Inuussutissalerinermut oqartussat ilisimaginneqarput Ilulissani qimmeqatigiinni qimmit arlallit toqusut.

Inuit inuusuttaat Inuit Nunaannit tamaneersut marsip aappaaniit sisamaat ilanngullugu Nuummi naapisimaaqqammerput. Naapinneq ICC-p siunnersuisoqatigiiffiata Inuusuttunik Peqataatitsinermut suliniutaanut attuumavoq.

Arnat nunarsuaq tamakkerlugu ulluat nunarsuaq tamakkerlugu ullumi nalliussineqarpoq. Nunatsinnili politikkikkut suliaqarnermi naligiissitaaneq suli equngasoqartoq, suiaassuseq pillugu ilisimatusartoq oqarpoq.

Folketingimut ilaasortaq, Konservativeneersoq, Rasmus Jarlov videomi kalaallisut allagartalersorneqarsimasumi Kalaallit Nunaat namminiilivissappat tamanna qanoq kinguneqarsinnaanera pillugu pingaarnersiuivoq, videolu qineqqusaartoqarnerata nalaani siammarterpaa.

Nivattaassuit Nuummi umiarsualivissuarmi Royal Arctic Linep silataaniit imaanut ippassaq sisamanngornermi ullup qeqqata siorna nakkartut, Kalaallit Nunaanni Politiit ilisimatitsipput.

Annaassiniartartut ingeniørillu russit saassussinerisa kinguneri minnerpaaffissaanniitinnissaat sulissutigigaat, ministeri ilisimatitsivoq.

Perorsaasussaaleqineq pillugu saqqummertoqallattaasarpoq, kisitsisilli perorsaasunngorniarnissamut soqutiginnittoqarnerungaatsiarsimasoq takutippaat.

Futsalimi kalaallit nunanut allanut unammisartut nunarsuarmi pissartanut Brasiliamiunut pingasunngornermi unnukkut unammipput. Tamanna kalaallit anføreriata Lars-Erik Reimerip ilimagisimanngisaannaraluarpaa.

Qaarsuni Mittarfeqarfimmi sulisut inaasa tallimat sanaartornerat 23 millionit koruninik akeqarpoq. Tamanna KNR-ip allagaatinik takunnissinnaaneq atorlugu noqqaassutaanut akissummi allaqqavoq.

Sisoraaserluni ooqattaasarnermi ataatsikkut aallarnermi ukiumi unammiffiusumin matumani inuusuttuni kakkannerpaaq Sondre Slettemark qanittumi nersornaatisivoq.

Partiit nunasiaataasimanermut tunngatillugu qanoq isumaqarpat. Apeqqutit taanna Qaqortumi qineqqusaartitsisoqarnerani qitiuvoq. Naleqqamit Qupanuk Olsenip oqaaseqarnera Demokraatinit Jens-Frederik Nielsenimit pingaartumik maluginiarneqarpoq.

USA-p isumannaatsuuniarnermi paasissutissaatiminnik ukrainemiunik avitseqateqartarunnaarnera Ukrainep illersorniarneranut kinguneqarnerlorujussuarsinnaasoq, illersornissamik ilisimatusartoq naliliivoq.

Folketingimi ilaasortat inatsisissatut siunnersuut nutaaq danskit kommuniisa angajoqqaanik misissuummik isornartorsiorneqangaatsiartumik kalaallinut ilaqutariinnut atuisarnerannik unitsitsisussaq taperserpaat.

Narsami illut ilaat unnuaq pingasunngorninngoraa ikuallattoq, Kalaallit Nunaanni Politiit ullaaq manna pingasunngornermi ilisimatitsipput.

Nunamik siunissaa namminneq soorunami aalajangigassarigitsik, Kalaallit Nunaata naalakkersuisuisa siulittaasuata erseqqissaatigeqqippaa.

Nunatsinni innuttaasut 20 procentiisa missaat assigiinngitsunik innarluuteqarput. Nunatsinnili innarluutilinnut atugassarititaasut naammaginanngimmata Danmarkimilu pitsaanerusarmata nuuttartut tusarsaasarput, taakkulu ilagaat ilaqutariit Petersen Enoksenikkut

Sinerissami ernisinnaanerup killeqarnera peqqutaalluni Nuummut erniartorneq isumannaannerpaagaluartoq, ilaquttat nugisarlu qimanniarlugit erniartortumut annikilliornarsinnaasartoq, Aasianniit Uummannamiillu erniartortut taama KNR-imut oqarput.

