Issittumi Sakkutooqarfiup umiarsuisa taarserneqarnissaat illersornissamut isumaqatigiissummi allassamavoq. Umiarsuarnik pisinissmut isumaqatigiissut politikerinut ukiaru saqqummiunneqassaaq.

Pinerluttulerinermik inatsisip politikkikkut oqallisigineqarnerani taputartuussisoqarpallaarlunilu kukkusumik inerniliisoqarpallaartoq, Inatsisit Atuutsinneqarnerannut Naalakkersuisoq Naaja H. Nathanielsen isumaqarpoq.

Sakkutuujusussaatitaaneq Danmarkimi angutinut arnanullu naligiimmik 2027-mi atuutilissasoq, Danmarkip illersornissaq pillugu isumaqatigiissutitaavani allaqqavoq.

Palæstiinamiunut illersuillutik New Yorkimi ilisimatusarfiup Columbia Universityp eqqaani akerliussutsimik takutitsisut politiinit peersinneqartut, aviisi The New York Times allappoq.

Nunatta kujataani nunaqarfinni arlalinni Pilersuisumi nioqqutissaataasivinni nioqqutissat amigaataapput. Royal Arctic Linemi sikorsuaqarnera pissutigalugu nunaqarfinnut arlalinnut nioqqutissanik assartuisinnaanngilaq.

Tasiilami 250.000-imut nioqqutissat assartornerani kissartoqarneranut pissutsit pissutigalugit annaaneqarput. Innuttaasut maanna qerisunik inuussuteqarput, nioqqutissallu nillertumiittussat aatsaat uatsi pisiareqqissinnaallugit, Tasiilami akunnittarfimmik piginnittoq oqarpoq.

Air Greenlandip siorna naatsorsuutigisamisulli naatsorsuutai inerneqanngillat. Sinneqartoorutilli suli naammagisimaarnartut, timmisartuutileqatigiiffiup qullersai oqarput.

Qaammatit arfineq-pingasut kinguaassiorsinnaanngitsunut kinguaassiorsinnaanissamut ikiuinissamut naammanngitsut, Rigshospitalimi kinguaassiorusuttunut passussisarfimmi nakorsaaneq Anja Pindborg oqarpoq.

Illup iluani arsaannermi futsalimi arnat nunanut allanut unammisartut junip aallartilaarnerani Kroatiami nunanut sakkortuunut unammissapput.

New Yorkimi ilisimatusarfiit ilaanni ilinniartut akerliussutsimik takutitsiffimminniit ingerlarusunngitsortaat ilinniartuujunnaarallartinneqartut oqaatigineqarpoq.

Ilulissani politiit politeeqarfimmut nutaamut nuupput. Tamanna pissutigalugu politeeqarfik ullualunni matoqqassaaq, politiilli ikiuinissamut suli piareersimassapput.

Issittumi Sakkutooqarfiup aqqartartumik sungiusarnissamut periarfissaqarneq nuannaarutigaa. Umiarsuarmik taama ittumik nunatsinnut tikittoqartarnera qaqutigoorluinnartuuvoq.

Sermersuup sinaaniit kilometerit 100-t missaannik ilorpasitsigisortaa avammut procentit tallimat 15-illu akornisa missaannik ukiut 65-it matuma siornatigorninngarnit siaariartulertorneruvoq.

Tasiilami 4. Klassimi atuartut Facebook aqqutigalugu nunarsuarmit tamarmit postkortinik tigusaqallattaapput. Ilinniartitsisup suliniuteqartuutup atuartuutini ullut ilaanni angalanissamut kajumilersissinnaassallugit neriuutigaa.

Inuit qulit missaaniittut ukioq manna IVF-imik Danmarkimi ikiorserneqassapput. Amerlanerusut siunissami ikiorserneqarnissaat aamma sulissutigineqartoq, nakorsat pisortaat Aviaja Siegstad neriorsuivoq.

Kinap præsidentia, Xi Jinping, sivittajaamik Europamiinngereerluni Frankrigimut, Serbiamut Ungarnimullu tikeraassaaq.

Meerartaarniarnissamut 3 millionit koruuninik aningaasaliisoqarmat aappariit meerartaarusuttut neriuuteqalerlutillu nuannaarput. Sapaatit akunnerata naanerata siuliani Nuummi naapinnerminni taakku nuannaarutiminnik naalliuutiminnillu misigisatik ilaminnut oqaluttuaraat.

Nuummi mittarfittaassaq soqutiginnittunut ammatinneqarmat, Nuummi innuttaasunit soqutigineqarluarpoq.

