Kalaallit taekwondortartut marluk nunat tamalaat unammiuaarneranni siunissamut neriuuteqartitsipput.

Puisit amiinik tunitsineq siuariartortoq. Tunisit 2024-mi 33 procentimi amerlipput, tamannalu Great Greenlandip pisortaata nuannaarutigaa.

Juullip Inua pisarneq malillugu qulimiguulimmut ilaalluni Dronning Ingridip Napparsimmavissuanut decembarip 24-ani tikissanersoq qularutigineqarsimavoq. Maannali qularnarunnaarpoq.

Qatserisartut orniguttarneranni amerlanerpaartaat ikuallattoqanngikkaluartoq asuliinnaq kalerrisaarummik aallartitsisoqarnerusarpoq. Tamanna akisuvoq, kisianni illoqarfiit pingaarnersaanni upalungaarsimasut pisortaata ‘terianniamik aggilerneraanertut’ sunniuteqartoqalernissaa ernumaginerpaavaa.

Paul Watsonip Japanimut tunniunneqarnissaa nunami tassani naalakkersuisut piumasarigaluaraat, Watson Kalaallit Nunaanni marlunngormat iperagaavoq. Tamanna pakatsinartoq, Japanip naalakkersuisuisa oqaatigaat.

Kunngi Frederik qulingiluaat siullermeerluni Danmarkimi radiokkut 1941-mi toqqaannartumik oqalugiarpoq. Kunngi Frederik ileqqoq tamanna attanniarpaa.

Avatangiisinik illersuiniaq 74-inik ukiulik Paul Watson ullaaq manna iperagaavoq.

Naalakkersuisut 32-nik ukiulik, Qivioq Løvstrøm innarluutillit oqaaseqartartuattut nutaatut toqqarpaat.

Issittormiut timersuutaanni Arctic Sportsimi Dene Gamesimilu issittumi pikkorinnersiukkat unammisinneqarnerat nutaaq februarimi pissaaq.

Avannaata Kommuniani isumaginnittoqarfik Namminersorlutik Oqartussanit Kommune Kujallermitulli akisussaaffigineqalernavianngilaq. Nunali tamakkerlugu isumaginninnikkut suleqatigiittoqarnerunissaa, Avannaata Kommunianit kissaatigaat.

Kalaallit Danmarkimi ilinniartut peqatigiiffiata, Avalap timmisartumik angalanissamut akit nutaat 1000 koruunillit nunatsinni tamarmi atuunnissaat kissaatigaa.

Juullip Inuata Nuummi Dronning Ingrip Napparsimmavissuata silataani juulliaqqami missunneqartarnera ileqquuvoq. Ukioq mannali missunneqassanersoq nalornisigineqarpoq.

Korea Kujallermi partiip naalakkersuisoqartitsisuusup siulitaasua præsident Yoon- Suk- yeolip naalakkersuinermi akisussaasutut eqqartuunneqarnissaanik tapersersuereernermini tunuarpoq.

Umiarsuaq sapaammi ualikkut saavikkami kingorna tippussaavoq. Umiarsuup kujaava taamaalinera putusoorpoq, kingornalu uuliakoortoqarluni.

Nuummiut biilinik ullaakkut siuleriiaartorpassuuneranni silaannaap ulorianartup biilinut isaanissaanut aarlerinartarpoq. Tamannali pinngitsoorneqarsinnaasoq immikkut ilisimasalik oqarpoq.

Nalunaaquttap akunnerini kingullerni 24-ni umiatsiamik aallarussisoqartoq, containerimik ikuallattoqartoq peqqissaanermillu ilinniarfik tillinniarfigineqartoq, Kalaallit Nunaanni Politiit pigaartuisa pisortaat oqarpoq.

Meeraq sinersortaammut ilaatilluni ajoqusermat sinersortaat Aasianniik Sisimiunut utiinnartariaqalersimavoq kinguaattoorutigisaminik.

Kalaallit Nunaanni politiit arfininngornermi ataatsip missaani illoqarfimmi najugaqarfiusumi savilersortoqarneranik kalerrinneqarput. Savilersortoq ullumi eqqartuussivimmi sassartinneqassaaq.

