Saint Raphael (សាំង រ៉ាហ្វាអ៊ែល) ទីក្រុង​ភាគខាងត្បូង​បារាំង​ជ្រើសរើស​ប្រវត្តិសាស្រ្ត​ខ្មែរក្រហម​របស់កម្ពុជា​សម្រាប់កម្មវិធីប្រារព្ធរំលឹកខួបជនរងគ្រោះ​ដោយសារពួកផ្តាច់ការ​កុម្មុយនិស្តនៅក្នុងពិភពលោក។ នៅក្នុងកម្មវិធី​រយៈពេល​ពីរថ្ងៃ (ពីថ្ងៃសៅរ៍ដល់ថ្ងៃអាទិត្យទី​២៣​សីហា)  សាលាក្រុង​Saint Raphaël បានរៀបចំ​កម្មវិធី​សិល្បៈ ប្រវត្តិសាស្រ្ត ទាក់ទង​នឹង​ប្រទេស​កម្ពុជា​សម្រាប់​ប្រជាជន​និងអ្នកទេសចរណ៍។ ឈាង បុប្ផា​ជូនព័ត៌មាននេះផ្ទាល់ពី​ទីក្រុង​ Saint Raphaël។

កញ្ញា កឹម មនោវិទ្យា ប្រេសិតពិសេសរបស់នាយករដ្ឋមន្ត្រី​កម្ពុជា បានចាប់​ផ្តើម​ការងាររបស់ខ្លួន ដោយ​ជួបឯកអគ្គរដ្ឋទូតសហភាពអឺរ៉ុបប្រចាំកម្ពុជានៅក្នុងសប្តាហ៍នេះ។ តាមកូនស្រីច្បងរបស់លោក កឹម សុខា រូបនេះ ភាគីទាំងពីរបានលើកឡើងអំពីជម្លោះកម្ពុជា-ថៃ និងអំពីសក្តានុពលរបស់កម្ពុជាក្នុងការទាក់ទាញការ​វិនិយោគពីអឺរ៉ុប។ សហភាពអឺរ៉ុបដែលបានដកហូតការអនុគ្រោះពន្ធ(EBA)ពីកម្ពុជា២០% តាំងពីឆ្នាំ២០២០ បន្ទាប់ពីចាប់ខ្លួន លោក កឹម សុខា និងរំលាយគណបក្សសង្គ្រោះជាតិ។ តើបេសសកម្មរបស់កញ្ញា កឹម មនោវិទ្យា អាចធ្វើឲ្យសហភាពអឺរ៉ុបផ្តល់​EBA ២០%មកវិញ និងជួយគាំទ្រកម្ពុជាក្នុងជម្លោះព្រំដែនកម្ពុជា-ថៃឬទេ?

ដំណើរការបូកសរុបពិន្ទុបេក្ខជនប្រឡងបាក់ឌុប ប្រព្រឹត្តទៅដោយរលូន គ្មានបញ្ហាអ្វីគួរឲ្យកត់សម្គាល់ឡើយ។ នេះគឺជាអះអាងរបស់លោក ហង់ជួន ណារ៉ុន រដ្ឋមន្ត្រីក្រសួងអប់រំ នាថ្ងៃអាទិត្យទី២៣សីហា។ បើគ្មានបញ្ហាអ្វីកើតឡើងទេ លទ្ធផលនៃការប្រឡងបាក់ឌុបឆ្នាំ២០២៦ នឹងត្រូវប្រកាសនាថ្ងៃទី២កញ្ញាខាងមុខ។

ប្រធានាធិបតីអ៊ុយក្រែន លោក វ្លូឌីមៀរ ហ្សេឡេនស្គី បានច្រានចោលសំណើរៀបចំការបោះឆ្នោត និងបានចាត់ទុកការបោះឆ្នោត ក្នុងអំឡុងប្រទេសកំពុងមានសង្រ្គាម ថានឹងអាចបង្កគ្រោះថ្នាក់ដល់អ៊ុយក្រែន។ លោក ហ្សេឡេនស្គី បានបញ្ជាក់ជំហរ នៅថ្ងៃអាទិត្យ ទី២៣ សីហា បន្ទាប់ពីអតីតរដ្ឋមន្រ្តីការពារជាតិ បានបង្ហោះសារវីដេអូអំពាវនាវឲ្យរៀបចំការបោះឆ្នោត ជ្រើសរើមេដឹកនាំថ្មីនៅអ៊ុយក្រែន។

