Kalaallit arsaattartut kattuffiat suliniuterpassuaqarpoq taakkulu ilagaat arsaannerup inerisarnissaanut isummatigut sunniiniarneq.

USA-p Kalaallit Nunaat isumannaallisaaneq pillugu pisariaqartikkaa, USA-p præsidentiata Donald Trumpip sisamanngornermut unnuaani aammaarluni oqaatigaa.

KNI-mi naatsorsuuserinermut pisortaasimasoq peqquserluttutut peqquserlullunilu allagaasiorsimasutut ukiuni marlunni pineqaatissinneqarsimasunut inissiisarfimmiittussanngortinneqarpoq.

Nunatsinni inunngorsimasut Danmarkimilu ullumikkut najugaqartut ullumikkut 17.000-iupput. Taakku angerlarteqqinnissaat politikerit arlallit maanna qitiutippaat.

Piviusulersaarusiaq «Grønlands hvide guld» DR-ip nittartagaani isiginnaarneqarsinnaajunnaarpoq. DR-ip nutaarsiassalerinermut pisortaa Sandy French piviusulersaarusiaq pillugu utoqqatsissuteqarpoq.

Inuusuttut namminiilivinnissaq pillugu paasissutissinneqarnerunissartik pisariaqartippaat. Maniitsumi Majoriami atuartut arlallit taama oqarput.

Ulloriaaqqap angalasup 2024 YR4-p nunarsuatta 2032-mi eqqornissaanut ilimanassuseq 3,1 procentimiittoq Avataarsualiartitsisarfiup NASA-p nalilerpaa.

Politikerit 213-it qinigassanngortipput. Nuimasut qingiassanngortittunut ilaasut - ilaat aamma amigaataapput.

KNAPK-p siulittaasua aamma pisortaa marsip ulluisa aqqarnata tungaanut sulinngiffeqarput. Taakku Inatsisartunut qinigaassagunik qinikkatut suliniarnerlutik imaluunniit kattuffimmiiginnarniarnerlutik aalajangissavaat.

Illersornissaq pillugu isumaqatigiissut nutaaq partiit amerlanerussuteqartut Danmark taperserpaat, Nalerarli allarluinnarnik pilersaaruteqarpoq.

Naalakkersuisuusimasoq, Vittus Qujaukitsoq partiimut allamut nuuppoq, partiilu pilersitseqataaffigisimasani Nunatta Qitornai oqaluttuaannanngortutut nalilerlugu.

Avannaa Arctic Games naammassivoq. Inuit Denellu pinnguaataannik siullermeertumik unammisoqarnera iluatsilluangaarmat aaqqissuisut 2027-mut, aaqqissuussisoqaqqinnissaanut qilanaalereerput.

Nuup Kangerluata sikoqangaatsiarnera ajornartorsiortitsivoq. Umiatsiat sisamat ippassaq kiggigussaapput, politiillu angallataannit ikiorneqartariaqarsimallutik. Kalaalllit Nunaanni Politiit taama nalunaaruteqarput.

Inatsisartuni partiinit tallimanit politikerit isumaqatigiipput. Taakku pissutsit immikkut ittut atorluarlugit nutaamik Namminersorneq pillugu inatsisiliortoqassasoq isumaqarput.

Eqqisseqatigiinnissamut siunnersuut arfinilinnik immikkoortulik apeqqutilillu USA-mit Europami iligiinnut nassiunneqartoq, nutaarsiassaqartitsivik Reuters allappoq.

KNR-ip nunatsinni inuusuttut ilinniarfiini ilinniartut nunatta namminersulivinnissaa pillugu qinersinissaq sioqqullugu isumasiorpai.

Nunatsinni piffissami pisoqangaatsiarnera ullorpassuarni eqqarsaasersorfigereerlugu sassarniarnani folketingimut ilaasortap Aaja Chemnitzip aalajangiukkaa.

Politikerit ukiut arlaqanngitsut qaangiuppata sakkutuulersugassaajunnaarsitsinermit sakkussiornermut saattussaassapput. USA-p Ruslandillu kunngeqarfik allamik sammiveqalersinnissaanut tatineqartoq, ilisimatusartut marluk oqarput.

