Ministerit partiiminneersut tamarmik naalakkersuisoqatigiinnit tunuartut, Tysklandimi partiit ilaat FDP aningaasaqarnermut ministerip soraarsitaareernerani nalunaarpoq.

Namminersorluni takornariartitsisartup Pitsi Høeghip neriorsuutaareersutut ikiorsiisoqannginnera pakatsissutigivaa. Tamatuma kingunersinnaasai imaannaanngitsuusinnaapput – annermik ingerlatseqatigiiffinnut aallarterlaanut.

Politiit amigaataanerat borgmesteri Malik Berthelsenip ernummatigalugu ammasumik allagaqarpoq.

Angut 30-t 40-llu akornanni ukiulik hashimik anngiortumik eqqusseriaraluartoq Kangerlussuarmi ilanngaaserisut ippassaq sisamanngornermi tigusaraat.

KNR USA-mi præsidentinngortussaq Donald Trump pillugu Sisimiuni inunnik isumasiuivoq. Isumaqatigiinngittoqarporlu.

Dronerujussuit ungasianiit aquttakkat Issittumi nakkutilliissutissartaassat marluusut Aalborgimit aqunneqassapput. Tamannalu Folketingimi ilaasortanit nunatsinneersuusunit isorineqangaatsiarpoq.

Tunu ukiuni kingullerni sisamani raajakilliartupiloorpoq. Taamaakkaluartoq naalakkersuisut ilisimatusartut misissuinerit aallaavigalugit pisassiissutissatut inassutaanniit arfineq-marloriaatingajammik pisassiinerulersaarput.

Angut 27-nik ukiulik 16-inik ukiulimmut nakuusersimasutut pasineqarluni Qeqqata Eqqartuussisoqarfiani sassartinneqarpoq.

Donald Trumpip qinigaanera naalakkersuisut USA-mut tunngatillugu periusissiaannik allanngortitsissanngilaq. Nunarput nunanik allanik qanittuniittunik, aamma USA-mik, suleqateqarnissaminut piareersimasoq, nunanut allanut naalakkersuisoq oqarpoq.

Alaskami, Canadami Chukotkamilu Inuit Day malunnartinniarneqartarpoq . Kalaalli Nunaat tamakkerlugu pisortatigoortumik ullu malunnartinniarneqartariaqartoq taamaattumik ICC Kalaallit Nunaat isumaqarpoq.

Sulorarnermi kalaallit nunanut allanut unammisartut nunat tamalaat unammersuarneranni Small Statesimi Cypernimi pisumi angusarissaarput.

Erngup nukissiorfia Nuup kujataani Utoqqarmiut Kangerluarsunnguaniittoq 3 milliardit koruunit atorlugit allineqassaaq. Aningaasat Danmarkimit atukkiutigineqassasut, isumaqatigiissummi erserpoq.

Naak kalaallit piginnittuusussanerannut piumasaqaat naalakkersuisunit appartinneqaraluartoq, suli isornartorsiuineq annertuvoq. Takornariaqarneq kingaallassasoq, isornartorsiuisut oqarput.

Donald Trumpip republikanerineersup qinersinermi ajugaanera nunat naalakkersuinikkut siuttuinit, politikkikkulluunniit siuttuisa ilaannit assigiinngitsutigut qisuariarfigineqarpoq. Nunatsinniit maanna aamma qisuariartoqarpoq. Nunanut allanut naalakkersuisoq Vivian Motzfeldt, Siumumeersoq, qisuariaateqartunut ilaavoq.

Republikanerit sinnerlugit USA-mi præsidentimut qinigassanngortittoq Donald Trump ajugaasoq, nutaarsiassaqartitsiviup AP-p erseqqissaatigaa. Danmarkip ministeriunerata Donald Trump pilluaqquaa.

Nummi atuareersunut paaqqinnittarfimmi Aqqalummi tillinniartoqartillugu kalerrisaarut unnuaq aallartinneqarpoq. Nuummi politiit akunnialunnguit qaangiummata aamma kalerrinneqarput naluttarfimmi Malik-mi aamma aserorterisoqarsimasoq. Sisimiunilu sapaatit akunnerata naanerani persuttaasoqarneranut atatillugu Kalaallit Nunaanni Politiit taassuma saniatigut ilisimannittussarsiorput.

