Danskit ministeriunerata, Mette Frederiksenip naalakkersuisut siulittaasuatalu Jens-Frederik Nielsenip spiralilersuisoqarneranut suliami utoqqatserneq nunatta Danmarkillu akornanni oqaluttuarisaanermi pisimasut nuanninngitsut isumagineqarneranni aallarniissutaannaasoq oqaatigaat.

(function(n){function c(t,i){n[e](h,function(n){var r,u;if(n&&(r=n[n.message?«message»:«data»]+««,r&&r.substr&&r.substr(0,3)===»nc:«)&&(u=r.split(»:«),u[1]===i))switch(u[2]){case»h«:t.style.height=u[3]+»px«;return;case»scrolltotop«:t.scrollIntoView();return}},!1)}for(var t,u,f,i,s,e=n.addEventListener?»addEventListener«:»attachEvent«,h=e===»attachEvent«?»onmessage«:»message«,o=n.document.querySelectorAll(».live-center-embed»),r=0;r

- Killissamik qaangiiffigineqarsimanersi tujorminarpoq, pisimasussaanngikkaluarlunilu, Naalakkersuisut siulittaasuat, piffissami nutaanerusumi arnanut piumassuserinngisaminnik naartunaveersaaserneqarsimasunut, pingasunngornermi utoqqatsernermini oqarpoq.

Amarok Petersenip Mette Frederiksen Katuami aaqqissuussisoqarnerata nalaani tununneqassasoq kaammattuutigaa.

Angut Maniitsumeersoq ulluni kingullerni ujaarineqartoq ajunaarsimasoq nassaarineqartoq, Kalaallit Nunaanni Politiit paasissutissiipput.

Naalakkersuisunut siulittaasup Strasbourgimi oqalugiarnissaminut piareersarnerani, EU-p nukissiornermut ataatsimiititaliamut ilaasortaatitaa aatsitassat mingutsitsinngitsumillu nukissiorneq paasisassarsiorfigalugit tikeraassaaq.

Kalaallit Nunaanni tuttoqatigiit ingerlalluarnissaat Pinngortitaleriffik naliliivoq. Issittumi tuttut ikileriarujussuarnissaannik ilisimatusartut ilimasaarinerat KNR-imi oqaluttuarereerippullu Pinngortitaleriffik tusagassiutinut nalunaarummi taama allappoq.

Otto Rosing Nuuk International Filmfestivaliani «ukioq manna kalaallini ilitsersuisutut» nersornaasigaavoq. Orsugiak pillugu piviusulersaarusiamik suliaqarnerminut nersornaasigaavoq, tamannalu isumaqaqisoq, ilitsersuisoq oqarpoq.

Siumup naalakkersuisoqatigiinnissamut isumaqatigiissut – pingaartumik namminiilivinnissamut tunngatillugu naleqqussarneqarsinnaallunilu naleqqussarneqassasoq ukiakkut ataatsimiinnermi ullup aappaani oqaatigaa.

Sofie Rørdam aamma Nina Paninnguaq Skydsbjergip isiginnaagassiaat piviusuinnik tunngavilik ‘WALLS – Akinni Inuk' nunat tamalaat akornanni isiginnaagassiat Oscarimut innersuunneqarsinnaasut akornanniilerpoq.

Ministeriunerup utoqqatsernera arnat taarsiiffigitinnissamik suliniuteqarnerannut iluaqutaasoq, Mads Pramming, suliami spiralilersuisimanermut tunngasumi arnat 143-t eqqartuussissuserisuat oqarpoq. Ajugaareernertulli naliliinissani mianersuutigaa.

Københavnimi mittarfissuup ataasinngornermi unnukkut kingusissukkut matuneqarnerata kingorna, angalasussat timmisartortitseqatigiiffinnut attaveqaqqullugit, Københavnip mittarfiani sulisut kajumissaaripput.

Lars-Peter Beck 65-inik ukiulik suli nassaarineqanngilaq. Taamaattumik ujaasineq ullumi ingerlateqqinneqassasoq, Kalaallit Nunaanni politiit pigaartuisa pisortaat oqaatigaa.

IA-mi politikeri Aaja Chemnitz naapertorlugu, spiralilersuisimanermi arnanut taarsiiviginninnissaq saammaateqatigiinnermut aningaasaateqarfik kinguarsaataasinnaavoq.

Høje-Taastrup Kommuneata Ivana Nikoline Brønlundip paniata pinngitsaaliissummik arsaarinnissutigineqarnissaanut aalajangiinera, Danmarkimi maalaaruteqartarnermut aqutsisoqarfiup Ankestyrelsep allanngortissallugu aalajangerpaa, tamanna kommunip inatsimmik unioqqutitsineranik suliamilu kukkusimaneranik saqqummiussisoqarnerata kingorna pivoq.

Nunarput milliardilikkaanik Danmarkimiit EU-miillu pajukkumaneqarpoq. Soqutiginninnerlu siunissami qasukkarnavianngitsoq, ilisimatusartut naliliivoq.

