Savalimmiunut sulorarnermik unamminerit tallimat kingorna Kalaallit Nunaat Orkneyip qeqertaaraanni Island Gamesertoqarnerani unamminermi kingullermi pingaaruteqartumilu kuultinnappoq.

Angerlarsimaffiup avataanut inissiisarnermi suliani nalilersueriaatsinik kalaallit kulturiannut oqaasiinullu tulluussakkanik nutaanik pilersitsisoqarnissaa Meeqqanut, Inuusuttunut Ilaqutariinnullu Naalakkersuisoq Mads Pedersenip (IA) akuerinngilaa. Aalajangerneq “pakatsinartoq” professori naliliivoq.

Ilinniartitaanermut Naalakkersuisoq meeqqat atuarfianni atuartut nukarlernut ilinniartitsutigineqartartut ikilineqarnissaat pillugu Mitdlarak Lennertip taperserpaa. Isumaqarlunilu atuartut atuarnermut allannermullu pikkorinnerulernissaat annertunerusumik immikkut isigineqassasoq.

Nuummiit nunanut allanut Københavnikkut timmisartortut Danmarkimi isumannaallisaanermut misissuivikkooqqeqqaartariaqartassapput. One Stop Securitymi aasaq manna piareernavianngilaq. Sermitiaq.ag taama allappoq.

USA-p præsidentiata Donald Trumpip illersornermut suleqatigiiffik NATO pillugu politikkikkut isummani allanngorpaa.

Sinnii Tobiassen Nuumminngaannneersoq rekordliliivoq – oqaluttuarisaanermilu aatsaat taamak angitigisumik pointinnattoqarluni – tassalu 312 pointit anguneqarlutik.

Kalaallit timersortartut arlallit ukioq manna Island Gamesimut peqataapput, tassani nunarsuaq tamakkerlugu qeqertaararmiut unammissallugit – Ullumikkullu sulorarnermik ajugaaniutivinneq pissanganarluinnartoq pissaaq.

Qaannat kattufiata aaqqissuussaanik Sisimiuni ulluni makkunani unammersuarneq ingerlalluarpoq. Peqataasussatut Ilulissaniit aggertut Nuummi suli akunneqqasut maanna arfiniliusut qaqugu apuunnissaat aaqqissuisut ilisimanngilaat.

Timmisartoq Boeingeq ajutuunngilaarnermini orsussaqarfimmut attaveeruppoq. Maanna Korea Kujallermi Indiamilu timmisartut misissorneqarnialerput.

Danskit ministerii, Lars Løkke Rasmussen (M) aamma Troels Lund Poulsen (V) Kalaallit Nunaat, sillimaniarneq USA-mullu atassuteqarneq pillugit oqaluuserinnikkiartorlutik amerikamiut isumassarsiornermik suliffeqarfiannut CSIS-imut pulaarput.

Kannguttaatsuliornerit, pinngitsaaliilluni, pinngitsaaliinerit, qarasaasiatigut persarinninniarneq, kinguaassiuutitigullu ukiukitsunut kannguttaatsuliornerit arlallit pillugit Nunatta Eqqartuussisuuneqarfiani suliaq ullumi aallartissaaq. Unnerluutigineqartup sivikinnerpaamik ukiunik arfineq-marlunnik pineqaatissinneqarnissaa unnerluussisussaatitaasut piumasaraat.

Pinerluuteqartut arfininngornermi ualikkut Narsami tillinniarniaraluarput. Angutit pisumi nakuuserniarsaripput, taamaammallu tamanna maanna ujajaanerulluni, pigaartut pisortaat oqarpoq.

Aviaja Rakel Sanimuinaq Kristiansenip kinguaassiuutitigut kannguttaatsuliorfigitinneq isiginnaagassiami piviusulersaarummi oqaluuseraa. Inuiaqatigiittut ajorunnaariartornissatsinnut misigisat sakkortuut oqaluuserinissaat pisariaqartoq taanna isumaqarpoq.

Filmit arfineq-marluk nunatsinneersut aamma nunatsinnut tunngassuteqartut Canadami illoqarfiit annersaanni sapaatip-akunnerata naanerani takutinneqassapput. Tamatuma saniatigut ilitsersuisut Marc Fussing Rosback aamma Malik Kleist peqataassapput.

Kalaallit qimmiata qimuttup ukiuni tusintini oqaluttuarisaanera – qanorlu ililluni silap pissusia, akusaaneq allanngoriartornerlu anigorsimaneraa, ilisimatusarnerup nutaap erseqqissarpaa.

Ippassaq arnaq toqungasoq sissami siumorneqarpoq. Politiit pisumut takunnissimasinnaasunik ujartuisut, pigaartut pisortaat oqarpoq.

