Arnap kokaini 200 grammi nassataminiitsillugu anngiortumik eqquteriarpaa, Kangerlussuulli mittarfiani unitsinneqarpoq.

Ilulissani mittarfissami timmisartup ingerlavissaa siusinnerpaamik 2026-mi ukiakkut naammassissasoq, Kalaallit Airports International A/S paasissutissiivoq.

Island Manerassuarmilu qeqertarpaat ilaat Cook Islands nunatta namminiivilinnissamut tunngasuni isumassarsiorfigisinnaasaanut ilaasut, nunani tamalaanik pissutsinik immikkut ilisimasalik Ulrik Pram Gad oqarpoq.

Nuna sisoormat inuit tuusintilikkuutaat matoorussaasut, Papua Ny Guineap ajunaarnersuaqartillugu ataqatigiissaarisoqarfia ilisimatitsivoq.

Nunatta namminiilivinnissaa innuttaasunit taasissutigineqassasoq Inatsisartuni partiit arlallit maanna angorusuppaat. Tamannali pitinnagu tunngavissarissaarnissaq qulakkeerneqaqqaassasoq, immikkut ilisimasalik oqarpoq.

Kunngi Frederik sapaammi maajip ulluisa 26-anni 56-iliilluni inuuissiorpoq. Kunnginngornermi kingorna siullerpaamik inuuuissiorpoq, tamannalu naalagaaffeqatigiit iluanni assigiinngitsutigut nalliussineqarpoq.

Hamas qaartartut igeriuttakkat atorlugit Tel Aviv sapaammi saassukkaat Hamasip nammineq nalunaarutigaa. Taamaalimmat saassussisoqalerneranik kalerrisaarutit Tel Avivimi ullumi siusinnerusukkut tusarsaapput.

Isiginnaagassiamik piviusuinnik tunngavilimmik isiginnaagassiamik ‘De arktiske reddere’-imik isiginnaagassiornermi ilitsersuisoq nassuiarneqarsinnaanngitsumik misigisaqarpoq, assai malugisinnaajunnaartarlutillu qanimut ikinngutigiinnermik misigisaqarpoq.

Gazami sakkuaakkunnaarallartoqarnissaa pillugu atorfilittatigut Parisimi isumaqatigiinniartoqartoq oqaatigineqarpoq. Naallu Israel Naalagaaffiit Peqatigiit eqqartuussiviisa qullersaannit naalakkerneqaraluarluni Gazamik qaartartumeeriuarsinnarpoq.

Tupilak Travelip ulluuneranilu sammisassaqartitsiviup Nuilaap Paamiuniittup suleqatigiinnerisigut innuttaasut innarluuteqartut takornarianik aasaanerani angallassisassapput.

Naalakkersuisut naak eqqartuussivilersuussisoqarnera tupaallaatiginngikkaluarlugu aatsitassarsiorfiup uranimut inatsimmik ataqqinninnginnera uggoraat.

2023 nunatsinni erngup nukingata silap pissusianut CO₂-nik tonsilippassuarnik aniatitsinermut qajassuussiffigaa.

Qillaq Olsen aamma Niels Lange assigiinngitsutigut assigiinngisitsiffigineqarnikuupput. Taamaammat taamaaliorneqaqqissagaluarunik inatsisitigut illersugaalernissaminnut nunarput assigiinngisitsinnginnisamik inatsiseqalissasoq neriuutigaat.

Spaniamiut qeqertaataanni takornarianit ornigarneqarluartartumi Mallorcami neriniartarfiup qaava sisamanngornermi nakkaammat, inuit sisamat ajunaarput 16-illu ajoquserujussuarlutik.

Kalaallit Nunaata immikkoortitsinnginnissaq pillugu inatsiseqalernissaa pingaartuuvoq, Inuttut Pisinnaatitaaffiit pillugit Siunnersuisoqatigiit nalunaarput, taakku nalunaarusiamik nutaamik saqqummiipput.

Inuit qanoq amerlatigisut ajunaarsimanersut Papua Ny Guineami oqartussanit suli nalunaarutigineqanngilaq, inuilli 100-nik sinneqartut ajunaarsimanissaat aarleqqutigineqartoq tamaani tusagassiorfinnit oqaatigineqarpoq.

Nuummiit angalasut angummik toqungasumik Nuup eqqaani ullut pingasut matuma siorna nassaarput. Taannalu tassa Arnannguak Larsenip uia, taassumalu tammaaneqalerneranit ernumanerit apeqqutillu annertusimapput.

