Nuummi mittarfissuaq nunani allanisuut mittarfissuummat, piumasaqaataasut ilaatigivaat nassatassat misissoqqaarneqartarnissaat, taamaattumik akunnernik marlunnik sioqqutsilluni ullumimiit aallariartortoqartalissaaq.

Birthe Jensen Qaanaameersoq sølvimik nersornaaserneqarpoq.

Sisimiuni aatsitassarsiornermik ilinniarfik ukiukitsunit piffissami kingullermi aserorteriffigineqaqattaarpoq.

Danmarkimi kalaallit meerartaannik allamut inissiinissamik naliliiniarnermi angajoqqaat tarnip pissusianik ilisimasalimmik kalaallinik ilisimaarinnittumik oqaloqateqarsinnaatitaasalertariaqartut, Danmarkimi inuttut pisinnaatitaaffinnik ilisimatusarfik isumaqarpoq.

Kinamiut avataarsualiartaataat qaammatip tunuani qaarsumit misissugassanik usilluni nunarsuarmut ullaaq manna nunnippoq.

Nunatta Parisimi isumaqatigiissummut ilanngunnera nunarsuarmut pingaaruteqartoq, avatangiisinut naalakkersuisoq Kalistat Lund tamanna pillugu persuarsiutaasumik sisamanngormat atsioqatigiittunut ilaasoq oqarpoq.

Sikorsuit nunatta kujataani kangianilu piffissami matumani suli ilungersuatitsinerat nalinginnaasuunngilaq. Immikkut ilisimasallit marluk oqarnerat naapertorlu juulip naanerata tungaanut sikorsuaqassagunarpoq.

Nunatsinni meeraaqqeriviit meeqqeriviillu ulappuffigineqangaatsiarput, ulluinnarnimi suliassanik isumaginninnissamut sulisussaaleqisoqarpoq. Nuummi meeqqerivik aaqqiissutissatsialammik nassaarsimavoq.

Manerassuarmi qeqertarpaat ilaanni Ny Kaledoniami taasisinnaatitaanermik aaqqissuusseqqilersaartoqarnera pissutigalugu eqqissiviillioqqilerput. Aaaqqissuusseqqinneq Frankrigimeersut qeqertarpannut nunasisut nunap inoqqaavininngarnit pissaaneqarnerulernerannik kinguneqassasoq, akerliusut isumaqarput.

Varna Marianne Nielsen qilaatersornermik ilisimasaminik nunap inoqqaavisa kulturikkut kingornussaat pillugit atuakkami nutaami ilanngussaqarpoq. Qilaatersornerup ullutsinni kulturitsinnut maannaminngarnit ilaanerulernissaa, taassuma neriuutigaa.

Nunatsinni meeraaqqeriviit meeqqeriviillu ulappuffigineqangaatsiarput, ulluinnarnimi suliassanik isumaginninnissamut sulisussaaleqisoqarpoq. Nuummi meeqqerivik aaqqiissutissatsialammik nassaarsimavoq.

Kalaallit Københavnimi Løvstrædemi Illuutaata ukiunik 50-inngortorsiornera inuit illumik taassuminnga ukiut taakkua ingerlaneranni atuisuusut assinginik saqqummersitsinertalimmik malunnartinneqarpoq.

Imigassartorsimallutik biilertunik politiit unnuaq marsernerusimanerat imminut akilerluarpoq. Aamminni imigassamik akoqarpallaarlutik biilertut pingasut sapaammut unnuami unitsinneqarput.

Norge siullermeerluni umiarsuarmut uuliamik kinertumik usisumut akiligassiivoq. Kalaallit Nunaannilu inatsimmik assingusumik qaammatip tulliani atuutsilertitsisoqassaaq.

Norskit avatangiisinut aqutsisoqarfiata kuunni 33-ni immamilu kapisileqassuseq appasippallaarmat kapisilinniarneq inerteqqutaalersippaa.

Aalartittarfik, nukassaatit nutaggariit qilaamullu portusooq. Tassa Nuummi nukassarfittaassap ammarnissaa qilanaarineqaqaaq. Nukkassartarfittaassarsuarmik piginnittup takornarniartippaatigut.

Angajoqqaat akuersiteqqaarnagit meeqqat meeravissianngortinneqarsimasut, Danmarkip naalagaaffiat inuit pisinnaatitaaffiinik unioqqutitsisimasutut eqqartuussivimmut suliassanngortinneqarpoq. Taama DR allappoq.