Iluliarujussuaq ullormi kingullermi Innaarsuit umiarsualiviata eqqaani navianartorsiornartumik tissukaarpoq. Tamanna najukkami ernumassutaavoq, aserornissaami annilaanngatigineqarpoq.

Qaannamik pissartanngorniunneq nalunaaquttap akunneri arlaqanngitsut qaangiuppata aallartissaaq, peqataasussalli arlallit timmisartut kinguaattoorneri pissutigalugit suli Sisimiunut apuussinnaasimanngillat.

Nutaanik suleqatitaarneq ilungersunarpoq, kisianni taakkununnga ikiuunnissaq suliffiup ilagaa. Anna Wangenheim (D) apersorneqarnermini uani peqqinnissaqarfimmi sulisoqarnikkut unammillernartut pillugit piffissami kingullermi oqallittoqarneranut atatillugu erseqqissaavoq.

Great Greenland 2020-kkut aallartinneranni sinneqartoortariarluni siorna amigartooruteqarpoq. Amigartoorutilli naatsorsuutigisamit ikinnerupput.

Kalaaleq Karoline Nielsen U-23-it qaannamik parrullutik Europami pissartanngorniunnernani angusarissaarpoq.

Arnaq toqungasoq Kullorsuarmi immap killingani sisamanngornermi ullaakkut siumorneqarpoq. Politiit sumiiffimmiittut suliarlu misissueqqissarfigigaat, pigaartut pisortaata oqaatigaa.

Arnaq toqungasoq Kullorsuarmi immap killingani sisamanngornermi ullaakkut nassaarineqarpoq. Politiit sumiiffimmiittut suliarlu misissueqqissarfigigaat, pigaartut pisortaata oqaatigaa.

Peqatigiiffikkaartumik VM kalaallinik iligiinnik peqataasoqassanngikkallarpoq. Nunat tamalaat unammineranni misilittagarneq VM-mi inissaq unammissutigineqarmat aalajangiisooqataavoq.

Pingasunngornerup unnuaani Ukrainemi saassussinernik arlalinnik, ilaatigut Kyivimi toqutaasoqarsimaneranik, nalunaaruteqartoqarpoq.

Nuummi illoqarfiup qeqqani ukiukitsut biilimik ingerlatsisut sisamanngornermut unnuaani takuneqarsimapput. Taakku biilimik aallarussisimasutut biilimillu ingerlatsisinnaanermut allagartaqarnatik ingerlatsisutut maanna unnerluutigineqarput.

Meeqqanut inuusuttunullu ulloq unnuarlu paaqqinnittarfinni kiisalu ulloq unnuarlu neqeroorutini innarluutilinnut immikkullu pisariaqartitsisunut tunngatillugu sulisut, inissaq periarfissallu amigaataapput.

Nunarsuarmioqataanermi akisussaaffeqarneq aamma tarnikkut peqqissuuneq pillugu, sapaatip-akunnerata naanerani Nuummi pikkorissartitsisoqalerpat, suna tamarmi unitsikkallarneqassaaq. Tassani ulluinnarni ilungersuatiniit nunarsuarmi pisunut ernummatit qanoq aqussinnaalernissai ilinniarneqarsinnaapput.

Nuummi pisiniarfik pingasunngornermut unnuaani tillinniarfigineqarpoq. Tillinniartut inuusuttuararpaalooratarsinnaasut, Kalaallit Nunaanni Politiit oqarput.

Nunani tamalaani sumiiffimmilu nammineq kajumissutsimik sulisut suleqatigiillutik Kommuni Qeqertalimmi meeqqanik inuusuttunillu sammisassaqartitsilerput.

Kalaallit Nunaata eqalussui Danmarkimut qaninnerusumi ingerlaartartut, misissuinerup nutaap ersersippaa.

Angut 36-nik ukiulik, februaarimi 2023-mi illooqqaminut toqutsisutut eqqartuunneqarnermi kingorna pingasunngornermi immikkut paarineqartussanngortinneqarpoq.

Hollie Kielsen Nuuk-Pride 2025-mi inunnguutsitut suiaassutsip akerlinganik suiaassuseqartutut inuuneq pillugu tusarnaartitsivoq, inuiaqatigiinnut tusarnaartuaannanngitsunut.

Danmarkimi ilinniagaqartut 1000 koruuninik akeqartumik Nuummut uterlugulu bilitsimik pissarsisinnaalerput.

Sarah Woodall sivikitsumik napparsimareerluni ullualuit qaangiupput toqukkut qimagummat. Taanna kalaaliusutut misigisimasoq ilungersuussilluartutullu oqaatigineqartoq – maanna qimaguppoq.