Aappariit piumassuserinngisaminnik meerartaarsinnaanngitsut ikiorserneqarnissannut millionilikkaanik aningaasaliineq 2024-mi misiliutigineqarpoq. Siunnersuuteqartoq Anna Wangenheim (D) isumaqarpoq siunertaq uniorlugu aaqqiigallartoqartoq.

Gazami sakkuaakkunnaarnissaq pillugu, Israeli Hamasimut siunnersuummik nassiussivoq.

Eqqumiitsuliortut Kattuffiata KIMIK-up eqqumiitsuliortut arlallit suliaat saqqummersitsinermi maanna pisumi peqataatinneqarnerat pillugu inuttaasa ilisimatinneqarsimannginnerat uparuarpaa. Kisianni eqqumiitsuliat pillugit oqaluttuarisaanermik ilisimatusaateqartoq oqarpoq katersugaasivit inatsisinik unioqqutitaqanngitsoq.

Gazamut ikiorsiissutit anngussinnaanissaat pillugu Gazami tulattarfiugallartussamik sanaartornialersaarnertik, USA-p præsidentiata Joe Bidenip marsip qaammataani ilisimatitsissutigaa.

Illoqarfinni arlalinni taxartitsisartut akerliussutsiminnik sisamanngornermi takutitsipput, pirattaxanummi tassa taxateqaratik namminneq biilitik atorlugit akiliisitsillutik biiliussisartunut naammatsipput.

Danmarkimi eqqartuussissuserisoqarfiit ilaat suliffeqarfillu namminersortoq avataarsualiartitsisarfiutilik rakettinik igeriussisarfissamik qaammataasianillu avataarsualiartitsisarfissamik nunatsinni pilersitserusupput. Taakkua avataarsualiartitsisarfittaarnissamik misissuinissaannut Kommune Kujalleq akuersivoq.

Tasiilami internettip attavilunneranik isornartorsiuteqarneq, Tusassimi siulersuisut siulittaasuata akissuteqarfigaa. Tusass kisimi apeqqutaanngilaq, taanna oqarpoq.

Gazami peqqinnissamik suliallit toqungasut timaannik 340-ngajannik napparsimmaviit marluk nalaanni nassaarsimasut, Gazami innuttaasut illersornissaannik suliallit sapaatit akunnerani matumani ilisimatitsipput.

Aalisarneq pillugu inatsisissatut siunnersuummi Royal Greenland immikkut ittumik pineqarnissaminik kissaateqarsimanngilaq. Inatsimmi tunngaviusoq allanngortinneqarpat, suut akilersinnaanersut suullu akilersinnaannginnersut Royal Greenlandip isiginiartariaqarpai, siulitaasup tullia taama oqarpoq.

Demokraatit Atassullu Erik Jensenimut tatiginnikkunnaarnermik taasinissamut siunnersuuteqarput, naalakkersuisoqatigiilli Erik Jensen taperserpaat. Taamaattumik taanna naalakkersuisuuinnassaaq.

Qeqqani eqqartuussiveqarfiup paarineqartussanngortitsilluni eqqartuussinera Kalaallt Nunaanni Eqqartuussivimmit maanna naqissuserneqarpoq. Angut inunnut pinerluuteqarsimasutut siornatigut pineqaatissineqareersimavoq.

Silami arsaannermi nuna tamakkerlugu sungiusaasoq Morten Rutkjær arsartunik 18-nik toqqaavoq pikkorissunut Tyrkiami unammisussanik.

Spaniap ministeriunerata nuliami peqquserluttuliorsimasutut pasisaalluni oqartussanit misissuivigineqaleruttornerani eqqarsarfeqarnissani siunniuppaa.

Inuusuttut innarluutillit ullumikkut nuna tamakkerlugu isumasioqatigiinnissami eqqarsaatiminnik, misilittakkanillu oqaasertaliinissaminnut periarfissinneqarput.

Tusassip Tasiilami sukkanerusumik akikinnerusumillu internetteqalernissaa neriorsuutiginikuuaa, susoqarnerli ajorpoq. Unammillerteqarsinnaannginneralu isornartoq, nunap immikkoortuani nakorsaaneq isumaqarpoq.

Saqqummersitsineq Backbone arnat eqqumiitsuliornermi eqqartugaannginnerusarnerannik ukkatarinnitsitsilernissamik siunertaqarpoq. Arnat arlallit akuersissuteqaratik saqqummersinneqarlutik oqaatigaat. Taamaakkaluartorli eqqumiitsuliat uninngatiinnarneqassasut, aqutsisoq oqarpoq.

Ikiorsiissutissatut milliardilikkuutaanik aningaasaliissutissatut siunnersuutip akuersissutigineqartup Senatimi taasissutigineqarnera naammasseriarpat atsiorniarlugu, USA-p præsidentiata Joe Bidenip neriorsuutigaa.