Piniartut ukiussamut pilisinnaanngitsut. Imaq qangatut sikussaartoq. Inooriaaseq tammalersoq. Naalakkersuisut silap pissusiata allangornerani ajornarnatorsiutaasut akiorumallugit, FN-imiit aningaasassarsiumallutik Danmark EU-lu suleqatigisariaqaraat, Kalistat Lund (IA) isumaqarpoq.

Avannaata Kommuniani borgmesteri, Palle Jerimiassen piffissami sivisuumi attaviitsooreerluni Demokraatinut ilaasortanngorpoq.

Inatsisartunut Kommuninullu allakkatigut qinersissaguit, qinersinerillu ulloq qinersivimmi ilaatissagukku maanna qinersisariaqarputit.

Sandy Frenchip DR-ip piviusulersaarummi aningaasaqarnermut taaguutit ersarissumik nassuiaatigisimanngikkai nassuerutigaa. Immikkut ilisimasallit sammiviliinerusinnaagaluartut taanna isumaqarpoq.

Politikeri, Knud Mathiassen ‘nikassaanertut immikkoortitsinerusutullu paasineqarsinnaasunik’ oqaaseqarnermi kingorna Naleqqamit ilaasortaajunnaarsinneqarpoq.

Nunatsinni angalaniarneq ilungersunarsinnaasarpoq. Avannaani najugallit ulluni makkunani kinguaattoornernik eqqugaapput.

Ukrainemut tunngatillugu USA-miit nalunaarutit assigiinngillat. Ukrainemi sakkutuuleerataannaallutik, USA-p præsidentiata tullersortaata Vancep oqaatigaa.

Politiit nalunaarsukkanik atuisinnaalerneritigut suliat pisoqalisut paasineqarnissaannut iluaqutaasinnaasut Danskit inatsiseqarnermut ministeriata neriuutigaa.

Angut 22-nik ukiulik arnamik 82-inik ukiulimmik ukiut marluk matuma siorna toqutsisimasutut eqqartuunneqaqqippoq.

Siumup siulittaasuata partiimi ilaasortaasimasoq isornartorsiorpaa inuillu ataasiakkaat partiimit qaffasinnerutinneqassanngitsut isumaqarpoq.

Oqarasuaatit arlallit Sisimiuni Pisiffimmi Pisattaniit tillinneqarput. Pisattanut tillinniat kiunersut ilisimaneqanngilaq.

Aatsitassarsiorluarneq nunatta siunissaanut namminiilivinnissaanullu aalajangiisuusinnaavoq. Politikerilli mianersunngippata tamanna aamma ajortortaqarsinnaasoq, immikkut ilisimasallit marluk oqarput.

Arfineq pingasunik ukiulik Inuuna Olsvig pingajussaarneerluni DM-imut peqataanermini angusarissaaqqittoq.

Tasiilami Kapisilinnilu anorersualeruttorlunilu anorersuarujussuartut sakkortutigisumik anoraasuarujussuaqattaaleruttorpoq. Taamaammat politiit sumiiffinni taakkunaniittunut isersimaannaqqusipput.

USA-p illersornissamut ministeriata Pete Hegsethip Danmarkip illersornissamut ministeria Troels Lund Poulsen ataatsimeeqatiseraa.

Ivittuuni orsugiassiorfiusimasoq pillugu piviusulersaarusiaq oqallisaangaatsiarpoq. KNR-ip inuit attortisimasut aliasuttullut naapippai.

Piiaaffissat nutaat nunatsinnut annertusiartortitsiinnaratik mingutsitsinnginnerunissamuttaaq pingaaruteqartuusut, Inuit Ataqatigiit isumaqarput. Piiaaffissalli nunaqarfinniit illoqarfinniillu ungasissumi inissisimassappata, mingutsitsinnginerusunik nukissiuutinik atulersitsinissaq ajornakusoorsinnaavoq.