Utoqqaat tusaaneqarnissaat qulakkeerniarlugu Avannaata Kommuniani utoqqaat siunnersuisoqatigiivi nutaat sisamat pilersinneqassapput. Tamanna kommunalbestyrelsip ataatsimiinnerani kingullermi aalajangerneqarpoq.

Isak Storchip angutip 20-nik ukiullip timaa quimi sapaatip akunnerata siuliani nassaaraa. Isak Storch malittarisassat malillugit akunnerit 24-t qaangiutsinnagit ikiorneqarasuartussaagaluarpoq, taannali ulluni sisamani utaqqeqqaartariaqarsimavoq.

Miltonimik taasamik Floridami anoraasuarujussuareerluni tallimanngornermi qatsorpoq. Anoraasuarsuaq taanna Floridamut anngummat aseruatiternerpassuaqarpoq.

Amerikamiut timmisartuutileqatigiiffiata, United Airlinesip angallassiffiusussat nutaat – matumani Nuummut aasaru ammartussaq ullumi saqqummiuppai.

Nunatta karsiata Danmarkimi innuttaasut kalaallit isumaginninnikkut ikiorneqarnissaat akilertariaqanngikkaluaraa, IA isumaqarpoq. Danmark akiliisassappat periarfissakinnerulernissaq, Aarhusimi Kalaallit Illuanni pisortap ernumassutigaa.

Siumup siulittaasuata siulittaasuusimasup KGB-mut attaveqarsimanera pillugu paasissutissaq imminut nutaajunerarpaa. Taamaakkaluartorli parteeqatiminut isiginninnini allanngunnginnerarlugu.

«Entropy» New Yorkimi nunanit avannarlernit isiginnaagassianik saqqummersitsinermi sapaatip akunnerata tulliani takutinneqassaaq. Taanna festivaalini arlalinni takutinneqassaaq – isiginnaagassiamili ilitsersuisoq assiliilluarnerpaatut aamma nersornaaserneqarsinnaavoq.

Nukappiaraq Nuuk Centerimi tillinniartilluni illup qaliaanit ilummut nakkarnermini ajoquserpoq, politiilli ajoqusernerit pillugit sukumiinerusumik oqaaseqarsinnaanngikkallarput. Nukappiaraq napparsimmavimmi maanna uninngavoq.

Anoraasuarsuaq Milton anngummat sakkortussusaata 1-imut apparnerata kingunerisaanik kaassaarnerani inuit marluk ajunaarsimasutut nalunaarsorneqarput.

Raajaqassuseq suli appariartortoq nalunaarutip nutaap takutippaa. Taamaammat nunatsinni 2025-mi raajartassiissutit 2024-mut sanilliullugu 27.600 tonsimik ikinnerussasut innersuussutigineqarpoq.

Kalaallit Nunaanni Politiit toqutsineq, Nuummi blok 5-imi pisimasoq pillugu sivikitsumik tusagassiortunik sisamanngornermi katersortitsipput, nutaanillu paasissutissiisoqanngilaq.

Qaqortumi inuusuit ornittagaat unnuaq akunnialuinnaat ingerlaneranni marloriarluni tillinniarfigineqarpoq. Politiit pisuni taakkunani tilisimannittussarsiorput.

Korea Avannarliup Kujalliullu akornanni pissutsit najummassimanartuarsinnarput, Korea Avannarliullu killeqarfik maanna matuinniarpaa.

Ole Madsen illoqarfimminni Qasigiannguani ukiorpassuarni kajumissutsimik suliaqartarnini pillugu sølvisumik ataasinngormat nersornaaserneqarpoq.

Naalakkersuisut siulittaasorisimasaata pissarsiarineqarsimannginnini naqissuserpaa. Ilisimasariiginnarsimallutillu oqaatigalugu.

Illersornissaqarfiup timmisartuata Challengerip Kalaallit Nunaanni ukioq kaajallallugu piareersimasarnissaannik isumaqatigiissut 2023-mi naammassineqanngilaq. Illersornissaqarfiup umiarsuinut alapernaarsuutinut Thetisitut ittunut aamma tunngasuni.

Canadap Kalaallit Nunaatalu akornanni isumaqatigiissutigisap piviusunngortinnissaa anguniarlugu septemberimi ICC ataatsimiisitsivoq. Visumeqarani angalasinnaanissap atuutsinneqalernissaa ICC suliamullu suleqatigisaasa nunani naalakkersuisut atuuttunngortissagaat kaammattuutigaat.

Politiit Nuummi blok 5-imi quimi angut toqungasoq tallimanngormat nassaarineqartoq pillugu tusagassiortunut marlunngornermi ullaap tungaani sassarput.

