Pituffimmi qallunaanut kalaallinullu sulisunut atugassarititaasut tarnikkut ilungersualersitsinermik kinguneqartoq aningaasaqarnerlu ajalusooqqasoq, DR-p ersersippaa.

Bolatta Silis-Høeghip Aka Høeghillu siullermeerlutik saqqummersitseqqaarnerannit ukiut 21-t qaangiupput. Maanna eqqumiitsuliortut taakku marluk eqqarleriinnut kinguaariinnullu tunngasunik nutaamik saqqummersitsipput.

Grækenlandimi qeqertami Chios-imi nuna ikuallammat nunaqarfinni qimagussortitsisoqarpoq, sarfaaruttoqarneranillu qatserisartut nalunaaruteqarput.

Kattuffiup nutaap “Uagut” kalaallit Danmarkimiittut ataatsimut oqaaseqalertissavaat. Uagut nammineq oqaaseqarsinnaanissarput pingaaruteqarpoq, kattuffimmi siulittaasoq Julie Rademacher oqarpoq.

Iran “imminut illersornissamut pisinnaatitaavoq”, taamak nunanut allanut ministeri amerikamiut saassussereernerisa kingorna tusagassiortunut sassarnermini oqarpoq.

Nunatsinni piffissami matumani sakkutooqarnerulernera amerikamiunut takussutissaavoq. Nunatsinnili inuiaat, siunissami silatiminni sorsuuttoqarnissaa annilaangassutigissanngikkaat, immikkut ilisimasalik naliliivoq.

Kultureqarnermut Naalakkersuisup Nivi Olsenip (D) ukioq manna Kulturikkut nersornaat aamma Kajumissaatitut nersornaat arfininngornermi tunniuppai.

USA-p præsidentia eqqisseqatigiilersitserusuttutut pimoorussisutut, eqqissinermut nersornaasiuttakkamik innersuunneqassasoq Pakistan isumaqarpoq.

Kalaallit Nunaanni Politiit sineriak tamakkerlugu pisoqaqattaarnerani ulloq unnuarlu kingulleq ulappussimapput.

Nunatsinnit meeravissianngortinneqarsimasut sisamat danskit naalakkersuisuinut taarsiiffigineqarnissamik piumasaqaammik nassiussinerannit maanna ukioq ataaseq qaangiuppoq.

Arfininngorneq juunip 21-anni nunarput tamaat nalliuttorsiortoqassaaq. Kommunit inuiattut ullorsiornissamut pisortatigoortumik pilersaarutaat ataatsimut katersorniarsaraagut.

Kina pillugu kalaallit oqaaseqaataannik isornartorsiuineq naleqquttuunngitsoq, naalakkersuisoq isumaqarpoq. Kinamiut aatsitassarsiornermik soqutiginninnerannik takussutissaqartitsinngilaq.

NunaGreenip 400 millionit koruunit nunap karsianut aningaasameeqisumut utertittariaqarpai. Naleqqap siulittaasua nunap karsiata 2024-mut naatsorsuutai takoreerlugit taama isummerpoq. Taassuma partiimi akuerseqataaffigisaa maanna isornartorsiorpaa.

Taatsiannguaq Geisler Aalborgimi neriniartarfimmi Alimentumimi pisortamut tulliuvoq. Taakku ataasinngormat Michelinimik siullermeertumik ulloriannapput. Ullut tamaasa tunniutiinnarani 110 procentimik sulinerup tamanna inerneraa.

Naak Naalakkersuisut sakkuaattoqannginnissaanik kissaateqaraluartut sakkutooqarnikkut suliaqarnerit aasap ingerlanerani annertusipput. Issittumi Sakkutooqarfik Nuummi innuttaasunut oqaloqatiginninnissamut qaaqqusivoq.

Qeqertarsuup Tunuani sinerissamut qanittumi umiatsiaaqqamik pisassaateqarnatik qaleralinniat ukiumut pisassaat tallimararterutaannanngorput. Aalisagartassaalli ilaqqinniarneqalereertut, aalisarnermut naalakkersuisoq allappoq.

Israelikkut timmisartui sorsuutit 60-init amerlanerusut sisamanngornerup unnuaani Iranimi sakkutooqarfinnut saassussipput.

Nunanit allaneersunik nunatsinnut aningaasaliisoqanissaanut suliniuteqarnerup ingerlanerani aatsaat angusanik takusassaqalerpoq – tamannali nunatta karsianut aattaat ukiuni aggersuni malunniuteqalissaaq.

