Hotel Arctica aamma Air Greenlandip takornarialeriffia World of Greenland ingerlatseqatigiiffimmi nutaami maaji 2025-mit suleqatigiilissapput.

Tallimanngorneq saqqummerpoq danskit aningaasaataani arnaq kalaaleq, tassa Arnarulunnguaq aningaasat saqqummertussani assitaliunneqassasoq. KNR-i apersuigaangami naliginnaasumik inuit isumaai assigiinngittaqaat. Ullumilu aperisagut isumaqatigeeqaat.

Inatsisartut ukiaanerani ataatsimiinnissaat qallivoq, qinersisoqarnissaanillu tusatsiakkat imaaginnavipput. Qinersisoqaliivinnersorli paasiniarlugu Ineqi Kielsen apersorparput.

Meeqqat arfineq-marluk Nuummi sisamanngornermut unnuaani biilertillutik kussinermut nakkarlutik ajutoorput. Biilinik kussinermut nakkartunik ingerlatsisoq 13-inik ukiuliusoq, Kalaallit Nunaanni Politiit ilisimatitsipput.

Angut argentinamiu Arctic Circle Trailikkut pisuttuarfimmit pingasunngornermi unnukkut SOS-imik nassitsivoq. Angut ajunngitsoq nassaarineqartoq, Kalaallit Nunaanni Politiit paasissutissiipput.

KNAPK-p aningaasaataanit millionit koruunit amigaatigineqarput, aningaasallu sumut pisimanersut ilisimaneqanngilaq, kisianni suliaq puigorneqaratarsinnaavoq, KNAPK-p siulittaasua oqarpoq.

Qeqertaaqqat Orkney aappaagu qeqertarmiut unammiuaarneranni kalaallit peqataaffigisassaanni Island Gamesimi aaqqissuisussat najugaqartitsinissamut ajornartorsiorput.

Angut ataasinngornermi unnukkut aallartoornermi imminut singernimigut aallaasoorpoq. Politiit pisoq pissutigalugu kaammattuuteqarput.

Naalakkersuisoq imminut toqunnissamut pinaveersaartitsinerup ullorititaanut innuttaasunut akisussaaffimmik tigusinissamik kaammattuuteqarpoq.

Sermersuaq naatsorsuutigisaminngarnit annerusimaqisoq umiarsuarmi Tarajumi ilisimatusartut misissuinerminni paasivaat.

Nuup mittarfianut mittarfianiillu sapaatit akunnerata naanerani angallattoqassanngilaq. Mittarfiup aqqutaani putoqarnera annerusumik maanna iluarsaanneqassammatt mittarfik matoqqagallassaaq. Greenland Airports taama nalunaaruteqarpoq.

Kommune Kujalliup karsia 20 millionit koruuninik amigartoq aningaasaqarnermut ataatsimiititaliap maajimi paasivaa. Tamannalu borgmesterip akisussaaffiginerarpaa – taamatupajaaq.

Inatsisartut ataatsimiinnerat aallarteqqingajalerpoq. Sammisat assigiinngitsorpassuit inatsisissatullu siunnersuutit oqaluuserineqassapput. KNR-ip politikkikkut oqaaseqartartuata sammisat sorliit ukioq manna immikkut pingaarnerussanersut erseqqissaatigai.

Qulimiguullit atorlugit annaassiniartartut laserimik qorsummit unnuap ingerlanerani qaalluitsitinneqarsimapput Tamanna pillugu suliaq Kalaallit Nunaanni Politiit ilungersunartorujussuartut isigivaat.

Nunatta annerpaartaa sikumik suli qallersimavoq, nunarsuulli silaannaata kissakkiartupallannera isiginnaagassiami piviusuinnik tunngavilimmi Nuuk Film Festivaleqarnerani takutinneqartussami inuttaasut piniartut ilisimatusartullu tamanna ernumassutigaat.

Greenland Airportsip aqutsisuini siulersuinilu suliaqarneq misissorneqassasoq, naalakkersuisut oqarput. Trafikstyrelsip Nuummi mittarfittaami isumannaassusermik akuersinnginnerata kingorna ilaatigut tamanna pivoq.

KNAPK-p kattuffimmi aningaasatigut peqquserluttoqarsimanersoq januaarimiilli misissulerpaa. Aningaasallu 1 millionit koruunit sinneqartut Hong Kongimi kontumut nuunneqarsimasut maanna paasineqarpoq. Sermitsiaq taama allaaserisaqarpoq.

