Naalakkersuisoq Bentiaraq Ottosen, fast trackimik aaqqissuussinermi nunanit allaneersunit sulisunik tigooraanerup saniatigut – sulisoqarnikkut aaqqissuusseqqikkusuppoq, taamatuttaaq nunatsinni akuutitsinerulernissamut inatsimmik pilersitserusulluni.

Angajoqqaat piginnaasaannik misiliutit tunngavigalugit Pilunnguaq Olsenip meerai pingasut pinngitsaaliissummik angerlarsimaffiup avataanut inissinneqarnikuupput. Danmarkimi kalaallit meerartaat pillugit angerlarsimaffiup avataanut inissiisarnermi suliani misiliutit taakku kingorna isornartorsiorneqangaarput.

Imminut toqoriaraluarnerit sapaatip akunnerata naanerani nalunaarsorneqartut amerlapput. Pinaveersaartitsinernik arlalinnik suliniuteqartoqarnissaa pingaaruteqartoq, ilisimatusartoq oqarpoq.

Kommune Kujallermi meeqqat inuusuttullu amerlavallaat angerlarsimaffiup avataanut inissinneqartarput. Inerniliineq sivisuumik taamaappoq, maannali ajornartorsiummut aaqqiissutissamik kommuni naalakkersuisunik isumaqatigiissuteqarpoq.

Timersoqatigiiffiit Assammik Arsartartut Kattuffiata angutit nunanut allanut unammisartuisa sungiusaasuannut, Johannes Grothimut isumaqatigiissut sivitsorpaa.

Aaqqissuussaanerli qanoq inerisarneqassanersoq pillugu borgmesteri suli akissutissaqanngilaq. Innuttaasulli kiffartuunneqarnerat pitsaanerusariaqartoq, Simigaq Heilmann oqarpoq.

Korea Avannarlermi tusagassiuutit naapertorlugit USA-p silaannakkut illersornissamut pilersaarutaa «suliniutaavoq navianartorsiortitsisoq».

Amerikamiit teknologiit sunniuteqangaatsiarput, nunanullu amerlasuunut ajornartorsiutaavoq. Paasissutissanik kikkunnut tunniussinerup apeqqusertarnissaa pingaaruteqartoq, ilisimatuut oqarput.

Aalisarnermut naalakkersuisoq, Peter Borg, Inatsisartunut ilaasortamit, Naleqqameersumit, Gerth Mikaelsenimit maanna tatigineeruppoq. Naalakkersuisoq eqqunngitsunik paasinerluutaasinnaasunillu paasissutissiisoq, Naleqqameersoq isumaqarpoq.

Kilitsissiaasimasup amerikamiut isertortumik paasiniaasartuisa nunarput ukkatarinngikkaat oqaatigaa. Naalakkersuisulli tiguaaniartoqarnissaaneranut pilersaaruteqartariaqarput.

Tunumi illoqarfiit annersaani Tasiilami naammagittaannerit ersarilluinnalerput. Suliffeqanngitsut amerliartortillugit SIK-p Tasiilami immikkoortortaqarfiani ilaasortat ikiligaluttuinnarput.

Pele Brobergip (N) DR-imit apersorneqarnermini danskit kalaallillu naalakkersuisui avaqqullugit Donald Trump oqaloqatigisinnaallugu itigartitsissutiginngilaa.

Illoqarfinni inoqarfinnilu Tusassip qaammataasatigut attaveqarfigisai maannakkorpiaq attaveqanngillat. Tusass taama nalunaaruteqarpoq.

Nunat avannarliit siuttuisa Finlandimi ataatsimiinnerini ilaatigut isumannaallisaaneq, upalungaarsimaneq Ukrainelu oqaluuserisassat ilaanniipput.

Politiit sulianut imminut toqunnissamut tunngasunut 20-nut sapaatip akunnerata naanerani ornigussimapput. Nakuusernerlu aamma initusimaqaaq. Soorli taama pisoqartiginersoq politiit pigaartuisa eqqumiilliuutigaa.

