Nunatsinni meerartaarnissap orniginassusaa pillugu Ilisimatusarfimmi ilinniartut KNR-imiit paasiniaaffigaagut. Meeqqerivik aaqqiivigineqartariaqartoq arlallit oqaatigaat.

Uummannami meeqqanik illersuisut pingasut maanna ilinniarsimasunngorput. Nuna tamakkerlugu inersimasut 60-it meeqqanik illersuisuitut tassa Najortitut, ukioq qaangiuppat ilinniarsimasunngorsimanissaat Peqatigiiffiup Kalaallit Meerartaata naatsorsuutigaa.

Nunatta Danmarkimi politikkikkut akuliunnissaa pisariaqanngitsoq, killormullu danskit nunatsinni politikkikkut akuliunnissaat pisariaqanngitsoq, Naleraq sinnerlugu inatsisartunut ilaasortaq, Kuno Fencker isumaqarpoq.

Amerikap sinniisoqarfia allaffinnut anginerusunut nuunneqarpat, USA-p kilitsissianik CIA-imeersunik NSA-meersunillu atorfinitsitsinissaa ilimanartoq, immikkut ilisimasallit arlallit nutaarsiassaqartitsivimmut Ekstra Bladetimut oqaaseqarput.

Qatanngutigiit Sondre aamma Ukaleq Slettemark ukiumi unammiffiusumi angusarissaaqattaareerlutik ukiuunerani OL 2026-qarnissaanut peqataaniarput.

Nuummi Unik tillinniarfigiteqqippoq. Tamatuma saniatigut Qaqortumi takunnissimasinnaasunik ujartuisoqarpoq.

Inuusuttut unnuup ataatsip ingerlanerani arlalinnik pinerluuteqariarlutik aqqusinermut uteqqipallattarput, naak tigusarineqareeraluarlutik. Politiit oqarnerat naapertorlugu qanoq tillinniarnissamik imminnut ilinniartittarput.

Tuukkap Danmarkimiit Nuup mittarfianut sinerissamiillu minngitsoortarnera Air Greenlandimut akisoorujussuuvoq. Timmisartortitseqatigiiffillu aningaasanik atorniartariaqarsimavoq. Aningaasat taakku matussuserneqassappata soorunami ataasiinnaq akiliisussanngorpoq tassa angalasut, Air Greenlandimi piujuartitsinermut attaveqatiginnermullu pisortaq, taama oqarpoq.

Nunaqarfiit inukinnerit meeqqat atuarfianni digitalikkut atuartitsinermut suliniut aamma atorpaat. Atuartut kajuminnerulerput, ilinniartitsisullu sulerulukkunnaamipput.

Politikerip Naleqqameersup, Aki-Matilda Høegh-Damip qinersisartuni Folketingimiiginnassanerluni qaammat ataaseq sinnerlugu erseqqissumik nalunaaruteqarfiginngilaa.

Angut qatserisartut biiliisa ilaannik tillitaminik pingasunngornermi ualikkut ajutoorpoq.

Kunngi Frederiup naalakkersuisut siulittaasuat sapaatip akunnerata naanerani Danmarkimukalersoq peqatigalugu ataasinngorpat nunatsinnukassaaq.

Nuummi aalisartoq Aslak Wilhem Jensen nipisaat suai 450 kiilut nutaarluinnaat akitsorterunneqartussanik timmisartukkut Danmarkimut nassiusseqqammerpoq.

Nuummi aalisartoq Aslak Wilhem Jensen nipisaat suai 450 kiilut nutaarluinnaat akitsorterunneqartussanik timmisartukkut Danmarkimut nassiusseqqammerpoq.

Pinerluttut kikkuuneri ilisimaneqanngitsut unnuaq USK-imut tillinniarput, NUIF-imilu aserorterisimallutik, Kalaallit Nunaata Politiivi ullaaq oqarput.

Politikerit atorfillillu nunatta Issittumi Siunnersuisoqatigiinni siulittaasunngornissaa nuannaraat. Siunnersuisoqatigiilli qanoq pingaassuseqarpat?

Inatsisissatut siunnersuutip nutaap Danmarkimi kalaallit meerartaannik inissiinermi suliani kalaallit kulturiata oqaasiisalu eqqarsaatigineqartarnissaat qulakkiissavai. Siunnersuulli nuannaarutissartaqarpallaanngitsoq, siuliamut attuumassuteqartut arlallit isumaqarput.