ភាព​តានតឹង​កំពុង​កើត​មាន​រវាង​អ៊ីស្រាអែល​ តួកគី និង​សហរដ្ឋ​អាមេរិក។ ឯកអគ្គរដ្ឋ​ទូត​និង​ជា​ប្រេសិត​ពិសេស​អាមេរិកនៅ​តួកគី​បាន​រិះគន់ទង្វើ​វាយប្រហារ​របស់​​អ៊ីស្រាអែល​លើ​ស៊ីរី​​ថាជា​ការ​បង្កើតជម្លោះ​ឥតប្រយោជន៍។ ចំណែក​តួកគី​បាន​ចេញ​ដីកា​អន្តរជាតិ​តាម​ចាប់​ខ្លួន​នាយករដ្ឋមន្ត្រី​អ៊ីស្រាអែល នេតាន់យ៉ាហ៊ូ តែម្តង។ ប៉ុន្តែ​អ៊ីស្រាអែល​បាន​បញ្ចេញ​ប្រតិកម្មច្រានចោល​ពាក្យ​រិះគន់​អាមេរិក ហើយ​ចាត់​ទុក​ប្រធានាធិបតី​តួកគី​ថាជា​ជន​ផ្តាច់ការរើងអើង​​អ៊ីស្រាអែល។ ហេតុ​អ្វី​បាន​ជា​តួកគី​និង​អ៊ីស្រាអែល​តាន​តឹង​នឹង​គ្នា​កាន់​តែ​ខ្លាំង​យ៉ាង​ដូច្នេះ?

អំពើ​ហិង្សា​នៅភាគ​ខាង​ត្បូង​ប្រទេស​ថៃ​ បាន​កំរើក​ឡើង​វិញ ដោយ​មាន​ការ​វាយប្រហារ​ដុតបំផ្លាញ​អគារសាធារណៈ​ ជាច្រើនកន្លែងប្រដាក់​គ្នា និង មានករណីប្លន់ប្រដាប់អាវុធ ដែរ។ េហតុការណ៍នេះកើតឡើង នាយប់ថ្ងៃសៅរ៍ ទី២២ សីហា នៅខេត្តណារា៉ធីវ៉ាត់ ខេត្តយ៉ាឡា និងខេត្តប៉ាតានី។ ភ្លាមៗនោះ អាជ្ញាធរមូលដ្ឋានបានចុះទៅដល់កន្លែងកើតហេតុ និងប្រកាសដាក់បម្រាមគោលចរ ក្នុងខេត្តទាំងបី រហូតដល់ម៉ោង ៦ព្រឹកថ្ងៃអាទិត្យ។

អង្គភាពប្រឆាំងអំពើពុករលួយ (ACU) នឹងបញ្ជូនលោក ថូ សំណាង អតីតអគ្គនាយកក្រសួងការបរទេស និងគ្នីគ្នា ២នាក់ទៀតទៅកាន់អយ្យការអមសាលាដំបូងរាជធានីភ្នំពេញ នៅរសៀលថ្ងៃអាទិត្យនេះ ពាក់ព័ន្ធការលួចបញ្ចេញសន្លឹកទិដ្ឋាការខុសច្បាប់យកទៅផ្តល់ឱ្យជនបរទេសប្រើប្រាស់ក្នុងប្រតិបត្តិការឆបោកតាមអនឡាញ។ នេះបើតាមអ្នកនាំពាក្យ ACU លោក សយ ចាន់វិចិត្រ ប្រាប់វិទ្យុបារាំងអន្តរជាតិ RFI នៅព្រឹកថ្ងៃទី២៣ ខែសីហា ឆ្នាំ២០២៦។

នៅថ្ងៃទី២២សីហា ឯកអគ្គរដ្ឋទូតចិនប្រចាំកម្ពុជា លោក វ៉ាង វិនពីន បានចុះទៅខេត្តបាត់ដំបងដើម្បីពិនិត្យមើលសក្តានុពលនៃវិស័យកសិ-ឧស្សាហកម្មរបស់ខេត្តនេះ។ បើតាមទីភ្នាក់ងារព័ត៌មាន AKP​ លោក វ៉ាង វិនពីន ត្រូវបានអមដំណើរដោយមន្ត្រីសំខាន់ៗរបស់កម្ពុជា រួមមានរដ្ឋមន្ត្រីក្រសួងឧស្សហកម្ម លោក ហែម វណ្ណឌី រដ្ឋមន្ត្រីក្រសួងយុត្តិធម៌ លោក កើត រិទ្ធ រដ្ឋមន្ត្រីក្រសួងធនធានទឹក លោក ថោ ជេដ្ឋា និងអភិបាលខេត្តបាត់ដំបង លោក សុខ លូ​ ព្រមទាំងមន្ត្រីពាក់ព័ន្ធផ្សេងទៀត។