Sovjetunionimi kilitsissiaqarfiup naalakkersuisullu siulittaasorisimasaata akornanni 1970-ikkunnili attaveqatigiittoqartoqarsimasoq allagaatit maanna uppernarsarpaat. KGB-p allagaataani taanna iluaqutaasumik attaveqaatitit taaneqarpoq.

Oqaatsitigut meeqqanillu pinerliisimannginnermut uppernarsaammik piniarnermi qulakkeerinnissinnaannginneq aporfiusut meeqqerivinni aqutsisut oqarput.

Inuusuttut kuuffimmut eqqiaammik qaartartuliortarput. Angajoqqaat angerlarsimaffimmi kuuffimmut eqqiaataarussimanerlutik misissuisarnissaannik politiit kaammattuuteqarput.

Naja Mathilde Rosing, Nuummeersoq, Kalaallit Nunaat sinnerlugu Miss Grand Internationalimi peqataassaaaq.

ATV-nut Kangerlussuup Sisimiullu akornanni aqqutitaassap ilaa sapaatit akunnerata naanerani ammarpoq. Sinnera 2025-mi ammassanngatinneqarpoq.

Angut 25-nik ukiulik Nuummi tallimanngormat ullaap tungaagut kalerriutigineqartumik toqutsisimasutut pasisaalluni tigusaavoq. Angut taanna ulluni 25-ni tigummigallagassanngortinneqarpoq, taassumalu tamanna Nunatta Eqqartuussisuuneqarfianut aalajangeqqitassanngortippaa.

Arnaq Ilulissani pisuinnaat ikaarfissaata ilaata eqqaatigoortilluni biilinik sapaatiummat unnukkut aportippoq. Apuisoq sumilluunniit aanngajaaruteqarsimanngilaq sulilu unnerluutigineqarnani. Unnerluutigineqassanersorlu suli oqaatigineqanngilaq.

Kalaallit isiginnaartitsisarfianni siullermi Tuukkaq Teaterimi Danmarkimiittumi isiginnaartitsissusiornermi najoqqutat isiginnaartitsinermilu atisat kiinarpallu Nunatta Katersugaasivianut Allagaateqarfianullu Nuummiittumut nassiunneqarsimalerput.

Qaqortumi eqqartuussiviup aserorteriffigineqarsimanera pillugu Qaqortumi politiit arfininngornermi kalerrinneqarput. Taassuma saniatigut imigassartorsimallutik Nuummi biilinik ingerlatsisut akornanni pingasut sapaammut unnuaani ajutoorsimapput.

Søren Gade Folketingimi toqqaannartumik nutserisoqarsinnaalernissaanut ammavoq. Allakkatigulli nutserisoqarsinnaalernissaa Aki-Matilda Høegh-Damip nammineq akuersissutiginikuuaa.

Annaasaqaraanni aliasunnerup oqaluuserinissaa ajornakusoorsinnaasarpoq. Taamaammat peqatigiiffik Aliasoqatit Qaqortumi peqatigiiffimmik nutaamik aallartitsivoq.

Libanonimi inuit 1 millioninit amerlanerusut angerlarsimaffimmit qimaasariaqarsimapput. USA inuit Kangia Qiterlermi sakkuaattoqarnerata kingunerisaanik eqqorneqarsimasunut taamaammat 157 millionit dollarinik ikiorsiissuteqarniarpoq.

Angut toqungasoq Nuummi Blok 5-imi ippassaq nassaarineqareersorlu paasissutissat nutaat maanna saqqummiunneqarput. Angut toqungasoq quimi nassaarineqartoq nalunaarutigineqarpoq. Politiit toqungasumik nassaartoqarneranik suli misissuipput, toqusimasumik misissuisartumik, pinerluttoqarsimaneranillu misissuisartumik Danmarkimit aggersaasimallutik.

Nukappiaraq 14-inik ukiulik Nuummi tallimanngornermi unnukkut ujaarineqarmat, ajunngitsoq Quassussuup tunuani Kuanninnguani nassaarivaat ilaqutaminullu angerlareerluni.

Alaskami, Nunavummi, Islandimi, Savalimmiuni, Norgep avannaani Sverigep avannaani, Finlandip avannaani russillu Issittortaani nipilersortartut Nuummi arfininngorpat tusarnaartitsissapput.

Folketingimi ammaanersiorluni oqallittoqarnerani politikerip Siumumeersup kalaallisuinnaq oqaaseqarniarluni aalajangernini attappaa. Taammaattumik oqaaseqareernerani apeqqarissaarfigineqassanngitsoq, Folketingip siulittaasoqarfia aalajangerpoq.

Angut 22-nik ukiulik arnamik 82-inik ukiulimmik Nuummi siorna toqutsisimasutut eqqartuunneqarluni piffissami killiligaanngitsumi paarineqartussanngortinneqarpoq.