Isumaqatiginninniarit allanngoqattaarnerat, qinikkat allanngorartut, partiillu tunuartut peqqutaallutik Kommune Qeqertalimmi borgmesterinngortitsiniarneq ajornakusoorsimavoq.

Bormesterip allanngornerata kingorna naalakkersuisoqatigiinni ajalusoorneq avissaartuunnerlu miserratigineqartoq inissinneqaleruttorpoq. Simigaq Heilmann 34-nik ukiulik borgmesterinngortussanngorpoq.

Martin Møller nunatsinni ujakkaartartut nunanut allanut unammisartuinut sungiusaasunngorpoq. Taanna ujakkaarnermi siuarsaaqataassaaq.

Nuummi unnuaanerani pingasoriarluni tillinniartoqarpoq. Tillinniarfigitittut pingasut tamakkerlugit politiinit misissorneqaleruttorput, tillinniarnerit imminnut attuumassuteqarsinnaanerittaaq misissorpaat.

Meeqqat amerlasuut qitornarsianngortarput, pingaartumik Tasiilami amerlarlutik. Ilisimatoorlu, Bonnie Jensen naapertorlugu qitornarsianngortitsisarneq sukkavallaamik pisarpoq.

Nunaqarfinni inuit suli suliffissaaleqisut, illoqarfinni sulisussanik piukkunaatilinnillu amigaateqarput. Sulisoqarneq ineriartungaatsialerpoq, ilinniartitaanerlu aaqqiissutaasinnaasutut saqqummiunneqarpoq.

Kommune Qeqertalimmi Demokraatit, Inuit Ataqatigiit Naleqqallu ukiuni tulliuttuni suleqatigiissapput, isumaqatigiissutissartillu naammassilerpaat. Siumup IA-mik suleqatiserinnilluni oaloqatiginninera angusaqarfiunngitsoq, IA-meersoq Kristian Jeremiassen ilisimatitsivoq.

Demokraatit, sisamanik ilaasortaqarlutik Kommune Qeqertalimmik partiini annermut tulliusut, suleqatigiiliortunut peqataassagunik borgmesteriutitaqarnissaat kissaataaginnarani piumasaqaataavoq.

Piffissamik eqquisinnaannginnermut aningaasartuutit 2024-mi 100 millionit koruuniupput.

Tusagassiorfimmit Kinami naalagaaffimmit aqunneqartumit, Xinhuamit apersuineq nunat tamalaat akornanni politikkikkut oqallissutaavoq. Siumup siulittaasorisimasaata qanoq oqartoqarsimanersoq – qanorlu oqartoqarsimannginnersoq maanna nassuiarniarsaraa.

Kalaallit Nunaata Politiivisa arnaq puiguttortoq 67-inik ukiullip ujarnera ippassaq unitsippaat. Taanna apriilip tallimaanili maqaasineqalerpoq.

Aasianni nunatsinni ujakkaarnermi pissartanngorniunneq ullumikkut aallartittussaagaluarpoq, kinguaattoornerilli pissutigalugit aallartinneqarnissaa nalunaaqutaq arfinermut kinguartinneqarpoq.

Savalimmiuni assammik arsarnermi ingerlalluarneq nangippoq. Atlantikup avannaamiut taakku sapaammi ualikkut VM-mut peqataanissaq qulakkeerpaat.

Arsaattartut pikkorissut peqatigiiffinnut assigiinngitsunut agguataarnerisigut futsalimi arnat pissartanngorniutilernerat pissanganarnerulersikkaa, aaqqissuisuniit oqartoqarpoq.

Maniitsumi angutit kinaassusersineqanngitsut pingasut pilattuut kujaatsoq atorlugu unnuaq neriniartarfimmut tillinniarput. Angutit qalipaasutut atallaaqarput illersuummillu anersaartuuteqarlutik, poltiillu takunnissimasunik ujartuipput.

Tusassip illoqarfinni pingasuni: Aasianni, Qaqortumi Maniitsumilu pisiniarfiutini matulerpai. Tamanna pisiniartartukinneranik, allakkat ikinneruneranik digitalinngorsaasoqarneruneranillu pissuteqarpoq.

