Timit paniinnarsimasut Uunartup qeqertaasaaneersut nunatsinnukaanneqarnissaat Nunatta Katersugaasiviata sulissutigaa. Nunatsinniilerinissaat Mina Adolfsenip Uunartup ungasinngisaani perortup neriuutigaa.

Emil Krogh Nanortalimmi timersornikkut eqeersimaartuuvoq, taannalu piumooriffinerminut maanna nersornaaserneqarpoq.

Nuummi mittarfissuartaarnissaa 2026-mi sulorarnermi annertuumik pisoqarnissaanut ammaasseqataasinnaavoq.

Tjenestemanditut soraarninngoruit nunarpullu qimallugu taava atugarissaarluarsinnaavutit. Nalunaarusiap nutaap tjenestemandit nunatsinni Danmarkimilu soraarnerussutisiaasa assigiinngissutaanik misissuisup tamanna takutippaa.

Danmark FN-ip isumannaallisaaniaqatigiivinut ataavartumik ilaasortaanngikkaluartoq nunanut allanut tunngasuni politikkikkut suli tusaaneqarluartassasoq naatsorsuutigigini, nunanut allanut tunngasunut ministeri Lars Løkke Rasmussen oqarpoq.

Hunter Bidenip eqqartuussivilersuunneqarnerani sapaatit akunnerata massuma ingerlanerani aallartittumi qanorluunniit inerniliisoqaraluarpat akueriniarini, USA-p præsidentiata Joe Bidenip uppernarsarpaa.

Inatsisitaarfiup Danmarkimi persuarsiutigineqarnerani Asta Naja Helms nunatsinneersoq Savalimmiuneersorlu Álvur av Kák, aaqqissuussami inatsisitaarfimmut tunngatinneqartumi Købehavnimi Skuespillerhusimi ingerlanneqartumi naalagaaffeqatigiinneq pillugu saqqummiipput.

Piviusulersaarusiaq ”Twice Colonized”, kalaaleq arnaq Aaju Peter sorsuuteqarnerani malittaralugu filmiliaq, filminut nersornaasiuttakkamik nuimasumik akissarsitinneqarpoq.

Inersimasut meeqqanik inuusuttunillu isumassuisut ukiukitsunut tiinganiarsaralutik attaveqarsimasut eqqartuussivilersuunneqariaannaanerusalissapput.

Tunngaviusumik akissarsianut qaffaaneq, meerartaarnermut atatillugu sulinngiffeqartarnerup pitsanngorsaavigineqarnera, tapeqartitsisarnerup pisariillisarnera Atorfillit Kattuffiata ilaasortaanut isumaqatigiissutip nutaap ilaanniipput.

EU-p nunatsinni allaffeqarfiani angutip nutaap siuttuusussap Kangia Qiterleq avannaanik issittumik taarserpaa.

Aviaya Andersen ‘Oqalugiallammak’-mik Danmarkimi nersornaasigassatut innersuussanut ilaavoq. Tusaamanerlunneqarnitsinninngarnit tamatigoortuunerunitta oqaluttuarinissaa pingaartikkini, taassuma oqaatigaa.

Sikkilinik nuannarisaqartut tuniniaasartullu sikkilit innaallagiatortut akuerisaassanersut inerteqqutaassanersulluunniit aaqqiivigineqarmat naammagisimaarput.

Maniitsumi akunnittarfiup Hotel Maniitsup eqqaani angut aallaammik sakkulisartoq Maniitsumi politiit pingasunngornermi ualikkut orniguffigisariaqarsimavaat. Politiit pigaartuisa pisortaat sisamanngornermi ullaakkut taama oqarpoq.

Kunngikkormiunik suliumajunnaartoqaleruttornerani tikeraartoqarnissartik tulluartuunngitsoq, Savalimmiut naalakkersuisuisa siulittaasuat isumaqarpoq.

Aviaya Andersen ‘Oqalugiallammak’-mik Danmarkimi nersornaasigassatut innersuussanut ilaavoq. Tusaamanerlunneqarnitsinninngarnit tamatigoortuunerunitta oqaluttuarinissaa pingaartikkini, taassuma oqaatigaa.