Inatsisartut Qaqortumi toqqaannartumik KNR-ip aallakaatitaanik sapaatiummat qineqqusaarput. Kujataani aatsitassarsiornissamik misissuiffigineqarnissamut akuerineqarnikorpassuit pillugit qineqqusaartunut tusarnaariamit apeqqutigineqarpoq.

Qinersisartunik ataatsimiititsinerit kingulliit eqqarsaatigalugit misigissutsit aallaaviulluartut politikkimi pisunik qanimut malinnaasartoq oqarpoq.

Siumumit Inatsisartunut qinigassanngortittoq, Poul Olsen aalajangiisinnaagaluaruni nunatta avataani ilinniakkaminnik naammassisaqartut nunatsinnut uteqqinngikkunik ilinniartik namminneq akilissavaat.

WFP-p Afrikap kujasissuani nunap immikkoortuani panernersuaqarfiusumi allattoqarfimminik matusinera Trumpip nunanut tamalaanut aningaasaliinikinnerunissamik aalajangerneranik pissuteqarnersoq ilisimaneqanngilaq.

Kalaallinut tarnikkut napparsimasunut Aarhus Universitetshospitalimi immikkoortortamik alliliineq Kalaallit Nunaata peqqinnissaqarfianut ikinnerpaamik 1,5 millionit koruuninik akeqassaaq.

Politiit ukiumoortumik naatsorsuutitik saqqummiuteqqammerpaat. Kisitsisit uani paasisaqarfigikkit.

KNR-imi nutaarsiassaqartitsivimmi sulisussaqarniarnerup ilungersunarnera pissutigalugu danskisut radioaviisi unitsinneqarallarpoq.

Europap sakkussalersoqqilernissaa aalajangiisuulluinnartoq, EU-p kommissioniata siulittaasuata oqaatigaa tamatumunngalu pilersaarutissatut siunnersuusiornissaq ilimasaarutigalugu.

Nunatsinnut angerlaqqinnissamik orniginarnerulersitserusullutik nunatsinni politikerit kisimik iliuuseqarniarsarinngillat. Savalimmiuni Ålandimi Cataloniemilu oqallisigineqarnissaat politikkikkut oqaluuserisassanuttaaq ilaapput.

Ilisimatusarfimmi bachelorinngortut 28-i, kandidatinngortut 7-i, masterillu 3-i naammassisut nalliuttorsiutigineqarput

Kalaallisut innuttaassuseqalernissaq, Naleqqameersup, Pele Brobergip periarfissaalertikkusuppaa. Kalaallisullu innuttaassuseqalersinnaalernissaq partiinit allanit isumaqatigineqanngilaq.

Siumup iluani isumaqatigiinngitsoqarpoq – SIK-p siulittaasuata Kuannersuarni aatsitassarsiorneq ammarniarlugu qineqqusaarpoq, tamannalu partiip tunaartaanut akerliusoq, Vivian Motzfeldt oqarpoq.

Paasissutissanik eqqunngitsunik Kalaallit Nunaanni qinersinissaq sioqqulllugu qanoq siammarterisoqartiginersoq oqartussat alaatsinaaqqissaaraat, PET ilisimatitsivoq.

Qujamasuttoqaqaaq taamanikkut danskit isumaginninnermut ministeriat nalunaarmat angajoqqaanik nalilersueriaaseq danskit atugaat ilaqutariinnut kalaallinut Danmarkimi najugalinnut atorunnaarneqassasoq. Taamaakkaluartorli inatsisissamut siunnersuut isorineqarpoq.

Inatsisartutut qinigassanngortittut ukioq manna siullermeerlutik KNR TV-kkut toqqaannartumik aallakaatinneqartumi sapaatiummat qineqqusaarput. Qineqqusaarnermili oqaluuserisassat pingaarutillit politikkikkut naliliisartup maqaasivai.

Arlalinnik ajoqusertoqartoq, biilillu arlallit ajutoornermi ilaasut, Kalaallit Nunaanni Politiini pigaartut pisortaata, Malik Olesenip KNR-imut oqaatigaa.

Qujamasuttoqaqaaq taamanikkut danskit isumaginninnermut ministeriat nalunaarmat angajoqqaanik nalilersueriaaseq danskit atugaat ilaqutariinnut kalaallinut Danmarkimi najugalinnut atorunnaarneqassasoq. Taamaakkaluartorli inatsisissamut siunnersuut isorineqarpoq.

«Danmark, tamaanga killeqarpoq!» taama qulequtserlugu ualeru Nuummi nalunaaqutaq 16:30 eqqissisimasumik akerliussutsimik takutitsisoqassaaq.