គិតត្រឹមថ្ងៃទី២២ ខែសីហា ឆ្នាំ២០២៦នេះ ខេត្តស្ទឹងត្រែង ក្រចេះ ត្បូងឃ្មុំ និងកំពង់ចាមដែល​ស្ថិតនៅជាប់ដងទន្លេមេគង្គបាន និងកំពុងរងផលប៉ះពាល់ដោយសារជំនន់ទឹកភ្លៀង និងជំនន់ទន្លេមេគង្គ ដោយបាន​ប៉ះពាល់ដល់ពលរដ្ឋជាង​ ១ម៉ឺន​គ្រួសារ ក្នុងនោះ​១ ​៣០០គ្រួសារ ត្រូវបានជម្លៀសចេញទៅកាន់ទីទួលសុវត្ថិភាព។ អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយឱ្យដឹង​​នៅថ្ងៃទី​២៣សីហា​នេះ​​ ខេត្តក្រចេះត្រូវ​រងផលប៉ះពាល់ធ្ងន់ធ្ងរជាងគេក្នុងចំណោមខេត្តទាំង ៤។

ចំណូលពន្ធលើល្បែងស៊ីសងបានធា្លក់ចុះប្រមាណ ២៥.៨% ក្នុងរយៈពេល ៦ខែ ឆ្នាំ២០២៦ បើធៀបនឹង៦ខែកាលពីឆ្នាំ២០២៥។ ជាការកត់សម្គាល់ ការធ្លាក់ចុះនៃចំណូលពន្ធលើល្បែងស៊ីសងកើតឡើងនៅអំឡុងពេលដែលរដ្ឋាភិបាលកម្ពុជាកំពុងរឹតបន្តឹងច្បាប់លើកាស៊ីណូល្បែងស៊ីសង ដោយសារតែរកឃើញមានកាស៊ីណូមួយចំនួនពាក់ព័ន្ធនឹងឧក្រិដ្ឋកម្មឆបោកអនឡាញ។

មន្ត្រីកុងស៊ុលរបស់កម្ពុជាប្រចាំខេត្តស្រះកែវរបស់ថៃនឹងចូលជួបអាជ្ញាធរថៃម្តងទៀត ដើម្បីពិភាក្សាអំពីសេរីភាពរបស់អ្នកនេសាទខ្មែរ ៣នាក់ដែលអាជ្ញាធរថៃបានចាប់ខ្លួនកាលពីខែកុម្ភៈ ឆ្នាំ២០២៦។​ នេះបើតាមការបញ្ជាក់របស់អ្នកនាំពាក្យក្រសួងការបរទេសកម្ពុជា លោក ចាន់ រតនា នៅថ្ងៃ ទី ២៣សីហា ឆ្នាំ ២០២៦។

អាជ្ញាធរឥណ្ឌូណេស៊ីបានប្រកាស នៅថ្ងៃសៅរ៍ ទី២២ សីហា បញ្ជូនទាហានបន្ថែម ចំនួនប្រមាណ ១៥០០នាក់ ដើម្បីចូលរួមជួយទប់ទល់ ការរីករាលដាលនៃភ្លើងឆេះព្រៃ នៅលើកោះប័រណេអូ។ រដ្ឋាភិបាលឥណ្ឌូណេស៊ីក៏បានបញ្ជាក់ថា មហន្តរាយភ្លើងឆេះព្រៃបានបំផ្លាញព្រៃឈើជាច្រើនកន្លែង នៅលើកោះនេះ ហើយថែមទាំងបង្កជាផ្សែងភ្លើងក្រាស់ឃ្មឹក លាយឡំដោយល្អងផេះក្នុងបរិយាកាស។

