរយៈព្រះរាជក្រឹត្យដដែល លោក កឹម សុខា ត្រូវបានលើកលែងទោសពីការជាប់ពន្ធនាគាររយៈពេល ២៧ឆ្នាំ តែនៅបន្តជាប់ទោសបន្ថែមដែលរួមមាន មិនអនុញ្ញាតឲ្យចេញក្រៅប្រទេសរយៈពេល ៥ឆ្នាំ គ្មានសិទ្ធិចូលរួមបោះឆ្នោត និងឈរឈ្មោះឲ្យគេបោះឆ្នោត។ លោកនាយករដ្ឋមន្ត្រី ហ៊ុន ម៉ាណែត បានចាត់ទុកការលើកលែងទោសនេះ ជាជំហានមួយបន្ថែម ដើម្បីពង្រឹងសាមគ្គីឯកភាពជាតិ។ អ្នកវិភាគខ្លះយល់ស្របដូចនេះ និងខ្លះទៀតយល់ឃើញផ្សេងពីនេះ។ តើការលើកលែងទោស លោក កឹម សុខា មានបង្កប់អត្ថន័យអ្វីខ្លះនៅក្នុងឆាកនយោបាយខ្មែរ?

អាមេរិក​បើកការវាយប្រហារទៅលើ​ទីតាំង​បាញ់មីស៊ីល​របស់អ៊ីរ៉ង់ កាលពីថ្ងៃ​យប់ថ្ងៃចន្ទទី ២៥​ឧសភា។ នេះបើតាម​សេចក្តីប្រកាស​របស់​ទីបញ្ជាការដ្ឋាន​កងទ័ព​អាមេរិក​ប្រចាំការ​នៅ​តំបន់ដើមបូព៌ា។ ប្រតិបត្តិការ​យោធា​របស់​អាមេរិក មិន​បានទៅ​បញ្ឆេះកំហឹង ធ្វើ​ឲ្យ​អ៊ីរ៉ង់​វាយប្រហារ​សងសឹកភ្លាមៗ​វិញនោះទេ។ ហេតុការណ៍​នេះ​កើតឡើង​នៅចំពេល​ដែល​ការចរចា​រវាងអាមេរិក និងអ៊ីរ៉ង់​ហាក់​នៅទ្រឹង មិន​សូវ​បោះជំហានទៅមុខទាល់តែសោះ។ 

អគ្គនាយកដ្ឋានអន្តោប្រវេសន៍បានចេញមកបញ្ជាក់ថានៅថ្ងៃទី២៦ ខែឧសភា ឆ្នាំ២០២៦ នេះថា កម្ពុជាគ្មានគោលការណ៍រឹតបន្តឹង ឬហាមឃាត់ជនបរទេសអាយុក្រោម ៤០ឆ្នាំចូលទឹកដីកម្ពុជាឡើយ។ ការចេញមកបញ្ជាក់ដូចនេះធ្វើឡើង បន្ទាប់​ពីមានការចុះផ្សាយព័ត៌មានជាភាសាចិនលើបណ្តាញសង្គមពេញនិយមរបស់​ចិន​ថា ច្រកទ្វារអន្តរជាតិរបស់កម្ពុជាបានបិទការចេញ-ចូលជាបណ្តោះអាសន្ន ហើយបុគ្គលអាយុតិចជាង ៤០ឆ្នាំ នឹងមិនត្រូវបានអនុញ្ញាតឱ្យចូលទឹកដីកម្ពុជា។