Nunatsinni kommunit eqqakkanik ammaannartumik ikuallaanissaat piffissami sivisunerusumi naalakkersuisunit aappaagu juulip 31-ata tungaanut periarfissiissutigineqarpoq.

Rebekka Olsvig Nuummeersoq piorsarsimassutsikkut peqatigiiffilerinermi annertuumik suliaqarsimanini pissutigalugu sølvimik tallimanngormat nersornaaserneqarpoq. Nersornaat Inatsisartut siulittaasuannit, Mimi Karlsenimit tunniunneqarpoq.

New Zealandimi meeqqat inersimasullu 200.000-t naalagaaffiup suliffeqarfiini inissinneqarsimasut assigiinngitsutigut atornerlunneqarsimasut, misissuinerup takutippaa.

Tillinniartoqarneranik akunnerit kingulliit 24-it ingerlaneranni nalunaarutiginninnerit arlaliusut, tillinniariaraluaq qaninngarneqarsimasoq biilinillu ikuallattoqartoq, Kalaallit Nunaanni Politiit nalunaarput.

Atoqatigiinnissami akuersissuteqarnissamut inatsit nunatsinni atuutsinneqalermalli ukioq ataaseq qaangiutereerpoq. Akuersissuteqarnissamut inatsit Danmarkimi atuutsinneqalermalli pinngitsaaliisoqarsimaneranik nalunaarutiginninnerit amerlisut nunatsinni allatut pisoqarpoq.

Danskit kommuniisa inissiisoqarnissaanut suliani misissuissutigisartagaat assuarineqartoq pissutigalugu Nuummi Københavnimilu arfininngormat akerliussutsimik takutitsisoqarpoq.

Ikerasammi Ole Løvstrømip Atuarfiata oqoqarnera pissutigalugu atuarfiup matusariaqarnera KNR-imit siusinnerusukkut oqaluttuaraarput. Atuarfilli kisimi oqummik eqqorneqanngilaq.

Københavnip Mittarfiani aningaasat 1,7 millionit koruunit oktobarip 21-anni misissuinermi nassaarineqarput.

Folketingimi ilaasortat Dansk Folkepartimeersut, Socialdemokratineersut Liberal Alliancemeersullu Taiwanimut tikeraariartorlutik ippassaq sapaammi aallarput.

75 millionit koruunit Issittumi ilisimartusarnermut atugassat, danskit naalakkersuisuisa aningaasaliissutigeqqammerpaat. Ilisimatusarneq nunatsinni innuttaasunut aamma iluaqutaassasoq, Danmarkimi ilinniartitaanermut ilisimatusarnermullu ministeri oqarpoq.

Innuttaasunut misigisaqartitsinissaq Airbnb-p aallarteqqaarnerani tunngaviuvoq, nittartagarli ineriartortinneqariarluni illuliorluni aningaasarsiortartunut nutaarsiassaalersimavoq. Airbnb aqqutigalugu Johan Fleischer Nuummi unnuisitsisartuuvoq, takornarissanut attaveqartarnissarluarnissaq pingaaruteqartoq taanna isumaqarpoq.

Donald Trumpip qinigaareernerata kingorna nalunaaquttap akunneri 24-t qaangiummata kattuffiup Aid Access-ip iisartakkat 10.000-t qinnutigineqarsimapput.

Tallimanngornerup ualinerani arfininngornerullu unnuaani inuit marluk imigassartorsimatillutik biilertut tigusarineqarput.

Nuummi mittarfittaassuassap ammarnissaa qaammataajunnaarpoq, illoqarfillu pingaarnerpaami unnuiffissanik amerlanerusunik pisariaqartitsinerulernermik kinguneqassaaq. Ilisimatoorlu naapertorlugu naleqqussartoqanngippat takornariaqarpallaalerneranik kinguneqarsinnaavoq.

Ministerit partiiminneersut tamarmik naalakkersuisoqatigiinnit tunuartut, Tysklandimi partiit ilaat FDP aningaasaqarnermut ministerip soraarsitaareernerani nalunaarpoq.

Namminersorluni takornariartitsisartup Pitsi Høeghip neriorsuutaareersutut ikiorsiisoqannginnera pakatsissutigivaa. Tamatuma kingunersinnaasai imaannaanngitsuusinnaapput – annermik ingerlatseqatigiiffinnut aallarterlaanut.

Angajoqqaanik nalileeriaatsit oqallisaaqisut meeqqallu suli inunngunngitsup Thistedimi angerlarsimaffiup avataanut inissitassanngortitaanera, Danmarkimi nunatsinnilu aqagu arfininngornermi akerliussutsimik takutitsissutigineqassapput.

Politiit amigaataanerat borgmesteri Malik Berthelsenip ernummatigalugu ammasumik allagaqarpoq.

