Kalaallit passiini inuiaassuseq danskiusutut allassimaannartaraluarpoq. Inuiaassuserli maanna kalaaliusutut danskiusutullu siunissami allassimasalissaaq, Inatsiseqarnermut ministereqarfik paasissutissiivoq.

Inuit marluk ippassaq Nuup qiterpasissuani pisutsillutik ujajaaffigineqariaraluarput, akunnerillu kingulliit 24-t ingerlaneranni allanik aamma pisoqaaluttoq, politiit pigaartuisa pisortaat ilisimatitsivoq.

Nunarput nunanik issittortalinnik sorsunnerit aaqqiagiinnginnerillu nunarsuarmi pissutsinut kalluaaleruttorneranni suleqateqarnerorsuppoq. Kina Ruslandilu nigorpai, USA-millu suleqateqarnerunissamik orniginnittortakinnerulersimalluni.

Folketingip ataatsimiittarfiani danskit kalaallillu soorlu naalagaaffeqatigiinnikkut ataatsimiinnerni toqqaannartumik nutserisoqarneq atuutilersinneqartoq, Folketingip siulittaasoqarfia tusagassiorfinnut nalunaarpoq.

Akerliussutsimik takutitsisut arlallit naalakkersuisut danskit isumaginninnermut ministerianik ataatsimeeqateqarnerat danskit kommuniisa inissiinermi suliani misissuutinik isornartorsiorneqartunik atuinerannut uniffiliisinnaassasoq neriuutigaat.

Kalaallinut angajoqqaanut Danmarkimiittunut angajoqqaanik misissuutinik atuisoqartarnera piffissami sivisuumi oqallisigineqarpoq. Inuit naammagisimaarinninnginnerminnik takutitsiniarlutik nunarput tamakkerlugu ippassaq akerliussutsimik takutitsipput.

Demokraatit, Atassutip Naleqqallu spiralilersuisoqarsimaneranut taarsiissuteqarnissamut nalunaaruteqarnera akuersaarneqarsinnaannginnerarpaat. Tamanna naggaterpiaani arnanut eqqugaasimasunut ersarissumik nalunaaruteqartoqannginneranik kinguneqartussaavoq.

Suliassat amerlassusiisa sulianillu isumaginnittut akornanni naligiinnginneq annertungaarmat Nunatsinni kommunit tamarmik nunanit allanit siunnersortinit atorfinitsitsisariaqarput. Aaqqiissut nuna tamakkerlugu suliniutaasoq, Stine Egede isumaqarpoq.

Pinerluttut nunani tamalaani ajornartoornerit aaqqiagiinnginnerillu aqqutigalugit pingaartumik arnanik pinngitsaaliillutik kinguaassiuutitigut atornerluiniartarput.

Ilaasartaat innaallagiatorlunilu ikummatissatortoq ukiup aappaa affaata matuma siorna piareersimasussaagaluarpoq. Taama pisoqarnera uggornartorujussuusoq, Disko Linep pisortaa oqarpoq.

Angut 30-nik ukiulik siorna apriilimi toqutseriarneq aamma 2023-mi septembarimi peqqarniitsumik nakuuserneq pissutigalugit paarineqartussanngortinneqarnissaa Nunatta Eqqartuussisuuneqarfiata pineqaatissiissutigaa.

Borgmesteri kommunip aningaasaqarnerani torersaaniarluni qinigaagami neriorsuuteqarpoq. Taassuma unammilligassat annertoorujussuusut neriorsuuteqarnerminit ukiut sisamat qaangiunnerni paasivaa.

18-iliisimanngitsumik aallarussanik Nuummi biilertumik ajutoortoqaqqittoq, politiit pigaartuisa pisortaat inuit biiliminnik isumannaarsuilluarnerunissaannik kaammattuuteqaatigaluni oqarpoq.

Folketingip nunarput pillugu ataatsimiititaliaata Christiansborgimi decembarip ulluisa aqqaneq-aappaanni juullerpalaartitsinissaanut peqataasinnaallutillu nammineq oqaatigerusutannik saqqummiisinnaavutit.

Danskit kommuniisa kalaallinut ilaqutariinnut misissuinermi FKU-mik atuisarnerat pillugu decembarip qulingani marlunngornermi akerliussutsimik takutitsisoqaqqissaaq.

Syriami soqutigisaqaqatigiit tamarmik Syriap namminiilivinnissamut ikaarsaarnissaanut tunngatillugu Naalagaaffiit Peqatigiit aamma aqqutigalugit oqaloqatiginiaritik, USA-p præsidentia Biden oqarpoq.

