USA-miit tikeraartut Naalakkersuugallartut ataatsimeeqatiginavianngikkaat, Múte B. Egede facebookkimut allappoq kisianni, Kalaallit Nunaata nunanit allanit tapersersorneqarnera ujartorpaa.

USA-p isumannaallisaanermut siunnersortaa Mike Waltz, USA-llu nukissiuuteqarnermut ministeria Chris Wright, Usha Vancep nunatsinnut tikeraarnissaanut peqataassapput.

Amerikamiut timmisartui Herculesit Nuummi Mittarfimmut tikipput. KNR-imit ilanngutassiortup atorfiliorpasittut tikittut oqaatigaa.

Timmisartoq danskit politiivinik ilaasoqartoq Karupimit nunatsinnukartoq, Naalagaaffiup politiivisa tamanna Ekstra Bladetimut uppernarsarpaa.

Danmarkip USA-llu suleqatigiinnerat kisimi oqartussaaffeqarnermi naleqatitanik ataqqinninnermillu tunngaveqassasoq, ministeriuneq oqarpoq.

Amerikamiut præsidentiata tulliata nulia sisamanngornermit arfininngornermut nunatsinniissaaq.

Kattuffik Avannaata Qimussersuanik aaqqissuisoq USA-mit aningaasanik pissarsisimannginnerarpoq. ‘KNQK-p kontoanut 1kr-milluunniit ikisoqanngilaq taakkunanngaanniik’, kattuffik facebookikkut allappoq. Sermitsiamullu nalunaarutaa allaaneruvoq.

Atlantic Airwaysimit timmisartoq Airbus A320 Nuup mittarfianut nalunaaqutaq 14.25 tikippoq. Timmisartoq Danmarkimi politiinit ilaasoqarpoq.

Pineqaatissinneqarsimasunut inissiisarfimmi inuuneq piviusulersaarummi nutaami takutinneqarpoq. Pineqaatissinneqarsimasut aamma innuttaasut avissaangajunnaartariaqartut, ilitsersuisoq Nina Paninnguaq Skydsbjerg isumaqarpoq.

Digitalikkut sullissivik.gl. iserfigalugu piniarsinnaanermut akuersissummik qinnuteqarnissaq aamma pisanik nalunaaruteqarnissaq periarfissaalerpoq. Aaqqiissut nutaaq innuttaasunik kiffartuussivimmi piffissamik sipaarfiuvoq sullissinermillu nukissaqarnerulersitsilluni.

IA-mit Pipaluk Lyngep aamma Atassutip siulittaasuata Aqqalu Jeremiassenip oqarnerat naapertorlugu nunat avannarliit tapersiinerat takussaanngilaq.

Nunatsinni Ilisimatusarfimmi ilinniarnissaq nunanit tamalaaneersunit soqutigineqarluarpoq, ukiumummi ilinniartutut tikeraat nunanit tamalaaneersut 30-40-t ilinniariartarput.

Nunarsuarmi sermit iigartartut piuinnarsinnaanissaat apeqquserneqartoq, silasiornermik suliniaqatigiiffik oqarpoq.

Timmisartumut ilaasussat arlallit Kulusummit assartuinermut ajornartorsiuteqartoqarnera pissutigalugu naatsorsuutigisaminnit sivisunerusumik Kulusummiittariaqarsimapput.

Nanortallip atuarfia oqoqarnera pissutigalugu matoqqavoq. Atuartitsineq Nanortallip timersortarfianut maanna nuunneqarsimavoq, tassanili atuartut ilinniartitsisullu nipimiuullutillu ukkassiniarnerat sunnerneqarpoq.

Danmarkimi kalaallit ilinniartut Inatsisartunut allakkatigut qinersinissamut, kommunerisaminnit paasissutissiissutigineqarpallaannginnera attaveqatigiinnerlunnerlu pissutigalugit taamaatitsiinnartariaqarsimapput. Taama Avalammiit aamma Aarhusimi Kalaallit Illuutaannit isornartorsiusoqarpoq.

Siku Cross Ice Marathon, sikukkut arpatitsinissaq Uummannami arfininngorpat ingerlanneqartussaq piareersarneqaleruttorpoq, sikusimanngikkaluartorlu aaqqissuisut allatut aaqqiissuteqarsimapput.

Kommune Kujallermi pikitsitsinissaq aallarteqqajaavoq. Nanortalimmi nunaqarfiinilu innuttaasut amerlanerussutillit avissaarnissamik namminerlu kommuninngoqqinnissaminnut kissaateqarlutik atsioqataanikuupput.

