Danskit isumaginninnermut ministeriata, Sophie Hæstorp Andersenip Høje-Taastrup Kommunia kalaallimik angerlarsimaffiup avataanut inissiinermut suliamut atatillugu nassuiaateqaqqugaa.

Danskit milliardinik sinneqartooruteqarnerat pinerluuteqarsimasunut inissiisarfimmut nutaanut atorneqassapput, pineqaatissiisarnermullu sinaakkutit qaffanneqassallutik.

Kalaallit Nunaanni Politiit inuup toqungasup sapaammi ullup qeqqata eqqaani siumorneqarneranut atatillugu suliami ilisimannittussarsiorput. Ilisimasaqaruit politiit attaveqassasutit kaammattorpaatsit.

Akileraarutinut aningaasaqarnermullu naalakkersuisup Danmark spiralilersuisoqarneranut suliamut aningaasaqarnikkullu ajornartorsiutinut akisussaaffimmik tigusinerunissaa piumasaqaatigaa. Taassuma naalagaaffimmit tapiissutinut qaffaasoqaannassanngitsoq erseqqissaatigaa.

Eqqartuussiviup digitalinngorsarneranit politeeqarfimmut nutaamut: Danmarkimi inatsiseqarnermut ministereqarfiup nunatsinni eqqartuussiveqarneq politiillu tamarmik nutarsarniarpai: Danmark 850 millionit koruuninik aningaasaliiniarpoq.

Danskit illersornissamut ministeriata, Troels Lund Poulsenip Issittoq pillugu isumaqatigiissut nutaaq Issittumi Sakkutooqarfimmut nutaanik inissanik ilaqarnissaa neriuutigaa.

Tyskit Illersornissamut ministeriata tulliata Dr. Nils Schmidip Vivian Motzfeldt aamma Troels Lund Poulsen oqaloqatiginiarlugit nunatsinnut ullumi tikippoq. Taakku pingasuullutik umiarsuarmi alapernaarsuummi Tritonimi tusagassiortunik katersortitsileruttorput.

Nuummi pineqaatissinneqarsimasunut inissiisarfimmi ikinngutigiinneq nalinginnaanngitsoq pissutigalugu nunarput Nunani Avannarlerni filminik nersornaasiuttakkat annersaata ilaannik maanna pissarsisinnaanngorpoq.

Ombudsmand-ip Kalaallit Nunaanni nakkutilliilluni angalanissaminut atatillugu, pineqaatissinneqarsimasunut inissiisarfik Nuummiittoq isornartorsiorneqartarsimasoq, pulaagassaata ilagivaat.

Tyskit illersornissamut ministeriata tullersortaata Nummut maanna tikeqqammerpoq, nunanut allanut naalakkersuisumiit, Vivian Motzfeldtimiit, danskit illersornermut ministerianniit Arktisk Kommandomiillu tikilluaqquneqarluni.

Inuusuttut timikkut, tarnikkut eqqarsartaatsikkulluunniit unammillernartoqartitsisut piginnaasaminnik toqqissisimanartumik sinaakkuteqarlutik ineriartortitserusuttut illoqarfiit pingaarnersaanni nutaamik neqeroorfigineqarlutik sammineqarput.

Kalaallit Nunaata oqaluttuarisaanerani nalinginnaasumik soorlu taamatut inissisimasoqartoq, taamatuttaaq Ittoqqortormiit oqaluttuarisaanerani inissisimasoqarpoq. Kalaallit namminneq oqaluttuaat amigaataapput. Kalaallit Nunaata oqaluttuarisaanera pillugu ulluinnarni iliniartitsisartoq taama oqarpoq.

Taakku marluk akornanni 2019-imili naapittoqanngereerluni ataatsimeersuarneq ippassaq pivoq, sakkuaakkunnaarnissarli pillugu allatigulluunniit tigussaasutigut isumaqatigiissuteqartoqanngilaq.

Tyskit illersornissamut ministeriata tullersortaata Dr. Nils Schmidip Vivian Motzfeldt Troels Lund Poulsenilu ataasinngorpat naapeqatgissavai.

Bjerndrupimi qimuttuitsut ajutoornerisa kingorna inuk ataaseq ajunaartoq arlalillu ajoqusertut, politiit ilisimatitsipput.

Nuup Bussiini aserorterinerit inuusuttullu akorniminni sioorasaarisutut pissusilersortarneri pissutigalugit, sapaatit-akunnerisa naanerini nakkutilliisoqartalissaaq.