កម្ពុជានឹងបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ នៅថ្ងៃទី៦ ខែមិថុនា ឆ្នាំ២០២៧។ ទន្ទឹមនឹងដំណើរឆ្ពោះទៅមុខនៃការបោះឆ្នោតថ្នាក់មូលដ្ឋាននេះ រដ្ឋសភាកម្ពុជាបានស្នើឲ្យ​​មានវិសោធន​កម្មច្បាប់​​ ស្តីពី​ការគ្រប់គ្រងរដ្ឋបាលឃុំ-សង្កាត់។ ជាសំណើដែលត្រូវបានគណ​បក្សប្រឆាំងខ្លះជំទាស់ ព្រោះពួកគេយល់ថា ការកែប្រែច្បាប់នេះនឹងធ្វើឲ្យគណបក្សនយោបាយដែលមានសំឡេងភាគច្រើនក្នុងការបោះឆ្នោតច្បាមយកអាសនៈជាមេឃុំ ចៅសង្កា​ត់ ឬជំទប់ទី១ និងទី២ជាដើម ខណៈគណបក្សមានសំឡេងបន្ទាប់នឹងបានតំណែងត្រឹមតែសមាជិកក្រុមប្រឹក្សាឃុំសង្កាត់ប៉ុណ្ណោះ។ តើការធ្វើវិសោនកម្មច្បាប់គ្រប់គ្រងរដ្ឋបាលឃុំ-សង្កាត់​ជាការពង្រឹងប្រសិទ្ធភាពការងារនៅរដ្ឋបាលថ្នាក់ក្រោមជាតិ ឬជាយុទ្ធសាស្ត្រប្រមូលផ្តុំអំណាចនៅថ្នាក់មូលដ្ឋាន?

រដ្ឋាភិបាលស៊ីរីបានប្រកាសស្នើសុំចូលរួមជាដៃគូអន្តរជាតិ ប្រឆាំងនឹងការប្រើប្រាស់អាវុធគីមី។ នៅក្នុងសេចក្តីថ្លែងការណ៍រួមជាមួយបារាំង នៅថ្ងៃសុក្រ ទី២១ សីហា ប្រទេសទាំងពីរ ស៊ីរីនិងបារាំងក៏បានបង្ហាញជំហំគាំទ្រ ដល់រាល់សកម្មភាពរបស់ អង្គការអន្តរជាតិ ប្រឆាំងនឹងការប្រើប្រាស់អាវុធគីមី ដើម្បីស្វែងការពិត ពាក់ព័ន្ធនឹងកម្មវិធីអាវុធគីមីរបស់អតីតប្រមុខដឹកនាំស៊ីរី លោក បាស្ហា អាល់អាសាដ ។

កាណាដា​មិនព្រមទទួល​យកលក្ខខណ្ឌរបស់​សហរដ្ឋ​​​អាមេរិក នៅក្នុង​ការចរចា​ចុងក្រោយ​  ដើម្បីបញ្ចៀសកុំ​ឱ្យ​ការ​​ដំឡើង​ពន្ធនាំចូល​៥០%អាច​ចូល​ជាធរមាន​នៅ​ថ្ងៃសៅរ៍​ទី ២២​សីហានេះទេ។ ​នាយករដ្ឋមន្ត្រី​កាណាដា ដែល​មាន​ជំហរ​នយោបាយ​យុទ្ធសាស្ត្រ​ស្វែងរក​ទីផ្សារ​ថ្មី ជ្រើសរើស​​ដំឡើង​ពន្ធ​នាំចូល​លើ​ផលិតផល​អាមេរិក​វិញ ឱ្យ​បានស្មើ​គ្នា។

បន្ទាប់​ពី​ចិន នៅ​ថ្ងៃ​សៅរ៍ទី ២២​សីហា​២០២៦​នេះ កូរ៉េខាងត្បូង​បាន​បញ្ជូន​នាវា​ដឹកទំនិញ​ដំបូង​របស់​ខ្លួន ទៅ​កាន់​អឺរ៉ុប ដោយ​ធ្វើ​ដំណើរ​តាម​ផ្លូវសមុទ្ទ​ខាង​ជើង ឆ្លង​កាត់មហាសមុទ្ទ​ទឹកកក​អាកទិកដែរ។ តើ​តំបន់​អាកទិក​កំពុងក្លាយ​ជា​ជម្រើសថ្មី នៃ​ចរាចរណ៍​ដឹកជញ្ជូន​ទំនិញ រវាង​អាស៊ីនិង​អឺរ៉ុប​ឬ?

