Nunat isorartuumi ilinniartitsisut ikinneranni atuartitsinermik pitsaasumik qulakkeeriniarneq akeqarpoq. Suliniullu unammillernartumut isumaginnittussaq maanna aningaasassaqalerpoq.

Autisteqartumik, ADHD-qartumik allamilluunniit ersinngitsumik innarluuteqartumik qanigisaqanngikkaanni, atukkat qanoq ittuunnersut naluneqartarpoq. Paatsorneqarneq naammattuugassaasartoq, ersinngitsumik inaarluutilinnut angajoqqaaq oqaluttuarpoq.  

Inuit sisamat naammassisaqarluarsimasutut ilisimaneqartut imarlu Danmarkip aningaasaanni atulersussani assiliartaassapput.

Kommune Kujalleq akileraarutinik A-nik qaammatini pingasuni akiliisimanngitsoq saqqummiunneqarmalli kommunip aningaasaqarnera pitsaanngilaq. Atorfinitsitsinerit maanna unitsinneqarallarput.

Air Greenlandip nappartanit, dieselimik imaqartunit qulinit arfineq-pingasut Ilulissat avannaani ataasinngornermi imaaniilersimassangatinneqartut ujaarigaluarpai, iluatsinngitsumilli.

Naja P-p nunarput sinnerlugu Pan-Arctic Visionimi peqataanissaanut qaammataannanngorpoq.

Nuummi unnugu natsimaneq anorersuannguuttarsinnaassaaq, anoraasuarsuartullu sakkortutigisumik anoraaasuartarsinnaassalluni. Ajoqusertoqarnissaa annikinnerpaaffissamiitinniarlugu, innuttaasut avatangiisiminni qanitani atortunik teqqaasinnaasunik isumannaarsuinissaannik Kommuneqarfik Sermersuumit kaammattorneqarput.

Oqartussat namminerlu kajumissutsiminnik ujaasingaatsiaraluartut angut 25-nik ukiulik, arfininngormalli Upernavimmi maqaasineqalersoq nassaarineqanngilaq.

Siunnersuuteqartup Pele Brobergip – naak taperserneqangaatsiaraluarluni – Inatsisartuni danskisut oqalutseqartarnera oqaluuserineqarallannginnissaa uggoraa.

Aqqaluaq B. Egede kisimi akisussaasuunasuginarsinnaavoq. Tiliorli inatsisissatut siunnersuutip nunatsinni inuit innarluutillit pillugit oqaaseqartartumit pakatsinarneragaalluni isornartorsiorneqartup imarisaanut aamma akisussaaqataasuusoq, naalakkersuisoq isumaqarpoq.

New Zealandimi nunap inoqqaavi maorit aappassaanik dronninngitaarput. Dronningertaavat kunngerisimasaata peeruteqqammersuusup panituaralugulu nukaliliaraa.

Angut 28-nik ukiulik inoqatinut attaveqaatitigut niviarsiaqqamut 14-inik ukiulimmut attaveqalersimavoq. Tamannalu meeqqamut 15-it inorlugit ukiulimmut kannguttaatsuliorsimasutut kujannissimasutullu eqqartuussaaneranik kinguneqarpoq.

Ukiut arfineq-marluk sinnerlugit perlerortoqanngereerluni nassaartoqarpoq. Terianniat toqunneqarput malittarisassallu tamarmik malinneqarlutik.

Greenland Airportsip kukkunerit Trafikstyrelsip aggustimi paasisai iluatsillugit aaqqiissuteqarfiginngilai. Taamaammat Nuummiit nunanut tamalaanut suli timmisartuussisoqarsinnaanngilaq.

Nunatsinni inuit innarluutillit inuiaqatigiinni ulluinnarni nammineernissaannut aporfippassuaqarpoq. Tamanna sapaatit akunneqaranni 41-mi ukkatarineqassaaq.

Russit Ukrainemi marlunngornermi peqqarneeqisumik saassussinerat nunanit arlalinnit assuarineqarpoq.

Inuit pisinnaatitaaffiit ujaasiffiginiarnerat innuttaasunullu ataasiakkaanut qanoq isumaqarnerisa paasiniarnissaat ajornakusoorsinnaavoq, tamanna qarasaasiatigut ilinniartitsissutip nutaap allanngortinniarniarpaa.

Nannut ukioq manna pisarnerminngarnit takussaaneroqinerat nannuttassiinerusoqarnissaanik nannullu qanillattortut toqunneqartalernissaannik oqallittoqarnerulerneranik kinguneqarpoq. Nunattalu politikeriisa ilaat tamatumani oqallinnermut ilanngupput.

