Naartunaveersaat Depo-Provera 1990-ikkut aallartinneranni oqallisaangaatsiareersorlu, naartunaveersaat Tasiilami atorneqarunnaarpoq. Naallu nunatta sinnerani pissarsiarineqarsinnaagaluartoq, Tasiilami suli taamaappoq.

Angut 22-nik ukiulik pocamik umiatsiarluni Qaqortumiit ataasinngornermi ualikkut aallareernermini sikorsuarnut kiggigussaavoq. Tamanna upalungaarsimasut annaassiniarnerannik kinguneqarpoq, angulli taanna umiatsiartunit allanit annaanneqarluni.

EU-p Danmark Kalaallit Nunaat pillugu apeqqummi tapersersorpaa. Mette Frederiksenip apeqqut taanna oqaluuseritinniarnerareeralu EU-p præsidentia taama oqarpoq.

Nukappiaraq ukiukitsoq Nuummi Nuussuarmi lastbiilimik ataasinngornerup unnuaani tilleriaraluarpoq. Politiit sumiiffimmut ornigummata nukappiaraq qimaavoq.

Tusagassiuutitigut piffissami kingullermi oqallisangaatsiartoq Siumup siulersuisuunerinit arajutsineqanngitsoq, partiip siulittaasua, Erik Jensen oqarpoq.

Australiamiut aatsitassarsiorfiata pisortaata nunatsinni qinersisoqarnissaanut tikisitsineq «nalaatsornerusoq» oqaatigigaa, TV2 allappoq.

Ammasuunermut nersornaammut innersuussinissamut januaarip 24-at killissaritinneqarpoq. Nersornaalli ukioq manna tunniunneqassanngilaq. Tamanna ‘naleqquttunik innersuussuteqartoqannginneranik’ pissuteqarpoq.

Arnat arfineq-marluk 1970-ikkut qiteqqunneranni Depo-Proveramik naartunaveersaaserneqarsimallutik maanna oqaluttuarput, taakku akuersitinneqaqqaarsimanngillat, tassanngalu hormonilimmik kapineqarneq qanoq sunniuteqassanersoq paasitinneqarsimanngillat.

Politiit tallimanngornermi ulappupput, naallu imigassartorsimallutik eqqissiviilliortoqaraluartoq inuit arfininngornermi ataatsimut isigalugu eqqissisimanerusimapput.Tasiilamili savilersortoqarpoq, nunatsinni sapaatit akunnerata massuma naanerani pingajussaa savilersortoqarluni.

Biskoppeqarfik Kalaallit Nunaat Hotel Sømalu peqatigiillutik illoqarfinni sisamani ilagiinni ikiuineq annertusarniarlugu suliniutaat aallartipput.

Politiit biilinik tallimanngornermi unitsitsinerup kingorna Nuummi sumiiffinni arlalinni pakasaallutik misissuipput. Biilillu allat ajutoornerat politiit aamma misissuiffigaat. Biilinik ingerlatsisoq tassannga qimaasimavoq.

Akissarsisoqarnerata kingorna politiit ulappussimapput. Inuk ataaseq savimmik kapineqartoq, kujataanilu umiatsiaq kivilluni, inuttaalu sikup qaavaniittoq nassaarineqarpoq.

Nunatta siunissaa eqqarsaatigalugu naalakkersuisut qanoq iliorniarnersut, nunatsinni innuttaasut nassuiaasoqarnissaanik piumasaqarput. Múte B Egede ataatsimoornissamik oqariartuinnarnera naammakkunnaartoq, politikkikkut atorfilittaasimasut oqarput.

Annga Lynge tusagasssiorfimmit angerlartitaagallartoq siulersuisut siulittaasuata paasissutissiissutigaa.

KNR-ip pisortaa Annga Lynge ullumi tallimanngornermi januaarip 31-anni suliunnaarsitaavoq.

Nunatsinni Eqqartuussisuuneqarfik kinguaassiuutitigut atornerluinermut suliami ippassaq eqqartuussuteqarpoq. Eqqartuussut akuersinermut inatsisip 2023-mi juulimi atuutilerneranit eqqartuussutaani siulliuvoq.

Hotel Kap Farvelimi ilaatigut nalliuttorsiorpoq. Inuit 14-it, nakorsaq eqqartuussivinnut misissuissussisartoq, timip kingornussaanut tunngasunik misissuisartoq ilisimannittutut eqqartuussivimmi nassuiaateqarput. Ilisimannittut nassuiaateqartut ilarpassuit unnuk taanna aamma akissarsiffiusoq Hotel Kap Farvelimiissimapput.

