Juunip naanerani Nuummiit Nunavimmut, aasaanerani air greenland timmisartuussisalissaaq. Angalaffissallu allat periarfissaalerumaarput, soorlu Canadap illoqarfiinut allanut ingerlaqqittoqarsinnaalissaaq.

Naalakkersuisut siulittaasuata nunarsuarsuarmiunik suleqateqarnissatsinnut nunatta piujuartitsinermik sammisaqarnissaa pingaaruteqarsoraa. Tamanna Future Greenlandimi ukioq manna ataatsimeersuarnermi oqaatigaa.

Afghanistan sapaatip akunnerini kingullerni sakkortuumik siallingaatsiarpoq. Ajunaartoqarpoq, aqqunartoqarpoq illorpassuillu qarsussaasimapput.

Aalisarnermut inatsit nutaaq aalisartut siunissaannut qularnartitsivoq. Taakku aalisakkeriviit, aalisakkat akii piujuartitsinerlu pillugit ernumapput.

Aalisarnermut inatsisip nutaap suliarineqarnera sivisugaluartoq suliaqarneq aatsaat aallartilluarsinnaalersoq, aalisarnermut piniarnermullu naalakkersuisoq oqarpoq.

Nunatsinni eqqartuussiveqarfik suli «annertuunik unammilligasaqarpoq». Pinerlineqarsimasut pinerluttulerinermillu inatsimmik unioqqutitsisimasutut unnerluunneqartut atugaat misissoreerlugit, eqqartuussisuserisut siunnersuisooqatigiivi Advokatrådi taama naliliivoq.

Kalaallit Nunaata avataani najugaqaruit akeqanngitsumik kalaallisut aamma siunnersorneqarsinnaalerputit.

Isumasioqatigiinneq Greenland Future Nuummi sapaatit akunnerani uani ingerlanneqartoq nunanit assigiinngitsorpassuarneersunit peqataaffigineqarpoq.

Danmark 5,6 milliardit koruuninik silaannakkut saassussisoqarnerani illersuutinut, qamutilinnut eqqaassissutinut, qaartartunut igeriuttakkanut qaartartunullu illersuutinut atugassanik Ukrainemut tunissuteqarpoq.

Aalisarnermut inatsisissamik ukiut 20-t sinnerlugit naalakkersuisullu aqqanillit assigiinngitsut atuutsitsilerniarsarereersut aalisarnermut inatsit nutaaq akuerineqarpoq.

Angut KNI-mi aningaasaqarnermut pisortatut atorfeqarnermini millionit koruuninik arlalinnik imminut iluaqusersorsimasutut eqqartuunneqarpoq.

Nunatsinni tusagassiortut sapiilluinnartut tunniusimasullu ilaat, Elna Egede, toqusoq nalunaarfigineqaratta aliasuutigeqaarput. Elna 70-inik ukioqarluni toquvoq. Elna Egedep piumassuseqarluni tunniutiinnajuitsuunini nipinilu nunatsinni ilisimaneqaatigai. Elna Narsami inunngorpoq meeraanerminilu inuttut annaasaqaqaaq. Elna tallimaannarnik ukioqartoq angutaa toquvoq, kingornalu arnaa, taamaattumillu qatanngutini nukarliit akisussaafigilerlugit. Inuttut aqqusaakkani pissutigalugit isumaginninnermut tunngasunik pimoorusseqaluni apeqqusiisarpoq.

Aalisarnermut inatsisissap ullumikkut oqallisigineqarnerani, Naalakkersuisunut tamarmiusunut tatiginninnginnermik taasitsinissamik Naleraq siunnersuuteqarpoq. Naalakkersuisooqatigiit pinngitsoortitsipput Naalakkersuisullu annallugit.

Aalisarnermut inatsisissaq Inatsisartuni tallimanngormat oqaluuserineqarmat Doris Jensenip (S) aalisartut Polar Seafoodimit aningaasanik atorsimasut inussiaatitut taagorpai. Suliffeqarfiup pisortaata tamanna pakatsinarnerarpaa.

Politikerinik peqquserluttuliortoqarneranik 2007-mi qulaajaavoq. «Inuiaqatigiit qullersaannik isornartorsiuisimanini » pillugu nersugaavoq legatimillu tunineqarluni.

Inuusuttut tassaapput nunatta siunissai. Politikerit inuussutissarsiornermillu suliallit ukioq manna ‘Future Greenland 2024’-mi oqaloqatigiinneranni ilaatigut taama oqariartuuteqartoqarpoq. Inuusuttut peqataasut KNR-ip naapippai.

