Tipigissaatinut, sukkunut sodavandinullu akitsuutit 2025-mit appartinneqassapput. Tamanna nunatta avannaani tunumilu innuttaasunut pingaartumik pitsaasuussaaq.

Inatsit Inatsisartunit amerlanerussuteqartunit Upernaakkut ataatsimiinnermi ullormi kingullermi akuersissutigineqarpoq.

Savalimmiuni akissarsiat pillugit isumaqatigiinnginneq pissutigalugu lastbiilinik ingerlatsisut, umiarsualivimmi sulisut allallu maajip ulluisa 14-iannili suliumajunnaarput.

Timmisartup mittarfia iluarsaanneqassaaq, aatsaallu aqagu siusinnerpaamik ullaakkut arfinernut timmisartumik qangattartoqassalluni.

Angerlarsimaffiutigalutik atuarfiusimasuni ilerrinik peqarsinnaanera misissorneqarnikuunngisaannarpoq. Taamaattumillu ilumut iliveqarnersoq qularutiginnittunit apeqquserneqarpoq. KNR-illi ilanngutassiortuata sammisaq qassiiliortitsinerusinnaaneranik aarlerisaarivoq.

Pisiffimmi sulisut mentoritut ilinniartinneqarput, taamaalillutik inuusuttut iluatsilluarnissaannut ikiuillutillu tapersersuisinnaassapput.

Palæstinamiut qimaasut tupeqarfiat Rafah-p kangisissuaniittoq israelimiut marlunngornermi saassussineranni eqqarneqarsimasoq nalunaarutigineqarpoq.

Palæstinap naalagaaffittut akuerineqarnissaa tapersersorini, Spaniap ministeriunera Sánchez oqarpoq.

Akileraartarnermut aningaasaqarnermullu naalakkersuisoq pissutsinik inummut tunngalluinnartunik innarliisutut politiinut unnerluutigineqarpoq.

Nuummi ulussaarsuartut sakkortutigisumik anoraasuassaaq.

Kunngi Frederik dronning Marylu nunatsinniinnerminni Avannaaniit Kujataanut juunip ulluisa 29-aniit juulip arferngata tungaanut angalassapput.

Naalagaaffiit Peqatigiit Isumannaallisaaniaqatigiivisa ataatsimiigasuarnissaat Algeriap kissaatigigaa, nunami tassani atorfilittat oqaatigaat. Ullumi marlunngornermi ataatsimiigasuassapput.

Nunatsinni nakorsat peqatigiiffiata nakorsat namminersortut pillugit oqallinneq ilassilluarpaa, tamannali piviusumik periarfissaalissappat napparsimmavimmi sulisoqarnermut inuiaqatigiillu aningaasaqarneranut akornusiisinnaasoq aamma ernumassutigalugu.

Atassummit politikeri nunatsinni politikkikkut suliaqarnermini naggataarpoq. Taanna Inatsisartunut 1995-imi qinigaavoq.

Naleraq naalakkersuisunut tatiginninnginnermik taasititsiniaqqippoq.

Greenland Airportsip 2023-mi ukiumoortumik nalunaarusiaq saqqummiuppaa. Mittarfeqarfiit siuariartortoq piginneqatigiiffiup pingaarnerusup aningaasaqarnera ajornerulluni 235 millionit koruuninik amigartooruteqarpoq.

USA-mi naalagaaffinni assigiinngitsuni sapaatit akunnerata naanerani kaassaarmat inuit 15-init ikinnerunngitsut ajunaarput, naalagaaffiit Texas, Arkansas Oklahomalu taakkununnga ilaapput.

Neriuffiit Kattuffiat ukiuni arlalinni utaqqererlunilu nappaassuarmik kræftimik napparsimasut eqqissillutik isersimaarfigisinnaasaannik siunnersorneqarfigisinnaasaannillu illuliornissamut piareerpoq.

Arnap kokaini 200 grammi nassataminiitsillugu anngiortumik eqquteriarpaa, Kangerlussuulli mittarfiani unitsinneqarpoq.

Ilulissani mittarfissami timmisartup ingerlavissaa siusinnerpaamik 2026-mi ukiakkut naammassissasoq, Kalaallit Airports International A/S paasissutissiivoq.