Amerikami suliffeqarfiup illunik tuniniaasartup Lynges.gl nunatsinneersoq suleqatiginerarpaa, Lynges.gl-milu piginnittup tamanna ilumuunnginnerarpaa, taassumalu atiminik illuutiminillu atornerluinerarpaa.

Inatsisartunut qinersinermiilli ullut qulingiluat qaangiupput, sulili naalakkersuisoqatigeeqalinngilaq. Tamatumunnga arlalinnik akeroqarnera peqqutaasoq partiit siuttui oqaloqatigisagut oqarput. Isumaqatigiinniarnermit siuttut, Demokraatit, ullumi oqaaseqarumanngillat.

Inuit arfineq-pingasut Qasigiannguit eqqaanni sikumi kanngeqqanerat pissutigalugu ujaasineq pingasunngornermi ualikkut aallartinneqarpoq.

Kalaallit Nunaannut USA-mut atassuteqarnermut atatillugu ilungersuussaqartumut atatillugu nunanit avannarlernit ersoqatiginninnerusariaqartariaqarluarpoq. Norgep Tromsømi issittoq pillugu ilisimatusarfiani, UiT-imi ilisimatusartoq isumaqarpoq.

Facebookikkut qupperneq ‘boykot amerikanske varer i Grønland’ kalaallisuunngorlugu ‘amerikamiut nioqqutissaataannik nunatsinni pisiumajunnaarneq’ 1.700-t missaannik ilaasortaqarpoq. Quppernermik pilersitsisup innuttaasut aningaasaataat amerikamiut præsidentianut ersarissumik takussutissiisinnaassasut neriuutigaa.

Nittartakkatigut tusagassiisarfik «Greenland Movement» qineqqusaartoqarnerata nalaani saqqummiunneqarpoq, Naleqqamiillu qinigassanngortittut pillugit taamaallaat nutaarsiassiilluni. Tusagassiiviup nittartagaa maanna iserfigineqarsinnaanngilaq. 

Qallunaat umiarsuaateqarfiisa sorsuutinik umiarsualiornissaat siunertaqanngilaq, sakkutuut imarsiortut naalagaanertaata tulliusimasoq isumaqarpoq. Misilittagaqanngillammi.

Qaqortumi innuttaasunut atugarliortunut angerlarsimaffeqanngitsunullu kialaarfik siorna 2024-mi decembarimi ammarneqarpoq. Kialaarfilli maanna matoqqavoq.

Danskit politikeriisa kultureqarnermut ministeri DR-imit piviusulersaarut 'Grønlands hvide guld' pillugu siunersiormassuk isumaat ersaripput.

Aki-Matilda Høegh-Dam Naleqqameersoq Inatsisartuni Folketingimilu ilaasortaanermini ukiumut 1,4 milliuunit koruuninik akissarsiaqartalissaaq.

Innuttaasut 21.000-t sinnerlugit Suila-tapimiit siullermeertumik aningaasanik tunineqarput. Tassa imaappoq amerlasuut qaammat una saniatigut aningaasassarsitinneqarput

Qineqqusaartoqarnera sivikippoq, partiilli naalakkersuisoqatigiinnik nukittuunik pilersitsisoqapallannissaa isumaqatigiissutigaat. Sapaatip akunnera qaangiuppoq, isumaqatigiinniarnerillu suli ingerlapput. KNR-ip partiit piffissaliisoqarnissaanut akissummik amigaateqartut oqaloqatigai.

KNR-imi nutaarsiassaqartitsivik inuit attaveqaqatigiilerisunik tusagassiortunik marlunnik atorfinitsitsivoq.

Inatsisartunut 11. marsi 2025 qinersisoqarmat KNR-ip toqqaannartumik aallakaatitai aatsaat taama amerlatigisunik isiginnaarneqarput.

Amerikap præsidentianut Kalaallit inuiaat akerliussutsimik takutitsinermi eqqissisimasumi pikkunartumili, arfininngormat erseqqissumik oqariartuuteqarput – Kalaallit Nunaat kalaallit pigaat!

USA-p præsidentia Donald Trump, Ruslandip præsidentianik Vladimir Putinimik marlunngornermi oqaloqateqassaaq. Nutaarsiassaqartitsivik Reuters taama allaaserisaqarpoq.

Danskit ministeriunerata, Mette Frederiksenip nunatsinni partiit siuttuisa tamarmik Trumpimut atatillugu nalunaaruteqarnerat taperserpaa. Ministeriuneq Trumpimut ersarissumik aamma itigartitsivoq.