Ruslandip Ukrainemut saassussinera pissutaalluni Norgep killeqarfini russinut takornarianut maajip ulluisa 29-anni matussavaa.

Kalaallit Nunaanni Politiit toqungasup timaa kinaassusersivaat, tassa angut 48-nik ukiulik 2023-mili tammaaneqalersoq.

Piaarnerpaamik eqqissisimanerulertoqarniassammat innuttaasut tapersersorumagini, Emmanuel Macron Ny Kaledoniamut tikikkami oqarpoq.

Kommune Kujallermi aningaasaqarnerup aqunneqarsinnaalernissaata tungaanut akiliutigeriaannagassatut atukkat qaffanneqassapput. Kommunalbestyrelsip tamanna aalajangerpaa.

Ukiut ingerlanerini illersornissaqarfik pillugu isumaqatigiinniarnerni Kalaallit Nunaat sunniutikippallaarpoq. Massakkut taamaattoqassanngilaq, IAp foketingimut ilaasortaatitaa Aaja Chemnitz oqarpoq.

Nunatta Eqqumiitsulianik Saqqummersitsivissaata piviusunngornissaanut aningaasat pisariaqartinneqartut affaasa missaat suli amigaataapput. Grønlandsbankenilli tapiissuteqarnera aningaasaateqarfiit allat tapiissuteqarnissamik kajumilernissaannut tunngaviusoq, Josef 'Tuusi' Motzfeldt oqarpoq.

Angut 30-kkut qiteqqunnerani ukiulik pissutsit arfinillit ilaatigut nakuusernermut, pinngitsaaliilluni atoqatiginninnermut, qarasaasiatigut tunngasutigut peqquserlunnermut aserorterinermullu tunngatillugu eqqartuussivimmi sisamanngornermi unnerluutigineqassaaq.

Nanoq piaraalu Kulusummut ullumi aqqusaarput. Nanoq piaraalu ullaap tungaani qulingiluat missaanni Kulusuup mittarfiani, timmisartut mittarfianniitut takuneqarput. Mittarfimmi sulisup Kornilus Poulsenip biilinik nannut qimaatippai iluatsittumik.

Oqoqartoq paasineqarmat Maniitsumi efterskolemi atuartut arlallit ilaquttaminnut angerlarput. Naalakkersuisut aaqqiissutissamik ujartuipput, KNR-imut oqarput.

PostNordip frimærki nutaaq kunngi Frederimmik assiliartaqartoq saqqummersilerpaa. Kunngi Frederik kunngitut aatsaat siullermeerluni frimærkimiilerpoq.

KNI-mi naatsorsuuserinermut pisortaasimasoq peqquserluuteqarsimasutut peqquserlullunilu allagaasiorsimasutut ukiuni pingasuni pineqaatissinneqarsimasunut inissiisarfimmiittussanngortinneqarpoq. Taassuma peqquserluuteqarnermini 'KNI sulisuilu pasinarsarsimagai', pisortaq oqarpoq.

Nannut marluk Kulusummut ullumi aqqusaarput. Oqartussalli nannunut maannamut iluatsilluartumik qunutitsillutik qimaatitsipput.

Innuttaasut kalaallit Danmarkimi najugaqartut Europa-Parlamentimut Danmarkimi juunip ulluisa qulingiluaanni qinersisoqarnissaanut allakkatigut qinersisinnaalerput.

B-67-imit isikkamik arsartartut holdit marluk aningaasaliisoqarneratigut nunat tamalaat akornanni Danmarkimi unammiuaarnerannut peqataassapput.

Londonimit timmisartup silaannaq unerisimanngitsoq aqqusaarpaa, ingerlavigisaminiillu sangutinneqarluni. Issimasoq ataaseq ajunaarpoq 30-llu aqqunartiterlutik.

Danmarkimi umiarsualiorfiit Atlantikup avannaanut sakkutuut umiarsuaanik nutaanik sanaartussasut, danskit naalakkersuisui oqarput. Taamali suliaqarnissamut ilinniarsimasut amigaataapput.

Siriusimi Kangerlussuarmi alapernaarsuisunngorniartoqartalissasoq Kangerlussuarlu dronenik nakkutilliisoqarfinngussasoq, nunanut allanut tunngasuni naalakkersuisoq oqarpoq.

Qulimiguullit Iranip Aserbajdsjanimut killeqarfiata nalaani nakkarmarmata Iranip præsidentia Ebrahim Raisi, nunanullu allanut tunngasunut ministeri Hossein Amir-Abdollahian ajunaartunut ilaapput. Tamaani atorfilittat ilaat taama ilisimatitsivoq.