Ineqi Kielsen partiitoqqamut siulittaasussatut Siumup Inuusuttaanit innersuunneqarpoq. Siumut Inatsisartuni partiini anginerpaanngoqqissappat taanna siulersortaasariaqartoq, innersuussisoq oqarpoq. Taassuma Siumut partiinut allanut maannakkut maleruutiinnarpallaartutut nalilerpaa.

Sakkutuut imarsiortut immap itissusaata assinganik nutarterileruttorput. Periuseq nutaaq annikitsortaqarnerusumik assiliartaliissaaq, nunattali imartaata ilarujussua suli amigaataavoq.

Naalakkersuisut kulturikkut nersornaasiuttagartik Miké Thomsenimut inuiattut ullorsiornitsinni tunniuppaat. Nersornaaserneqartup suliani maluginiarneqarmata nuannaarpoq.

Danmarkip Canadap, Tysklandip Norgillu Atlantikup avannaani nakkutilliilluarnerunissamik suleqatigiinnissaat, nunatsinnik isumannaannerulersitsissassoq, nunanut allanut tunngasunut naalakkersuisoq nailiivoq.

Atassutip siulittaasua, Aqqalu C. Jerimiassen, Avannaata Kommuniani kommunalbestyrelsemut sulinngiffeqarnissamik qinnuteqarsimavoq - Inuttut atuakkanik pissuteqarluni qinnuteqarpoq.

Juunip qulingiluaanni Miamimi immikkut ittumik ataatsimeersuartoqarmat nunat 41-t Concacafimut ilaasortaasut tamarmik nunatta ilaasortanngornissamik qinnuteqaataa itigartitsissutigaat.

Filippinerit peqqissaasut piffissaq qaninnerusoq isigalugu aaqqiissutissaapput. Professori, Lene Seibæk peqqissaasutut sulinerup qanoq soqutiginarnerulersinneqarnissaanut taama siunnersuuteqarpoq.

Naalakkersuisup nuummiut peqqinnissaqarfimmut ilungersuasumut oqariartuutaat tusarusuppaat, oqariartuutillu politikkikkut suliaqarnermi atussagitsik neriorsuutigalugu.

Nunanit allanit peqqinnissaqarfimmi sulisussanik tikisitsineq nunanut sulisussarsiorfiusunut kingunerlutsitsingaarsinnaasoq, ilisimatusartoq tikkuaavoq.

Nunat NATO-mut ilaasortat naalagaaffimmik tunisaasa ataatsimut nalingisa ikinnerpaamik 5 procentiinik illersornissamut 2035-utinnagu aningaasartuuteqartalernissartik isumaqatigiissutigivaat.

Issittoq ukkatarineqarnerusoq, Mette Frederiksenip Nato-p Haagimi ataatsimeersuarnerata nalaani naatsumik tusagassiortunik katersortitsinermi oqaatigaa.

Illersornissaqarfik Kangerlussuarmi ullumi ammatitsissaaq, isertullu timmisartut malersuutit F-16-it nunatsinni sapaatip akunnerani matumani sungiusartut qanillilluinnarsinnaassavaat.

Nunap inoqqaavisa pisinnaatitaaffii pillugit videoliat atuagassiallu paasiuminartut ullumi saqqummerput. Inuit Pisinnaatitaaffii pillugit Siunnersuisoqatigiiffii saqqummersitsisuupput.

Nunatsinni ataatsimoorlutik sungiusarnermut Illersornissaqarfimmi immikkoortut tamakkerlutik aatsaavissuaq peqataapput, ilaatigut attaveqaasersuutit pingaarutillit soorlu uuliamut peqqumaasivissuit aamma erngup nukinga atorlugu nukissiorfiit illersornissaannut sakkutuut sungiusarput.

NATO-p generalsekretæriata Trumpimut allakkamini „Iran pillugu aalajangeriataallaqqilluni iliuuseqarnera“ pillugu nersualaarpaa.

Greenland Airports 1,1 milliard koruuninik qaavatigut pisariaqartitsivoq, aningaasallu nunatta karsianiit aniaannaleruttortut, Namminersorlutik Oqartussaniit taarsigassinneqassallutik suliffeqarfiup neriuutigaa.

Siumup Uummannami immikkoortortaqarfiata Aleqa Hammond partiiminni siulittaasussatut innersuuppaa. Taamaalilluni aningaasanik atornerluisimalluni Siumumit 2016-imi ilaasortaajunnaarsitaasoq, kingornatigulli ilaasortanngoqqittoq, immikkoortortaqarfinnit marlunnit maanna piukkunneqalerpoq.