លោក លិម ថូមាស សំណាង ដែលជាកូនប្រុស​របស់ លោក លិម គិមយ៉ា បាន​អំពាវនាវឲ្យលោកនាយករដ្ឋមន្ត្រី ហ៊ុន ម៉ាណែត អន្តរាគមន៍ចាប់ខ្លួនបុរស ២នាក់​ទៀត​ដែលគេជឿថាកំពុងស្នាក់នៅកម្ពុជា ដើម្បីយកទៅកាត់ទោស ពាក់ព័ន្ធនឹងឃាតកម្មលើអតីតតំណាងរាស្ត្រគណបក្សប្រឆាំង កាលពី២០​ខែមុន។ ការអំពាវនាវ​ជាថ្មីម្តងទៀត របស់លោក លិម ថូមាស សំណាង ធ្វើជាឡើងតាម​រយៈ​ហ្វេសប៊ុក​ផ្លូវការ​របស់លោក ក្នុង​ថ្ងៃទី២១ ខែសីហា ឆ្នាំ​២០២៦។

នៅ​ថ្ងៃទី២១ខែសីហាម្សិលមិញនេះ ស្ថាប័នរដ្ឋ និងអង្គការសង្គមស៊ីវិល បានរួមគ្នារៀបចំយុទ្ធនាការសាធារណៈស្ដីពី «សុវត្ថិភាពពេលធ្វើដំណើរតាមផ្លូវទឹក» នៅខេត្តកណ្តាល។ ជាយុទ្ធនាការដែលត្រូវបានរៀបចំឡើងដើម្បីបញ្រ្ជា​បការយល់ដឹងដល់ពលរដ្ឋ អំ​ពីវិធានការសុវត្ថិភាពក្នុងពេលធ្វើដំណើរតាមផ្លូវទឹក។ ចំណែក​អង្គការសុខភាពពិភពលោក (WHO) ដែលបាន​ចូលរួមយុទ្ធនាការនេះ ចាត់ទុកការលង់ទឹកគឺជាបញ្ហាសុខភាពសាធារណៈដែលកម្ពុជា​ត្រូវយកចិត្តទុកដាក់។

វៀតណាមនៅតែជាទីផ្សារទី​មួយ ក្នុងការផ្គត់ផ្គង់គ្រឿងសមុទ្រចូលមកកម្ពុជា។ បើតាមរបាយការណ៍របស់ក្រសួងពាណិជ្ជកម្ម ក្នុងរយៈពេល ៦ខែឆ្នាំ២០២៦ កម្ពុជាបាននាំចូលគ្រឿងសមុទ្រពីវៀតណាម ជិត ៤ម៉ឺនតោន។

ក្រសួងការបរទេសកម្ពុជា នៅថ្ងៃទី២២ ខែសីហា ឆ្នាំ២០២៦ បានប្រកាស​តវ៉ាសកម្មភាពបំពាន​របស់កងកម្លាំងថៃ ​ក្នុងខេត្តឧត្តរមានជ័យ និងខេត្តព្រះវិហារ ដោយការ​​​​បន្តសាងសង់ផ្លូវ និង​ជីក​​លេណដ្ឋានយោធាខុសច្បាប់។ ​កម្ពុជាចាត់ទុកសកម្មភាពទាំងនេះជា​ការរំលោភលើអធិបតេយ្យ និងបូរណភាពទឹកដីរបស់ខ្លួន ដោយ​អំពាវនាវឱ្យថៃបញ្ឈប់សកម្មភាពជាបន្ទាន់។

អ៊ីស្រាអែល​នឹង​រៀបចំការបោះឆ្នោតសភា នៅថ្ងៃទី​២៧តុលា។ គេរំពឹងថា ការបោះឆ្នោត​លើកនេះ​នឹងមានអ្នកចូលរួមបោះឆ្នោតច្រើនជាងលើកមុនៗ បន្ទាប់ពីមានការអំពាវនាវ​យ៉ាងភ្លូកទឹកភ្លូកដី​ពី​គណបក្ស​ប្រឆាំង និង​គណបក្ស​ឯករាជ្យមួយចំនួនដែល​ប្រាថ្នា​ចង់​ឲ្យមានការផ្លាស់ប្តូរ នៅ​អ៊ីស្រាអែល។ ប្រជាជន​អ៊ីស្រាអែល​ជាច្រើន​ដែលរស់នៅទឹកដីបរទេស​​បាន​អះអាង ពួកគេ​បាន​ទិញ​សំបុត្រ​យន្តហោះរួចហើយដើម្បីត្រលប់​ទៅបោះឆ្នោត នៅអ៊ីស្រាអែល។ គោលបំណងធំរបស់ពួកគេគឺធ្វើយ៉ាងណា​រារាំង​កុំ​ឲ្យ​ក្រុមអភិរក្ស ស្តាំនិយមជ្រុល​ និង​នាយករដ្ឋមន្រ្តី​ផុតអាណត្តិ​ បេនចាមីន​ នេតាន់យ៉ាហ៊ូ​ឈ្នះឆ្នោត និងប្រើអំណាចរុញច្រាន​អ៊ីស្រាអែលទៅក្នុង​ភ្នក់ភ្លើងសង្រ្គាម​តទៅទៀត។

