Ukiakkut ataatsimiinnerup immikkoortua siulleq ullumi naammassivoq. Aappaagumullu aningaasanut inatsit kiisami akuerineqarpoq.

Takornariaqarnermut inatsit oqallisaangaatsiartoq Inatsisartuni akuerineqarpoq, allannguuteqangaatsiarlunili.

Paamiut eqqaani Tikaagullik pisarineqarsimasup neqaa mattaalu nerineqassanngitsut, Aalisarnermut Piniarnermullu Naalakkersuisoqarfimmit innersuussutigineqarpoq.

Kommuneqarfik Sermersuumi qinikkat 2025-mut aningaasat kommunimi qanoq agguaanneqarnissaat isumaqatigiissutigaat. Angusallu tulluusimaarutigalugit, borgmesterip, Avaaraq Olsenip oqaatigaa.

Islandimut takornarniat ornigarluarnerpaasa ilaat Blå Lagune qaqqap innermik pingasunngormalli anitsinerata kingunerisaanik matoqqagallarpoq.

Kangerlussuarmi Mini Marked pujuliorujussuarnertalimmik ikiuallappoq. Innuttaasut sumiiffiup qanigisaani najugallit politiinit qatserisartunillu qinnuigineqarput igalaatik matutillu matoqqatissagaat.

Meeqqat 20-t tungaannut sapaatit akunneranut pingasoriarlutik Ikerasammi Arctic Sportimut sungiusartarput. Taannalu peqatigiiffik nunaqarfiarannguami pingaaruteqaqaaq.

Kalaallit meerartaat Danmarkimi angerlarsimaffiup avataanut inissinneqarsimasut pillugit politikerinut Københavnimi Nuummilu akerliussutsimik takutitsisoqaqqippoq. Qupalu Platou aamma Keira Alexandra Kronvold meeqqaminnik arsaarneqarsimasut taakkununnga ilaapput.

Illuatungeriit akerleriittuarsimasut KNAPK aamma Royal Greenland suleqatigiinnissamut – aamma akinik isumaqatigiinniannginnissamut isumaqatigiissuteqarput. Qanorli sivisutigisumik akerleriinngissanersut nalorninarpoq, isumaqatigiissummi piffissap sivikitsup ingerlanerani taamaatinneqarsinnaavoq.

Qaqqaq Islandimi Reykjanesip qeqertaasaaniittoq innermik siorna decembarimili arfineq-aappassaa anitsivoq.

Nuummi naluttartut peqatigiiffiata siulittaasua naluttarfik Malik iluarsartuunneqartinnagu allilerneqassanngitsoq aningaasaqarnermut ataatsimiititaliap aalajangeqqammerneranut maanna qisuariarpoq. Qanoq aaqqiissuteqarallarnissamik oqaloqatiserineqassallutik, taassuma neriuutigaa.

Nunanit allanit normumit sianerfigineqaruit tigussanngikkit Kalaallit Nunaanni Politiit kaammattuutigaat.

Imarsiornermut tunngatillugu inatsisit malikkitik Kinap oqaatigaa, Ruslandillu Ukraine immap naqqani kabelinik piaaraluni aamma aserorterisuunerarpaa.

Inuit Quality Clothes of Greenland, KNR-ip Modeshowertitsinissarsuanut peqataasuni sisamaasuni ilaavoq. Inuit Quality Clothes of Greenland ulluinnarni Inuit-imik taaneqartartoq, nunatsinni sumiikkaluaraanniluunniit takussaassarpoq. Atisammi taakku ulluinnarsiutaasut, nunatta silaannaanut tulluarsagaapput atoruminarlutillu.

Kikkulluunniit Nuummi mittarfeqarfissuassap ammaanersiornerani tikilluaqqusaasut, Greenland Airports tamatuma pinissaanut sapaatit akunneraannanngortoq nalunaarpoq.

Arctic Sport Ikerasak meeqqanut inuusuttunullu immikkuullarissumik suliniuteqartutut MIO-mit ullumi nersornaaserneqarpoq.

KNR-i juullimut inuulluaqqusinernik amerlanerusunik aallakaatitsissanersoq innunnit arlalinnit apersuutigineqareersoq, tamanna pillugu KNR-imi pisortaq maanna akissuteqarpoq.

USA-mi paasartut kattuffianni WWE siuttuusimasoq Linda McMahon USA-p ilinniartitaanermut ministerissaatut toqqagaavoq.

Grækenlandimi pisortat suliffeqarfiutaat suliffeqarfiillu allat namminersortut ulloq unnuarlu suliumajunnaartoqarnera pissutigalugu matoqqassapput.

