Nanoq Avannaata Kommuniani Qeqertap eqqaani takuneqarpoq. Innuttaasut nannumik takunniffiusup eqqaaniittut Aalisarnermut Piniarnermullu Naalakkersuisoqarfimmit mianersoqquneqarput.

Peqqinnissaqarfinni oqarasuaatit piffissami sivikitsumi ajutooqqapput. Innuttaasut taamaammat Peqqinnissaqarfik attaviginiarunikku pinartoqartillugu oqarasuaatinut imaluunniiit nakorsiartarfimmut ornigullutik saaffiginnittussaagaluarlutik.

Air Greenlandimi qulimiguulimmik timmisartuussinerit unitsinneqaraangata, teknikkikkut ajutooqqaneq peqqutaakkajuppoq. Agguaqatigiissillugu ukiumut 945-eriarluni unittittsisoqartartoq, Kisitsisit nutaat takutippaat.

Arnaq 82-inik ukiulik Nuummi inissiaqarfinni toqungasoq siorna januaarimi ullaaralaakkut nassaarineqartoq pillugu illersuisup unnerluussisussaatitaasullu toqutsinermi suliami uppernarsaasiiniarnissaannut periarfissaq kingulliuvoq.

Arnap 82-inik ukiullip siorna januaarip ullaavani toqutaaneranut tunngatillugu eqqartuussivimmi suliami DNA-mik takusassat sammineqarlutillu ilisimannittutut nassuiaateqartussat kingulliit tusarneqarput.

Avatangiisinik illersuiniaq oktobarip ulluisa 23-ata tungaanut tigummigallagaaginnassasoq, Kalaallit Nunaanni Eqqartuussivimmi aalajangerneqarpoq.

Sisimiuni toqusut timaannik ikuallaavittaarusupput. Imaaliallaannarli aningaasassaqartinneqanngimmat piviusunngortikkumallugu kommuni aningaasanik missingersuutinut immikkoortitsisalissasoq, Qeqqata Kommuniani aalajangiuppaa.

Israelip Københavnip avannaani aallartitaqarfiata qanittuani marloriarluni qaartartumeerisoqarnerani ajoqusertoqanngilaq.

Mittarfissualiornermi kinguaattooqattaarnerit tassanilu suli naammassisassaqaalunnera qaammatini kingullerni isornartorsiutigineqaqattaarpoq. Timmisartorsuulli merngaarnissaanut piffissaliussaq aalajangiusimagitsik, suliniummi tassani siuttoq oqarpoq.

Arnap 82-inik ukiullip siorna peqqarniitsumik toqutaanera pillugu eqqartuussinermi ullup aappassaani ilisimannittut nassuiaateqartinneqarput. Ulloq tamaat ilisimannittunik apersuinermut atorneqarpoq.

Inuit Ataqatigiit Danmarkimi kalaallit inuuniarnermikkut ajornartorsiuteqartut kalaallillu soraarninngorsimasut ikiorneqarnerunissaat folketingip ukiuanut nutaamut aggersumut kissaatigaa. Siumup eqqartuussiveqarnermut 40 millionit koruuninik aningaasaliisoqarnissaa kissaatigaa.

Libanonip kujasissortaani innuttaasut akersuunnerut «sakkortuseruttornerani» biilinik ingerlaqqusaanngillat.

Nunatsinni politikerit kommunit aaqqissuussaanerat iluarineqanngittoq ilungersunartutut isigisariaqaraat, nunamut namminermut Naalakkersuisoq isumaqarpoq.

Sikkerninnguaq Gärtner aappariinneq nakuuserfiusumiinnikuuvoq. Maanna arnat nakuuserfigineqartut podcastimik kalaallisut oqaaseqartunut pilersitsiniarluni aalajangerpoq. Kisimiittutut misiginnginnissaq pingaaruteqarmat.

Angut 22-nik ukiulik arnamik 82-inik ukiulimmik siorna januaarimi toqutsisimasutut unnerluutigineqarpoq. Angut unnerluutigineqartuni tamani pinngitsuunerarpoq.

Upperisarsioqatigiit sakkutuui Hizbollah-kkut siuttumik Hassan Nasrallah-p toqutaareernerani siuttoriligassaminnik piaartumik qinersiniarput.

Siumumeersoq Folketingimut ilaasortaq Folketingimi sisamanngorpat ammaanersiornermi oqallittoqarpat kalaallisuinnaq oqalunniarpoq. Folketingimi siulittaasunut akerliuneq pissutigalugu taamaaliorniarpoq.

