Christianiami Stjerneskibimi illup isuani qalipagarsuaq tallimanngorpat inuiattut ullorsiornitsinni atoqqaarfissiorneqassaaq. Illoqarfiup kiffaanngissusillip annertuumik allanngortiterneranut ilaavoq.

Suliniaqatigiiffiup Mind Your Own Businessip ikiuunneratigut suliffeqarfeeqqat marluk nunatsinni aallartipput.

Mittarfittaassarsuup Nuummi atulerneratigut unnuisarfiit neriniartarfiillu amerlanerit illoqarfimmi pilersinneqartariaqarput. Takornariat amerlinissaannut unnuisarfiit maanna pioreersut naammanngillat.

Politiit aamma Issittumi Sakkutooqarfiup annaassiniartartuisa inuit angalaqatigiit arfineq-pingasut sikorsuarni puulukeqqasut aanialersaarpaat.

Massakkut pappiaqqat piumasarineqartutigut atsiorneqarput, taavalu Kalaallit Nunaat Parisimi isumaqatigiissummi piumasaqaatit naapertorlugit CO₂-mik aniatitsinermik annikillisitsinissaminut pisussaalerpoq.

Ilulissani politiit Adam ujaarivaat, arfininngormat kingullermik takuneqarpoq.

Meeqqat inuusuttullu kigutaat narlorissagassaagunik Nuummiittut maannakkut kisimik periarfissaqarput. Nunattali sinnerani meeqqat kigutaasa illoqarfiit pingaarnersaannut narlorissartikkiartorneqarnissaat periarfissaalissasoq, peqqinnissamut naalakkersuisoq oqarpoq.

Ilaqutariit Kjeldsenikkut Pooskip qeqertaanukarnerminni ukiuni marlunni imaaneereerlutik Nuummut tikipput.

Angut 34-nik ukiulik ikiaroornartumik nunatsinnut anngiortumik eqqusseriaraluarnini pissutigalugu ukiuni sisamani qaammatinilu arfinilinni pineqaatissinneqarsimasunut inissiisarfimmiittussanngortinneqarpoq.

Nunalerinermut, imminut pilersornermut, nukissiutinut avatangiisinullu naalakkersuisoq, Kalistat Lund, danskillu ineriartortitsinermi suleqatigiinnermut nunarsuarmilu silap pissusia pillugu politikkimut ministeriat, Dan Jørgensen, nunatta nunat tamalaat silap pissusia pillugu isumaqatigiissutaannut ilaalernissaanut atsioqatigiissappput.

Akerliussutsimik takutitsisut Gazami akersuunnermi palæstinamiut tapersersorlugit isaarissamik assersuimmata, Christiansborgimut suliartortut allakkoorlutik iseriartornissaannik piumaffigineqarput.

Angutit pingasut eqqartuussivimmi sapaatip akunneranik sivisussusilimmik unnerluutigineqarnissaat napparsimasoqarnera pissutigalugu aasaanerani sulinngiffeqartoqareernissaata tungaanut kinguartinneqarpoq.

Kangiani qiterlermi alianartuliaq naalagaaffinnik marluiusunik pilersitsinikkut aaqqiivigineqartariaqartoq ataatsimiititaliami ilaasortat arlallit oqarput.

Avataarsuani teknologii nunatsinni ulluinnatsinnut pingaaruteqarluinnarpoq, nunarsuullu sinnerata avataarsuanik atuineranut nunarput aamma pingaaruteqarpoq. Danskit avataarsualiartartuat, Andreas Mogensen nunatsinnut maanna tikeraartoq oqarpoq.

Nannup inuit sisamat sakkussaqanngitsut tungaanukarnerata kingunerisaanik Issittumi Sakkutooqarfik Kalaallit Nunaannilu Politiit Kangerlussuup kitaani annaassiniarnermik aallartitsipput.

Kommune Kujallermi niviarsiaqqat U18-it futsalimi pissartanngorniuttoqarnerani ajugaasut qaqisarfianniipput, taakkulu angerlaramik borgmesterimit nalliuttorsiutigineqarput.

Inuit 100-t missaanniittuut Gazami sorsunneq pillugu sapaatip akunnerata siuliani akerliussutsimik takutitsipput. Taakku qinikkat aalajangiinissaanissaat sakkuaattoqarunnaarnissaanillu piumasaqaateqarnissaat anguniagaraat. KNR-ip inuit qinikkat qanoq iliortariaqarnerannik isumaqarnersut paasiniaaffigai.