ជំងឺរាតត្បាត​អេបូឡា បាន​សម្លាប់​ជីវិត​មនុស្ស​អស់​ជាង​២៥០០នាក់​ហើយ នៅ​សាធារណរដ្ឋ​ប្រជាធិបតេយ្យ​កុងហ្កោ និង​កំពុង​បន្ត​សកម្មភាព​ចម្លង​រាតត្បាត​យ៉ាងលឿន ហើយ​ច្រើន​ឡើងៗ ហួស​ការ​ស្មាន​ឆ្ងាយណាស់។ នេះបើ​តាម​សេចក្តី​ប្រកាស​របស់​អ្នកទទួល​ខុស​ត្រូវ​ផ្នែក​សម្របសម្រួល​ជំងឺអេបូឡា​ប្រចាំអង្គការ​សហប្រជាជាតិ នៅថ្ងៃសុក្រទី ២១​សីហា​២០២៦។

នៅក្នុងពិធីសំណេះសំណាលជាមួយអាចារ្យ កាលពីថ្ងៃទី១៩ ខែសីហា ឆ្នាំ២០២៦ លោកនាយករដ្ឋមន្ត្រី ហ៊ុន ម៉ាណែត បានប្រកាសស្វាគមន៍រាល់អ្នកនយោបាយ រួមទាំងបញ្ញវន្តខ្មែរគ្រប់និន្នាការឲ្យចូលរួមជួយជាតិ ទោះបីមិនចូលរួមជាមួយនឹងគណបក្សប្រជាជនកម្ពុជាក៏ដោយ។ ប៉ុន្តែលោក ហ៊ុន ម៉ាណែត បានទាមទារឲ្យមានឆន្ទៈពិតប្រាកដរបស់អ្នកទាំងនោះ តាមរយៈវប្បធម៌សន្ទនាដោយគុណធម៌ និងការគោរពគ្នាទៅវិញទៅមក។ ជុំវិញការលើកឡើងរបស់ប្រមុខរដ្ឋាភិបាលកម្ពុជាដូចនេះ អ្នកនយោបាយខ្មែរ ដែលមាននិន្នាការផ្សេងៗខ្លះ ចាត់ទុកថាជាវប្បធម៌សន្ទនាមួយដ៏ល្អមួយ តែអ្នកខ្លះទៀតថា ខ្វះភាពស្មោះត្រង់។

ដោយអះអាង​ថា​​​អ៊ីរ៉ង់​មានប្រៀបជាងនៅ​​លើសមរភូមិ ប្រមុខរដ្ឋ​​អ៊ីរ៉ង់បាន​ដាស់តឿន អាមេរិក ថា​ដល់​ពេល​បញ្ចប់​សង្គ្រាម​​​។ ការប្រកាស​របស់ប្រធានាធិបតី​អ៊ីរ៉ង់បែប​នេះ ធ្វើឡើង​ស្របពេល​ដែល​ រដ្ឋាភិបាល​របស់​លោក ដូណាល់ ត្រាំ បានប្រកាស​​ដាក់សម្ពាធសេដ្ឋកិច្ច​និង​ទណ្ឌកម្មថ្មី​ៗ​បន្ថែមទៀត លើ​អ៊ីរ៉ង់។ ចំពោះ​ចិន ទណ្ឌកម្ម​អាមេរិកលើអ៊ីរ៉ង់ ពុំមែនជា​ដំណោះស្រាយ​ទេ។​  

​សកម្មជន​ប្រជាធិបតេយ្យ​ហុងកុង​ពីរ​នាក់ ត្រូវ​បានតុលាការ​ហុងកុងប្រកាស​រកឃើញ​នៅថ្ងៃសុក្រទី​២១​សីហានេះ ​ថា​មាន​ទោស​កំហុស​ពីបទ​ “ញុះញង់​ធ្វើវិទ្ធង្សនា”​ តាម​រយៈ​សកម្មភាព​​​​រៀប​ចំពិធី​រំឭកព្រឹត្តិការណ៍​បង្ក្រាប​នៅទីលាន​ធានអានមិន។ សាលក្រម​ដាក់​ទោស​ នឹង​ត្រូវ​ប្រកាស​នៅ​ពេល​ក្រោយ។