Arfiviit aalajangersimasumik pissuseqarnersut paasiuminaassinnaagaluartoq aaqqissuussaasumik aqqartarunartut maanna paasinarsivoq, allaallumi 100 kilometeritut imminnut ungasitsigigaluarlutik aaqqissuussaasumik aqqartartut paasineqarluni.

Kalaallit Atuakkiortut sapaatip akunneranik sivisussusilimmik atuakkerineq pillugu aaqqissuilerput. Inuiaqatigiit ikittunnguanik innuttaasoqartut oqaatsinik atuinerannik nersorinninniutitut ataatsimullu suleqatigiinneq qitiutinneqassapput.

Putinip meeqqanik Ukrainemiit Ruslandimut aallarussisimasutut pasineqarluni nunat tamalaat eqqartuussivianit ujaarineqarnini tigusarineqarataatigisinnaavaa.

Inuit marluk ataasinngornermi ajunaarsimasut, Kalaallit Nunaanni Politiit paasissutissiipput. Politiit angut 25-nik ukiulik Upernavimmeersoq suli ujaaraat.

Angut 68-inik ukiulik nuliaminut iffiamut kitserummik kapisisimasutut niaqutigullu kaatamik anaasisimasutut ukiuni sisamani pineqaatissinneqarsimasunut inissiisarfimmiittuusanngortinneqarpoq.

Inuit innarluutillit tapersersorneqarnissaannut inatsisissatut siunnersuut ukiorpaalunni suliarineqaraluartoq susassaqartorpaalunniillu innersuussartaqaraluaqisoq allannguuteqangaanngitsoq, nunatsinni inuit innarluutillit pillugit oqaaseqartartoq isumaqarpoq.

Nunatsinni kigutilerisut 32-usussaagaluarput. Maannakkulli 20-nnaapput. Taamaammat naalakkersuisut namminersortunit ikiorneqarnissamut ammaapput.

Pinerluuteqarsimasunut Nuummi inissiisarfimmi ineeqqamini iluatalluni, avatangiisinik sukataarutilik Paul Watson apersorneqarnermini oqarpoq.

Arfininngormalli ujaarineqartoq angut 25-nik ukiulik suli ujarneqarpoq. Kalaallit Nunaanni politiit ujarlernerminni takunnissimasunik ujarlerput.

15-nit inorlugit ukiulimmik kujannissimasutut unnerluussinerup saniatigut angut 28-nik ukiulik aamma Snapchat aqqutigalugu allattarsimasutut, assinik videolianillu nassitsisimasutut meeqqap killissarisaanik qaangiisutut unnerluutigineqarpoq.

Kalaallit Nunaanni Politiit meeqqanut assersuutigalugu angerlarsimaffimmi eqqissiviilliortoqarneranik nalunaarutiginnittoqarfimmiissimasunut bamsinik nammineq kajumissutsiminnik nuersaarusussinnaasussarsiorput.

Akileraarutinik utertoorneq pisooqataallutik Kalaallit nunaanni politiit ulapissimapput. Nuummi sakkortuumik annersaanerit marluk, Uummannami Sisimiunilu kinguaassiuutitigut atornerluinerit misissugarineqarput.

Norskit prinsessiat Märtha Louise amerikarmiorlu Durek Verrett arfininngornermi katipput. Aappariit arlaleriarlutik uissuumititsinikuupput, ilaatigut Durek Verret angakkuunera pillugu.

Qilalugaq qaqortaq anuusalik nujuitsoq Norgep imartaani 2019-mi siumorneqartoq, nunanilu tamalaani ukkatarineqangaatsiartoq, Hvaldimir toqungasoq nassaarineqarpoq.

Angut 37-nik ukiulik, tallimanngormat ualisoq Qassiarsuliarluni Narsarsuarmiit avalattoq ujaarineqarnera unitsinneqarpoq.

Arfernik bundgarninut ningisimasunut napittoqakkajunnera erloqissutaasarpoq, qatikivissortumilli nipiliuutit arfernut pallittaaliissutissaqqittuusut, Nuuk Water Taximik piginnittup Anders Lykke Laursenip aaqqiissutissaqqissinnaasunik ujartuinermini paasivaa.

Kunngeqarfik Danmark Issittumi Siunnersuisoqatigiinni 2025-mit 2027-mut pisortatigoortumik siulittaasuulerpat Kalaallit Nunaat siuttuussaaq. Kalaallit Nunaatali suliassamut annertuumut naammassinnissinnaassusia killeqarpoq.