Qatserisartut ikuallattumik qamisaaleruttorput.

Inatsisartuni siulittaasoqarfiup Jens Napãtôk Naleqqameersoq aalisarnermut inatsimmut paasissutissanik ingerlatitseqqiisimasutut inerniliissuteqarfigisinnaanngilaa. Taamammat naammagittaalliuut tiguneqartoq pillugu allamik iliuuseqassanngilaq.

Aasianni aalisakkanik suliffissuarmi sulisut 100-t missaanniittut pisassiissutit ikilineqarnerat pissutigalugu aalisakkerivik matuneqassappat suliffissaarussinnaapput.

Naalagaaffeqatigiit ilaannit assammik isaassisoqarnerata kingunerisaanik sungiusaasut nutaat Mikkel Bom aamma Kim Ostermann-Petersen arnanut nunanut allanut unammisartunut sungiusaasuulissapput.

Timersoqartartut peqatigiiffiisa kattuffii arlallit unammiuaarnerni annertuuni peqataasarnertik ingerlatiinnarusullugu aningaasanik amerlanerusunik taperneqarnissartik piffissami sivitsortumik kissaatigaat. Timersornermulli Naalakkersuisup isornartorsiuineq itinerusumik tigunngilaa, pereersut sammiunnaarlugit siunissamik sammisaqarnissaq kissaatigineruaa.

Jens Napãtôk unioqqutitsilluni aalisarnermut inatsisissamut tunngasunik paasissutissanik ingerlatitseqqiisimasoq, Siumut isumaqarpoq. Unioqqutitsisimanngitsorli Inatsisartut Siulittaasoqarfiannit nalilerneqartoq, taanna oqarpoq.

Kalaallit isiginnaartitsinermik ilinniarfiannik siullermik pilersitsisoq, Reidar Nilsson, toquvoq. Nunatsinni kulturimut sunniutigisimasai pillugit taassuma ilinniartorisimasaata qutsavigaa.

Kalaallit angutit assammik arsarlutik nunanut allanut unammisartut Mexicomi bronzennannissamik tungaanut isiginnaartunit tapersersorneqarluarput. Isiginnaartuulluni nukkiornartoq, unammiartoqataarngaartup arnaa oqaluttuarpoq.

Timersortartut peqatigiiffiisa kattuffii arlallit aningaasarliornertik pissutigalugu unammiuaarnernik unititsiinnartariaqartarput.

Angutit pingasut pillugit ulluni arfinilinni eqqartuussivimmi annertuumik suliaqartoqareersoq angutit ilaatigut toqutseriarsimasutut peqqarniitsumillu nakuusersimasutut qaammatinit sisamanit paarineqartussanngortitsinermut eqqartuunneqarput.

Aningaasanut pappilianik nutaanik sanasoqassaaq, innuttaasullu taakku qanoq isikkoqarnissaannut sunniuteqarsinnaapput.

Nakorsat nunatsinni nammineq nakorsiartarfittaarsinnaanissaat, partiit arlaqartut ajoriffissaqartinngilaat. Eqqarsaatigeqqissaaqqaagassaasorli pingaarnersiulluinilu nalilersoqqissaaqqaagassaasoq, peqqissutsimik immikkut ilisimasallit isumaqarput.

Kalaallit Nunaat, Savalimmiut Ålandilu nunat avannarliit siunnersuisoqatigiivini ilaasortat allat naligalugit peqaaasariaqarput. Ålandip nunanut avannarlerni suleqatigiinnermut ministeria Altinget Arktisimut taama oqarpoq.

Politiit aamma Issittumi Sakkutooqarfik angummik 29-nik ukiulimmik arfininngornermi ualikkulli ujaasilerput. Taakkulu ujaasinertik sapaammi ualikkut taamaatippaat.

Vladimir Putin naalakkersuisuminni arlalitsigut allannguivoq. Illersornissamut ukiuni kingullerni aqqaneq-marlunni ministeriat, Sergej Sjojgu, taarserneqartunut ilaavoq.

Kalaallit angutit pissanganarluinnartumik unamminermi 29-25-mik ajugaapput, taamaalillutillu bronzennallutik.

Kalaallit assammik arsarlutik nunanut allanut unammisartui USA-mut ajorsaramik bronzinnanniunnisamut unammisussanngorput.

Angut 29-nik ukiulik Qaqortup Narsallu akornanni tammaaneqartoq Kalaallit Nunaani politiinit Issittumilu Sakkutooqarfimmit suli ujaarineqarpoq.