Inuk Højgaard nammineq misileraanermini angerlarsimaffeqanngitsunut pissutsit maluginiartinniarpai. Angerlarsimaffeqanngitsut nikagineqartartut taanna isumaqarpoq.

Nuummi tallimanngornermi ualineranut anorersuarnerani biilertut arlallit ajutoorput. Inuk Heilmann taakkunani ilaavoq.

Kuummiinit Polunika Umerinerup tunumi Piteraqqinnissaa aarlerissutigaa, piteraqqippammi illunimi napaannarsinnaanissaa qularutigaa. Iserilli iliuuseqanngitsoq, taanna isornartorsiuivoq.

Unnuaq Nuummi Elgigantenimut Kop og Kandemullu tillinniartoqarpoq. Nittartakkami attaveqaammi Facebookkimi tuniniakkanik alaatsinaattoqarnissaa Politiit innersuutigaat.

Isumaginninnermut ministerimik ataatsimeeqateqarneq kinguneqanngilaq. Ministeriuneq angajoqqaanut misissuutit kalaallinut atorneqartarnerat pillugu akuliutsinneqartariaqartoq Naalakkersuisut siulittaasuat oqarpoq.

Kalaallit isikkamik arsarnermi nunanut allanut unammisartut nunatta kulturianik, kinaassutitsinnik anersaatsinnillu ersertitsisunik nutaanik atisaqassapput.

Meeqqanut inuusuttunullu naalakkersuisoq, Aqqaluaq B. Egede (IA), allamut inissiinissamik suliat pillugit danskit isumaginninnermut ministeriannik ataatsimeeqateqaqqereernermini isorinningaatsiarpoq.

Timersortarfiup Inussiviup qanittuani najugaqartut kranip uppissimanera pissutigalugu maanna qimagussorneqarput. Sumiiffimmi tassani najugaqartut tamarmik Inussivimmukassapput.

Kalaallit niviarsiaqqat arnallu tuusintilikkuutaat 1960-ikkut 1970-ikkullu akornanni spiralilerneqarput.

Nittaalarlunilu siallernera Qaqortumi aqquserngit quasanneranik kinguneqarpoq. Taamaammat politiit upalungaarsimasullu inuit isersimaannaqquaat.

Misissuinermi nutaami inernerit tupaallannartortaqarput. Nunattami EU-mut ilaasortanngoqqissinnaanissaa innuttaasunit taasissutigineqassagaluarpat, misissuinermi apersorneqartut 60 procentii akuersiniarput.

Biilinik Nuummi aqqussinermi ullaaq manna angallattut arlallit tinngussaangajapput. Taamaammat politiit anoraasuarujussuaqattaarnerani isersimaannaqqusipput.

Naalakkersuisut spiralilersuisoqarneranik misissuinerup naammassinissaa utaqqeqqaarniarpaat. Naleqqalli siulittaasuata arnanut taarsiissuteqarnissamut utaqqisitsinissaq tunngavissaqanngissoraa.

Kalaallit passiini inuiaassuseq danskiusutut allassimaannartaraluarpoq. Inuiaassuserli maanna kalaaliusutut danskiusutullu siunissami allassimasalissaaq, Inatsiseqarnermut ministereqarfik paasissutissiivoq.

Inuit marluk ippassaq Nuup qiterpasissuani pisutsillutik ujajaaffigineqariaraluarput, akunnerillu kingulliit 24-t ingerlaneranni allanik aamma pisoqaaluttoq, politiit pigaartuisa pisortaat ilisimatitsivoq.

Nunarput nunanik issittortalinnik sorsunnerit aaqqiagiinnginnerillu nunarsuarmi pissutsinut kalluaaleruttorneranni suleqateqarnerorsuppoq. Kina Ruslandilu nigorpai, USA-millu suleqateqarnerunissamik orniginnittortakinnerulersimalluni.

Folketingip ataatsimiittarfiani danskit kalaallillu soorlu naalagaaffeqatigiinnikkut ataatsimiinnerni toqqaannartumik nutserisoqarneq atuutilersinneqartoq, Folketingip siulittaasoqarfia tusagassiorfinnut nalunaarpoq.