Qaanaarmiut naggueqatigullu Nunavumiut imminnut paarlaasseqatigiillutik tikeraartarnerat maajimi ingerlanneqaqqissaaq. Peqatigiiffik Nunavut Qaanaaq taama nalunaaruteqarpoq.

USA-p nunanut hunnorujukkuutaanut nioqqutissanut akitsuusersuinissamik ilimasaarinerani, akitsuutit qaffasissut Kalaallit Nunaata aningaasaqarnera sunnernavianngilaa.

Nunatsinni qinikkanut nutaanut oqaluffiup siarngi sianermata Qupanuk Olsen (N) aamma Naaja H. Nathanielsen takussaanngillat. Taakkumi politikki upperisarsiornerlu imminnut ataqatigiinngissoraat.

Siumut aamma borgmesterissatullu innersuunneqartoq, Aqqalu Reimer Kommune Qeqertalimmi amerlanerussuteqarnertik annaavaat. Jens Valentinimi Naleqqameersoq suleqatigiinnissamit anivoq.

Nuummi Politiit angut 29-nik ukiulik Frederik Strømsted, sakkortuumik inuunermullu ulorianaatilimmik pinerlussimasutut ujaraat.

Issittoq pillugu ukiuni marlunni aallartitaqanngereersoq aamma Danmark nunarpullu tamatuminnga piffissami tasssani isumaqatigiinngereersut Naalakkersuisut innersuussutaat Kenneth Høegh aallartitassatut ippassaq toqqagaavoq.

Vivian Motzfeldt Issittumi Siunnersuisoqatigiinni siulittaasunngussaaq.

Bjørk Lange Olsen qaammatini pingasuni pisortaagallareerluni naalakkersuisuusimasumit Hans Peter Poulsenimit pisortanngortumit taarserneqarpoq.

KNR-imi siulersuisut Hans Peter Poulsen 1. maaji 2025 aallarnerfigalugu pisortassatut atorfinitsippaat.

Tamannali aammaarluni allanngoqqissinnaasoq, borgmesterissatut inissisimajunnaartoq, Kommune Qeqertalimmilu Siumup siulittaasua, Frantz Lundblad oqarpoq.

Orla Joelsen Kalaallit Røde Korsianit Pingasunngormat ukiumi 2024-mi Ikiueqqaarnermut nersornaaserneqarpoq.

Nunatta Danmarkillu ataqatigiinnerat nutartingaatsiassaaq. Politikkikkut piumassuseqartoqarpoq, takorluukkanilli piviusunngortitsiniarnermi tunngaviusumik inatsit akimmisaartitsisinnaavoq.

«Piumasarineqartunut apeqqusiisut» illersornissamut immikkoortortaqarfimmi akuersaarneqarsinnaanngitsut, oqaaseqartartoq allappoq.

Siumumeersup, Frantz Lundbladip, borgmesterinngornissaa ilimanarluinnarpoq. Kommunip aningaasaqarnerata kumaarnissaa misissugassaani suliassaanilu siulliuvoq. Missingersuutillu akuerisat allanngorsinnaaneri aamma misissorusuppaa.

Siorapaluk kiisalu nunaqarfiit Qaanaap eqqaaniittut qulimiguulimmik kingullermik tikinneqarneranit maanna ullut 14-it qaangiuttut, nunaqarfimmiut arlallit oqaatigaat.

Air Greenland Nuummiit Iqalunnut illuanullu angallassisaannassaaq. Aamma ilaasut Iqalunni ingerlariaqqinnaveeqqasut Nuummut timmisartuutissavai. Aqqummik matusinermik ilaasullu namminneerlutik angalaqqinniartariaqarnerannik nalunaarut kukkunerusoq, Air Greenlandip nassuerutigaa.

Politiit Nanortalimmi arnaq puiguttortoq 67-inik ukiulik Nuummilu angut qimaanikoq suli ujaaraat.

Erik Jensenip Donald Trumpimut qaaqqusissuteqarnini politikkikkut pisoqarneranut ilanngutititsisoq qitiuffigissallugu takorloorsimanngisani maanna oqaaseqarfigaa.

IA-mit Aaja Chemnitzip aamma savalimmiormiut folketingimut ilaasortaatitaat marluk danskit nunamut imminermut politikkianut tunngasunut naqissusiinerat tupaallaatigineqarpoq.