Heidinnguaq Jensen aamma Kondrad Nuka Godtfredsen inuussuttunut kalaallillu kulturiannik attassinermut suliaqangaatsiarnerannut immikkut nersornaaserneqarput.

Canadamioq isiginnaartitsisartoq Donald Sutherland «Hunger Games» aamma «M.A.S.H» peqataaffiginikuuaai.

Christianiami Stjerneskibimi illup isuani qalipagarsuaq tallimanngorpat inuiattut ullorsiornitsinni atoqqaarfissiorneqassaaq. Illoqarfiup kiffaanngissusillip annertuumik allanngortiterneranut ilaavoq.

Suliniaqatigiiffiup Mind Your Own Businessip ikiuunneratigut suliffeqarfeeqqat marluk nunatsinni aallartipput.

Mittarfittaassarsuup Nuummi atulerneratigut unnuisarfiit neriniartarfiillu amerlanerit illoqarfimmi pilersinneqartariaqarput. Takornariat amerlinissaannut unnuisarfiit maanna pioreersut naammanngillat.

Politiit aamma Issittumi Sakkutooqarfiup annaassiniartartuisa inuit angalaqatigiit arfineq-pingasut sikorsuarni puulukeqqasut aanialersaarpaat.

Massakkut pappiaqqat piumasarineqartutigut atsiorneqarput, taavalu Kalaallit Nunaat Parisimi isumaqatigiissummi piumasaqaatit naapertorlugit CO₂-mik aniatitsinermik annikillisitsinissaminut pisussaalerpoq.

Ilulissani politiit Adam ujaarivaat, arfininngormat kingullermik takuneqarpoq.

Meeqqat inuusuttullu kigutaat narlorissagassaagunik Nuummiittut maannakkut kisimik periarfissaqarput. Nunattali sinnerani meeqqat kigutaasa illoqarfiit pingaarnersaannut narlorissartikkiartorneqarnissaat periarfissaalissasoq, peqqinnissamut naalakkersuisoq oqarpoq.

Ilaqutariit Kjeldsenikkut Pooskip qeqertaanukarnerminni ukiuni marlunni imaaneereerlutik Nuummut tikipput.

Angut 34-nik ukiulik ikiaroornartumik nunatsinnut anngiortumik eqqusseriaraluarnini pissutigalugu ukiuni sisamani qaammatinilu arfinilinni pineqaatissinneqarsimasunut inissiisarfimmiittussanngortinneqarpoq.

Nunalerinermut, imminut pilersornermut, nukissiutinut avatangiisinullu naalakkersuisoq, Kalistat Lund, danskillu ineriartortitsinermi suleqatigiinnermut nunarsuarmilu silap pissusia pillugu politikkimut ministeriat, Dan Jørgensen, nunatta nunat tamalaat silap pissusia pillugu isumaqatigiissutaannut ilaalernissaanut atsioqatigiissappput.

Akerliussutsimik takutitsisut Gazami akersuunnermi palæstinamiut tapersersorlugit isaarissamik assersuimmata, Christiansborgimut suliartortut allakkoorlutik iseriartornissaannik piumaffigineqarput.

Angutit pingasut eqqartuussivimmi sapaatip akunneranik sivisussusilimmik unnerluutigineqarnissaat napparsimasoqarnera pissutigalugu aasaanerani sulinngiffeqartoqareernissaata tungaanut kinguartinneqarpoq.

Kangiani qiterlermi alianartuliaq naalagaaffinnik marluiusunik pilersitsinikkut aaqqiivigineqartariaqartoq ataatsimiititaliami ilaasortat arlallit oqarput.

Avataarsuani teknologii nunatsinni ulluinnatsinnut pingaaruteqarluinnarpoq, nunarsuullu sinnerata avataarsuanik atuineranut nunarput aamma pingaaruteqarpoq. Danskit avataarsualiartartuat, Andreas Mogensen nunatsinnut maanna tikeraartoq oqarpoq.

Nannup inuit sisamat sakkussaqanngitsut tungaanukarnerata kingunerisaanik Issittumi Sakkutooqarfik Kalaallit Nunaannilu Politiit Kangerlussuup kitaani annaassiniarnermik aallartitsipput.

Kommune Kujallermi niviarsiaqqat U18-it futsalimi pissartanngorniuttoqarnerani ajugaasut qaqisarfianniipput, taakkulu angerlaramik borgmesterimit nalliuttorsiutigineqarput.