Naatsorsueqqissaartarfik naapertorlugu, angutit agguaqatigiissillugu isertitaat arnaniit amerlanerujussuujuarsinnarput. KNR-imiit inuit aqqusinermi naapitatik akissarsiat nikinganerat pillugu qanoq isumaqarnersut apersorpaat.

Angajoqqaap illuatungiliuttullu Attumi meeqqerivimmi meeqqat nerisaqartinneqarnerata siipaarniarfigineqarnerat isornartorsiorpaat. Isornartorsiuineq Kommune Qeqertalimmi borgmesterip ilisarinngilaa, meeqqammi politikkikkut sipaarfigineqanngitsut taanna oqarpoq.

Demokraatineersup Zohran Mamdanip illoqarfimmi akeqanngitsumik bussersinnaaneq meeqqanullu paaqqinnittarfiit akeqanngitsut pingaarnertut qineqqusaarutigai.

Erniat appariaateqarneri arfineq-marluk sullitallu amerlanerit kontominni aningaasaateqartut Bankiviup naatsorsuutaanut siuariaateqartitsisut – siuariartornerulli kigaallannissaa siunissami naatsorsuutigineqarpoq.

Ajutoortoqartillugu pilersuutit Aasianni innaallagissamik pilersuinerup qaminnganerani tamaviaarput. Teknikkeqarnermi pisortap nunatsinni sumiiffinni arlalinni ajutoortoqartillugu pilersuutinik nutaanik pilersuinissaq pilersaarutaasoq saqqummiuppaa, maannakkummi atuuttut nungullarsimapput.

Nunatsinni politiitut atorfeqartut atorfeqarsimasullu pisut sakkortuut, sulerulunnerup inuiaqatigiinnilu avinngarusimasuniinnerup kingunerinerisaanik tarnikkut kingunerluuteqartut, Thin Blue Line Denmarkimit misissuinerup nutaap takutippaa.

NRK naapertorlugu Norgemi uuliasiornermut aningaasaateqarfik Teslap pisortaata Elon Muskip akissarsiaanut 2018-imi 2024-milu akerliulluni taasisimavoq.

Naalakkersuisut iluminni isumaqatigiinngitsoqannginnerarpaat, isumaqatigiissutilli immikkoortuata aappaa Inatsisartuni taasissutigineqassanersoq erseqqissumik akissuteqarfiginagu.

Aasianni ataasinngornermi unnukkut ikuallanneq ullumi marlunngornermi misissoqqissaarneqassasoq, Kalaallit Nunaanni Politiit nalunaarput.

Aasianni ikuallattoqarnera eqqaassanngikkaanni, ullup unnuallu ingerlanerani aserorterisoqarsimanera, tillinniartoqarsimanera, sikkiliisivimmullu iserterluni tillinniartoqarsimanera Kalaallit Nunaata Politiivinit pingaanertut taaneqarput.

Ikuallattoq qaminneqareersoq, Kalaallit Nunaanni Politiit paasissutissiipput, illoqarfiulli ilaa suli innaallagiaqanngilaq, katersortarfillu tamanut ammatinneqartoq kommune paasissutissiivoq.

Aasiaat ataasinngornermi unnukkut innaallagiaqanngilaq, illoqarfimmilu ikuallattoqarluni. Ikuallattoq maanna qaminneqarpoq, sulili pujuliungaatsiarluni, Kalaallit Nunaanni Politiit paasissutissiipput.

Kalaallit filmiliaat naatsoq Entropy allanit aamma nuannarineqarluarpoq, filmfestivalimilu filminik silap pissusianik, avatangiisinik oqaluttuanillu inuppalaartunik pingaartitsiffiusumi, Tulum We-mi, pingasunik nersornaatisivoq.

Aarhusimi Aalborgimilu Kalaallit Illuutaat kommuninut qinersisoqarnissaa sioqqullugu marlunngornermi qinersinissamut oqallinnissamut qaaqqusipput, tassani oqalutsissaaleqineq aamma kalaallisut oqaatsinik ilinniartitsineq ilaatigut oqallisigineqassallutik.

Nunatsinni angutit arnanit akissarsiaqarnerunerat ajornartorsiutaangaatsiartoq, Naligiissitaanermut Siunnersuisoqatigiit isumaqarput. Arnat suliffiginerusartakkaminni akissarsiakinnerungaatsiarnerat pissutaasut ilagaat.

Afghanistanip avannaani nunap sajunnera pissutaalluni ajunaartut amerliartorput. Inuit 320-t aqqunarput.

SIK-p 24-ssaannik ataatsimeersuarneranni Ilulissani ingerlanneqartumi, Jess G. Berthelsen siulittaasutut qinigaaqqippoq. Maanna ukiuni 35-ni taama atorfeqarsimavoq. Tamatuma saniatigut nunani tamalaani toqqissisimannginnerujartuinnartoqarnerani nunatsinni ataatsimoornissaq, kattuffiup kaammattuutigaa.

Qinngorpumi Pisiffimmi cigaretinik karsinik tillittoqarpoq. Politiit pasisaqarput, takunnissimasulli sianernissaat kaammattuutigaat.