USA-mi naalagaaffinni assigiinngitsuni taasinernik kisitsinerit suli naammassinngillat. Donald Trumpili naalagaaffinni pingaarutilinni arlalinni siuttuuvoq, USA-llu præsidentiisa 47-ssaattut qinigaasimasutut imminut suaarutigaluni.

Takornariaqarnermut inatsisaasoq nutarterneqassagaluarpat naalakkersuinikkut suliaqartut ineriartorneq kigaallatseratarsinnaavaat.

- Ileqquusup unitsinneqarnera annernarsinnaasoq paasisinnaavara. Sunali tamarmi uniffeqarpoq, TV-kkut aallakaatitsinerit aamma, DR-imi aaqqissuisoqarfimmi pisortaq, Gustav Lützhøft, KNR-imut oqarpoq.

Nunatta nunallu avannarliit siunnersuisoqatigiivi atassuteqarluanngereersullu, suleqatigiinnermut isumaqatigiissutip allanngortinnissaa ministerit sulissutigissagaat siunnersuisoqatigiit kaammattuipput.

Ukiuni sisamani tulliuttuni USA-mi kina præsidentiussanersoq unnuup ingerlanerani aalajangerneqassaaq. Donald J. Trumpip qinigaanissaanut neriullunilu upperinnittoq KNR-ip oqaloqatigaa.

Nunatsinni takornarialerisut ilaasa takornariartitsinermut inatsisissatut siunnersuut tapersersorluinnarpaat, nunaqavissummi takornariartitsinermi nammineq inerisaasinnaanngornissaminnut tunngaviulluinnassasoq isumaqarput.

Aasaq sivisusimaqaaq, aasaq sikorsuaqarneranik inuuniarneq eqqornerlugaalluni. Kalaallit nunaatali kujataani eqqugaasut kiisami aningaasatigut ikiorserneqalerput.

Kujataani namminersortunut sikorsuarnit eqqugaasunut iliuuseqaqqinniarnatik Inatsisartuni politikerit oqareerput. Tamanna inuiaqatigiinnut kingunipiloqarsinnaasoq, Miki Jensen oqarpoq.

Allakkatigut qinersinini najukkaminut Californiamut nassiunneqarsimalersoq, USA-mi pæsidentinngorniap Kamala Harris sapaammi ilisimatitsissutigaa.

USA-mi præsidentimut qinersineq 2024, TV-2-p qinersineq pillugu aallakaatitsinera, KNR-2-kkut aallakaatissavarput. KNR-2-kkut aallakaatitsineq marlunngornermi novembarip 5-aanni nunatta nalunaaqutaa malillugu 18:30 aallartissaaq. Malinnaalluarisi.

Amerikami innuttaasut kina nunaminni præsidentinngussanersoq maanna qinersileruttorput. Qinersinerli nunatsinnut qanoq kinguneqassava?

Nuummi angerlarsimaffiit ilaanni paggittoqartoq, Kalaallit Nunaanni Politiinut sapaammi ualikkut nalunaarutigineqarpoq. Tamannali imigassartorsimatilluni biilersimasutut unnerluutiginninnermik kinguneqarpoq.

USA-mi North Carolinami qinersisinnaatitaasuni 4,2 millionit præsidentimut aqagu malunngornermi qinersinissamut sioqqutsillutik qinersereersimalerput.

Unammersuarneq World Strongest Teen novemberip naanerani Skotlandimi pisussaq kalaalersaqassaaq.

Kalaallit takornariartitsivinni affaannarmik piginneqataassuteqarsinnaalissasut, naalakkersuisut oqarput. Kalaallit piginneqataassutaat 66,6 procentiussasoq siunnersuutaaqqaaraluarpoq.

Kamala Harrisip nunap inoqqaavisa qinissaginni sulissutigaa.

Politiit aqqusinerni biilertunik nakkutilliinerini pasitsaassaqarput. Taakku aquttui imigassartorsimanersut misissortariaqarlugit unitsinneqarput.

Aalisarnermut isumaqatigiissummi nutaami Kalaallit Nunaat EU-mit aningaasassarsinerussaaq, EU-lu ikinnerusunik aalisagartassinneqassalluni. Isumaqatigiissulli nutaaq aalisarnermik aqutsinermik allanngueqqittoqarumaaneranik ersersitsisuusinnaavoq.

Liz Cheney sorsunnerup nalaani sakkutuujusuuppat qanoq iliussagaluarnersoq Trumpip sisamanngormat isummersorfigivaa. Oqaasii maanna misissuiffigineqalerput.