Ilulissani politiit politeeqarfimmut nutaamut nuupput. Tamanna pissutigalugu politeeqarfik ullualunni matoqqassaaq, politiilli ikiuinissamut suli piareersimassapput.

Issittumi Sakkutooqarfiup aqqartartumik sungiusarnissamut periarfissaqarneq nuannaarutigaa. Umiarsuarmik taama ittumik nunatsinnut tikittoqartarnera qaqutigoorluinnartuuvoq.

Sermersuup sinaaniit kilometerit 100-t missaannik ilorpasitsigisortaa avammut procentit tallimat 15-illu akornisa missaannik ukiut 65-it matuma siornatigorninngarnit siaariartulertorneruvoq.

Tasiilami 4. Klassimi atuartut Facebook aqqutigalugu nunarsuarmit tamarmit postkortinik tigusaqallattaapput. Ilinniartitsisup suliniuteqartuutup atuartuutini ullut ilaanni angalanissamut kajumilersissinnaassallugit neriuutigaa.

Inuit qulit missaaniittut ukioq manna IVF-imik Danmarkimi ikiorserneqassapput. Amerlanerusut siunissami ikiorserneqarnissaat aamma sulissutigineqartoq, nakorsat pisortaat Aviaja Siegstad neriorsuivoq.

Kinap præsidentia, Xi Jinping, sivittajaamik Europamiinngereerluni Frankrigimut, Serbiamut Ungarnimullu tikeraassaaq.

Meerartaarniarnissamut 3 millionit koruuninik aningaasaliisoqarmat aappariit meerartaarusuttut neriuuteqalerlutillu nuannaarput. Sapaatit akunnerata naanerata siuliani Nuummi naapinnerminni taakku nuannaarutiminnik naalliuutiminnillu misigisatik ilaminnut oqaluttuaraat.

Nuummi mittarfittaassaq soqutiginnittunut ammatinneqarmat, Nuummi innuttaasunit soqutigineqarluarpoq.

Aappariit piumassuserinngisaminnik meerartaarsinnaanngitsut ikiorserneqarnissannut millionilikkaanik aningaasaliineq 2024-mi misiliutigineqarpoq. Siunnersuuteqartoq Anna Wangenheim (D) isumaqarpoq siunertaq uniorlugu aaqqiigallartoqartoq.

Gazami sakkuaakkunnaarnissaq pillugu, Israeli Hamasimut siunnersuummik nassiussivoq.

Eqqumiitsuliortut Kattuffiata KIMIK-up eqqumiitsuliortut arlallit suliaat saqqummersitsinermi maanna pisumi peqataatinneqarnerat pillugu inuttaasa ilisimatinneqarsimannginnerat uparuarpaa. Kisianni eqqumiitsuliat pillugit oqaluttuarisaanermik ilisimatusaateqartoq oqarpoq katersugaasivit inatsisinik unioqqutitaqanngitsoq.

Gazamut ikiorsiissutit anngussinnaanissaat pillugu Gazami tulattarfiugallartussamik sanaartornialersaarnertik, USA-p præsidentiata Joe Bidenip marsip qaammataani ilisimatitsissutigaa.

Illoqarfinni arlalinni taxartitsisartut akerliussutsiminnik sisamanngornermi takutitsipput, pirattaxanummi tassa taxateqaratik namminneq biilitik atorlugit akiliisitsillutik biiliussisartunut naammatsipput.

Danmarkimi eqqartuussissuserisoqarfiit ilaat suliffeqarfillu namminersortoq avataarsualiartitsisarfiutilik rakettinik igeriussisarfissamik qaammataasianillu avataarsualiartitsisarfissamik nunatsinni pilersitserusupput. Taakkua avataarsualiartitsisarfittaarnissamik misissuinissaannut Kommune Kujalleq akuersivoq.

Tasiilami internettip attavilunneranik isornartorsiuteqarneq, Tusassimi siulersuisut siulittaasuata akissuteqarfigaa. Tusass kisimi apeqqutaanngilaq, taanna oqarpoq.

Gazami peqqinnissamik suliallit toqungasut timaannik 340-ngajannik napparsimmaviit marluk nalaanni nassaarsimasut, Gazami innuttaasut illersornissaannik suliallit sapaatit akunnerani matumani ilisimatitsipput.

Aalisarneq pillugu inatsisissatut siunnersuummi Royal Greenland immikkut ittumik pineqarnissaminik kissaateqarsimanngilaq. Inatsimmi tunngaviusoq allanngortinneqarpat, suut akilersinnaanersut suullu akilersinnaannginnersut Royal Greenlandip isiginiartariaqarpai, siulitaasup tullia taama oqarpoq.

