Nipangiutiinnarneqartartut oqallisigineqarnerulernissaat Nuuk International Film Festivalimi ukioq manna sammineqarput, festivalilu ulluni sisamani aggersuni aaqqissuussinermigut inuiaqatigiinni akisussaaffimmik tiguserusuppoq.

Ilisimatusarnerup ajornaatsumik paasiuminartumillu sammineqarluni Paasisavut novembarimi aaqqissuunneqarnissaanut ajugaaniuteqataasussat tallimat toqqarneqarput.

Ineqartut Namminersorlutik Oqartussat inissiaataannik iluarsartuussinissarsuarmi 1,2 milliardit koruuninik akileeqataanissaannik Naalakkersuisut pilersaaruteqarnerat, aqqusinermi naapitatta naammaginngilaat.

Timmisartorsuaq Nuummut qaammatialunnguit qaangiuppata mittalissaaq, mittarfissuassalli illorsuani suli naammassisassaqaalulluni. Mittarfissuassap illorsua qanoq igineqarnersoq paasiniarlugu atuisunik oqaloqateqarpugut.

Israel sumiissusersiutinik Libanonimi sumiiffinni assigiinngitsuni qaartitsisuusoq, Hizbollahp pasilliutigaa. Israelip illersornissaqarfiata pisut oqaaseqarfiginngilai.

Imigassaq Ikiaroornartorlu pillugit Siunnersuisoqatigiit annerpaamik qanoq imigassartortigisinnaaninnut innersuussuteqaqqammerput. Taakku amerlanerpaamik sisamat innersuussutigaat.

Naalagaaffiit Peqatigiit nunatta nunatsinni inunnik innarluutilinnik isumaginninneranik qaammammi ataatsimi nalilersuereerluni naliliinermut piareerpoq. Isornartorsiuisoqangaatsiarporlu – aamma inatsit tusarniaassutigineqangajalersoq pillugu.

Nunatsinni kangiamiorpassuit najugaqarlutillu sulipput. Kommune ulluunerani paaqqutarinniffinnut Kangianit maanna sulisussarsiornialerpoq.

Donald Trump Floridami West Palm Beachimi golfertarfimminiitilluni sapaatiummat toqoriaraluarneqarpoq.

Inatsisartut sullivinni atukkat pillugit inatsimmik aamma malinnittussaatitaasut, Sullivinnik Nakkutilliisoqarfik erseqqissaavoq. Inatsisartut Allattoqarfianni sulisut qinikkatullu tassani sulisut qimmuuttoortarunnaaqqullugit Inatsisartut ukiaq mannamiit ullut ataatsimiiffissaat amerlineqarput.

Polenimi illoqarfiit ilaanni Nysami sapusiaq inunnit tuusintilikkuutaanit puut sioqqanik immikkat atorlugit ajalusoorneqatsaalineqarpoq.

USA-p nunatsinnut suleqatissatut soqutinarsarsinnaanerani EU ersinngilluinnangajassimavoq. Nuannarineqalerniarnermilli iliuuseqarnerup nutaap tamanna allanngortissavaa.

Illup iluani arsaannermi futsalimi qallunaat nunanut allanut unammisartui septemberip naanerani Norgemut unammilerunik kalaalersaqassapput.

Alanngut Killingannimik isiginnaagassiortoq, Malik Kleist isiginnaagassiamik quilertaammernartuliamik nutaamik allaanerusumik suliaqarpoq.

Tunumi qaqqamit siorna sisoorujussuartoqarnera nunarsuup ilarujussuani nalunaarsorneqarpoq. Taamanikkut pisoq silap pissusiata allanngoriartorneranik pissuteqarmat assingusumik pisoqaqqerataannaanera issittormiunut Issittumullu takornarialersaartunut aarlerisaarutigineqartariaqartoq, ilisimatusartoq oqarpoq.

Savalimmiormiut Danmarkillu ukiorpassuarni isumaqatigiinngissutaat ataatsimiititaliap nutaap aalajangiiffigissavaa. Ataatsimiititaliaqalerneq nunatta nunanut allanut tunngatillugu politikkianut nutaanik periarfissaqalersitsissasoq, ilisimatusartoq naliliivoq.

Trumpip golfertarfiata nalaani aallaasersorneragaasoq paarsisumit Secret Servicemeersumit aallaaneqartoq politiit ilisimatitsissutigigaat, nutaarsiassaqartitsivik AP allappoq.

Nuummi Pineqaatissinneqartunut isertitsiviup eqqaani uuliakoornermik katersuiniarlutik pingasunngormalli Nuummi upalungaarsimasut ulappupput. Immami suli uuliaqarpoq politiilli ilimagaat uuliakoorneq unissimassasoq.

