Bayernimi Baden-Württembergimilu qarsutsinerit ulluni arlalinni siallerujussuarnerata kingunerai, taakkunanilu innuttaasut 3.000-nit ikinnerunngitsut najukkaminnit qimagussortittariaqarsimapput.

Naak 2023 puisit amiinik tunitsineq tunisaqarnerlu ikineriaraluartut Great Greenland naammagisimaarnartumik ukiumut angusaqarpoq, pitsaanerusinnaasulli, pisortaq oqarpoq.

Sikkilit innaallagiatortut oqallisaaqisut maanna akuerisaalerput.

Nunatta karsiata sinneqartoorutissai naatsorsuutigisaminit annertunerungaatsiarput. Tamannalu illuatungiliuttunit isornartorsiorneqarpoq, aningaasammi innuttaasunut atorneqartariaqartut taakku isumaqarput.

Mexico, nunarsuatsinni nunat spaniamiusut oqaaseqarfiusut annersaat, oqaluttuarisaanermi arnamik aatsaavissuaq præsidentitaartussanngorunavippoq.

Ilulissani mittarfissualiorneq kinguaattoormat angalasut Kangerlussuarmiit avannarpasinnerusumukartut timmisartornerat sivitsussaaq. Nuummili mittarfissuassaq piffissaq eqqorlugu ammassasoq, pisortaaneq oqarpoq.

55-nik ukiulik niuernermik suliaqartoq Halla Tómasdóttir Islandimi præsidentinngussaaq. Islandimi arnani præsidentiusut aappassaa qinigaavoq.

Japanimiup milliarderip p pisortatigoortuunngitsumik namminersortutut siullersaalluni 2022-mi qaammammukarnialermat persuarsiutigineqarpoq. Maanna qaammamukarnissaq taamaatinneqarpoq.

Neriniartarfik Koks nunatsinni naggataamik ammangajalerpoq.

Kujataani, tassa Narsami, Qaqortumi Nanortalimmi nunaqarfiinilu Pilersuisup, Brugsenip Pisiffiullu pisiniarfiini ullumi meeqqat ulluanni imigassat aalakoornartortallit matoqqapput. Tamanna Nanortalimmi Najukkami ataatsimiitsitaliap qinnuteqatigimmagu piviusunngorpoq.

Nunatsinniit Danmarkimut qallunaarpannik atuartulimmi efterskoleriat oqaatsitigut kulturikkullu allamik tunuliaqutaqarnerat eqqarsaatigineqangaartanngilaq. Ærø Efterskoleli tamatumunnga iliuuseqarniarpoq.

Nuummi arnaq 36-nik ukiullik savimmik kapineqarnermi kingorna toquvoq. Angut 28-nik ukiulik pasineqarpoq, taannalu ullumi nalunaaqutaq marlunut inatsit tunngaviusoq naapertorlugu killisiorneqassalluni.

Eqqartuussivimmi sapaatip akunnerani matumani suliami nakuusertoqarsimanera pinngitsaaliillunilu atornerluisoqarsimanera pillugit eqqartuussisoqarpoq. Pinerliisoq pisuutinneqarpoq, taassumali suliaq Nunatta Eqqartuussivianut suliassanngorteqqippaa.

Upernaakkut ataatsimiinneq naammasseqqammerluinnarpoq, IA Siumullu ataatsimut siuttuunerminnik malunnartitsereerlutik assigiinngequtiminnik takutissuingajalerput.

Siumup Nuummi siulittaasua ukioq ataaseq sinnerlugu siulittaasooreerluni tunuarpoq. Qarsoq Høegh-Dam Facebookikkut allappoq.

Donald Trump, USA-mi præsidentiusimasuni siullersaalluni pinerluuteqarsimasutut unnerluutigineqartuni eqqartuunneqarpoq.

Timit paniinnarnikut Uunartumi nassaat 1929-mi USA-liaanneqarnikut nunatsinnit pigineqaqqilernissaat, Nunatta Katersugaasiviata ukiuni kingullerni tallimani sulissutigaa. Timit taakkua ilisimatusaataasimapput.

