លោក ស សុខា ព្រមានបណ្តេញចេញពីក្របខណ្ឌ រាល់មន្ត្រីក្រសួងមហាផ្ទៃ ដែលស្រវឹងហើយបើកបរបង្កគ្រោះថ្នាក់
newsare.net
អ្នកនាំពាក្យរងក្រសួងមហាផ្ទៃលោក ទូច សុឃៈ បានថ្លែងឲ្យដឹងថា មន្ត្រីទាំងបីប្រភេទរបស់ក្រសួងមហាលោក ស សុខា ព្រមានបណ្តេញចេញពីក្របខណ្ឌ រាល់មន្ត្រីក្រសួងមហាផ្ទៃ ដែលស្រវឹងហើយបើកបរបង្កគ្រោះថ្នាក់
អ្នកនាំពាក្យរងក្រសួងមហាផ្ទៃលោក ទូច សុឃៈ បានថ្លែងឲ្យដឹងថា មន្ត្រីទាំងបីប្រភេទរបស់ក្រសួងមហាផ្ទៃ នឹងត្រូវបណ្តេញចេញពីក្របខណ្ឌក្រសួងប្រសិនបើពួកគេបើកបរក្រោមឥទ្ធិពលនៃជាតិស្រវឹង ហើយបង្កគ្រោះថ្នាក់ចរាចរណ៍ ឬបង្ករឿងជាមួយអ្នកដទៃ។ ការបញ្ជាក់របស់អ្នកនាំពាក្យរូបនេះ គឺផ្តើមចេញពីការលើកឡើងរបស់លោក ស សុខា រដ្ឋមន្ត្រីក្រសួងមហាផ្ទៃនៅក្នុងកិច្ចប្រជុំមួយ នៅថ្ងៃពុធទី២៦ ខែសីហានេះ ស្តីពីការងារចុះពិនិត្យតាមប៉ុស្តិ៍នគរបាលរដ្ឋបាល និងការងារត្រៀមសម្រាប់កិច្ចប្រជុំកំពូលហ្វ្រង់កូហ្វូនីលើកទី២០ ឆ្នាំ២០២៦។ ជាការកត់សម្គាល់ កន្លងមកតែងកើតមានជារឿយៗ មន្ត្រីរាជការស៊ីវិល និងកងកម្លាំងប្រដាប់អាវុធ ដែលបានបើកបរក្នុងស្ថានភាពស្រវឹង ហើយបង្កគ្រោះថ្នាក់ចរាចរណ៍នៅតាមដងផ្លូវ។ គ្រោះថ្នាក់ចរាចរណ៍ទាំងនោះបានទាក់ទាញការរិះគន់ខ្លាំងពីមហាជន ជាពិសេសនៅតាមបណ្តាញសង្គម ទាក់ទងទៅនឹងភាពជាគំរូរបស់មន្ត្រី ឬសមត្ថកិច្ច ចំពោះប្រជាពលរដ្ឋទូទាំងប្រទេស Read more
