Taakku marluk akornanni 2019-imili naapittoqanngereerluni ataatsimeersuarneq ippassaq pivoq, sakkuaakkunnaarnissarli pillugu allatigulluunniit tigussaasutigut isumaqatigiissuteqartoqanngilaq.

Tyskit illersornissamut ministeriata tullersortaata Dr. Nils Schmidip Vivian Motzfeldt Troels Lund Poulsenilu ataasinngorpat naapeqatgissavai.

Nuup Bussiini aserorterinerit inuusuttullu akorniminni sioorasaarisutut pissusilersortarneri pissutigalugit, sapaatit-akunnerisa naanerini nakkutilliisoqartalissaaq.

Qaqortumi utoqqaat sulisussaaleqisoqartarneq peqqutigalugu tamakkiisumik isumassorneqanngitsoortarput. Malene Vahl Rasmussenip (D) ajornartorsiummut aaqqiissutitut allamiunik sulisussarsiortoqassanersoq maanna eqqarsaatersuutigivaa.

Peter Hummelgaardip Naaja Nathanielsenillu inatsiseqarnermut tunngatillugu suliniutit Nuummi ataasinngornermi saqqummiutissavaat. Troels Lund Poulsenip Vivian Motzfeldt ataatsimeeqatigissavaa – tyskinik aamma peqataasoqassaaq.

Partiini arfiniliusuni partiit tallimat, naalagaaffeqatigiinnerup naligiimmik peqatigiilluni suleqatigiiffinngortinneqarnissaa taperserpaat. Taamatut kissaateqartoqarneranut tunngatillugu Københavnimiit soqutiginninneq naammaannartoq, Savalimmiuni nunanut allanut tunngasunut ministerip Sirið Stenbergip oqaatigaa.

Qupanuk Olsenip (Naleraq) aatsitassarsiorneq aallartikkusukkaa IA-miutoqqap Mariane Paviasenip qaqqaq attorneqartikkusunngilaa. Taakku marluullutik australiamiut tv-anni peqataapput, tamarmillu isummerfitsik attatiinnarpaat.

Greenland Airports aqutsisoqarfimmi taarsiiniarluni aalajangerpoq, taamaammat ingerlatsinermut pisortaq soraarpoq. Suliffeqarfiup isornartorsiorneqangaatsiarnerata nalaani tamanna pivoq.

Issittumi Sakkutooqarfik qimminik qimuttussanik naleqquttunik pissarsiumalluni uumasut nakorsaat peqatigalugu eqimattanik Ilulissanukartitsivoq.

Milugiaat assigiinngitsut marluk nunatsinniipput. Ilisimasalli amigarmata, Pinngortitaleriffimmeersut ikioqqupput.

Sisamanngornermi Nuummi anorersuarnissaa pissutigalugu avannamut angalasut siulliunneqarniassammata Air Greenlandip timmisartoq Tuukkaq Kangerlussuarmut ingerlaartussanngortikkaa, taakkunannga ilisimatitsissutigineqarpoq.

Aqqalu C. Jerimiassenip Atassutillu nalaagaaffimmit tapiissutit annertunerulersikkusuppaat, sinaakkusersorluakkamilli pissaaq. Aningaasatigullu aaqqissuusseqqinneq tamanna ilutigalugu aamma pissaaq.

Danmarkimi kalaallit meerartaanik pinngitsaaliissummik arsaarinninnerit pillugit, marlunngornermi akerliussutsimik takutitsisoqarpoq. Massakkummi arnaq alla, ernineraniit akunneq ataaseq qaangiutiinnartoq, meeraanik arsaarneqarpoq.

Nunatta Eqqartuussisuuneqarfiani ulluni pingasuni suliaqartoqareersoq maanna eqqartuussuteqartoqarpoq. Politikeriusimasoq aamma kommunimi pisortaasimasoq pinngitsuutinneqarput.

Qaqortumi utoqqaat illuanni sulisut ikittunnguit ulloq unnuarlu sulisarput, utoqqaallu unnuami aamma sulisoqanngittariaqartarlutik, sulisut marluk oqarput.

Kangerlummi piniarnerup nalaani takornariat amerliartuinnarnerat akornutaavoq. Tuttunniartoq piniarnerminik unitsitsisariaqarsimavoq inuppassuillu qimallugit avalattariaqarsimalluni - maanna ataavartumik aaqqiissutissarsiortoqarnissaanik kaammattuivoq.

Nunatta Eqqartuussisuuneqarfiani peqqulunnermut suliamik, Lars Emil Johansenimut Lars Møller Sørensenimullu tunngatillugu suliaqarnermi ullup aappassaani ilisimannittut nutaat arlallit nassuiaateqartinneqarput.