Kommuneqarfik Sermersuumi inuusuttut 39-t inersimasutut nammineerlunitik inuunissamut ukiumi kingullermi ikiorneqarput, arlallillu maanna suliffeqarput, ilinnialersimallutik namminnerluunniit ineqarlutik.

Pigaartut pisortaata ajutoortoqannginnerani eqqarsartoqarlunilu mianersortoqarnissaa kaammattuutigaa.

Qaammatini arfinilinni sakkortuumik sungiusarlutillu ataqatigiinnermik ilinniareerlutik inuusuttut 28-t Issittumi tunngaviusumik ilinniarneq sapaatit akunnerata massuma ingerlanerani naammassivaat, allagartartaartinneqarlutillu. Amerlanerilli ilinniarnertik naammassiinnanngilaat, allagartartaarnerammi ilinniarfinnut allanut ammaassivoq.

Pub Nuanimi savimmik kapisisoqarnerata kingorna angut allanut aarlerinartoq eqqartuussiviup aalajangerpaa – angullu piffissami killiligaanngitsumi paarineqartussanngortinneqarpoq.

Innuttaasut kræftimik napparsimasunut tapersersuingaatsiarnerik takuteqqippaat. Tapiissuteqarnerit tamarmik nalunaarsorneqarunik siorna katersat qaangerneqaratarsinnaapput.

Qimuttumik takuniaagit, USA-p Kalaallit Nunaannik soqutiginninnera pillugu paasisaqarnerulerit, Islandimiulluunniit nipilersugaannik tusarnaarlutit. Issittumi sumiiffinni assigiinngitsuni allanngoriartupiloornerit Arktisk Festivalimi aqagu aallartittussami pingaarnertut sammineqassapput.

Greenland Airportsimi teknikkeqarnermut pisortaq, Mike Kristiansen timmisartuutileqatigiiffimmi aqutsisuniikkunnarpoq.

Kalaallit Nunaat, Savalimmiut Ålandilu Nunat Avannarliit Siunnersuisoqatigiivisa qullersaanni aalajangersimasumik inissisimaffeqalerput - tamakkiisumilli ilaasortanngornissap anguneqarnissaata tungaanut peqataannginnissaq nunatsinniit aalajangiusimaneqarpoq.

Atuarfik Samuel Kleinschmidtimi oqummik nassaartoqarnerata kingorna atuarfik suli matoqqavoq. Borgmesterip atuarfiit pisortaasa aamma Meeqqanut Atuarfeqarfinnullu Ingerlatsiviup akornanni atuartitsinerup qulakkeerneqarnissaa qanimut suleqatigiissutigigaat ingerlaavartumillu aserfallatsaaliuisoqartarsimasoq oqaatigaa.

Politiit aamma ajutoortoqarsimatillugu misissuisartut, timmisartup Sermitsiami ajutoornerata kingorna, timmisartoq qanilliniarlugu qanimut oqaloqatigiipput. Sisamanngornermilu silaannarmiit qanillattorneqarnerulaarpoq.

Ullumimiit tuttunniartoqarsinnaajunnaassaaq, inuussutissarsiutigalugu piniartut aamma sunngiffimmi pinialuttartut 2025-mi pisanik nalunaaruteqarsimasut kisimik 2026-mi akuersissutinik qinnuteqarsinnaassapput, piffissaliussap piniarfiusup naareerneranit pisanik nalunaaruteqarnissamut ullut 14-it periarfissaallutik.

Aalisarneq pillugu inatsit nutaaq januaarip aallaqqaataani 2025-mi atulerpoq. Inatsit atulermat sinerissap qanittuani qaleralinniartut pisassiissutigineqartunit niuersinnaatitaalerput, tamannalu tunngavigalugu pisassiissutigineqartunit niuertoqarluarpoq.

Atuakkiortoq Hans Anthon Lynge marlunngormat 80-inik ukioqarluni toqulluni qimaguppoq. Taanna atuakkiortuni kinguaariinni kingullerni pingaarnerit ilagigaat, atuagassiami Kalaalermi siulersuisut siulittaasuat, Aqqaluk Lynge, allappoq.

Aalisarnermut inatsip nutaap 2025-mi januaarip aallaqqaataani atuutilernerata kingorna sinerissap qanittuani qaleralinniarnermut pisassiissutinik tunisinerit ingerlapput.

Isumaginninnermut, Suliffeqarnermut Nunamullu Namminermut Naalakkersuisoqarfik pisortamik nutaamik atorfinitsitsivoq. Mikael Mansi Rasmussen Kommune Qeqertalimmi atorfeqartoq toqqarneqarpoq.

Immikkoortortaqarfiup immikkut ittup kalaallit oqaasiinik piorsarsimassutsianullu tunngasunik immikkut ilisimasaqarfiusup, ukiup ataatsip qaammatillu arfinillit ingerlaneranni suliat inissiiniarnermut tunngasut 315-it suliarissallugit naatsorsuutigisimavaa. Danskilli kommuuniinit suliat 21-t, immikkoortortaqarfimmiit maannamut tiguneqarsimapput.

Uummannami sineriammilu innuttaasut ajunaalernermi ikumatittagaasorisaat marlunngornermi unnukkut SAR-imik suliaqartoqalerneranik kinguneqarpoq. Suliaqarnerli unitsinneqaqqipallappoq.