U19-ini unammisartut unikkallarnissap tungaanut siuarsimagaluarlutik VM-imut anngunniunnermi ajorsarput.

Pisortaq, Preben Møller Great Greenlandimi suliunnaarpoq. Tassanngaannartumik nikittoqarneranut pissutaasoq siulersuisut oqaatiginngilaat.

Disko Linep takornarialerinera piffissami kingullermi eqqartorneqarpoq, akissuteqartoqarneranili apeqqutit amerlaneruliinnarput. Avannaata Kommuniani borgmesterip umiarsuaatileqatigiiffiup atuuffianut atatillugu ersarissuusoqarnissaa maanna piumasaraa.

Kalaallit Nunaanni Politiit sapaatit akunnerata naanerani ulapissimasut politiini pigaartut pisortaat Aputsiaq Hansen ataasinngornermi oqarpoq. Nakuusernerit, angerlarsimaffinni eqqissiviilliornerit, aqqusinerni eqqissiviilliornerit inuillu aalakoortut politiinut ulapitsitsinerpaasimasut, taanna oqaluttuarpoq.

Russit timmisartuaqqat ungasianit aqunneqartartut misiilillu atorlugit Kyivip immikkoortuinut sisamanut saassussisut, illoqarfiup borgmesteria oqarpoq.

Pisortaq, Preben Møller Great Greenlandimi suliunnaarpoq. Tassanngaannartumik nikittoqarneranut pissutaasoq siulersuisut oqaatiginngilaat.

Naalakkersuisut ulluni 100-ni suliarisimasaat pillugit Naleraq-mit isornartorsiorneqarput. Akit qaffasissut, tamat oqartussaaqataanerat avaqqullugu EU-p Danmarkillu suleqatigineqarnerunerat, isornartorsiuinerminnut tunngavilersuutigaat.

Albrecht Damgaardip inuunermi ilarujussua sulorartartuuvoq – siullermik nunatsinni timersornermi ilisarisimaneqarnerpaat ilaattut, kingornalu sungiusaasutut nunatsinnilu sulorarnermi avatangiisini sunniuteqartutut. Maanna 70-inik ukioqarpoq, taassumalu nangitsisussaqannginnissi ernumassutigaa.

Inger Platou 1976-imi nammineq kajumissuserinngisaminik spiralilerneqarpoq. Ullorsiutinut allattukkat pisoqqat atuakkiami Aqqutima sangutinneqarnerani saqqummersinneqarsimasut danskisut “Mit livs skillevej”-imi maanna saqqummersinneqarput.

Nuup Mittarfiata isornartorsiorneqarnera pisortap, Jens Lauridsenip arajutsinngilaa. Taassuma aallartisarneq sammivissaqannginnermik siuleriiaartorpassuarnik ilaqartoq misilittagarpassuarnik nassaqartoq ataatsimut oqaluttuaraa.

Ilinniartitaanermut Naalakkersuisup Nivi Olsenip meeqqat atuarfianni nukarlernut atuartitsissutigineqartartut ikilinissaat pilersaarutigaa. Tamanna Qeqertarsuarmi meeqqat atuarfianni nukarlernut ilinniartitsisup Pilúnguak Jeremiassen-ip misilittakkani tunngavigalugit taperserpaa.

Nivi Geisler Louise Petersenilu imminnut anguniagassipput: tassa arpaatinik kamippalerlutik sermersuarmik itiviinissaq. Aningaasanilli tapersiisinnaasunik amigaateqarneq ilungersunartorsiortitsivoq.

Inuusuttut marluk Sisimiuneersut ulluni kingullerni ujaarineqarput. Kalaallit Nunaanni Politiit nukappissat nassaarineqarlutillu tigummigallarneqartut tallimanngornermi ullaakkut paasissutissiissutigaat.

Sumiiffinni pingasuni ullup unnuallu ingerlanerani uuliakoortoqartoq, Kalaallit Nunaanni politiit oqarput.

Avannaata Kommuniani sunngiffimmi sammisassaqartitsinerulerniarlutik timersortarfiit ulloq unnuarlu ammatinneqartalissasut aalajangerput. Illoqarfiit pineqartut tassaapput Qaanaaq, Upernavik, Uummannaq aamma Ilulissat.

Paamiut kujataatungaani umimmannik suliniut nutaaq iluatsilluarpoq. Umimmaat siorna nuutsinneqartut nunami nutaami naleqqussarluarsimasut, innuttaasunit malinnaaffigineqarput.

Nunatsinneersut arnat U19-assammik arsartartut, ippassaq siullermeerlutik nunarsuarmi pissartanngorniunnissamut anngunniunnermi unamminermi siullermi ajugaapput – Unamminermi isertitsinernik 79-inik nikigatitsillutik ajugaapput.

Naalakkersuisut siulittaasuata sulisinnaagaluarlutik suliffeqanngitsunut tapiissutit annikilliniarai.

