Juullip Inuata Nuummi Dronning Ingrip Napparsimmavissuata silataani juulliaqqami missunneqartarnera ileqquuvoq. Ukioq mannali missunneqassanersoq nalornisigineqarpoq.

Korea Kujallermi partiip naalakkersuisoqartitsisuusup siulitaasua præsident Yoon- Suk- yeolip naalakkersuinermi akisussaasutut eqqartuunneqarnissaanik tapersersuereernermini tunuarpoq.

Umiarsuaq sapaammi ualikkut saavikkami kingorna tippussaavoq. Umiarsuup kujaava taamaalinera putusoorpoq, kingornalu uuliakoortoqarluni.

Nalunaaquttap akunnerini kingullerni 24-ni umiatsiamik aallarussisoqartoq, containerimik ikuallattoqartoq peqqissaanermillu ilinniarfik tillinniarfigineqartoq, Kalaallit Nunaanni Politiit pigaartuisa pisortaat oqarpoq.

Meeraq sinersortaammut ilaatilluni ajoqusermat sinersortaat Aasianniik Sisimiunut utiinnartariaqalersimavoq kinguaattoorutigisaminik.

Kalaallit Nunaanni politiit arfininngornermi ataatsip missaani illoqarfimmi najugaqarfiusumi savilersortoqarneranik kalerrinneqarput. Savilersortoq ullumi eqqartuussivimmi sassartinneqassaaq.

Inuk Højgaard nammineq misileraanermini angerlarsimaffeqanngitsunut pissutsit maluginiartinniarpai. Angerlarsimaffeqanngitsut nikagineqartartut taanna isumaqarpoq.

Nuummi tallimanngornermi ualineranut anorersuarnerani biilertut arlallit ajutoorput. Inuk Heilmann taakkunani ilaavoq.

Kuummiinit Polunika Umerinerup tunumi Piteraqqinnissaa aarlerissutigaa, piteraqqippammi illunimi napaannarsinnaanissaa qularutigaa. Iserilli iliuuseqanngitsoq, taanna isornartorsiuivoq.

Unnuaq Nuummi Elgigantenimut Kop og Kandemullu tillinniartoqarpoq. Nittartakkami attaveqaammi Facebookkimi tuniniakkanik alaatsinaattoqarnissaa Politiit innersuutigaat.

Isumaginninnermut ministerimik ataatsimeeqateqarneq kinguneqanngilaq. Ministeriuneq angajoqqaanut misissuutit kalaallinut atorneqartarnerat pillugu akuliutsinneqartariaqartoq Naalakkersuisut siulittaasuat oqarpoq.

Kalaallit isikkamik arsarnermi nunanut allanut unammisartut nunatta kulturianik, kinaassutitsinnik anersaatsinnillu ersertitsisunik nutaanik atisaqassapput.

Meeqqanut inuusuttunullu naalakkersuisoq, Aqqaluaq B. Egede (IA), allamut inissiinissamik suliat pillugit danskit isumaginninnermut ministeriannik ataatsimeeqateqaqqereernermini isorinningaatsiarpoq.

Timersortarfiup Inussiviup qanittuani najugaqartut kranip uppissimanera pissutigalugu maanna qimagussorneqarput. Sumiiffimmi tassani najugaqartut tamarmik Inussivimmukassapput.

Kalaallit niviarsiaqqat arnallu tuusintilikkuutaat 1960-ikkut 1970-ikkullu akornanni spiralilerneqarput.

Nittaalarlunilu siallernera Qaqortumi aqquserngit quasanneranik kinguneqarpoq. Taamaammat politiit upalungaarsimasullu inuit isersimaannaqquaat.

Misissuinermi nutaami inernerit tupaallannartortaqarput. Nunattami EU-mut ilaasortanngoqqissinnaanissaa innuttaasunit taasissutigineqassagaluarpat, misissuinermi apersorneqartut 60 procentii akuersiniarput.

Biilinik Nuummi aqqussinermi ullaaq manna angallattut arlallit tinngussaangajapput. Taamaammat politiit anoraasuarujussuaqattaarnerani isersimaannaqqusipput.

Naalakkersuisut spiralilersuisoqarneranik misissuinerup naammassinissaa utaqqeqqaarniarpaat. Naleqqalli siulittaasuata arnanut taarsiissuteqarnissamut utaqqisitsinissaq tunngavissaqanngissoraa.

