Annga Lynge tusagasssiorfimmit angerlartitaagallartoq siulersuisut siulittaasuata paasissutissiissutigaa.

KNR-ip pisortaa Annga Lynge ullumi tallimanngornermi januaarip 31-anni suliunnaarsitaavoq.

Nunatsinni Eqqartuussisuuneqarfik kinguaassiuutitigut atornerluinermut suliami ippassaq eqqartuussuteqarpoq. Eqqartuussut akuersinermut inatsisip 2023-mi juulimi atuutilerneranit eqqartuussutaani siulliuvoq.

Hotel Kap Farvelimi ilaatigut nalliuttorsiorpoq. Inuit 14-it, nakorsaq eqqartuussivinnut misissuissussisartoq, timip kingornussaanut tunngasunik misissuisartoq ilisimannittutut eqqartuussivimmi nassuiaateqarput. Ilisimannittut nassuiaateqartut ilarpassuit unnuk taanna aamma akissarsiffiusoq Hotel Kap Farvelimiissimapput.

Danmark USA-lu Kalaallit Nunaat pillugu oqaloqatigiilluarunik aaqqiissutissarsisinnaasut, Løkke Rubiop apersorneqareernerani oqarpoq.

Nunarput illersornissaq pillugu sakkutooqarfeqarnerulernissaanut isumaqatigiissut saqqummiunneqareersorlu Sisimiuni innuttaasut naapitatta isumaqataaffigigaat.

Trumpip Kalaallit Nunaat pisiariniarlugu oqalunnini pimoorukkaa, USA-p nunanut allanut tunngasuni ministeriata radiomi apersorneqarnermini erseqqissaatigaa.

Nunatsinni uulia aniatitsinermi annerpaavoq – erngulli nukinga innaallagissamillu aqqusersuineq tamatuminnga allannguisinnaavoq. Naalakkersuisut kissaatigippassuk mingutsitsinnginnerunissamut suliniutinut Danskit naalakkersuisui aningaasaleerusupput.

Danmarkip Issittumi nunap inoqqaavi sumiiffiillu ulorialeqqajaasut allat, silap pissusia pillugu aningaasaliiffigineqarnerunissaat sulissutiginiarpaa.

Angut 28-nik ukiulik aappaminik 2024-mi maajimi toqutsisimasutut ukiuni arfineq-pingasuni pineqaatissinneqarsimasunut inissiisarfimmiittussanngortinneqarpoq.

Siumut Nuummi siulittaasoq, Jørgen Wæver Johansen, Kuno Fenckerip partii isumaqatiginerusani ornissagaa isumaqarpoq.

Danskit naalakkersuisuisa Danmarkimi kalaallinut ammip qalipaataa tunngavigalugu immikkoortitsisarnermut akiuiniarnermut iliuusissatut pilersaarut ataasinngormat saqqummiuppaat. Suliniutilli tamarmik nutaajunngitsut, ministerip nassuerutigaa.

Kuno Fencker partiini akuersissuteqaqqaartinnagu USA-mut angalanerminut tunngatillugu nunamut ajoqusiisinnaasumik iliuuseqartutut taaneqarpoq.

Qeqertarsuatsiaani ippassaq anorersuarnera pissutigalugu inuit 30-t katersortarfimmut qimagussortinneqarput, illullu sisamat anorersuarneranit ajoquserneqarlutik, Kalaallit Nunaanni Politiini pigaartut pisortaat oqarpoq.

Nuup Mittarfianiit nunatta avataanut nassiussat timmisartukkoortut Danmarkimi angallannermut aqutsisoqarfimmit unitsikkallarneqarput.

Qallunaat naalakkersuisui Danmarkimi kalaallinik nikassaasoqartarnerata akiornissaanut iliuusissasut pilersaarutitaarput. Tamatumunnga aningaasaliissutit ilaatigut ilinniaqqinnermut, oqalutseqarnermut atuartitsinermullu atorneqassapput.

Siumumeersup IA-meersumit nunamut ajoqusiisinnaasumik iliuuseqartutut taaneqarnini imminut nikanarsaanerusoraa.