Angut 30-t 40-llu akornanni ukiulik hashimik anngiortumik eqqusseriaraluartoq Kangerlussuarmi ilanngaaserisut ippassaq sisamanngornermi tigusaraat.

KNR USA-mi præsidentinngortussaq Donald Trump pillugu Sisimiuni inunnik isumasiuivoq. Isumaqatigiinngittoqarporlu.

Dronerujussuit ungasianiit aquttakkat Issittumi nakkutilliissutissartaassat marluusut Aalborgimit aqunneqassapput. Tamannalu Folketingimi ilaasortanit nunatsinneersuusunit isorineqangaatsiarpoq.

Tunu ukiuni kingullerni sisamani raajakilliartupiloorpoq. Taamaakkaluartoq naalakkersuisut ilisimatusartut misissuinerit aallaavigalugit pisassiissutissatut inassutaanniit arfineq-marloriaatingajammik pisassiinerulersaarput.

Angut 27-nik ukiulik 16-inik ukiulimmut nakuusersimasutut pasineqarluni Qeqqata Eqqartuussisoqarfiani sassartinneqarpoq.

Donald Trumpip qinigaanera naalakkersuisut USA-mut tunngatillugu periusissiaannik allanngortitsissanngilaq. Nunarput nunanik allanik qanittuniittunik, aamma USA-mik, suleqateqarnissaminut piareersimasoq, nunanut allanut naalakkersuisoq oqarpoq.

Alaskami, Canadami Chukotkamilu Inuit Day malunnartinniarneqartarpoq . Kalaalli Nunaat tamakkerlugu pisortatigoortumik ullu malunnartinniarneqartariaqartoq taamaattumik ICC Kalaallit Nunaat isumaqarpoq.

Sulorarnermi kalaallit nunanut allanut unammisartut nunat tamalaat unammersuarneranni Small Statesimi Cypernimi pisumi angusarissaarput.

Erngup nukissiorfia Nuup kujataani Utoqqarmiut Kangerluarsunnguaniittoq 3 milliardit koruunit atorlugit allineqassaaq. Aningaasat Danmarkimit atukkiutigineqassasut, isumaqatigiissummi erserpoq.

Naak kalaallit piginnittuusussanerannut piumasaqaat naalakkersuisunit appartinneqaraluartoq, suli isornartorsiuineq annertuvoq. Takornariaqarneq kingaallassasoq, isornartorsiuisut oqarput.

Donald Trumpip republikanerineersup qinersinermi ajugaanera nunat naalakkersuinikkut siuttuinit, politikkikkulluunniit siuttuisa ilaannit assigiinngitsutigut qisuariarfigineqarpoq. Nunatsinniit maanna aamma qisuariartoqarpoq. Nunanut allanut naalakkersuisoq Vivian Motzfeldt, Siumumeersoq, qisuariaateqartunut ilaavoq.

Republikanerit sinnerlugit USA-mi præsidentimut qinigassanngortittoq Donald Trump ajugaasoq, nutaarsiassaqartitsiviup AP-p erseqqissaatigaa. Danmarkip ministeriunerata Donald Trump pilluaqquaa.

Nummi atuareersunut paaqqinnittarfimmi Aqqalummi tillinniartoqartillugu kalerrisaarut unnuaq aallartinneqarpoq. Nuummi politiit akunnialunnguit qaangiummata aamma kalerrinneqarput naluttarfimmi Malik-mi aamma aserorterisoqarsimasoq. Sisimiunilu sapaatit akunnerata naanerani persuttaasoqarneranut atatillugu Kalaallit Nunaanni Politiit taassuma saniatigut ilisimannittussarsiorput.

USA-mi naalagaaffinni assigiinngitsuni taasinernik kisitsinerit suli naammassinngillat. Donald Trumpili naalagaaffinni pingaarutilinni arlalinni siuttuuvoq, USA-llu præsidentiisa 47-ssaattut qinigaasimasutut imminut suaarutigaluni.

Takornariaqarnermut inatsisaasoq nutarterneqassagaluarpat naalakkersuinikkut suliaqartut ineriartorneq kigaallatseratarsinnaavaat.

- Ileqquusup unitsinneqarnera annernarsinnaasoq paasisinnaavara. Sunali tamarmi uniffeqarpoq, TV-kkut aallakaatitsinerit aamma, DR-imi aaqqissuisoqarfimmi pisortaq, Gustav Lützhøft, KNR-imut oqarpoq.

Nunatta nunallu avannarliit siunnersuisoqatigiivi atassuteqarluanngereersullu, suleqatigiinnermut isumaqatigiissutip allanngortinnissaa ministerit sulissutigissagaat siunnersuisoqatigiit kaammattuipput.