Demokraatit Atassullu Erik Jensenimut tatiginnikkunnaarnermik taasinissamut siunnersuuteqarput, naalakkersuisoqatigiilli Erik Jensen taperserpaat. Taamaattumik taanna naalakkersuisuuinnassaaq.

Qeqqani eqqartuussiveqarfiup paarineqartussanngortitsilluni eqqartuussinera Kalaallt Nunaanni Eqqartuussivimmit maanna naqissuserneqarpoq. Angut inunnut pinerluuteqarsimasutut siornatigut pineqaatissineqareersimavoq.

Silami arsaannermi nuna tamakkerlugu sungiusaasoq Morten Rutkjær arsartunik 18-nik toqqaavoq pikkorissunut Tyrkiami unammisussanik.

Spaniap ministeriunerata nuliami peqquserluttuliorsimasutut pasisaalluni oqartussanit misissuivigineqaleruttornerani eqqarsarfeqarnissani siunniuppaa.

Inuusuttut innarluutillit ullumikkut nuna tamakkerlugu isumasioqatigiinnissami eqqarsaatiminnik, misilittakkanillu oqaasertaliinissaminnut periarfissinneqarput.

Tusassip Tasiilami sukkanerusumik akikinnerusumillu internetteqalernissaa neriorsuutiginikuuaa, susoqarnerli ajorpoq. Unammillerteqarsinnaannginneralu isornartoq, nunap immikkoortuani nakorsaaneq isumaqarpoq.

Saqqummersitsineq Backbone arnat eqqumiitsuliornermi eqqartugaannginnerusarnerannik ukkatarinnitsitsilernissamik siunertaqarpoq. Arnat arlallit akuersissuteqaratik saqqummersinneqarlutik oqaatigaat. Taamaakkaluartorli eqqumiitsuliat uninngatiinnarneqassasut, aqutsisoq oqarpoq.

Ikiorsiissutissatut milliardilikkuutaanik aningaasaliissutissatut siunnersuutip akuersissutigineqartup Senatimi taasissutigineqarnera naammasseriarpat atsiorniarlugu, USA-p præsidentiata Joe Bidenip neriorsuutigaa.

Issittumi Sakkutooqarfiup portugalimiut aqqartartuat avataani sikup naqqanukarnerani suleqatigissavaa.

Pillaanermi sinaakkutinik imaluunniit pillaanermik inatsimmik atuinissaq, periutsinik allanngortitsinermik kinguneqanngikkaluarluni inuiaqatigiinni toqqissisimatitserusunnermik ersersitsineruvoq, siunnersuuteqartut taama oqarput.

Eqqmiitsuliortut paasiteqqaarnagit Ilulissani Katersugaasiviup saqqummersitsinera eqqumiitsuliortut kattuffiata Kimiup isornartorsiorpaa.

Gazami innuttaasut illersornissaannik suliaqarfiup Khan Younisimi napparsimmavimmi al-Nasserimi toqungasut timaannik suli nassaallattaasoqartoq paasissutissiissutigaa.

Royal Greenlandip aalisarnermut inatsisissami immikkut pineqarnera isornartoq taamaannalu aalisartitsiteqatigiiffiit namminersortut eqqorneqaatigissaqigaat, Atassut isumaqarpoq. Immikkulli pineqarnissi piumasarinngikkini, Royal Greenland akissummini allappoq.

Akitsuut 38 procentiusoq atorunnaarsinneqassasoq, Demokraatinit, Nivi Olsen isumaqarpoq.

Nunatta avannaata kitaani piniartut aalisartullu ullaap tungaani piniariarnissaminnut seqerngup nuinissaanut utaqqisariaqartarnertik qatsuppaat. Taakku nunatta nalunaaqutaata allanngorteqqinneqarnissaa – kissaatigaat.

Siumut Folketingimit tallimanngormat toqqaannartumik oqalutseqarniaraluarpoq. Aaqqiissut taanna Folketingimi ataavartumik aaqqiissutitut maanna itigartitsissutigineqarpoq.

Inatsisartut nalunaaquttamik siartitsiniarlutik aalajangerneranit ukioq ataasiinnaq qaangiuppoq. Inoqatinut attaveqaatitigut ilisimaneqarluartup nalunaaquttap ullup nalinginnaasumik ingerlaneranut malinnaaleqqinnissaa maanna ilungersuutigaa.

Aalisarnermi allannguineq uumasunut inunnut inuiaqatigiinnullu ajunngitsumik qanoq anguneqarsinnaava? Alaskamiut isumassarsiorfigineqartariaqartut ilisimatusartoq isumaqarpoq.