Ajugaasoq tulliilu sekundinik arlaqanngitsuinnarnik nikingapput sisoraaserluni ooqattaasarnermi Europami pissartanngorniunneq naammassisoq kalaaleq ujaminnammat.

Kalaallit Nunaata USA-mit aqunneqalernissaa soqutigeqalugu, USA-p præsidentiata decembarimili oqaatigisaqattaarpaa.

Nunatta Danmarkillu isumaqatigiissut imaani sillimaniarnermut pitsanngorsaataallunilu takornariaqarnerup aalisarnerullu iluani ineriartortitsinissamut aqqutissiuussisoq nuannaarutigineqarluni atsiorneqarpoq.

Nanortallip Atuarfiata silaannalungaatsiarnera peqqutigalugu matugallarneqarpoq. Atuartut timersortarfimmi aqagu pingasunngornermiit immikkut sammisaqarlutik atuartinneqarallassapput.

Naalagaaffinngornissamut Nunanullu allanut naalakkersuisoq, Vivian Motzfeldtip Issittumut Atlantikullu avannaanut tunngasut illersornissamut isumaqatigiissutip ilaatut ippassaq isumaqatigiissutigineqartoq pillugu tusagassiortunik katersortitsivoq.

Inatsisartunut ilaasortap, Siumumeersup, Kuno Fenckerip, KNR isorinnippallaartutut illuinnaasiortutullu taavaa. Taassuma oqarasuaatikkut apersorneqarluni oqarasuaatini iliinnarpaa.

Danmark Kalaallit Nunaannut tunngatillugu tapersersoritsik USA-li aamma suleqatiseriniaritsik, EU-p nunanut allanut tunngasuni qullersaa oqarpoq.

Siumumit Kuno Fencker USA-meeqqammerpoq, taassumalu Andy Ogles Trumpip nunatsinnik pisinissaanut atatillugu kongressimut siunnersuusiortoq ataatsimeeqatigaa.

15 milliardit koruuningajalluinnaat ilaatigut alapernaarsuutinik pingasunik nutaanik umiarsuarsinermut marlunnillu dronesinermut atugassatut Issittoq pillugu isumaqatigiissummi immikkoortinneqarput.

Sodavandit assigiinngitsorpassuit klorateqarpallaarnerat pissutigalugu uterteqquneqarput. Danmarkimili tunisat matumani pineqanngillat.

Letlandip Sverigellu akornanni immap naqqani kabelit aqqutalugineqarlutik ajoquserneqarsimanersut, Sverigemi isertortumik paasiniaasartut misissorpaat.

Naalagaaffeqatigiinneq ilungersuavoq, Europa Parlamentimi politikerit nunatsinni maanna angalanialerput.

Sakkutuujunngitsuni tigusanut ilaasoq Arbel Yehud Hamasikkunnit iperagaasussanut ilaasoq, Israelip uppernarsivaa.

Inuit timersornerup silarsuaani ukioq 2024-mi sunniuteqarluarsimasut Katuami nalliuttorsiutigineqarput.

Maligiaq Padilla Alaskami naggueqatitta oqartussaassusiiarneqarsimanerata kinguneranik piorsarsimassutsimikkut qanoq annaasaqarsimanerat takoreerlugu, nunarput USA-mut atalissagaluarpat ernummatigaa.

Israelimiut sakkutuui sakkuaakkunnaarallartoqarnissaanik isumaqatigiissut atorunnaalereeraluartoq Libanonip kujasissuaniiginnarput. Sakkuaakkunnaarallartoqarnissaanik isumaqatigiissut sivitsorneqarpoq.

Biathlonnimi 10 kilometerimut unammersuaartoqarnerani eqqorniagassat marluk uniornerini ujaminnanngitsoorpoq.

Uagut kiffaanngissuteqartitsisinnaasuunitta saniatigut USA-mut tunngassuteqanngilaq. Danmarkip kiffaanngissuseqarnissamut suliaq naammassisinnaanngilaa, Trump oqarpoq.