Siumut Nalerarlu Avannaata Kommuniani suleqatigiinnissamut isumaqatigiillutik atsioqatigeeqqammerput.
Sisimiuni nuna tallimanngornerup unnuaani sajuttoq, arlallit Facebookimi allapput.
USA-p soqutigisani illersorniarpai, «qanoq pisoqaraluarpalluunnit», USA-p vicepræsidentia Kalaallit Nunaannut tikeraareerluni oqarpoq.
Kommunimut qinersinermi taasinerit kisinneqarsimalerput. Nunatsinnilu kommunit allaffiini isumaqatiginninniarnerit aallarteruttorput. Partiilliuku qanorpiaq angusaqartut.
Namminersorlutik oqartussat namminneerlutik akissaqalernissaasa tungaanut nunatsinni piginnaanngorsaasoqassaaq. Siunnersuut Folketingimi nalinginnaasumik taperserneqarpoq.
Inuit Ataqatigiit Siumullu akornanni marloriarluni ataatsimeeqatigiittoqareersorlu IA kommunalbestyrelsimut isumaqatiginninniarnermit tunuarpoq.
Atassut Avannaata Kommuniani Siumumik suleqateqarnianngilaq. Naleraq, Siumut pissaaneqaqatigilerlugu amerlanerussusiisinnaavoq.
Issittumi sillimaniarneq, nunat killiit illersoqatigiiffiata NATO-p qullersaata Mark Ruttep oqallisigerusuppaa, nunallu NATO-mut ilaasortat nunanut allanut tunngasunut ministeriisa Bruxellesimi ullumi ataatsimiinneranni tamanna pisinnaassagunarpoq. Kalaallit Nunaalli oqallisigisassanut ilaanngilaq.
Palle Jerimiassen Avannaata Kommuniani qinigaaffimmi kingullermi borgmesteriusoq marlunngornermi qinersinermi qinigaagaluarpoq. Politikkimili suliunnaarniarnini Facebookimi qinersiviit matuneranniit akunnialuit qaangiuttullu allappoq.
Namminiilivinnissaq piffissami kingullermi oqallisaaqaaq. Naalakkersuisussatulli innersuussat tallimanngornermi saqqummiunneqarmata namminiilivinnissaq eqqaaneqanngilaq. Namminiivinissamullu naalakkersuisoqarfik aamma siunnersuutigineqanngilaq.
Kalaallit Nunaata USA-mut niueruteqarnera ima annikitsigaaq, akitsuutit «killilerujummik» sunniuteqassallutik, pisortaq oqarpoq.
Danskit ministeriunerat USA-p præsidentianut ersarilluinnartumik nalunaaruteqarpoq. Nunat allat naalagaaffimmut ilanngutitinneqarsinnaanngillat, taanna umiarsuarmi alapernaarsuummi Vædderenimi tusagassiortunik naatsumik katersortitsinermini oqarpoq.
Kalaallit Nunaat nunat avannarliit ilaqutariivinut pingaaruteqartumik ilaasoq, Nunat Avannarliit Siunnersuisoqatigiivi oqarput.
Qeqqata Kommunia Sisimiullu qimallugit illoqarfimmut kommunimullu allamut maanna nuuttussanngorpoq.
Kommune Kujalleq nutaamik aqutsisoqalissaaq. Malene Vahl Rasmussenip anguniakkani erseqqissumik suli oqaatiginngilaa, kommunimili aaqqissuinissaq neriorsuutigaa.
Tusagassiorfik naapertorlugu Kalaallit Nunaannut piginninnermut atatillugu aningaasartuutigineqartussat Det Hvide Husep misissuleruttorpaat.
Ministeriuneq Nuummut tikippoq. Naak Siumumi Atassummilu siulittaasut ministeriunerup tikeraarnissaata piffissalerneqarnera isornartorsioraluaraat tamanna pivoq. Taannali nunatsinnut piffissami ilungersunartumi tapersersuiartorluni maaniippoq.
Inatsisartunut qinersinerup kinguninngua Kommunimut qinersinerup, inuiaat qinersivinnukartinniarsissaannut ajornakusoorsimasoq, naliliisartoq oqarpoq.
