Nunatsinni puigortunngortut pillugit nittartagaq nutaaq aappaagu januaarip aallaqqaataani atulertussaq, unammisitsisoqareersoq kalaallisut maanna taagutissarsineqarpoq.

Avannaata Kommunia siunissami avinneqassanersoq taasititsissutigineqareersoq. Innuttaasut amerlanerussuteqartut kommunip avinneqarnissaa kissaatigaat.

Aningaasat immikkoortinneqartut ilaatigut angalanermut bilitsit Danmarkimi ilinniartunut nunatsinneersunut akikinnerulernissaannut nunatsinnilu katersugaasiviit ilaasa nutaternissaannut atorneqassapput.

Israelimiut Hizbollahkkullu akornanni nunatsinni nalunaaqutaq malillugu unnuap qeqqata kingornali saassussisoqaqqinngilaq, taamaasillutik sakkuaakkunnaarallarnissamik isumaqatigiissutertik pilersaarutit naapertorlugit piviusunngortippaat.

Naak oqallinnermi takornariaqarnermut inatsit oqaluuserineqangaatsiaraluartoq nunatsinnilu inissiat pillugit oqallinnermi tatiginnikkunnaarnermik taasisoqaraluartoq IA-p Siumullu ukiakkut ataatsimiinnerup immikkoortua siulleq naammassivaat – ataatsimoorfigalugulu, politikkikkut immikkut ilisimasalik oqarpoq.

Nuuk Shotokan Karate-do-mi karatertartut Danmarkimi pissartanngorniunnermi Odensemi peqataanermi arfineq-pingasunik ujaminnapput.

Angut sapaatiummat peqqarniitsumik nakuuserfigineqarnermini inuunerminik navianartorsiortinneqarpoq. Angut 24-nik ukiulik ulluni 23-ni tigummigallagassanngortinneqarpoq toqutseriarsimasutullu pasineqarluni.

Mette Frederiksenip toqqaannartumik oqalutseqarneq Folketingimi ilassilluaraa Støjbergip tamanna quianartukkiaraa.

Aki-Matilda Høegh-Damip(S), Folketingimi akunnermi apeqqarissaarnermi kalaallisuinnaq apeqquteqarnissani attappaa, toqqaannartumillu nutserisoqarnissaa tamanna pillugu atorneqalerluni.

Trumpip nioqqutissat Mexicomiit Canadamiillu USA-mut eqqussorneqartut 25 procentinik akitsuusersorniarpai.

Nunatsinni 1991-ip kingornali nalusamik spiralilerneqarsimasut 15-it nunatta utoqqatserfigalugillu taarsiiffigissagai, naalakkersuisut ilisimatitsipput. Nunarput taamaalilluni Danmarkimi politikerininngarnit iliuuseqajaarneruvoq.

Kalaallit Nunaanni Politiit 34-nik ukiullip, Markus Jensenip oktobarip 21-anili ujaarineqalersoq nassaarinissaanut ikioqqoqqipput.

Kinamiut qullartaasiaat Taiwanip avannamut sineriaata avataani sapaammi silaannartaatigoorpoq. Takuneqarneraniit akunnerit marluk qaangiuttut takussaajunnaarpoq.

Aqqaluaq B. Egedep danskit kommuniisa inissiisarnermi suliani misissuutit atorunnaarsinneqarnissaat pillugit oqaaseqarnermini sapaatip akunnera qaangiuttoq neriorsuinnginnerarpoq. Taassuma danskit ministeriat neriorsuuteqartuusoq oqaatigaa.

Nanortalimmi arnanut qitornalinnut maanna qimarngueqalerpoq. Taamaalillutik Kommune Kujallermi arnat qitornallit maanna illoqarfinni tamani qimarngueqalerput.

Rumaaniami talerperliunianeersoq qinersinermi siuttuusoq, taasinernik kisitsinerni ataasinngornermut unnuaani inerneriugallartut takutippaat.

IA-meersup Aaja Chemnitzip aamma Siumumeersup Aki-Matilda Høegh-Damip isumaginninnermut ministeri Danmarkimi kommunit kalaallit angajoqqaat meeraannik allamut inisseeratarnissmik suliani angajoqqaat piginnaasaannik nalileeriaasiusut pillugit siunersioqatisereqqippaat.

Canada-mi oqartussat pisortatigoortumik Inuit qimmiisa toqorarneqarsimanerat pillugu utoqqatserput. Qimmillu qimuttut kultuurillu uterteqqinneqarnissaanut Nunavimmiut aningaasanik taarsiivigineqarput.