Qaanaami, Upernavimmi Uummannamilu Januarimiit Martsi ilanngullugu angalasussat taamaatinneqartut katillugit 707-iusimapput. Angalasussallu taamaatinneqartarneri silamik, atortunik ajoquteqarnermik, ilaasussaqannginnermik allanillu soorlu sulisoqarnerup tungaatigut peqquteqartarsimasut, Air Greenland KNR-imut allappoq.

Nunat Avannarliit siunnersuisoqatigiivini Kalaallit Nunaata Savalimmiullu ilaasortannguinnissaat Siunnersuisoqatigiinni qullersap Karen Ellemannip taperserpaa.

Nuummi suppaliorfik nammineq kajumissutsimik peqatigiiffik NoINI-mit ingerlanneqartoq, Round Table 112 Nuummiit 54.700 koruuninik tunineqarpoq.

Fast trackimik aaqqiissuteqarneq inuussutissarsiornermi sulisussaaleqinermut iluaqutaasimavoq. Tamanna sumiiffinni najugaqartut sulinermi kulturiannut allannguivoq. Akuutitsilernissamut politikki maanna ujartorneqarpoq.

Nuummi marlunngornerup unnuaani pinerluttoq Unikimit passimmiunik qasserpianik tillissimanersoq ilisimaneqanngilaq.

Nuummi poorskip aappaanut unnuami tillinniartoqarpoq. Pinerluuteqartut nakkutilliissutikkut takuneqarsinnaapput, politiilli suli pasisaqaratik.

Pavenngortussatut piukkunneqarnerpaat marluk maluginiarneqartut. Aappaa Filippinerineersuuvoq aappaalu Ghanameersuulluni.

Suliffissaaleqisukinnerata ukioqatigiiaarpassuillu soraarninngorarnerisa sulisussaqarniarneq ilungersunarsitippaat. Pisortap Christian Keldsenip periarfissaq ataasiinnaasoraa: Nuna tamakkerlugu suliffiit suut nammineq isumagissanerlugit suullu isumaginissaannut avataaniit tikisitsisariaqarnerluta oqaloqatigiittariaqarpugut

Pave Frans katuullit oqaluffiani ukiuni aqqaneq marlunni qullersaavoq. Taanna ataasinngornermi ullaakkut toquvoq.

Amerikamiut soqutiginninnerat qaammatini kingullerni qaffariarujussuartoq. USA-lli qangaaniilli immikkut Kalaallit Nunaat soqutigiuaannartuuaa.

Aalisartut ajunngillat navianartorsioratillu, Kalaallit Nunaanni Politiit pigaartuisa pisortaat, Carl Sværd oqarpoq.

Imigassartorsimatillutik biilinik ingerlatsisut marluk, nalunaaquttap akunnerini kingullerni 24-ni politiinit tigusarineqarput. Aappaa nukappiaraavoq 15-inik ukioqartoq. Aappaalu biilimik ajutoortoq.

Kommune Qeqertalimmi borgmesterissaq kiisami inissippoq. Simigaq Heilmann borgmesterip allaffianiitussanngorpoq.

Issittumi siunnersuisoqatigiit nunatsinnit aqutsisooqataaffigineqarnissaa kissaataajuarpoq. Ruslandili USA-lu ukiuni marlunni tulliuttuni annikilliulersitsilertorsinnaapput.

Floridami angut universitetimi aallaasersortoq tassani ilinniartuussangatinneqartoq, politiit paasissutissiipput.

Klassini ulikkaaqqasuni atuartut immikkut pisariaqartitsisut amerliartorput ilinniartitsisullu amigaataaleraluttuinnarlutik, taamaammat atuartut tamarmik pisariaqartitaannik pineqarnissaat suli qulakkeerneqarsinnaanngilaq.

Illoqarfiit pingaarnersaanni unnuaq marlunnik tillinniartoqaqqippoq. Uummannami sisamanngornermi unnukkut annaassiniartoqarpoq.

Sakkutuut sakkulersorsimasut 100-t nunatsinnut nassiunneqarnissaat aamma Danmark naligalugu sakkutuujusussaatitaanerup atuutilersinneqarnissaa DF-ip siunnersuutigaa.