Aningaasaatilissuaq inuillu pingasut allat marlunngormalli silaannarsuarmi angalaarput. Silaannarsuarmi atisassanik misileraanerup saniatigut misileraanernik allanik misileraapput silaannarsuarmilu angalaarlutik. Silaannarsuarmi inuinnaat angalanerat siullerpaaq.

Maniitsumi Efterskolemi silaannalunnera oqunneralu pissutigalugit upernaaq atuartuerutsinneqarpoq. Efterskolimi atuartut ineqarfiat imaqaranilu najugaqarfiusinnaannginnerani atuartut nutaat aallartipput.

Ruslandip Ukrainenillu akornanni ullut marluinnaat ingerlaneranni sorsunnermi tigusaasunik paarlaaqatigiittoqarpoq.Tamarmik sorsunnermi tigusaasimasunik 103-inik paarlaasseqatigiipput.

Islandimi aalisartitseqatigiiffiit annersaat Samhejri sinnertuusaarlugu peqquserlussimaneq pillugu Ilinniarnerminut soraarummerutiminut atatillugu islandimiu eqqumiitsuliortunngorniaq siorna salluliuummik utoqqatsertitsivoq. Suliffeqarfik eqqartuussivimmut tunniussivoq.

Nunatsinni takornariartitsineq najugaqavissut, avatangiisit aningaasarsiornerlu eqqarsaatigalugit ineriartortinneqassaaq. Takornariaqarpallaarnissarmi ungalassimaniartariaqartoq, takornariartitsinermik ilisimatusartoq AAU Arcticimeersoq isumaqarpoq.

Arsartartut kattuffiata KAK-p aningaasaqarnikkut ilungersuanera isertuussaanngilaq, tamannalu pissutigalugu nunanut allanut isikkamik arsamik unammisartunut pilersaarutit amerlanerusut maanna taamaatiinnarpaat.

Namminersorlutik Oqartussat inissiaataasa iluarsartuunneqarnissaat 2,5 milliardit koruuninik akeqassaaq, ineqartullu akileeqataassapput. Ineqarnermut naalakkersuisoq taama oqarpoq.

Imminut toqunneq akiorniarlugu inuiqatigiit akisussaaffimmik tigusissasut, meeqqanut inuusuttunullu naalakkersuisoq Aqqaluaq B. Egede oqarpoq. Nuummi aqqusinermi inuit naapitatta isumaqataapput.

Danskeq atorfilittaq Tobias Elling Rehfeld issittoq pillugu aallartitanngortinneqarmat nunatsinnit akerlerineqarpoq, Danmarkilli nunanut allanut tunngasunut ministereqarfiata suli aallartitaatippaa. Tamanna ataqqinninnerunngitsoq, partiit arlallit isummerput.

Angut 25-nik ukiulik biilinik Nuummi aqquserngit ilaanni 400-rtalikkoortilluni napparussuit ilaannut ullaaq manna aporpoq. Angut taanna ajutoornermi kisimiittoq, Kalaallit Nunaanni Politiit ilisimatitsipput.

Trumpip Biden siullermik oqalliseqatigeriarlugu Harris marlunngormat aamma oqalliseqatigaa. - Pingajussaanik oqallittoqarnavianngilaq!, Trump allappoq.

Qatserisartut politiillu Nuummi pineqaatissinneqarsimasunut inissiisarfiata eqqaani uuliakoorfiusimasumi pingasunngormalli najuutilerput. Uuliap suminngaanneernera suli ilisimaneqanngilaq.

Aki-Matilda Høegh-Damip oqarnera naapertorlugu Inatsisartuni piumasaqartoqarneratigut nutserisarneq akikinnerullunilu tamat oqartussaaqataanerannut iluaqutaassaaq. Altinget Arktisk taama allaaserisaqarpoq.

Hotel Arctica aamma Air Greenlandip takornarialeriffia World of Greenland ingerlatseqatigiiffimmi nutaami maaji 2025-mit suleqatigiilissapput.

Tallimanngorneq saqqummerpoq danskit aningaasaataani arnaq kalaaleq, tassa Arnarulunnguaq aningaasat saqqummertussani assitaliunneqassasoq. KNR-i apersuigaangami naliginnaasumik inuit isumaai assigiinngittaqaat. Ullumilu aperisagut isumaqatigeeqaat.

Inatsisartut ukiaanerani ataatsimiinnissaat qallivoq, qinersisoqarnissaanillu tusatsiakkat imaaginnavipput. Qinersisoqaliivinnersorli paasiniarlugu Ineqi Kielsen apersorparput.

Meeqqat arfineq-marluk Nuummi sisamanngornermut unnuaani biilertillutik kussinermut nakkarlutik ajutoorput. Biilinik kussinermut nakkartunik ingerlatsisoq 13-inik ukiuliusoq, Kalaallit Nunaanni Politiit ilisimatitsipput.