Tallimanngornermi ullaakkut Disko Linep angallataa Targa Ilulissat kangerluani Qeqertarsuarmut ingerlaartilluni iluliamut aporpoq. Maanna Oluf Olrikip, angallammi ilaasimasup annikitsuinnarmillu ajoqusersimasup, misigisani oqaluttuaraa.

Sumiiffiup digitalinngorlugit asserpaalui pinngortitami ajornaatsumik isumannaatsumillu angalaarsinnaalersitsissapput. Digitalikkut assit maanna pissarsiarineqarsinnaalerput.

Anaanaasoq kalaaleq meerarisamik inunngornerata kingorna nalunaaquttap-akunnera ataasiinnaq qaangiuttoq arsaarneqarpoq. Danmarkimi kalaallit meerartaannik pinngitsaaliissummik arsaarinnittarneq pillugu innuttaasut akerliussutsimik takutitsipput.

Suliffeqanngitsut amerliartorput naalakkersuisullu sulerusunngitsunut ikiorsiissutit annikilliniarpai. Inuusuttullu amerlanerusut sulilernissaat qulakkeerumallugu, namminersortut suliffeqarfiutai saaffigai.

Suliaq siornatigut politikeriusimasumut Lars-Emil Johansenimut kommunemilu pisortaanerusimasumut Lars Møller Sørensenimut tunngasoq Nunatta Eqqartuussisuuneqarfiani ullumi aallartippoq.

Nuummi sapaatit akunnerata siuliani sisamanngornerup ullaassaani inissiami inuup toqungasup timaa siumorneqarpoq. Politiit toqutsisoqarsimaneratut tamanna misisissuivigigaat Kalaallit Nunaanni Politiit ataasinngornermi ualikkut nalunaarutigaat.

Kalaallit peqqinnissaqarfimmi sulisut oqalutsitut siunissami atorneqannginnissaat immikkoortumi anguniarneqaraluarpoq. Oqaaseqatigiiliornerli siunertarinngisamik kinguneqarpoq peerneqarlunilu.

Nanortalimmi imeqarfimmi bakteerissanik nassaartoqarpoq, napparsimalersitsisinnaasunik.

Naak illerfimmi ilisaaneq Nunatsinni ileqquusoq, toqusut timaannik ikuallaaviliortoqarnissaa innuttaasunit akuersaarneqarpoq. Tamanna politikkikkut qangali kissaataavoq.

Aningaasatigut patajaallisaanissaq anguniarlugu naalagaaffimmit tapiissutit marloriaatinngortinneqarallarnissaat Palle Christiansenip siunnersuutigaa – naak siunnersuutip akerleriissutaasinnaanera nalunngikkaluarlugu.

Politiit ippassaq unnukkut Nuummi Børnehjemsvejiliaqquneqarput. Biiliminnut uteramik, biilip igalaava siumut sammisoq ujaqqamik eqqorneqarsimalluni aserorneqarsimavoq.

Disko Linep angallataasa ilaata Targa Ilulissanit ingerlaarnermini sermeq aporpaa. Ilaasut arlallit Qeqertarsuarmut tikinnermi kingorna nalaatsinerlussimanertik pillugu ikiuigasuarfigineqarput.

Disko Linep angallataasa ilaata Targa Ilulissanit ingerlaarnermini sermeq aporpaa. Ilaasut arlallit Qeqertarsuarmut tikinnermi kingorna nalaatsinerlussimanertik pillugu ikiuigasuarfigineqarput.

Kalaallit Nunaanni uumasunut nakorsiartarfituaq, uumasunut nakorsassaaleqinerup kingunerisaanik matunissamut aarlerinartumiissimavoq. Nukiilli nutaat innuttaasuniillu tapersersuineq neriuuteqalersitsivoq.

USA-p præsidentiata Ukrainep præsidentia Alaskamut qaaqqunialikkersaaraa, tusarfiup NBC Newsimut oqaatigaa.

Kalaaleq Naja Nuka Jensen, qallunaat isiginnaartitsisartui Amanda Collin aamma Filippa Coster-Waldau peqatigalugit, tv-kkut nangeqattaartuliami Smilla's sense of Snow-imi isiginnaartitsisartutut suliaqarngaarpoq. Maanna filmini nangeqattaartulianilu amerlanerusuni peqataanissani takorloorpaa.

Innuttaasut ikiliartornerat amigartoorutillit annertusiartornerat aningaasaqarnermut aarlerinartorsiortitsipput. Naalakkersuisut immikkut ilisimasalinnik suleqatigiissitamik maanna pilersitsiniarput.

Mala Høy Kukop (S) Tunup Kalaallit Nunaanniit avissaarnissaanut tunngatillugu taasisitsisoqarnissaanut periarfissamik eqqartuinerani, Justus Hansenip (D) kommunip naalakkersuisullu suliniutit aallarteriigaat eqqartorpai.