Island Manerassuarmilu qeqertarpaat ilaat Cook Islands nunatta namminiivilinnissamut tunngasuni isumassarsiorfigisinnaasaanut ilaasut, nunani tamalaanik pissutsinik immikkut ilisimasalik Ulrik Pram Gad oqarpoq.

Nuna sisoormat inuit tuusintilikkuutaat matoorussaasut, Papua Ny Guineap ajunaarnersuaqartillugu ataqatigiissaarisoqarfia ilisimatitsivoq.

Nunatta namminiilivinnissaa innuttaasunit taasissutigineqassasoq Inatsisartuni partiit arlallit maanna angorusuppaat. Tamannali pitinnagu tunngavissarissaarnissaq qulakkeerneqaqqaassasoq, immikkut ilisimasalik oqarpoq.

Kunngi Frederik sapaammi maajip ulluisa 26-anni 56-iliilluni inuuissiorpoq. Kunnginngornermi kingorna siullerpaamik inuuuissiorpoq, tamannalu naalagaaffeqatigiit iluanni assigiinngitsutigut nalliussineqarpoq.

Hamas qaartartut igeriuttakkat atorlugit Tel Aviv sapaammi saassukkaat Hamasip nammineq nalunaarutigaa. Taamaalimmat saassussisoqalerneranik kalerrisaarutit Tel Avivimi ullumi siusinnerusukkut tusarsaapput.

Isiginnaagassiamik piviusuinnik tunngavilimmik isiginnaagassiamik ‘De arktiske reddere’-imik isiginnaagassiornermi ilitsersuisoq nassuiarneqarsinnaanngitsumik misigisaqarpoq, assai malugisinnaajunnaartarlutillu qanimut ikinngutigiinnermik misigisaqarpoq.

Gazami sakkuaakkunnaarallartoqarnissaa pillugu atorfilittatigut Parisimi isumaqatigiinniartoqartoq oqaatigineqarpoq. Naallu Israel Naalagaaffiit Peqatigiit eqqartuussiviisa qullersaannit naalakkerneqaraluarluni Gazamik qaartartumeeriuarsinnarpoq.

Tupilak Travelip ulluuneranilu sammisassaqartitsiviup Nuilaap Paamiuniittup suleqatigiinnerisigut innuttaasut innarluuteqartut takornarianik aasaanerani angallassisassapput.

Naalakkersuisut naak eqqartuussivilersuussisoqarnera tupaallaatiginngikkaluarlugu aatsitassarsiorfiup uranimut inatsimmik ataqqinninnginnera uggoraat.

2023 nunatsinni erngup nukingata silap pissusianut CO₂-nik tonsilippassuarnik aniatitsinermut qajassuussiffigaa.

Qillaq Olsen aamma Niels Lange assigiinngitsutigut assigiinngisitsiffigineqarnikuupput. Taamaammat taamaaliorneqaqqissagaluarunik inatsisitigut illersugaalernissaminnut nunarput assigiinngisitsinnginnisamik inatsiseqalissasoq neriuutigaat.

Spaniamiut qeqertaataanni takornarianit ornigarneqarluartartumi Mallorcami neriniartarfiup qaava sisamanngornermi nakkaammat, inuit sisamat ajunaarput 16-illu ajoquserujussuarlutik.

Kalaallit Nunaata immikkoortitsinnginnissaq pillugu inatsiseqalernissaa pingaartuuvoq, Inuttut Pisinnaatitaaffiit pillugit Siunnersuisoqatigiit nalunaarput, taakku nalunaarusiamik nutaamik saqqummiipput.

Inuit qanoq amerlatigisut ajunaarsimanersut Papua Ny Guineami oqartussanit suli nalunaarutigineqanngilaq, inuilli 100-nik sinneqartut ajunaarsimanissaat aarleqqutigineqartoq tamaani tusagassiorfinnit oqaatigineqarpoq.

Nuummiit angalasut angummik toqungasumik Nuup eqqaani ullut pingasut matuma siorna nassaarput. Taannalu tassa Arnannguak Larsenip uia, taassumalu tammaaneqalerneranit ernumanerit apeqqutillu annertusimapput.