Syriap ilaa eqqissiviilliornermik naalliunnartorsiorsimavoq. USA illuatungeriit pisussaaffinnut akuersisimanerat pillugu nalunaaruteqarpoq.

Naleqqamiit Aki-Matilda Høegh-Dam peqatigiiffiillu arlallit kulturimut tulluussakkanik angerlarsimaffiup avataanut inissiinermi sulianut nalilersueriaatsinik suliaqartoqanngiinnalernera isornartorsiorpaat.

Pele Broberg aningaasaliinngitsoortoqarnissaanik inuiaqatigiinnilu annaasaqaataaffiunissaanik mianersoqqussuteqartoq, Sulisitsisut Illersornissaqarfimmik suleqateqarnermi niuernermi periarfissaqarsoraat.

Nunarput nunat tamalaat aalisarneq pillugu kattuffissuini ataatsimiititaliarsuinilu Danmark avaqqullugu 2029 naatinnagu ilaasortaalersimanissaa naalakkersuisut sulissutigaat.

Ujaarineqartut tassaapput Aputsiaq Peter Kuluk Padilla kiisalu Hans Enoksen. Takuneqarpata attavigineqassanngillat, politiilli attavigineqassapput - inuusuttut ulorianarsinnaammata.

Canadami orpippassuarni ikuallattoqarneranit paaq pujoralaallu anorimit nassarneqarlutik Kalaallit Nunaannut apuupput sermillu qaavaniilerlutik. Qanoq tamanna silap pissusianut sunniuteqarsinnaanersoq ilisimatuut misissuiffiginialerpaat.

Islandimi Reykjanesip qeqertaasaaniittoq innermik anitsileqqavoq. Innermik anitsinerpassuit ukiuni kingullerni nalaanneqarput.

Sinerissamut radioqarfik Aasiaat Radio attaveerukkaluartoq ullumi siunsinnerusukkut Tusassip nalunaarutigaa. Tamatuma kingorna interneti, mobilikkut attaveqaatit, TV aamma FM-radio sunnerneqarput. Maannali ajornartorsiut aaqqinneqarpoq.

Danmarkimi kalaallit meerartaannik angerlarsimaffiup avataanut inissiinermi sulianik VISO-mi immikkoortortaqarfik immikkut ittoq suliareqqiileruttorpoq. Siornatigulli kukkussutaanikut uteqqinneqarataannaasut, kalaallinut ilaqutariinnut inatsisitigut isumannaatsuutitsinissamik suliaqartoq Tina Naamansen isumaqarpoq.

Savalimmiunut sulorarnermik unamminerit tallimat kingorna Kalaallit Nunaat Orkneyip qeqertaaraanni Island Gamesertoqarnerani unamminermi kingullermi pingaaruteqartumilu kuultinnappoq.

Angerlarsimaffiup avataanut inissiisarnermi suliani nalilersueriaatsinik kalaallit kulturiannut oqaasiinullu tulluussakkanik nutaanik pilersitsisoqarnissaa Meeqqanut, Inuusuttunut Ilaqutariinnullu Naalakkersuisoq Mads Pedersenip (IA) akuerinngilaa. Aalajangerneq “pakatsinartoq” professori naliliivoq.

Ilinniartitaanermut Naalakkersuisoq meeqqat atuarfianni atuartut nukarlernut ilinniartitsutigineqartartut ikilineqarnissaat pillugu Mitdlarak Lennertip taperserpaa. Isumaqarlunilu atuartut atuarnermut allannermullu pikkorinnerulernissaat annertunerusumik immikkut isigineqassasoq.

Nuummiit nunanut allanut Københavnikkut timmisartortut Danmarkimi isumannaallisaanermut misissuivikkooqqeqqaartariaqartassapput. One Stop Securitymi aasaq manna piareernavianngilaq. Sermitiaq.ag taama allappoq.

USA-p præsidentiata Donald Trumpip illersornermut suleqatigiiffik NATO pillugu politikkikkut isummani allanngorpaa.

Sinnii Tobiassen Nuumminngaannneersoq rekordliliivoq – oqaluttuarisaanermilu aatsaat taamak angitigisumik pointinnattoqarluni – tassalu 312 pointit anguneqarlutik.

Meeqqat Atuarfianni atuartut kalaallisut atuffarinnerulerlutillu oqallorinnerulertariaqarput. Taamaammat atuarfimmiinnermi maannakkumiit sivisunerusoq piginnaasassanut taaakkununnga atorneqartassapput, ilinniartitaanermut kultureqarnermullu naalakkersuusoq Nivi Olsen taama oqarpoq.

Kalaallit timersortartut arlallit ukioq manna Island Gamesimut peqataapput, tassani nunarsuaq tamakkerlugu qeqertaararmiut unammissallugit – Ullumikkullu sulorarnermik ajugaaniutivinneq pissanganarluinnartoq pissaaq.