Sisimiuni aqqusinermi nalornissutigineqanngilaq. Timersornermut aningaasaliisoqarnerunissaa pisariaqartinneqarpoq, taamaammat aningaasanut inatsisissatut siunnersuummi nutaami aningaasarpassuit timersornermut immikkoortinneqarnerat taperserneqarluarpoq.

Sapaatip akunnerata naanerani nalinginnaanngitsumik politiit ulapingaatsiarput. Imigassartorsimalluni eqqissiviilliortitsinerit assigiinngitsut pisimapput. Maannalu oqartussat silatusaarnissamik inassuteqarput.

FN-p silap pissusia pillugu ataatsimeersuarnermi aningaasaliinernut isumaqatiginninniarnerat sivitsorneqarpoq.

Kangerlussuarmi pisiniarfik ippassaq tallimanngornermi ullaakkut ikuallanneranik kalerriutigineqarpoq. Qaminneqareeraluartoq ikuallanneq unnuaq marlup eqqaani aallarteqqippoq.

Arferit imartanut kissarnerusunukarsimalerput, apereerpoq arferillu pillugit suliniutillip Danmarkimit akineqarsiinerani ullut ingerlajuarsinnarput. Taanna angut pineqaatissinneqarsimasunut Nuummi inissiisarfimmiittuusoq oqaloqatigaarput.

Ukiakkut ataatsimiinnerup immikkoortua siulleq ullumi naammassivoq. Aappaagumullu aningaasanut inatsit kiisami akuerineqarpoq.

Takornariaqarnermut inatsit oqallisaangaatsiartoq Inatsisartuni akuerineqarpoq, allannguuteqangaatsiarlunili.

Paamiut eqqaani Tikaagullik pisarineqarsimasup neqaa mattaalu nerineqassanngitsut, Aalisarnermut Piniarnermullu Naalakkersuisoqarfimmit innersuussutigineqarpoq.

Kommuneqarfik Sermersuumi qinikkat 2025-mut aningaasat kommunimi qanoq agguaanneqarnissaat isumaqatigiissutigaat. Angusallu tulluusimaarutigalugit, borgmesterip, Avaaraq Olsenip oqaatigaa.

Islandimut takornarniat ornigarluarnerpaasa ilaat Blå Lagune qaqqap innermik pingasunngormalli anitsinerata kingunerisaanik matoqqagallarpoq.

Kangerlussuarmi Mini Marked pujuliorujussuarnertalimmik ikiuallappoq. Innuttaasut sumiiffiup qanigisaani najugallit politiinit qatserisartunillu qinnuigineqarput igalaatik matutillu matoqqatissagaat.

Meeqqat 20-t tungaannut sapaatit akunneranut pingasoriarlutik Ikerasammi Arctic Sportimut sungiusartarput. Taannalu peqatigiiffik nunaqarfiarannguami pingaaruteqaqaaq.

Kalaallit meerartaat Danmarkimi angerlarsimaffiup avataanut inissinneqarsimasut pillugit politikerinut Københavnimi Nuummilu akerliussutsimik takutitsisoqaqqippoq. Qupalu Platou aamma Keira Alexandra Kronvold meeqqaminnik arsaarneqarsimasut taakkununnga ilaapput.

Illuatungeriit akerleriittuarsimasut KNAPK aamma Royal Greenland suleqatigiinnissamut – aamma akinik isumaqatigiinniannginnissamut isumaqatigiissuteqarput. Qanorli sivisutigisumik akerleriinngissanersut nalorninarpoq, isumaqatigiissummi piffissap sivikitsup ingerlanerani taamaatinneqarsinnaavoq.

Qaqqaq Islandimi Reykjanesip qeqertaasaaniittoq innermik siorna decembarimili arfineq-aappassaa anitsivoq.

Nuummi naluttartut peqatigiiffiata siulittaasua naluttarfik Malik iluarsartuunneqartinnagu allilerneqassanngitsoq aningaasaqarnermut ataatsimiititaliap aalajangeqqammerneranut maanna qisuariarpoq. Qanoq aaqqiissuteqarallarnissamik oqaloqatiserineqassallutik, taassuma neriuutigaa.

Nunanit allanit normumit sianerfigineqaruit tigussanngikkit Kalaallit Nunaanni Politiit kaammattuutigaat.