Nanortalimmi palasip illuata oqummik eqqugaanera tamaani palaseqannginneranut pissutaavoq. Tamannalu uggornartoq, Nanortalimmiut arlallit isumaqarput.

Inuit tuusintilikkuutaat New Zealandimi illoqarfissuit ilaanni Aucklandimi sapaammi hakarmata, aatsaat taama amerlatigisunik hakartoqarpoq.

Mittarfissualiorneq pillugu isornartorsiutaangaatsiartut Greenland Airportsip pisortaanerata paasilluarsinnaanerarpai, uggoraluguli.

Nuummi H.J. Rinkip Aqqutaani Blok 10-mi inissiat ilaat arfinngornermi unnukkut ikuallappoq.

Nuummi HJ Rinksvej-mi Blok 10-mi inissiat ilaat arfinngornermi unnukkut ikuallappoq.

Aalisartut bundgarnii arfernit aserorneqarsinnaasarneri pillugit pallittaaliissutit whalepingersit KNR-imit nutaarsiarineqareerput.  Aalisartulli ilaasa tamakkiisumik iluaqutaannginneri isummerfigaat.

Tallimanngorneq Septembarip ulluisa 27-ani Ilisimatusarfik 40-liivoq. 1984-mi Ilisimatusarfik Inuit Institut-ut taajuuteqartinneqarallarmat ilinniarnertusartuni ilinnialeqqaartoq misigisalikkaartippaa.

Umiarsuit takornariartaatit arferit qimaatittaraat, piniartut takornarialerisullu isumaqarput. Umiarsuilli takornariartaatit arferit aarlerinartorsiornerannut pisuutitaasartut, arfernik ilisimatusartoq isumaqarpoq.

Henrik L. Hansen nakorsaanertut suliunnaalerpoq, Paneeraq Noahsenilu maanna nakorsaaninngussalluni.

Aki-Matilda Høegh-Damip. Siumumeersup, Konservativit sinnerlugit folketingimut ilaasortaq Rasmus Jarlov naammagittaaliutigisimavaa. Aki-Matilda Høegh-Dam isumaqarpoq nammineq kalaalllisut kinaassusia Rasmus Jarlovimit qajannarsisinneqarsimasoq.

Tasiilami innuttaasut Kommuneqarfik Sermersuumiit avissaarnissamik kissaateqarnera ataqqigini, Kommuneqarfik Sermersuup borgmesteria oqarpoq.

Naalakkersuisut GEUS-ikkormiut Dickson Fjordimi qaqqamit sisoortoqareernerani misissuinermi paasisaminnik anngussisimannginnerarlugit siusinnerusukkut isornartorsiorpaat. GEUS-ikkormiulli taamaaliorsimanerarput, naalakkersuisulli allatut isumaqarput.

Trump Ukrainellu præsidentia New York Citymi Trump Towerimi ualeru naapissapput.

Imigassamik aalakoornartulimmik atornerluiunnaarniarneq ajornakusoorsinnaavoq. Imigassartorunnaarniarneq iluatsissappat inuttut aqqusaakkat aallaavigalugit oqaloqatigiilluarneq apeqqutaasoq, Allorfimmi pisortaq oqarpoq.

Greenland Rubymi suliaqarnerit piffissap ingerlanerani annikilliartuinnarnerisa kingorna suliffeqarfik maanna matuvoq. Oqartussalli kalaallit rubininik tunisassiorneq ingerlatiinnarneqarsinnaanersoq misissorpaat.

«Sarsuatitat» oqaluttualiaavoq Danmarkimut nuulluni ilinniariartornermut ilinniakkamillu toqqakkamik peqqissiminermut tunngavoq. Oqaluttualiaq inuunerup isumaanik ujaasinermut aamma tunngassuteqarpoq.

Umiatsiaaraq Qaqortup avataani pingasunngornermi ullaap tungaani kingummat politiit SAR-imik suliaqarneq aallartippaat. Maqaasisaqartoqanngitsorli, Kalaallit Nunaanni Politiit oqarput. Nuummi angut anngiortumik eqqusseriaraluartoq tigusarineqarpoq.

Angut 22-nik ukiulik arnamik 82-inik ukiulimmik siorna toqutsisimasutut pasineqartoq pillugu eqqartuussivimmi suliaq Eqqartuussisoqarfik Sermersuumi sapaatip akunnerata tulliani aallartinneqassaaq.