Spiralilersuisimaneq pillugu suliami arnat, allallu Danskit naalagaaffianniit sumiginnarneqarsimasunut ajunngitsorsiassaqarnissaannik periarfissiisumik, danskit Naalakkersuisui saammaateqatigiinnermut aningaasaateqarfimmik pilersitsinissaminnik kissateqarput.

Sapaatiummat Maniitsup eqqaani umiatsiaaqqap kinngunerata kingorna angut tammaaneqarpoq.

Sorsuuttunik filmiliamut assinguvoq sakkutuulliuku sungiusartut. Nunanit tamalaanit sakkutuut piffissami nutaanerusumi siullermeerlutik sungiusartinneqarput, tamannalu illersornissamut politikkimi nutaaliornerusoq takussutissaavoq.

Kirk ajortorujussuarmit toqutaasimasoq, Trumpi eqqaaniaanermi oqarpoq. Uillarnerup toqutsisoq isumakkeerfigaa.

Inuit pingasut imigassartorsimatillutik umiatsiaaqqamik ingerlatsisimasutut pasineqartut ippassaq ualikkut aallarput. Umiatsiaarartullu allap unitsinniarsariniarlugit malikkai, politiit paasissutissiipput.

Avannaata Kommuniani borgmesteri, Lars Erik Gabrielsen (S) nunaminertanik angisuunut sanaartortitsinissamut marlunnut qinnuteqarpoq, taamaanneralu nammineq soqutigisaminik suliffeqarfiutiminut qanippallaarnera pissutigalugu inatsimmik unioqqutitsinerusoq immikkut ilisimasalik isumaqarpoq.

Tuluit Nunaata ministeriunerata, Keir Starmerip Palæstina naalagaaffittut ullumi akueriniarpaa. Akuersissuteqarnermi naalagaaffinnik marlunnik pilersitsinissamut periarfissiissasoq, ministeriunerup tullersortaa oqarpoq.

Ministeriusimasoq naapertorlugu spiralit nunatsinni politikerinit ajornartorsiutitut eqqaaneqanngisaannarsimapput. Arnat oqaluttuaat maanna pingaaruteqarnerarpai, pissutsinilli ataatsimut isigalugu ersersitsisuunnginnerarlugit.

Niuernerup tusagassiorfik Sermitsiaq allannguuteqartittariaqaraa. Pisortalli Masaana Egedep AG Sermitsiarlu digitalikkut tusagassiiginnartassasut – atuartartuminnullu sapaatip akunnerata naanerani naqitamik saqqummersitsisassallutik neriorsuivoq.

Angut 30-nik ukiulik nikallungalluni Tasiilamit sisamanngornermi ullaap tungaani aallarpoq. Angut ajunngitsoq angerlamut maanna apuuttoq, Kalaallit Nunaanni Politiit nalunaarutigaat.

Donald Trumpip sillimaniarnermut siunnersortigisimasaa, Mike Waltz eqimattat oqaloqatigiiffianni paasissutissanik isertuussanik ingerlatitseqqinnermi kingorna maajimi isornartorsiorneqangaatsiarpoq.

Siulittaasup ammaanersiornermi siullermeerluni oqalugiarnermini USA-p sioorasaarinerata kingorna eqqissisimanissamik oqaaqqissaarivoq aamma Danmarki Kalaallit Nunaannik aningaasaqarnikkut ikiuuttussaasoq uparuarpaa. Kisianni aaqqissuusseqqinnerit imaannaanngitsut aamma erseqqissaatigai.

Akerliusut Kalaallit meerartaasa Danmarkimi pinngiitsaaliissummik inissinneqartarnerinut akerliunertik takutinniarlugu, sisamanngormat eqimattanngorlutik Christiansborgip saavaniipput. Inatsit nutaaq naammanngitsoq oqariartuutaavoq.

Naleqqami politikeri KTI-mi Tech college Greenland pisortaaninngorpoq, Inatsisartunilu ilaasortaajunnaarpoq.

2025-mi Ukiaanerani ataatsimiinneq Inatsisartut ullumikkut ammaanersiorpaat. Ammaanersiorneq tamaat maana malinnaaffigiuk.

Tallimanngorneq ualikkut Hans Enoksen Nuummi naalagiuserineqassaaq, tamannalu toqqaannartumik KNR-radiokkut nal. 14.30 aallakaatinneqassaaq.

Aalajangiissutissaq akuerineqarnanilu taasissutigineqanngikkaluartoq, tamanna Israelimut Hamasimullu erseqqarissumik nalunaarutiginninnerusoq, Løkke isumaqarpoq.

Ukiakkut ataatsimiinnermi marlunnut avinneqarsimasumi ullumilu aallartittussami aningaasanut inatsisissatut siunnersuutip oqaluuserineqarnissaanut tunngavik allanngornikuuvoq.