Nuummi atuarfiup nutaap ammarniarnera imaannaanngilaq. Pisulli anigorluarnissaat atuarfiup pisortaata neriuutigalugulu upperaa.
Atlantikup Avannaaneersut, tassa nunatsinneersoq, Norgemeersoq, Savalimmiuneersoq Islandimeersorlu, Young Arctic Chefimik taasami sapaatit akunnerata naanerani igasutsialanngorniutissapput.
Hamasip siuttuata Yahya Sinwarip Israelip sakkutuuinit toqutaanera akersuunnermut sallunaveeqqutitullu tigusanut tunngasuni qasukkaamatitsivoq.
Kujataani takornarialerisut sikorsuarnik peqquteqartumik kaaviiaartitakinnerunertik tunngavilersuutigalugu ikiorseqqullutik qinnuteqaataat itigartinneqarpoq.
Siunissaq qaninnerusoq eqqarsaatigalugu inuiaqatigiinnut milliuunilikkaanik akeqartussaavoq ilisimatuussutsikkut siunnersuinerit tunngavigalugit pisassiissutit aalajangerneqassappata. Tusarniaanernik ilassutinik ingerlatsisoqarumaartoq Sulisitsisut neriuutigaat.
Tatiginnikkunnaarnissamik taasisitsinissap pingajussaa Naleqqamit maanna siunnersuutigineqarpoq. Ineqarnermut naaalakkersuisoq Hans Peter Poulsen naalakkersuisunut ilaasortat akisussaanerannik unioqqutitsisimasoq, Naleraq isumaqarpoq.
Akunnerit 48-nngitsulluunniit ingerlaneranni marloriarluni tatigineqarunnaarneq. Taamaakkaluartorli Namminersorlutik Oqartussat innissiaataasa iluarsartuunneqarnissaanni kisitsisit amigartoorutissatut naatsorsuutit Hans Peter Poulsenip naqqiissutigerusuppai.
Blok 5-imi toqutsinerup misissuiffigineqarnerani Kalaallit Nunaanni Politiit innuttaasunik maanna ikiortiserinnipput. 20-nik ukiulimmik toqutsinermut tunngatillugu ilisimasaqaruit tusarfigerusuppaatsit.
Meeqqat innarluutillit atuartut amerlanerusut assiliisiitigalugit pinngortitamiinnerulernissaat suliniutigineqarpoq. Assilisallu nunami allami saqqummersinneqarnissaat siunertaavoq.
Nuummi atuarfik nutaaq qaammatit marlungajaat matuma siornatigut atorneqalertussaagaluarpoq. Atuarfilli qaqugu ammarneqarsinnaanersoq kommunip ilisimanngilaa, pisullu ajuusaarutigalugit.
31-nik ukiulik Liam Payne akunnittarfimmi quleriit pingajuanniit nakkarnermi kingorna toqungasoq siumorneqarsimasoq, Argentinami politiit ilisimatitsipput.
Paul Watsonip tigummigallagaanera Frankrigep præsidentiata Macronip siusinnerusukkut isornartorsiorpaa. Frankrigemi qimaasutut inissinneqarnissi Watsonip neriuutigaa.
Korea Avannarliup sakkutuuisa Ukrainemi sorsoqataalersimanerannik isertortumik paasiniaasartuminnit ilisimatinneqarluni, Ukrainep præsidentia Zelenskyj oqarpoq.
Torlorsorneq erinarsuutini issittormiorpalaarnerpaatut ajugaammat Nunavummi aappaagu nipilersornermik aaqqissuussisoqassaaq.
Naak issittormiut timersortartut Avannaata Kommuniani unammiuaarnissaannut qaammatit suli sisamaagaluartut piareersaateqartoqalereersoq, borgmesteri oqaluttuarpoq.
Nukissiuutit mingutsitsinnginnerusut atugaaneruleraluttuinnaraluartut nunarsuarmi nukissiorfiit CO2-mik siorna aatsaat taama aniatitsitigisut, nalunaarusiami nutaami erserpoq.
Akunnerit 24-t qaangiutinngitsulluunniit naalakkersuisoq pineqartoq pillugu aappassaanik tatiginnikkunnaarnermik taasititsinissamik siunnersuuteqartoqarpoq.
Illoqarfiit minnerit takornariarfigineqarnissaannik ukiukkullu takornariarnissamik takornariaqarnermik suliaqarfiusoq Destination Diskobay pilerinarsaaniarpoq, unnuisarfiillu amerlinissaat neriuutigalugu. Mittarfissuarmi ammarpat takornariallu tamarmik inissaqartinneqassappata allatut eqqarsartoqartariaqarpoq.
