Innuttaasut qinigaat tamaasa peqataatinnissaat kissaatiginaraluartoq ullut aalajangiiffissat nallertartut nunanut allanut tunngasunut naalakkersuisoq oqarpoq.

Atuarfimmi ASK-imi oqummik nassaartoqartoq, Kommuneqarfik Sermersuup sisamanngornermi unnukkut nalunaarutigaa. Atuarfik matuneqarallassaaq.

Kommuneqarfik Sermersooq aamma islandimiut Istak isumaqatigiissuteqarput, taamaalilluni Nuummi atuarfimmi nutaami ikuallattoqarnissaanut sillimaniarneq maanna aaqqiivigineqassaaq – atuarfillu 2026-mi ammassalluni.

Nuummi sakkutuut umiarsuaannut talittarfik nutaaq pillugu isumaqatigiissuteqartoqareersorlu borgmesterip Naalakkersuisut ataatsimeeqatigiumavai. Taassuma kommuni innuttaasullu qulangerlugit sakkussiornissamik aalajangiisoqarsoraa.

Inatsisartut Ilulissani GUX-imik pilersitsinissaq pillugu oqallisereerput, Ilulissanili ilinniarfmmik nutaamik sanasoqassappat, inuussutissarsiornermik ilinniarfimmik ilinniarnertuunngorniarfimmillu ataatsimoortumik peqartariaqartoq, Ilinniaritaanermulli Naalakkersuisoq isumaqarpoq.

Facebookikkut quppernermi Qaqortumi toqoraasartoqarneranik oqaluttoqarpoq. Tamannali Kalaallit Nunaanni Politiit eqqunnginnerarpaat.

Alaskami najugaqartut qimagussortinneqartunut qanoq ikiorsiisoqarsinnaanera pillugu ICC paasissutissanik siammarterivoq.

Borgmesterit Avaaraq Olsenip (IA) aamma Malik Berthelsenip (S) oqarnerat naapertorlugu naalakkersuisut illersornissamut isumaqatigiissutip nutaap isumaqatigiinniutigineqarnerani najukkani politikerinik ilanngutititsisimasariaqaraluarput.

Naleqqami politikerip illersornissamut isumaqatigiissut tatiginninnermik innarliisutut taavaa, oqaaseqaatigisaili pillugit politikkikkut kinguneqarnavianngitsoq Danmarkimit nalilerneqarpoq.

Danskit illersornissamut ministeriata, Troels Lund Poulsenip oqarnera naapertorlugu illersornissamut isumaqatigiissut nutaaq pillugu suleqatigiinneq naligiimmik kinguneqarluartussamillu isumaliutiginninnermik ilaqarpoq.

1700-kkunni nunasiaaleqqaarnerup nalaani pisut imaannaasimanngeqisut, misissuinerit nutaat paasinarsisippaat – kalaallillu naqisimaneqarusussimanngillat.

Nuummi mittarfik nutaaq kiisalu KNI Pilersuisup Brugsenillu suleqatiginerat nassiussanut akit qaffannissaannut unikaallatsitsipput. 2026-mi akit ullumikkutulli iinnassapput.

Danmarkip Issittumi illersornissaq pillugu aningaasaliineruniarneranut nutaarsiassaq, USA-p talerperliuniat nutaarsiassaqartitsiviannut pingasunngornermut unnuaani siammarterpaa.

ASK-i oqoqarnersoq pillugu sapaatip-akunnera una akissutisisussaagaluarput. Misissuinermili inernerit akissutaat sapaatip-akunnerata tulliani piariissasut, Kommuneqarfik Sermersooq paasissutissiivoq.

Kommune Kujalleq meeqqanut susassaqarfimmut aningaasartuuteqangaatsiarnermi kingorna sipaarniangaatsiartariaqarpoq. Borgmesterip pissutsit annernarnerarpai pisariaqarlutilli.

Kalaallit Nunaanni timersoqatigiit kattuffiat aamma angalatitsivik Travel By Heart kalaallit Arctic Winter Games 2026-mi angalalluarnerunissaannik qulakkeerinnipput.

Vivian Motzfeldtip isumaqatigiissut matoqqasumik isumaqatigiissutigineqarsimannginnerarpaa, Nalerarlu peqataanissamut qaaqquneqarsimagaluarluni qujaannarsimasoq erseqqissaatigalugu.