Qasigiannguit Aasiaallu akornanni erngup nukinganik innaallagissiorfissap sanaartornissaa ukiunik sisamanik sivisussuseqassasoq naatsorsuutaavoq. Suliariumannittussarsiuussinissaq 2026-imi pissasoq naatsorsuutaammat aningaasat sinaakkutaasut maanna oqaatigiumaneqanngillat.

Nukappiaraq 15-it inorlugit ukiulik angummik 40-nik ukiulimmik savimmik kapisisimasutut pasineqarpoq, Upernavimmilu angummik 22-nik ukiulimmik suli ujaasisoqarpoq.

Ilisimatusarfimmi inatsisilerinermik ilinniagaq Kalaallit Nunaanni Danmarkimilu inatsisilerinermi qaffasissumik atorfeqarsinnaanissaannik maanna ammaassivoq.

Kalaallit Nunaanni sakkutuulersuineq Ruslandimut ajorsitsaarutaasinnaasoq, Naleraq-mi siulittaasoq mianersoqqusivoq, Diplomati aamma sakkutuujunngitsunik nakkutiginninneq sammineqarnerusariaqartut, taanna isumaqarpoq.

Israelikkut naapertorlugit Iranip Israelimut qaartartunik aallartitsinerata kingorna illersornissamut atortorissaarutit aallartinneqarput.

Illumik asbestilimmik iluarsartuussisoqartillugu malitassat tamakkiisumik malinneqanngippata najugaqarfigineqarsinnaanngitsoq, Bispebjerg Hospitalimi nakorsaaneq oqarpoq.

Pituffimmi qallunaanut kalaallinullu sulisunut atugassarititaasut tarnikkut ilungersualersitsinermik kinguneqartoq aningaasaqarnerlu ajalusooqqasoq, DR-p ersersippaa.

Bolatta Silis-Høeghip Aka Høeghillu siullermeerlutik saqqummersitseqqaarnerannit ukiut 21-t qaangiupput. Maanna eqqumiitsuliortut taakku marluk eqqarleriinnut kinguaariinnullu tunngasunik nutaamik saqqummersitsipput.

Grækenlandimi qeqertami Chios-imi nuna ikuallammat nunaqarfinni qimagussortitsisoqarpoq, sarfaaruttoqarneranillu qatserisartut nalunaaruteqarput.

Upernavimmi politiit namminnerlu kajumissutsiminnik ikiuuttut arfininngornerup unnuaanili angut 22-nik ukiulik ujaaraat.

Kattuffiup nutaap “Uagut” kalaallit Danmarkimiittut ataatsimut oqaaseqalertissavaat. Uagut nammineq oqaaseqarsinnaanissarput pingaaruteqarpoq, kattuffimmi siulittaasoq Julie Rademacher oqarpoq.

Iran “imminut illersornissamut pisinnaatitaavoq”, taamak nunanut allanut ministeri amerikamiut saassussereernerisa kingorna tusagassiortunut sassarnermini oqarpoq.

Nunatsinni piffissami matumani sakkutooqarnerulernera amerikamiunut takussutissaavoq. Nunatsinnili inuiaat, siunissami silatiminni sorsuuttoqarnissaa annilaangassutigissanngikkaat, immikkut ilisimasalik naliliivoq.

Kultureqarnermut Naalakkersuisup Nivi Olsenip (D) ukioq manna Kulturikkut nersornaat aamma Kajumissaatitut nersornaat arfininngornermi tunniuppai.

USA-p præsidentia eqqisseqatigiilersitserusuttutut pimoorussisutut, eqqissinermut nersornaasiuttakkamik innersuunneqassasoq Pakistan isumaqarpoq.

Kalaallit Nunaanni Politiit sineriak tamakkerlugu pisoqaqattaarnerani ulloq unnuarlu kingulleq ulappussimapput.

Nunatsinnit meeravissianngortinneqarsimasut sisamat danskit naalakkersuisuinut taarsiiffigineqarnissamik piumasaqaammik nassiussinerannit maanna ukioq ataaseq qaangiuppoq.

Arfininngorneq juunip 21-anni nunarput tamaat nalliuttorsiortoqassaaq. Kommunit inuiattut ullorsiornissamut pisortatigoortumik pilersaarutaat ataatsimut katersorniarsaraagut.