KNR-ip siulersuisuini siulittaasutut suliassat piffissami matumani piumasaqaateqangaatsiarput. Rosannguaq Rossen siulittaasuulernerminit qaammatit pingasuunngitsulluuniit qaangiuttut tunuarnini taama nassuiaateqarfigaa.

Hotel Arcticip neriniartarfiata nutaap kalaalimerngit nutaaliornerlu ataatsimuulersissavai.

KNR-ip siulersuisuini siulittaasutut suliassat piffissami matumani piumasaqaateqangaatsiarput. Rosannguaq Rossen siulittaasuulernerminit qaammatit pingasuunngitsulluuniit qaangiuttut tunuarnini taama nassuiaateqarfigaa.

Namminersorlutik Oqartussat nunatsinni ataqqinaatit annersaannik Dronning Mary meerartatta inuusuttattalu atugaat pillugit ukiorpassuarni suliaqarnera pillugu nersornaaserpaat.

Timit paniinnarnikut Uunartumit 1929-mi USA-liaanneqartut maanna nunatta tigoqqippai. Taakku ilisimatusartunit eqimattanit Københavnimi Panum Instituttimi naqqup ataani ataasinngormat misissorneqarput.

Kommune Kujalleq akileraarutinut 40 millioninik akiitsoqartoq sapaatip akunnerani matumani siusinnerusukkut saqqummiunneqarpoq. Aningaasalli akileraarutinut atorneqarsimanngikkunik sumut atorneqarpat? Demokraatit tamanna paaserusuppaat.

Nuummi klassit pingasut Ujarassiorit atuartunut unammisitsinerani smartphonenik saqqummiinertik ajugaassutigaat.

Angut 30-t missaanni ukiulik angerlarsimaffimmi eqqissiviilliorfiusumi aallaasersorsimasutut pasineqarluni Ittoqqortoormiini politiinit marlunngornermut unnuaani tigusarineqarpoq.

Norgemi Preikestolenimiit meterit 200-t missaannut nakkarluni ajunaarsimasup nassaarineqareersup timaata aanissaa politiit sulissutigileruttorpaat.

Siumumit politikerip oqarnera naapertorlugu Det Konservative Folkepartimit Rasmus Jarlov Folketingip naggataarutaasumik oqallinnerani assigiinngitsumik oqaaseqarpoq.

Ukiuni arlalinni sulissutigineqareerluni nunarput uumasulerinermik Nuummi Ilisimatusarfimmi ilinniarfeqalertussanngorpoq.

Bayernimi Baden-Württembergimilu qarsutsinerit ulluni arlalinni siallerujussuarnerata kingunerai, taakkunanilu innuttaasut 3.000-nit ikinnerunngitsut najukkaminnit qimagussortittariaqarsimapput.

Naak 2023 puisit amiinik tunitsineq tunisaqarnerlu ikineriaraluartut Great Greenland naammagisimaarnartumik ukiumut angusaqarpoq, pitsaanerusinnaasulli, pisortaq oqarpoq.

Sikkilit innaallagiatortut oqallisaaqisut maanna akuerisaalerput.

Nunatta karsiata sinneqartoorutissai naatsorsuutigisaminit annertunerungaatsiarput. Tamannalu illuatungiliuttunit isornartorsiorneqarpoq, aningaasammi innuttaasunut atorneqartariaqartut taakku isumaqarput.

Mexico, nunarsuatsinni nunat spaniamiusut oqaaseqarfiusut annersaat, oqaluttuarisaanermi arnamik aatsaavissuaq præsidentitaartussanngorunavippoq.

Ilulissani mittarfissualiorneq kinguaattoormat angalasut Kangerlussuarmiit avannarpasinnerusumukartut timmisartornerat sivitsussaaq. Nuummili mittarfissuassaq piffissaq eqqorlugu ammassasoq, pisortaaneq oqarpoq.

55-nik ukiulik niuernermik suliaqartoq Halla Tómasdóttir Islandimi præsidentinngussaaq. Islandimi arnani præsidentiusut aappassaa qinigaavoq.

Japanimiup milliarderip p pisortatigoortuunngitsumik namminersortutut siullersaalluni 2022-mi qaammammukarnialermat persuarsiutigineqarpoq. Maanna qaammamukarnissaq taamaatinneqarpoq.