Politiit aamma Issittumi Sakkutooqarfiup umiatsiaaraq sukkalisaangaatsiartoq pissutigalugu SAR-imit qulimiguulinnit marlunnik ataaseq sapaammi aallartippaat.

Issittumi Siunnersuisoqatigiinni siulittaasuuffiup tigunissaanut erseqqissumik pilersaaruteqarnissaq, ICC-p siulittaasuata Sara Olsvigip ujartorpaa. Naalakkersuisummi Issittumi Siunnersuisoqatigiinni akunnattooqqaleruttulersuni siuttuunissamut qanoq anguniagaqarnersut suli nalunartoq, taanna oqarpoq.

Umiarsuit takornariartaatit tikikkaangata nunaqartunut takornarianullu nuannersuusassaaq. Taamaattumik umiarsuit sorliit tikittarnissaat nunaqarfimmiunit aalajangeeqataaffigineqarusuppoq.

George W. Buship republikaneriusup præsidentiunerata nalaani tullersortaasimasup Dick Cheneyp, demokratit sinnerlugit præsidentimut qinigassanngortittoq Kamala Harris tapersersorpaa.

Sisimiormiu eqquisimanermik suli nalunaanngitsup, sapaatit akunnerata naanera nuanninaassagunarpaa. Taannami Brugseneeraq Kussangasumi lottokuponisisimavoq millionærinngorlunilu.

Inuit innarluutillit atugaat pitsaanngeqisut, Niels Skiftep nalunngittuaannarnikuuaa. Tamannalu nammineq aatsaat innarluutilinngoreernermini annerusumik eqqarsaatigisalerpaa.

Pisiffik Qinngorpumiittoq ippassaq tallimanngornermi unnukkut tillinniarfigineqarpoq, tillinniarsimasorlu politiinit suli ujaarineqarpoq.

Nunat isorartuumi ilinniartitsisut ikinneranni atuartitsinermik pitsaasumik qulakkeeriniarneq akeqarpoq. Suliniullu unammillernartumut isumaginnittussaq maanna aningaasassaqalerpoq.

Autisteqartumik, ADHD-qartumik allamilluunniit ersinngitsumik innarluuteqartumik qanigisaqanngikkaanni, atukkat qanoq ittuunnersut naluneqartarpoq. Paatsorneqarneq naammattuugassaasartoq, ersinngitsumik inaarluutilinnut angajoqqaaq oqaluttuarpoq.  

Inuit sisamat naammassisaqarluarsimasutut ilisimaneqartut imarlu Danmarkip aningaasaanni atulersussani assiliartaassapput.

Kommune Kujalleq akileraarutinik A-nik qaammatini pingasuni akiliisimanngitsoq saqqummiunneqarmalli kommunip aningaasaqarnera pitsaanngilaq. Atorfinitsitsinerit maanna unitsinneqarallarput.

Air Greenlandip nappartanit, dieselimik imaqartunit qulinit arfineq-pingasut Ilulissat avannaani ataasinngornermi imaaniilersimassangatinneqartut ujaarigaluarpai, iluatsinngitsumilli.

Naja P-p nunarput sinnerlugu Pan-Arctic Visionimi peqataanissaanut qaammataannanngorpoq.

Nuummi unnugu natsimaneq anorersuannguuttarsinnaassaaq, anoraasuarsuartullu sakkortutigisumik anoraaasuartarsinnaassalluni. Ajoqusertoqarnissaa annikinnerpaaffissamiitinniarlugu, innuttaasut avatangiisiminni qanitani atortunik teqqaasinnaasunik isumannaarsuinissaannik Kommuneqarfik Sermersuumit kaammattorneqarput.

Oqartussat namminerlu kajumissutsiminnik ujaasingaatsiaraluartut angut 25-nik ukiulik, arfininngormalli Upernavimmi maqaasineqalersoq nassaarineqanngilaq.

Siunnersuuteqartup Pele Brobergip – naak taperserneqangaatsiaraluarluni – Inatsisartuni danskisut oqalutseqartarnera oqaluuserineqarallannginnissaa uggoraa.

Aqqaluaq B. Egede kisimi akisussaasuunasuginarsinnaavoq. Tiliorli inatsisissatut siunnersuutip nunatsinni inuit innarluutillit pillugit oqaaseqartartumit pakatsinarneragaalluni isornartorsiorneqartup imarisaanut aamma akisussaaqataasuusoq, naalakkersuisoq isumaqarpoq.

New Zealandimi nunap inoqqaavi maorit aappassaanik dronninngitaarput. Dronningertaavat kunngerisimasaata peeruteqqammersuusup panituaralugulu nukaliliaraa.