Kalaallit passiini inuiaassuseq danskiusutut allassimaannartaraluarpoq. Inuiaassuserli maanna kalaaliusutut danskiusutullu siunissami allassimasalissaaq, Inatsiseqarnermut ministereqarfik paasissutissiivoq.

Inuit marluk ippassaq Nuup qiterpasissuani pisutsillutik ujajaaffigineqariaraluarput, akunnerillu kingulliit 24-t ingerlaneranni allanik aamma pisoqaaluttoq, politiit pigaartuisa pisortaat ilisimatitsivoq.

Nunarput nunanik issittortalinnik sorsunnerit aaqqiagiinnginnerillu nunarsuarmi pissutsinut kalluaaleruttorneranni suleqateqarnerorsuppoq. Kina Ruslandilu nigorpai, USA-millu suleqateqarnerunissamik orniginnittortakinnerulersimalluni.

Folketingip ataatsimiittarfiani danskit kalaallillu soorlu naalagaaffeqatigiinnikkut ataatsimiinnerni toqqaannartumik nutserisoqarneq atuutilersinneqartoq, Folketingip siulittaasoqarfia tusagassiorfinnut nalunaarpoq.

Akerliussutsimik takutitsisut arlallit naalakkersuisut danskit isumaginninnermut ministerianik ataatsimeeqateqarnerat danskit kommuniisa inissiinermi suliani misissuutinik isornartorsiorneqartunik atuinerannut uniffiliisinnaassasoq neriuutigaat.

Kalaallinut angajoqqaanut Danmarkimiittunut angajoqqaanik misissuutinik atuisoqartarnera piffissami sivisuumi oqallisigineqarpoq. Inuit naammagisimaarinninnginnerminnik takutitsiniarlutik nunarput tamakkerlugu ippassaq akerliussutsimik takutitsipput.

Demokraatit, Atassutip Naleqqallu spiralilersuisoqarsimaneranut taarsiissuteqarnissamut nalunaaruteqarnera akuersaarneqarsinnaannginnerarpaat. Tamanna naggaterpiaani arnanut eqqugaasimasunut ersarissumik nalunaaruteqartoqannginneranik kinguneqartussaavoq.

Suliassat amerlassusiisa sulianillu isumaginnittut akornanni naligiinnginneq annertungaarmat Nunatsinni kommunit tamarmik nunanit allanit siunnersortinit atorfinitsitsisariaqarput. Aaqqiissut nuna tamakkerlugu suliniutaasoq, Stine Egede isumaqarpoq.

Pinerluttut nunani tamalaani ajornartoornerit aaqqiagiinnginnerillu aqqutigalugit pingaartumik arnanik pinngitsaaliillutik kinguaassiuutitigut atornerluiniartarput.

Ilaasartaat innaallagiatorlunilu ikummatissatortoq ukiup aappaa affaata matuma siorna piareersimasussaagaluarpoq. Taama pisoqarnera uggornartorujussuusoq, Disko Linep pisortaa oqarpoq.

Angut 30-nik ukiulik siorna apriilimi toqutseriarneq aamma 2023-mi septembarimi peqqarniitsumik nakuuserneq pissutigalugit paarineqartussanngortinneqarnissaa Nunatta Eqqartuussisuuneqarfiata pineqaatissiissutigaa.

Borgmesteri kommunip aningaasaqarnerani torersaaniarluni qinigaagami neriorsuuteqarpoq. Taassuma unammilligassat annertoorujussuusut neriorsuuteqarnerminit ukiut sisamat qaangiunnerni paasivaa.

18-iliisimanngitsumik aallarussanik Nuummi biilertumik ajutoortoqaqqittoq, politiit pigaartuisa pisortaat inuit biiliminnik isumannaarsuilluarnerunissaannik kaammattuuteqaatigaluni oqarpoq.

Folketingip nunarput pillugu ataatsimiititaliaata Christiansborgimi decembarip ulluisa aqqaneq-aappaanni juullerpalaartitsinissaanut peqataasinnaallutillu nammineq oqaatigerusutannik saqqummiisinnaavutit.

Danskit kommuniisa kalaallinut ilaqutariinnut misissuinermi FKU-mik atuisarnerat pillugu decembarip qulingani marlunngornermi akerliussutsimik takutitsisoqaqqissaaq.

Syriami soqutigisaqaqatigiit tamarmik Syriap namminiilivinnissamut ikaarsaarnissaanut tunngatillugu Naalagaaffiit Peqatigiit aamma aqqutigalugit oqaloqatiginiaritik, USA-p præsidentia Biden oqarpoq.