Timmisartorsuup Nuummi tikilernerata KNR TV-p toqqaannartumik aallakaatitsinera attaveerummat tamanna Sisimiuni innuttaasut akornanni pakatsissutigineqarpoq.

Canadap Issittumut politikkitaani Nuummi sinniisoqarfimmik pilersitsinissartalik saqqummiuppaa.

Pinngitsaaliineq savimmik najugaqarfinni marlunni kapisinerit politiinut sapaatit akunnerata naanerani nalunaarutigineqarput. Politiit aamma imigassartorsimanermut attuumassuteqartunik nalinginnaasumit amerlanernik suliaqarput.

Danskit naalagaaffiata kalaallinut angajoqqaanut misissuut maanna atuuttoq qanoq iliuuseqarfigisariaqaraluarpaa. Inuiaqatigiinni inatsisilerinermi professori, Caroline Adolphsen isumaqarpoq.

Pikitsitsisut Damaskusimut, taamatullu præsidentip Bashar al-Assadip illorsuanut qanilliartorput.

Danskit isumaginninnermut ministeriata angajoqqaanik misissuisarneq pillugu atorunnaarsitsissaguni inatsit allanngortinneqanngippat kommunit pinngitsaalisinnaanngilai.

Atlantikup avannaani ikinngutivut Savalimmiuneersut arnat assammik arsarnermi EM-qarneranni takutitsilluarput Kroatiamullu pointinnallutik.

Aaqqiissuteqarniarneq sivisuallaangaatsiarpoq. Ataatsimiinnermilu isumaqatigiittoqanngippat naalakkersuisut siulittaasuat Mette Frederiksenimut ingerlatitseqqinniarpoq.

Pinngortitaleriffimmit ilisimatusartut eqimattat silassorissuusiaq atorlugu arferit ukiisartut inunnit siallu pissusiata allanngoriartorneratigut sunnerneqartarnerat ilisimasaqarfiginerulissavaat.

Præsident Assadip aqutsinera tamaanga naasoq, Syriami pikitsitsisut nunap immikkoortuisa ilarpaaluinik tiguaasimasut siuttuat Abu Mohammad al-Jolani oqarpoq.

Arnaq Knudsen-Frederiksen - sianiginngisaminik – 1997-imi spiralilerneqarpoq. Taassuma spiralilerneqarsimanini Nakorsaaneqarfimmit nalunaarsorneqarsimanersoq paaserusuppaa – akissutissarsinissarli ajornaatsuinnaanngilaq.

Meeqqat isummersorfiini ilaasortat internetsimi illersorneqarnerunissaq pillugu politikerinut sapaatip akunnerata matuma siuliani innersuussutinik tunniussipput.

Pujortassaarneq, naatitat oqimaappallaarnerlu. Tassa tamakkua inunnut 8.000-nut taamungaannaq toqqarneqartussanut nunatta inuisa peqqissusiannik misissuinermi apeqqutissanut ilaapput.

Laysanip naajarluusarsua 74-it missaannik utoqqaassuseqarneragaasoq manniliortoq, tuluit tv-qarfiat BBC allappoq. Laysanip naajarluusarsui nalinginnaasumik aqqaneq-marluk 40-llu akornanni utoqqaassuseqalikkajupput.

Politikerit qineqqusaaginnartunukua. Nunatsinni 1992-ip kingornali nalusamik spiralilerneqarsimasut allamilluunniit naartunaveersaaserneqarsimasut ilaat Arnaq Knudsen-Frederiksen taama isumaqarpoq.

Nalunaaquttap akunnerisa kingulliit 24-t ingerlaneranni pinartoqanngitsoq imigassartorsimatillunili biilinik ingerlatsisoq 18-liisimanngitsorlu biilinik aamma ingerlatsisoq unitsitaasut, politiit nalunaarput.

Nunaminni naalakkersuisoqatigiit inatsisartuni tatiginninnginnermik taasititsinermi uppisinneqarnerannut tunngatillugu tv-kkut ualeru oqalugiarniarluni, Frankrigip præsidentia Emmanuel Macron nalunaarpoq.

Nasamit ilisimatusartut Sorsunnersuaq Nillertumit Pituffik Space Basemit kangianit 150 kilometerimit ungasissuseqartumi sakkutooqarfikoq sermersuup ataaniittoq nalaatsornerinnakkut siumorpaat.

Qineqqusaarutaannaallutik, nunatsinni 1992-ip kingornali nalusamik spiralilerneqarsimasut allamilluunniit naartunaveersaaserneqarsimasut ilaat Arnaq Knudsen-Frederiksen isumaqarpoq.