Ruslandip præsidentiata Vladimir Putinip Korea Avannarliup siuttua Ruslandimut siorna tikeraartuusoq maanna tikeraarpaa.

Sermersuarmi ilisimasassarsiorusuttut maanna mingutsitsinngitsumik angalasinnaanngorput. Peqataasut arfineq-pingasut ilisimasassarsiorneq SOS ARCTIC 2024-mik taajuutilik naammasseqqammerpaat.

Danmarkimi inuit inoqutigiillu ajornartoornermik nalaassisoqassagaluarpat akunnerni 72-ini imermik, nerisassanik allanillu pisariaqartitanik peqassapput. Danskit oqartussaasui taama kaammattuuteqarput.

Illersoqatigiiuvugut atomimik sakkussiaatillit, NATO-p qullersaa Stoltenberg oqarpoq. Taassuma taama oqarnera aaqqiagiinnginnerulissutaasinnaasoq, Kremlimeersoq isumaqarpoq.

Peqatigiiffik nammineq piumassutsimik suliaqarfiusoq MAPI tapiissuteqarnerup soqutiginninnerullu amigaataaneri namminerlu piumassutsimik suliaqarusuttunik nassaarniarnerup ajornakusoornera pissutigalugit matulerpoq, siulersuisut siulittaasuat allappoq.

James Ignatiussen Tasiilami ukiorpassuarni palasiusoq najukkami suliaqarsimanini pissutigalugu sølvimik nersornaaserneqarpoq.

Nunatsinnut siunissami tikeraartut akiliinerulaartalissapput. Inatsisissatut siunnersuummi nutaami Naalakkersuisut tusarniaassutigisaani tamanna anguniagaavoq.

Københavnimi Kalaallit Illuutaat amerlanernik isertoqartarnissaminut inissaqartitsisariaqarpoq, tassunga ilaallutik danskit meeqqat Kalaallit Nunaat pillugu ilinniartinneqartussat, pisortaq Leise Johnsen oqarpoq.

Nukappiaraq 16-inik ukiulik ujaarineqartutut arfininngornermi nalunaarutigineqartoq ajunngitsoq nassaarineqarpoq.

Rafahp tungaanut aqqummi ullormut nalunaaquttap arfineq-pingasut unnukkullu nalunaaqutaq arfineq-marluk akornanni sakkuaakkunnaarallartoqartalernissaa Israelip illersornissaqarfiata nalunaarutigaa.

Nuummi mittarfissuassap illorsua pilersaarutit naapertorlugit ataasinngornermi juunip ulluisa 17-ianni ammarneqartussaagaluarpoq.

Tusass ulluinnarni ajunngitsuliortartut assilinerannik frimærkinik nutaanik marlunnik ukioq manna saqqummersitsivoq. Frimærkiliarineqartullu aappaata, Rebekka Olsvigip, toqqagaanini usorsisimaarutigaa.

Eqqagassat Avannaata Kommuniani amerliartuinnavissimapput, kommunimilu illoqarfinni nunaqarfinnilu 24-ni ammaannartumik ikuallaasarnissamut immikkut ittumik akuersissutaagallartumik tunniussisoqarpoq.

Prinsesse Kate kunngip Charlesip pingajuata inuuissiorneranut atatillugu paradeqartoqarneranut atatillugu karetimut ilaasoq arfininngornermi ullaap tungaani takuneqarsinnaavoq.

Gazami inuinnaat toqorarneqarnerisa Kalaallit Nunaannit miserratiginnginneqarnissaat piffissanngorpoq. Nuummi pingasunngormat akerliussutsimik takutitsinermi taanna oqariartuutit pingaarnersaraat.

Tilluisoqarlunilu tukerisoqartassaaq Greenland Martial Arts Event Nuummi timersortarfissuarmi tallimanngornermi pilerpat.

Ilaasartaatitaaq Maliina Ittuk siornali naammassineqareersimasussaagaluaq Danmarkimi ullumi tallimanngornermi atserneqartoq Kujataani pilersaarutit malillugit qanittukkut angalassissutaalertussaasaaq.

Politiit hashi 19 kiilu aningaasarpassuillu Rømømi umiarsualivimmi umiatsiami nassaaraat.