Ph.d-nngorniat «Paasisavut 2024»-mut saqqummiussillaqqinneqqutaannissamut qinnuteqarsinnaalerput.

Namminiilernissaq pillugu taasisitsinissamik eqqarsalertinnginnermi, sukumiisumik nassuiaasiornissaq pisariaqarpoq. Inatsisartut marlunngornermi taama aalajangerput.

Inuit 14-it Hong Kongimi eqqartuussivimmut sassartinneqartut nunap aaqqissuussaaneranik akerliliiniartutut pisuutinneqartut inuunermi sinnerani parnaarussassanngortinneqaratarsinnaapput.

Ilulissani mittarfissualiornerup kinguaattooqqinnera Kalaallit Airportsip amigartooruteqangaatsiarneranik malitseqarpoq. Nunanili allani timmisartuutileqatigiiffiit aamma timmisartussaalatsileruttorput, nunatsinnilu unnuiffissaasinnaasut aamma amigarlutik.

Tipigissaatinut, sukkunut sodavandinullu akitsuutit 2025-mit appartinneqassapput. Tamanna nunatta avannaani tunumilu innuttaasunut pingaartumik pitsaasuussaaq.

Inatsit Inatsisartunit amerlanerussuteqartunit Upernaakkut ataatsimiinnermi ullormi kingullermi akuersissutigineqarpoq.

Savalimmiuni akissarsiat pillugit isumaqatigiinnginneq pissutigalugu lastbiilinik ingerlatsisut, umiarsualivimmi sulisut allallu maajip ulluisa 14-iannili suliumajunnaarput.

Timmisartup mittarfia iluarsaanneqassaaq, aatsaallu aqagu siusinnerpaamik ullaakkut arfinernut timmisartumik qangattartoqassalluni.

Angerlarsimaffiutigalutik atuarfiusimasuni ilerrinik peqarsinnaanera misissorneqarnikuunngisaannarpoq. Taamaattumillu ilumut iliveqarnersoq qularutiginnittunit apeqquserneqarpoq. KNR-illi ilanngutassiortuata sammisaq qassiiliortitsinerusinnaaneranik aarlerisaarivoq.

Pisiffimmi sulisut mentoritut ilinniartinneqarput, taamaalillutik inuusuttut iluatsilluarnissaannut ikiuillutillu tapersersuisinnaassapput.

Palæstinamiut qimaasut tupeqarfiat Rafah-p kangisissuaniittoq israelimiut marlunngornermi saassussineranni eqqarneqarsimasoq nalunaarutigineqarpoq.

Palæstinap naalagaaffittut akuerineqarnissaa tapersersorini, Spaniap ministeriunera Sánchez oqarpoq.

Akileraartarnermut aningaasaqarnermullu naalakkersuisoq pissutsinik inummut tunngalluinnartunik innarliisutut politiinut unnerluutigineqarpoq.

Nuummi ulussaarsuartut sakkortutigisumik anoraasuassaaq.

Kunngi Frederik dronning Marylu nunatsinniinnerminni Avannaaniit Kujataanut juunip ulluisa 29-aniit juulip arferngata tungaanut angalassapput.

Naalagaaffiit Peqatigiit Isumannaallisaaniaqatigiivisa ataatsimiigasuarnissaat Algeriap kissaatigigaa, nunami tassani atorfilittat oqaatigaat. Ullumi marlunngornermi ataatsimiigasuassapput.

Nunatsinni nakorsat peqatigiiffiata nakorsat namminersortut pillugit oqallinneq ilassilluarpaa, tamannali piviusumik periarfissaalissappat napparsimmavimmi sulisoqarnermut inuiaqatigiillu aningaasaqarneranut akornusiisinnaasoq aamma ernumassutigalugu.

Atassummit politikeri nunatsinni politikkikkut suliaqarnermini naggataarpoq. Taanna Inatsisartunut 1995-imi qinigaavoq.