Kommune Kujalleq nutaamik aqutsisoqalissaaq. Malene Vahl Rasmussenip anguniakkani erseqqissumik suli oqaatiginngilaa, kommunimili aaqqissuinissaq neriorsuutigaa.

Tusagassiorfik naapertorlugu Kalaallit Nunaannut piginninnermut atatillugu aningaasartuutigineqartussat Det Hvide Husep misissuleruttorpaat.

Ministeriuneq Nuummut tikippoq. Naak Siumumi Atassummilu siulittaasut ministeriunerup tikeraarnissaata piffissalerneqarnera isornartorsioraluaraat tamanna pivoq. Taannali nunatsinnut piffissami ilungersunartumi tapersersuiartorluni maaniippoq.

Inatsisartunut qinersinerup kinguninngua Kommunimut qinersinerup, inuiaat qinersivinnukartinniarsissaannut ajornakusoorsimasoq, naliliisartoq oqarpoq.

Kommunimut qinersineq naammassivoq, kommunillu tallimat ilaat unnummut tupaallannartoqarput. Siumut partiini annerpaalerpoq, Demokraatit annerpaat tulliat Inuit Ataqatigiillu pingajuattut inissilluni. Tamakkiisumik isigalugu inernera uani paasisaqarfigiuk.

Nunarput tamakkerlugu qinersinermi kisitsisit maanna kisinneqaleruttorput. Kommuni Kujallermilu Demokraatit siuariarujussuartut IA borgmesteriugallartorlu kinguariarujussuartut.

Ukiut sisamat matuma siorna 410-nit taaguunneqarsimasoq maannakkut 80-init taaguunneqarpoq. Borgmesteri, Stine Egede Qaqortumi borgmesterip allaffianit aniartortussaarpasippoq.

Nunatsinni tamarmi qinersinermi kisitsisit maanna kisinneqaleruttorput. Nuummit kisitsisit kisinneqaqqammerluinnarput, tassanilu Siumut IA-lu nalingiipput. Tamannalu qaqutigoortuuvoq.

Danmarkip nunattalu suleqatigiinnerat ullumikkut pitsaasumik inissisimasoq, Jens-Frederik Nielsen oqarpoq.

Kommuninut ullumi qinersisoqarpoq, qineqqusaartullu pisarnermit tunuarsimaarnerusimapput. Pissaaneqarniunnerilli, aningaasatigullu aqutsinerliornerit borgmesterillu ajornartorsiortut ukioq manna oqaluuserineqarput.

Kalaallit Nunaata Alaska ilaliutsikkusuppaa. Tamatuminnga piviusunngortitsiniarniarnermi imigassamut, tupamut, nioqqutissanullu sukkulinnut akitsuutit malunnaatilimmik qaffanneqassapput.

Sinerissatsinni kommuninut qinersinerit aallartipput, partiit naggammik qinersisissaminnik ulapputileruttortut sila issikujukkaluartoq innuttaasut qinersiartorput.

KNR-ip sumi qinersisinnaanersut, kina qinersisinnaatitaanersoq suullu ullormi qinersivimmi eqqumaffigissaneritit ataatsimoortumik isigalugit takusassiarai.

Naalakkersuisunngortussani isumaqatigiinnginneq siulleq pinngorpoq. Vivian Motzfeldtip danskit ministeriunerata tikeraarnissaa naleqqutinngissorigaa, Jens Frederik Nielsen tikilluaqqusivoq.

Angallannikkut periarfissat ilaasortassallu pillugit misissuinerit peqqutaallutik siusinnerususinnaanngitsoq, sivisunerpaamik ilaasortalersoq ilisimatitsivoq.

Kommune Kujallermi aningaasaqarneq “tupinnartoq”, akuersissummik tunineqaqqaarnani aningaasanik atuineq aamma isumaginninnermut tunngasuni suliat arlallit kukkuneqartut. Borgmesterip akissuteqarfigerusunngisai tusagassiutillu qinersinermut sunniuteqarnerarai.

Donald Trumpip nunatsinnik tiguserusunneranut atatillugu amerikamiut Københavnimi aallartitaqarfiata saani arfininngormat akerliussutsimik takutitsisoqarpoq.