Qanga naggueqatigiit immikkut pissuserisaannik misissuinermi pisut nuanninngitsut, DR-ip piviusulersaarusiaani nutaami qulaarneqarpoq. Oqaluttuap oqaluttuarineqarnissaa – ilumoortumillu paasineqarnissaa pingaaruteqartuusoq Sara Næss Elleskovip oqaatigaa.

Avannaata Kommuniani borgmesterip, Lars Erik Gabrielsenip (S) Qeqertap Ikerasaallu akornanni nutaamik aqqusinniortoqarnissaa takorloorpaa. Pilersaarutit aallartisaleruttorput.

Kroatiami unammisitsisarnermi Futsal Weekimi kalaallit arnat nunanut allanut unammisartut peqataaqqissamaalerput.

Puvirnituq-imi innuttaasut qaammaterpasuarni kuussuarmit qerisumiit imertartarput. – pisortat Tuluit Nunaanniit kingoraartissanik utaqqinerini, rangersit maanna ikiuullutik aallartipput.

Suleqatigiissitap Narsarsuup siunissaanik paasiniaasussap ataatsimiititaliami apeqqutit arlallit suli misissunngilai.

Nunami maani pineqaatissinneqarsimasunut inissiisarfiit amerlinissaat danskit naalakkersuisuisa akileraartarnermut aaqqissuusseqqinnissamut siunnersuutaannut ilaavoq.

Tunumi 22.000 literimik uuliakoortoqarsimavoq, tamannalu tunumi avatangiisinut annertuumik aniatitsinermik kinguneqarluni. Politiit ilisimannittussarsiorput.

Trumpip siooranarnera pissutigalugu naalakkersuisut Europamut angalaarput, Europamilu siuttut tikilluaqqusilluarput.

Nuummi tillinniartoqarsimavoq, elektronikkinillu atornikunik uppernarsaateqanngitsunik pisinissaq politiit mianersoqqussutigaat.

Thomas Ahrenkiel, siornatigut aamma FE-mi pisortaasimasoq, isertortumik paasiniaasartuni pisortaaqqissaaq.

Ilaasortaajunnaarnermusiat katillugit 5,7 millionit koruunit politikeriusimasunut tunniunneqartussaapput. Taakkualu aaqqissuunneqarnerat oqallisigineqaqqittariaqaraluartoq politikkikkut oqaaseqartartoq Jenseeraq Poulsen isumaqarpoq.

Danskinut 1970-imi decembarip 31-ata kingorna inunngorsimasunut ukiut soraarninngorfissat ukiumik ataatsimik kinguartinneqarput.

Inatsisartunut ilaasortaajunnaarnermusiat tunniunneqartarnerat Demokraatinit, Inuit Ataqatigiinnit Naleqqamiillu assigiingitsumik isummerfigineqarput.

Ilaatigut atugarissaarneq nunatsinnullu aningaasaliinerit Folketingimi naggataarutaasumik oqallinnermi Aaja Chemnitzip (IA) aamma Aki-Matilda Høegh-Damip (N) sammivaat.

Aaqqissuusseqqinnernut annernartunut innuttaasut piareersimassasut Jens-Frederik oqarpoq. Peqqinnissaqarfimmili isumaginninnermilu ajornartorsiuterujussuaqarnera nalunaarutigineqartaraluartoq paasissutissiiniarusunngilaq.

Pineqaatissiisarnerit sukaterneqassapput, Danmarkimilu parnaarussivinni inissaqassuseq 2036-p tungaanut annertusineqangaassaaq.

Vancep nulianilu nunatsinnut marsimi tikeraarnerat 5 millionit koruunit sinnerlugit akeqarpoq. BT taama allappoq.

Silami arsaannermi sungiusaqatigiinnermi siullermi sungiusaatigalugu unamminerit ilaat Superligami unammisartut arsaaffissuanni pissaaq.

Danmarki amerikamiut isertortumik paasiniaasartuilu kabelersuit aqqutigalugit suli suleqatigiissinnaasut, immikkut ilisimasallit naliliipput. Tamatuma amerikamiut naalagaaffeqatigiinnermut kilitsissiatut sulisinnaalersippai.

Politiit pasinartumik toqusoqarsimaneranik misissuipput, ikuallattoqartillugulu kalerrisaarummik aallartitsisoorneq pissutigalugu upalungaarsimasut sulipput.