នៅថ្ងៃ​សុក្រទី២១​ ខែ​សីហា​ ឆ្នាំ​២០២៦នេះ គណ​បក្សកម្លាំង​ជាតិបាន​ស្នើសុំ​​ឱ្យ​រដ្ឋ​សភា​កម្ពុជា​ពិចារណា​ សើ​រើ​សេចក្តី​ព្រាង​ធ្វើ​វិសោធនកម្មច្បាប់គ្រប់គ្រងរដ្ឋបាលឃុំ-សង្កាត់ឡើង​វិញ ក្នុងហេតុផល​ថា​ ច្បាប់​ថ្មី​នឹង​ធ្វើ​ឱ្យ​ប៉ះពាល់​ដល់​តម្លាភាព ​​និង​​ដំណើរការ​វិមជ្ឈការនៅកម្ពុជា។ ចំពោះ​គណបក្ស​ក្រៅរដ្ឋាភិបាល​មួយ​នេះ ​​ព្រឹទ្ធសភា និង​ក្រុម​ប្រឹក្សា​ធម្ម​នុញ្ញ ​ត្រូវ​ផ្អាក​អនុម័ត​សេចក្តី​ព្រាង​វិសោធនកម្ម​ច្បាប់នេះ​ ដោយរក្សា​ទុក​ច្បាប់​ចាស់​ឱ្យ​នៅ​ដដែល​។​ 

ប្រមុខ​ការទូត​ចិន និង រដ្ឋមន្ត្រីការពារជាតិ​ចិន បាន​បំពេញ​ទស្សនកិច្ច​នៅ​ក្រុង​ហ្សាការតា ដើម្បី​បើកកិច្ចចរចាឈាន​ទៅ​ពង្រឹង​កិច្ចសហការ​ទ្វេភាគីជាមួយ​ឥណ្ឌូណេស៊ី។​ ក្រសួង​ការបរទេសនៃ​ប្រទេស​ទាំង២​ បញ្ជាក់ព្រម​គ្នា​ថា កិច្ចពិភាក្សា​ថ្នាក់​រដ្ឋមន្ត្រី​នេះ ​​ផ្តោតជាចម្បងទៅ​​លើវិស័យ​​សន្តិសុខ និង​សហប្រតិបត្តិការ​ផ្នែក​ការពារជាតិ​។​

អង្គភាពប្រឆាំងអំពើពុករលួយ (ACU) កំពុងសាកសួរ និងស៊ើបអង្កេតលោក ថូ សំណាង មន្ត្រីក្រសួងការបរទេស ពាក់ព័ន្ធនឹងបទល្មើសឆបោកតាមប្រព័ន្ធអនឡាញ និងការប្រើប្រាស់សន្លឹកទិដ្ឋាការប្រភេទ C និង Cex ជាង ៦ពាន់សន្លឹកដោយខុសច្បាប់។ នេះបើតាមការបញ្ជាក់របស់អ្នកនាំពាក្យ ACU លោក សយ ចាន់វិចិត្រ នៅព្រឹកថ្ងៃទី២១ ខែសីហា ឆ្នាំ២០២៦ និងថា ACU កំពុងតាមស្វែងរកសន្លឹកទិដ្ឋាការជាង៤ពាន់បន្ថែមទៀត ដែលលោក ថូ សំណាង អះអាងថា បានកម្ទេចចោល។

លោក វ៉ាង វិនពីន (Wang Wen Bin) ឯកអគ្គរដ្ឋទូតចិនប្រចាំកម្ពុជា នៅថ្ងៃទី​២០សីហា​ម្សិលមិញនេះ បានអះអាងថា ស្ថានទូតចិនមិនបានបញ្ជូនបុគ្គលិកណាម្នាក់ អមដំណើរម្ចាស់សណ្ឋាគារ Heng Fang ដែលជាជនជាតិចិន ទៅកាន់តំបន់ព្រំដែនថ្មដា ដូចការចុះផ្សាយរបស់សារព័ត៌មាននោះទេ។ ​លោក​ឯកអគ្គរដ្ឋទូតចិនបាន​ស្នើឱ្យ​ប្រព័ន្ធផ្សព្វផ្សាយផ្ទៀងផ្ទាត់ព័ត៌មាន​​ឱ្យបានត្រឹមត្រូវ មុននឹង​ចុះផ្សាយ​។