Kommunimut qinersineq naammassivoq, kommunillu tallimat ilaat unnummut tupaallannartoqarput. Siumut partiini annerpaalerpoq, Demokraatit annerpaat tulliat Inuit Ataqatigiillu pingajuattut inissilluni. Tamakkiisumik isigalugu inernera uani paasisaqarfigiuk.
Nunarput tamakkerlugu qinersinermi kisitsisit maanna kisinneqaleruttorput. Kommuni Kujallermilu Demokraatit siuariarujussuartut IA borgmesteriugallartorlu kinguariarujussuartut.
Ukiut sisamat matuma siorna 410-nit taaguunneqarsimasoq maannakkut 80-init taaguunneqarpoq. Borgmesteri, Stine Egede Qaqortumi borgmesterip allaffianit aniartortussaarpasippoq.
Nunatsinni tamarmi qinersinermi kisitsisit maanna kisinneqaleruttorput. Nuummit kisitsisit kisinneqaqqammerluinnarput, tassanilu Siumut IA-lu nalingiipput. Tamannalu qaqutigoortuuvoq.
Danmarkip nunattalu suleqatigiinnerat ullumikkut pitsaasumik inissisimasoq, Jens-Frederik Nielsen oqarpoq.
Kommuninut ullumi qinersisoqarpoq, qineqqusaartullu pisarnermit tunuarsimaarnerusimapput. Pissaaneqarniunnerilli, aningaasatigullu aqutsinerliornerit borgmesterillu ajornartorsiortut ukioq manna oqaluuserineqarput.
Kalaallit Nunaata Alaska ilaliutsikkusuppaa. Tamatuminnga piviusunngortitsiniarniarnermi imigassamut, tupamut, nioqqutissanullu sukkulinnut akitsuutit malunnaatilimmik qaffanneqassapput.
Sinerissatsinni kommuninut qinersinerit aallartipput, partiit naggammik qinersisissaminnik ulapputileruttortut sila issikujukkaluartoq innuttaasut qinersiartorput.
KNR-ip sumi qinersisinnaanersut, kina qinersisinnaatitaanersoq suullu ullormi qinersivimmi eqqumaffigissaneritit ataatsimoortumik isigalugit takusassiarai.
Naalakkersuisunngortussani isumaqatigiinnginneq siulleq pinngorpoq. Vivian Motzfeldtip danskit ministeriunerata tikeraarnissaa naleqqutinngissorigaa, Jens Frederik Nielsen tikilluaqqusivoq.
Angallannikkut periarfissat ilaasortassallu pillugit misissuinerit peqqutaallutik siusinnerususinnaanngitsoq, sivisunerpaamik ilaasortalersoq ilisimatitsivoq.
USA-mik suleqateqarneq nunamik killuussisutut oqaatigineqarsinnaanersoq pillugu isummersorneq inoqutinut attaveqaatitigut ingerlaartinneqarsimavoq. Tamanna amerikamiut præsidentiata sulisumi Kalaallit Nunaannut qaaqquneqarsimaneranik oqaaseqarneranik tunuliaqutaqarpoq.
Kommune Kujallermi aningaasaqarneq “tupinnartoq”, akuersissummik tunineqaqqaarnani aningaasanik atuineq aamma isumaginninnermut tunngasuni suliat arlallit kukkuneqartut. Borgmesterip akissuteqarfigerusunngisai tusagassiutillu qinersinermut sunniuteqarnerarai.
Donald Trumpip nunatsinnik tiguserusunneranut atatillugu amerikamiut Københavnimi aallartitaqarfiata saani arfininngormat akerliussutsimik takutitsisoqarpoq.
Sulorarluni arlaleriarluni kuultinnattarnini ilisimaneqaatigaa. Jens-Frederik Nielseniliuna kinaasoq? Nunatsinni naalakkersuisut siulittaasoriligaannik ilisimannilluartut pingasut KNR-ip oqaloqatigai.
Taama ministeriuneq tusagassiorfinnut nalunaaruteqarpoq. Taassuma Naalakkersuisut aamma siulittaasussaat Jens-Frederik Nielsen ataatsimeeqatigissavai.
Amerikamiut aallartitaasa assit nuanninngitsut aarleqqutigigamikkit pilersaarutitik allanngortippaat. USA-lli nunatsinnut soqutiginninneranik allannguinngilaq. Allatulli kimigiisertoqalernissaa immikkut ilisimasallit ilimagaat.