Siumup Sisimiuni immikkoortortaata partiip siornatigut siulittaasorisimasaa, assortuussutaasartoq, Aleqa Hammond, partiiminnut siulittaasussatut piukkuppaa.

Kalaallit U-19-ni assammik arsarnermi nunanut allanut unammisartut iligiit qulingiluaasut akornanniipput IHF Trophymut julimi anngunniunnissami

Aatsitassanut naalakkersuisoq, Naaja Nathanielsen, aamma Greeland Resources A/S tunup avannaani Mestersvigip eqqaani molybdænimik magnesiumimillu piiaanissamut akuersissummik atsioqatigiipput.

Tuluit tusagassiorfiata, BBC-p nunarput 2025-mi angalaffissat pitsaanerpaat 25-t akornanniitsippaa. Taakku nassuiaatiminni takornarianut inatsit ilaatigut erseqqissaatigaat.

Peqatigiiffiup pilersinneqartup ilaatigut arnat angutillu akissarsiaasa nikinganerujussuat siullertut oqallissaarutigerusukkaat, peqatigiiffiup siulittaasuata tulliata aappaa oqarpoq.

Frankrig Nuummi sinniisoqarfimmik ammaaniartoq, franskit præsidentiata, Emmanuel Macronip sapaatiummat tikeraarnermini nalunaarutigaa. Immikkut ilisimasallip tamanna Trumpimut qinngarnartutut taavaa.

USA Iranimut saassussinissamik piareersaavoq, tamanna ‘ulluni tulliuttuni’ pisinnaavoq, tusarfiit nutaarsiassaqartisivimmut oqaaseqarput.

Pingasunngornermi ullaap tungaani nukappiaraq qulinik ukiulik Nuussuup atuarfiata eqqaani sanioqquttumit aallaaneqarluni toqunneqarnissamik sioorasaarneqarsimavoq. Angut siorasaarisoq politiit ujaaraat.

Amerikamiut avammut niuernermut aningaasaateqarfiata Kujataani aatsitassarsiorneq 120 millionit dollarsit angullugit aningaasaliiffiginiarpaa – namminersortut aningaasaliisut aamma tapersersuissappata.

Kalaallit Nunaanni Politiit Issittumilu Sakkutooqarfiup Maniitsumi angummik 59-inik ukiulimmik ujaasinertik unitsippaat.

Tyskit sakkutuuisa timmisartuat Nuummi Mittarfimmut tikeqqammerluinnarpoq. Taanna ingerlaqqinnissami tungaanut Nuummiissasoq, Issittumi Sakkutooqarfiup paasissutissiissutigaa.

Bremenimit timmisartoq namminersortumit pigineqartoq Nuummut nalunaaqutaq 13.00-ip missaani tikippoq. Inuit pingasut timmisartumit niupput. Kikkuunersut Nuummi suniarnersut ilisimaneqanngikkallarpoq.

Illersornissaqarfiup sakkutuut amerlanerusut, qulimiguullit arlallit sakkutuullu atortussaat allat aasaq manna nunatsinnukartippai. KNR-ip Nuummi inuit sakkussiornermut atatillugu isumaannik paasiniaaffigai.

Karoline Nielsen, Saattormiunit kingoqqisoq, EM-mi ujaminnanniuttunut julip aallartilaarnerani peqataalerpoq.

Ingerlatsinermi siorna angusaq sinneqartoorfiugaluarpoq. Ingerlatseqatigiiffinnulli marlunnut aningaasaliinerit nunap karsiata oqimaaqatigiinngitsumik aningaasaateqalernernik kinguneqarput. Amigartoorutit 2025-mi amerlinissaat maanna naatsorsuutigineqalereerpoq.

Kalaallit Nunaanni Politiit Issittumilu Sakkutooqarfiup ataasinngornermi unnukkulli angut 59-inik ukiulik Maniitsumeersoq ujaarilerpaat. Angut suli nassaarineqanngilaq, taamaattumik ullumikkut ujaasineq nangeqqinneqassaaq.

Reino inuunerminik siunertaqarnerulersitsiniarluni sakkutuunngornialerpoq. Vædderenimiinnerali siornatigut tunuinnarsimasaminik uterfiginneqqinnissaminut aamma periarfissiivoq.