Atassut Inatsisartut ineqarnermut attaveqaasersuutinullu naalakkersuisumut Siumumeersumut Hans Peter Poulsenimut tatiginnikkunnaarnermik nalunaaruteqarnissaannik siunnersuuteqarpoq. Kisianni Inuit Ataqatigiit aamma Siumut, tamanna pinngitsoortippaat.
Naalagaaffiit Peqatigiit sakkutuuisa Libanonimit tunuarnissaat Netanyahup kaammaatuutigigaluaraa taamaaliornavianngitsut, Unifilip qullersaa oqarpoq.
Kalaallinit kingoqqisut qinngarsornikkut pinerlineqartut taamaaliorneqarnermik nalunaarutiginnittarnissaat Danmarkimi politiit kaammattuutigaat. Kalaallimmi taamaaliorneqarnermik nalunaaruteqarsimasortaqaavinnginnerat qaqutigoorluinnartuusoq, politiit qullersaqarfianneersut oqarput.
Qeqqata Kommuniani suliffiup nalaani snusitorneq tupatornerlu unitsinneqassapput. Borgmesterilu aperigaanni tamanna pitsaasuuvoq, tamannali pisinnaatitaaffinnut akuliunnerusoq, Atassutip inuusuttai isumaqarput.
Aappagu Ilulissani mittarfik nutaap atulerneqarnissaanut illoqarfiit Ilulissap eqqaaniittut takornariaqarnerunissamut piareersarput. Laila Mikaelsen takornarialerineq inuussutissarsiutigerusuppaa, innuttaasulli eqqugaannginnissaat aamma eqqumaffigaa.
Islandimi naalakkersuisuisa kinguarnerisa kingorna qanoq pisoqassanersoq, Islandip præsidentiata aalajangiiffigisussaanngorpaa.
Kalaallit Nunaanni arsaattartut kattuffiata KAKp kingullermik pissartanngorniunnermi kakkannerit sisamat qaaqqullugit angutit pokalinnanniunnissaat aallartilerpaa.
Nobelip aningaasarsiorneq pillugu ilisimatusarnermi nersornaasiuttagaannik nersornaaserneqartut pingasuusut nunat assigiinngitsut aningaasarsiornerisa assigiinngissuteqarnerannik ilisimatusartuupput.
Kaj Kleistip oqarnera naapertorlugu Siumumi ilaasortat arlallit sorsunnersuup nillertumi kommunistit nuannaartorisimavaat. Namminersulivinnissanik kissaateqarneq USA-llu nuannarinninnginneq sunniuteqarsimaqisut, taanna oqarpoq.
Sapaammi nalunaaqutaq 04.45-mit 05:00-ip akornanni sumiiffinni Imaneq, Qullilerfik, Pikkori Sportip biilinut inissiisarfiani, imerniartarfiullu Daddys-ip eqqaaniissimaguit politiit sianernissat allannissalluunniit kissaatigaat.
Nunatta Eqqartuussisuuneqarfiata Paul Watsonip tigummigallarneqaannarnissaa aalajangeqqammerluinnarpaa.
Unifilip sakkutuui arlallit Libanonip kujasissuani sorsuffiusumi ikilerneqarput. Naalagaaffiit Peqatigiit inissisimaffiinut saassussineq sorsunnermi pinerluuteqarnertut nalilerneqarsinnaavoq.
Nuup mittarfianit nunanut tamalaanut qaammatini kingullerni marlunni angallassisoqarsinnaanngereerluni maanna tamanna periarfissaalerpoq, aaqqinneqaqqaartussammi maanna aaqqinneqareerput.
Nunarput takornarianut unnuinermut ullormut 30 koruuninik akiliuteqartitsisalersaarpoq, tamannali akunnittarfiutilip allaffissornikkut pisarissersuutaavallaassangatippaa.
Blok 5-imi quimi 20-nik ukiulimmik toqutsisoqarneranik suliamut atatillugu pinerluttaalisitsisut angummik aamma allamik ippassaq unnerluussipput. 25-nik ukiulik siusinnerusukkut unnerluussaasoq suli tigummigallagaavoq.
Nuup qeqqani biilinik sangujoraaqattaarluni angalaartoqarneranik pinerlittaalisitsisut sapaatiummat ullaakkut nalunaarfigineqarput. Pinerlittaalisitsisut imigassartorluni biilinik ingerlatsisoqarsimanera pasitsaateqqavaat pisumillu isiginnaarsimasunik ujartuillutik.
Nunatsinni pilattaasartut isarussat teknologiimik atortorissaarusikkat nutaaliat iluaqutigalugit pilaasinnaanngorput. Naliginnaasumik Danmarkimut aallarunneqaqqaarlutik suliarineqarsinnaagaluartut maanna nunatsinni suliarineqarsinnaalerput. Teknologii inummik annaassereerpoq.