Sulorarluni arlaleriarluni kuultinnattarnini ilisimaneqaatigaa. Jens-Frederik Nielseniliuna kinaasoq? Nunatsinni naalakkersuisut siulittaasoriligaannik ilisimannilluartut pingasut KNR-ip oqaloqatigai.

Taama ministeriuneq tusagassiorfinnut nalunaaruteqarpoq. Taassuma Naalakkersuisut aamma siulittaasussaat Jens-Frederik Nielsen ataatsimeeqatigissavai.

Amerikamiut aallartitaasa assit nuanninngitsut aarleqqutigigamikkit pilersaarutitik allanngortippaat. USA-lli nunatsinnut soqutiginninneranik allannguinngilaq. Allatulli kimigiisertoqalernissaa immikkut ilisimasallit ilimagaat.

Ajugaasoq: Henrik Jensen, Ilulissat Nr. 2 Anthon Street, Saattut Nr. 3 Paalu Kristensen, Tasiusaq Nr. 4 Markus Jensen, Saqqaq Nr. 5 Aron Sakariassen, Nuussuaq

USA-p nunatsinnut pileriginninnera naalakkersuisunngortut taama amerlatigisariaqarnerannik tunngaveqartoq, partiit naalakkersuisuutitaqalersut sisamaasut siuttui oqarput.

Naalakkersuisunngortussat Katuamut saqqummiinerat attortinnarlunilu nalliuttorsiorfiuvoq.

Amerikamiut Pituffik Space Basemut tikillutik timmisartumit niupput.

Amerikamiu aningaasaatilissuup suliffeqarfinni peqatigalugu amerikamiut aallartitaannik Sisimiunut qaaqqusisuupput. Kalaallilli politikkikkut oqartussaasuisa itigartinnerat, Kalaallit Nunaata USA-llu akornanni attaveqatigiinneranut ajoqusiisumik kinguneqartoq taassuma oqaatigaa.

Partiinit tallimanit sisamat naalakkersuisuni nutaani ilaapput. Isumaqatigiissut suleqatigiinnissamut tunngaviliisoq ataatsimut uani paasisaqarfigiuk.

USA nunatsinni killeqanngitsumik aatsitassarsiorusuttoq, tusagassiortup USA-mik immikkut sammisaqartuusup nalilerpaa. Trumpilli eqqaamaneqarnissi kisiat pigaa, amerikap politikkiani lektori isumaqarpoq.

USA-p præsidentiata tullersortaa nulialu Pituffik Space Basemut talllimanngornermi angalalerpata USA-p naalagaaffiata isumannaallisaanermut siunnersortaa Mike Waltz, USA-llu nukissiuuteqarnermut minsteria Chris Wright angalaqataassapput.

Nunarput nutaanik naalakkersuisoqatigeeqalerpoq, tassa Demokraatit, Inuit Ataqatigiit Atassut Siumullu.

Sapaatit akunneri marluk qaangiuttut partiinit tallimanit sisamat naalakkersuisoqatigiinnissamut isumaqatigiissummik nutaamik atsiornissaminnut piareertut takussutissaqalerpoq.

Danmarkimi arnat ukioq manna juulip aallaqqaataata kingorna 18-iliisussat 2026-mi sakkutuujusussaatitaanermut aamma aggersarneqarsinnaassapput. Tamanna aallaqqaammut isumaqatigiissutigineqartumit ukiup affaanik siusinneruvoq.

Sapaatit akunneri marluk qaangiuttut partiinit tallimanit sisamat naalakkersuisoqatigiinnissamut isumaqatigiissummik nutaamik atsiornissaminnut piareertut takussutissaqalerpoq.

Naleqqamiit oqaatigineqartut uggornarlutillu ilumuunngitsut, Demokraatit siulittaasuata tullia oqarpoq.

Angut 31-nik ukiulik meeqqanik ilaatigut 15-it inorlugit ukioqartunik pinngitsaaliilluni kujannissimasutut qarasaasiatigullu persarinninniarsimasutut ukiuni arfinilinni qaammatinilu arfinilinni pineqaatissinneqarsimasunut inissiisarfimmiittussanngortinneqarpoq.