Nuummi Radiop qaqqaani blok 17-ip majuartarfiini siusinnerusukkut ikuallattoqarpoq, politiit qatserisartullu maanna sumiiffimmiikkunnaarput. Inuit pingasut napparsimmavimmukaanneqarput.

Naalakkersuisut naapertorlugit peqqinnissaqarfiup pitsaanerulersinnissaa aallartilaarpoq. Peqqinnissaqarfimmi isumaqatigiissut nutaaq siammasissorlu politikkikkut isumaqatigiissutigineqartussaq ukioq naatinnagu piareersimassaaq.

Kommuni marlunngorlugu avinneqassanersoq innuttaasut novembarimi taasissutigissavaat - nalunaarusiarli naapertorlugu tamanna Maniitsumut akisusinnaavoq.

Bill Clintonip Joe Bidenillu Trump siornatigut isornartorsiortarsimavaat, Gazali pillugu isumaqatiginninniarnermi iliuusai nersorpaat.

Nunatsinni Namminersorlutik Oqartussat pigisaanni immikkut ataatsimiinnerit arlallit pineranni Royal Arctic Linemi ippassaq ataatsimiittoqarpoq. Siulersuisullu umiarsuaatileqatigiiffimmi kina siulersuisunut siulittaasunngornersoq saqqummiuppaat.

Naleqqami politikeri naapertorlugu illersornissamut isumaqatigiissut nutaaq Nuummiunut navianartorsiortitsivoq. Isumaqatigiissut inatsisitigut inuiaallu pisinnaatitaaffii naapertorlugit naalakkersuisunut kinguneqartariaqartoq, taanna oqarpoq.

Múte B. Egedep inuiannik nungusaasimaneq pillugu oqaaseqaateqarnerata kingorna Kalaallit Nunaannut ministeriusimasup oqaasii tunuarteqquai – taamaaliunngippat Tysklandimi eqqartuussisutigut ingerlatsisoqassaaq.

Paamiuni Politiit angummik 37-nik ukiulimmik sisamanngormalli kingullermik takuneqarsimasumik maanna ujaasipput.

Nunatsinni ilinniartitsisut ‘imersimatillutik suliartunngitsoortartut’ Meeqqat pillugit oqaaseqartartoq Stina Sværd sapaatip-akunnerata aallartinnerani pasilliuteqarpoq. Maanna Ilinniartitsisut Kattuffiata IMAK-ip taanna avoqqaaraa.

Kalaallit folketingimut ilaasortat marluk Folketingimi ammaanersiornermi oqaaseqarnerminni nunasiaateqarnermit sunniutit oqaluuseraat.

Hamasip sallunaveeqqutitut tigusat suli allat 13-it ataasinngornermi ullaap tungaa iperagaatippai. Sallunaveeqqutitut tigusat suli inuusut 20-t tamakkerlutik maanna iperagaapput.

Tasiilami angut toqungasoq arfininngornermi ullaap tungaani siumorneqarpoq. Politiit takunnissimasinnaasunik sapaatip-akunnerata naanerani ujartuilerput, sulilu ujartuillutik, politiini ittutut tullersorti Malik Sandgreen oqarpoq.

Illersornissaqarfik nunatta eqqaani umiarsuaqarneruleruni Nuup umiarsualiviani nammineq aamma talittarfeqalissaaq.

Danmarkip nunattalu akornanni illersornissamut isumaqatigiissutip ilarujussua tallimanngormat saqqummiunneqarpoq. Danskit illersornissamut ministeriata, Troels Lund Poulsenip oqarnera naapertorlugu isumaqatigiissut oqaluttuarisaanermi pingaaruteqarpoq.

Tasiilami umiarsualiviup eqqaani angummik toqungasumik arfininngornermi siumuisoqarpoq. Politiit tassunga atatillugu ilisimannittussarsiorput.

USA sakkuaakkunnaarnermik malinnittoqarnissaanut eqimattani siuttuusussaallunilu ikiuigasuarnermik ataqatigiissaarinermi ikiuuttussaavoq.

Nunatsinni imminut toqunneq akiorniarutsigu inatsit suleriuserlu allanngortittariaqartoq, meeqqat pillugit oqaaseqartartoq aamma naalakkersuisoq isumaqarput.

Covid-19 nualluullu ukiarnerani atugaanerulernissaa naatsorsuutigineqarpoq. Taamaattumik utoqqaat nappaatillillu akiuussutissamik maanna kapitissinnaanngorput.