Danskit isumaginninnermut ministeriat, Sophie Hæstorp Andersen danskit kommuniinut angajoqqaanik misissuutip atorunnaarsinneqarnissaata isumaliutigineqarnissaanut kaammattuilluni allakkamik nassiussiniarpoq. Taanna meeqqanut inuusuttunullu naalakkersuisumik, Aqqaluaq B. Egedemik (IA) ataatsimeeqateqarnermi kingorna taama iliorniarpoq.

Folketingimi inimi oqaloqatigiittarfimmi qalipagarsuaq 3x5 meterinik angissuseqartoq sapaatip akunnerata siuliani uleerneqarpoq. Arnat politikerit 30-t inimi maanna qalipagaatigineqalerput, Ruth Heilmannilu taakku ilagaat.

Arnaq 37-nik ukiulik biilinut Ilulissani Jyskip eqqaani pingasunngornermut unnuaani ajutoortunut ilaasuinnaagaluartoq imigassartorsimatilluni biilinik ingerlatsisimasutut pasineqarpoq.

Danmarkimi kommunit kalaallit angajoqqaat meeraannik allamut inisseeratarnissamik suliani angajoqqaat piginnaasaannik nalileeriaasii atorunnaassasut isumaginninnermut ministerip neriorsuutigigaa, meeqqanut inuusuttunullu naalakkersuisoq Aqqaluaq B. Egede (IA) tallimanngormat nalunaarpoq. Ministerili taama neriorsuuteqarnerminik suli uppernarsaanngilaq.

Ataatsimiinnerit 30-t sinnerlugit nakorsallu allagarsiussarpassui arnap sioqqutsilluni soraarnerussuteqalernissaanut naammassimanngillat. Taamaammat ombudsmandi maanna isornartorsiuivoq.

2025-imi aningaasanut inatsisissatut isumaqatigiissut akisussaassuseqanngitsutut suliaasoq partiit peqataanngitsut aperigaanni taama nipeqarput.

Folketingimi isumaqatigiinniutini nutaani suliniut kalaallinut Danmarkimi inuuniarnikkut ajornartorsiuteqartunut tunngapput. Millionilli amerlanerpaartaat nunatsinni meeqqanut inuusuttunullu atorneqassapput.

Silap pissusia pillugu isumaqatigiinniarnerit naammassinissaannut ullut sisamaannanngorneranni aaqqiagiinngissutaaqaat. Isumaqatigiinniarnerimmi avissaartuuffiupput.

Qeqqata Kommuniani kommunalbestyrelse nutarsaanissamut katillugit 146 millionit koruuninik immikkoortitsinikuuvoq.

Nunavimmiut qimmiisa qimuttut toqorarneqarnerat Nunavimmiut oqaluttuarisaaneranni pisimasut alianartut ilagaat. Canadami naalakkersuisut tamanna pillugu pisortatigoortumik maanna utoqqatsernialerput.

Kommune Kujalermi inunnik isumaginnittoqarfimmut akisussaaffik Naalakkersuisunit tiguneqarallarpoq. Naallu iluarsiigallarneq Kujataani innuttaasunit ajoriffissaqartinneqanngikkaluartoq, tamaanga killittoqarnera aamma uggorineqarpoq.

Nannumik Niaqornani Uummannap pigisaaniittumi sapaammi ullaakkut takunnittoqarpoq, aamma umiatsiaaraq pingasunik issimasulik Ilulissat avannaanni sikumut kiggigussaavoq.

USA-p iligisaalu sioorasaaruteqarnerat koreamiut qeqertaasa ilaanni pissutsit najummassimanarseqqeriaannarnerannik kinguneqartoq, Korea Avannarlerup siuttua oqarpoq.

Timersorneq, illoqarfinni minnerni inuussutissarsiornermi inerisaanermik siuarsaaneq atuarfeqarnermilu pitsanngorsaaneruneq, IA-p aamma Siumup aningaasanut inatsisissaq pillugu isumaqatigiissutaanni siunniussanut ilaapput.

Chris Wright, ikummatissanik atuisoqarnissaanik tapersersuisorujussuaq, USA-mi nukissiuuteqarnissamut ministerissatut Donald Trumpimit toqqarneqarpoq.

Kalaallit Nunaanni suliffeqarfiit namminersortut annersaat Elite Sport Greenlandimik nutaatut aningaasalersueqataalerpoq. Timersornikkut pikkorissunik piukkunnaatilinnillu taamaasilluni ineriartortitsisoqarnerulersinnaassaaq.