ថ្លែងនៅ​ក្នុង​ទិវាជាតិអន្តរសាសនាប្រឆាំងការជួញដូរមនុស្សថ្ងៃ​ទី​២០សីហា ឆ្នាំ២០២៦ លោក​ ស​ សុខា​ រដ្ឋ​មន្ត្រីក្រសួង​មហាផ្ទៃ​បាន​បង្ហើប​ថា​ អង្គភាពប្រឆាំងអំពើពុករលួយកំពុង​ស្រាវជ្រាវ​​មន្ត្រីចំនួន​ ៤​រូប​ពាក់​ព័ន្ធនឹង​ការ​អនុវត្ត​គម្រោង​មូល​និធិឃុំ​-សង្កាត់​​។ ការ​បញ្ជាក់​របស់​លោក​រដ្ឋ​មន្ត្រីក្រសួង​មហាផ្ទៃ គឺ​បន្ទាប់​ពី​ រដ្ឋបាលខេត្តកំពង់ឆ្នាំង​ដកតំណែងមន្ត្រី ២រូប​​ក្នុង​ខេត្ត​កំពង់ឆ្នាំង ជុំវិញការចំណាយថវិកាសម្រាប់បង្គោលភ្លើងសូឡា ក្នុងតម្លៃ ៨លាន​រៀល ឬ​ ២០០០ដុល្លារកាល​ពីពេល​ថ្មី​ៗ។ 

​ព្រះមហាក្សត្រកម្ពុជា ព្រះបាទសម្តេចព្រះបរមនាថ នរោត្តម សីហមុនី មានព្រះរាជបន្ទូល​​បញ្ជាក់ថា «​វិមាន​សាមគ្គី» នៃ​​ព្រឹទ្ធសភាកម្ពុជាថ្មី​​ គឺជានិមិត្តរូប​​នៃការតភ្ជាប់​​មោទនភាព​បច្ចុប្បន្នទៅនឹងភាពថ្កុំថ្កើងរបស់មហាអាណាចក្រខ្មែរ​នាពេលអតីតកាល។ អតីតកាល​ដែលព្រះអង្គបន្តព្រះរាជបន្ទូលថា ​មាន​អរិយធម៌​ចំណាស់​ត្រចះត្រចង់ ឧត្តុងឧត្តម ​និងមានកិត្យានុភាពល្បីរន្ទឺក្នុងតំបន់ និងនៅលើសកលលោក។ សម្រាប់ព្រះមហាក្សត្រ កម្ពុជា​​​បាន​​អភិវឌ្ឍ រីកចម្រើន​ជាលំដាប់ និងបានផ្លាស់ប្តូរមុខមាត់ថ្មីគួរជាទីមោទនៈ​​សព្វថ្ងៃនេះ ​​គឺមកពី​កម្ពុជា​មានមហាសាមគ្គីជាតិជាធ្លុងមួយ កំណើនសេដ្ឋកិច្ចខ្ពស់​ជាប់មិនដាច់ នារយៈពេល ២​ទសវត្សរ៍ ​​ដែលពុំធ្លាប់មាននៅក្នុងប្រវត្តិសាស្ត្រ​​​ទំនើបរបស់កម្ពុជា។ សូមស្តាប់ព្រះរាជបន្ទូល​របស់​​​ព្រះមហាក្សត្រកម្ពុជា ព្រះបាទសម្តេចព្រះបរមនាថ នរោត្តម សីហមុនី៖ ​

ការធ្វើឌីជីថលូបនីយកម្មឯកសារចាស់ៗ គឺជាការបម្លែងឯកសារដុំហ្វីល ឬកាសែត ឱ្យទៅជាទម្រង់ឯកសារឌីជីថល ដើម្បីងាយស្រួលរក្សាទុក ស្វែងរក និងការពារកុំឱ្យខូចខាតបាត់បង់។ អ្នកជំនាញសង្គ្រោះឯកសារនៅមជ្ឈមណ្ឌល​បុប្ផាណា បានលើកឡើងថា ការថែរក្សាដុំហ្វីល និងសម្ភារៈបណ្ណាសារផ្សេងៗឱ្យបានត្រឹមត្រូវ មានសារៈសំខាន់ដើម្បីរក្សាតម្លៃប្រវត្តិសាស្ត្រ អនុស្សាវរីយ៍ និងរឿងរ៉ាវរបស់កម្ពុជា សម្រាប់​ផ្ទេរបន្តទៅឲ្យមនុស្សជំនាន់ក្រោយ។