Danmark USA-lu Kalaallit Nunaat pillugu oqaloqatigiilluarunik aaqqiissutissarsisinnaasut, Løkke Rubiop apersorneqareernerani oqarpoq.

Nunarput illersornissaq pillugu sakkutooqarfeqarnerulernissaanut isumaqatigiissut saqqummiunneqareersorlu Sisimiuni innuttaasut naapitatta isumaqataaffigigaat.

Trumpip Kalaallit Nunaat pisiariniarlugu oqalunnini pimoorukkaa, USA-p nunanut allanut tunngasuni ministeriata radiomi apersorneqarnermini erseqqissaatigaa.

Nunatsinni uulia aniatitsinermi annerpaavoq – erngulli nukinga innaallagissamillu aqqusersuineq tamatuminnga allannguisinnaavoq. Naalakkersuisut kissaatigippassuk mingutsitsinnginnerunissamut suliniutinut Danskit naalakkersuisui aningaasaleerusupput.

Danmarkip Issittumi nunap inoqqaavi sumiiffiillu ulorialeqqajaasut allat, silap pissusia pillugu aningaasaliiffigineqarnerunissaat sulissutiginiarpaa.

Angut 28-nik ukiulik aappaminik 2024-mi maajimi toqutsisimasutut ukiuni arfineq-pingasuni pineqaatissinneqarsimasunut inissiisarfimmiittussanngortinneqarpoq.

Siumut Nuummi siulittaasoq, Jørgen Wæver Johansen, Kuno Fenckerip partii isumaqatiginerusani ornissagaa isumaqarpoq.

Danskit naalakkersuisuisa Danmarkimi kalaallinut ammip qalipaataa tunngavigalugu immikkoortitsisarnermut akiuiniarnermut iliuusissatut pilersaarut ataasinngormat saqqummiuppaat. Suliniutilli tamarmik nutaajunngitsut, ministerip nassuerutigaa.

Kuno Fencker partiini akuersissuteqaqqaartinnagu USA-mut angalanerminut tunngatillugu nunamut ajoqusiisinnaasumik iliuuseqartutut taaneqarpoq.

Qeqertarsuatsiaani ippassaq anorersuarnera pissutigalugu inuit 30-t katersortarfimmut qimagussortinneqarput, illullu sisamat anorersuarneranit ajoquserneqarlutik, Kalaallit Nunaanni Politiini pigaartut pisortaat oqarpoq.

Nuup Mittarfianiit nunatta avataanut nassiussat timmisartukkoortut Danmarkimi angallannermut aqutsisoqarfimmit unitsikkallarneqarput.

Qallunaat naalakkersuisui Danmarkimi kalaallinik nikassaasoqartarnerata akiornissaanut iliuusissasut pilersaarutitaarput. Tamatumunnga aningaasaliissutit ilaatigut ilinniaqqinnermut, oqalutseqarnermut atuartitsinermullu atorneqassapput.

Siumumeersup IA-meersumit nunamut ajoqusiisinnaasumik iliuuseqartutut taaneqarnini imminut nikanarsaanerusoraa.

Ajugaasoq tulliilu sekundinik arlaqanngitsuinnarnik nikingapput sisoraaserluni ooqattaasarnermi Europami pissartanngorniunneq naammassisoq kalaaleq ujaminnammat.

Kalaallit Nunaata USA-mit aqunneqalernissaa soqutigeqalugu, USA-p præsidentiata decembarimili oqaatigisaqattaarpaa.

Nunatta Danmarkillu isumaqatigiissut imaani sillimaniarnermut pitsanngorsaataallunilu takornariaqarnerup aalisarnerullu iluani ineriartortitsinissamut aqqutissiuussisoq nuannaarutigineqarluni atsiorneqarpoq.

Nanortallip Atuarfiata silaannalungaatsiarnera peqqutigalugu matugallarneqarpoq. Atuartut timersortarfimmi aqagu pingasunngornermiit immikkut sammisaqarlutik atuartinneqarallassapput.

Naalagaaffinngornissamut Nunanullu allanut naalakkersuisoq, Vivian Motzfeldtip Issittumut Atlantikullu avannaanut tunngasut illersornissamut isumaqatigiissutip ilaatut ippassaq isumaqatigiissutigineqartoq pillugu tusagassiortunik katersortitsivoq.