Qaqortumi utoqqaat sulisussaaleqisoqartarneq peqqutigalugu tamakkiisumik isumassorneqanngitsoortarput. Malene Vahl Rasmussenip (D) ajornartorsiummut aaqqiissutitut allamiunik sulisussarsiortoqassanersoq maanna eqqarsaatersuutigivaa.

Peter Hummelgaardip Naaja Nathanielsenillu inatsiseqarnermut tunngatillugu suliniutit Nuummi ataasinngornermi saqqummiutissavaat. Troels Lund Poulsenip Vivian Motzfeldt ataatsimeeqatigissavaa – tyskinik aamma peqataasoqassaaq.

Partiini arfiniliusuni partiit tallimat, naalagaaffeqatigiinnerup naligiimmik peqatigiilluni suleqatigiiffinngortinneqarnissaa taperserpaat. Taamatut kissaateqartoqarneranut tunngatillugu Københavnimiit soqutiginninneq naammaannartoq, Savalimmiuni nunanut allanut tunngasunut ministerip Sirið Stenbergip oqaatigaa.

Qupanuk Olsenip (Naleraq) aatsitassarsiorneq aallartikkusukkaa IA-miutoqqap Mariane Paviasenip qaqqaq attorneqartikkusunngilaa. Taakku marluullutik australiamiut tv-anni peqataapput, tamarmillu isummerfitsik attatiinnarpaat.

Greenland Airports aqutsisoqarfimmi taarsiiniarluni aalajangerpoq, taamaammat ingerlatsinermut pisortaq soraarpoq. Suliffeqarfiup isornartorsiorneqangaatsiarnerata nalaani tamanna pivoq.

Issittumi Sakkutooqarfik qimminik qimuttussanik naleqquttunik pissarsiumalluni uumasut nakorsaat peqatigalugu eqimattanik Ilulissanukartitsivoq.

Milugiaat assigiinngitsut marluk nunatsinniipput. Ilisimasalli amigarmata, Pinngortitaleriffimmeersut ikioqqupput.

Sisamanngornermi Nuummi anorersuarnissaa pissutigalugu avannamut angalasut siulliunneqarniassammata Air Greenlandip timmisartoq Tuukkaq Kangerlussuarmut ingerlaartussanngortikkaa, taakkunannga ilisimatitsissutigineqarpoq.

Aqqalu C. Jerimiassenip Atassutillu nalaagaaffimmit tapiissutit annertunerulersikkusuppaat, sinaakkusersorluakkamilli pissaaq. Aningaasatigullu aaqqissuusseqqinneq tamanna ilutigalugu aamma pissaaq.

Danmarkimi kalaallit meerartaanik pinngitsaaliissummik arsaarinninnerit pillugit, marlunngornermi akerliussutsimik takutitsisoqarpoq. Massakkummi arnaq alla, ernineraniit akunneq ataaseq qaangiutiinnartoq, meeraanik arsaarneqarpoq.

Nunatta Eqqartuussisuuneqarfiani ulluni pingasuni suliaqartoqareersoq maanna eqqartuussuteqartoqarpoq. Politikeriusimasoq aamma kommunimi pisortaasimasoq pinngitsuutinneqarput.

Qaqortumi utoqqaat illuanni sulisut ikittunnguit ulloq unnuarlu sulisarput, utoqqaallu unnuami aamma sulisoqanngittariaqartarlutik, sulisut marluk oqarput.

Kangerlummi piniarnerup nalaani takornariat amerliartuinnarnerat akornutaavoq. Tuttunniartoq piniarnerminik unitsitsisariaqarsimavoq inuppassuillu qimallugit avalattariaqarsimalluni - maanna ataavartumik aaqqiissutissarsiortoqarnissaanik kaammattuivoq.

Nunatta Eqqartuussisuuneqarfiani peqqulunnermut suliamik, Lars Emil Johansenimut Lars Møller Sørensenimullu tunngatillugu suliaqarnermi ullup aappassaani ilisimannittut nutaat arlallit nassuiaateqartinneqarput.

Tallimanngornermi ullaakkut Disko Linep angallataa Targa Ilulissat kangerluani Qeqertarsuarmut ingerlaartilluni iluliamut aporpoq. Maanna Oluf Olrikip, angallammi ilaasimasup annikitsuinnarmillu ajoqusersimasup, misigisani oqaluttuaraa.

Sumiiffiup digitalinngorlugit asserpaalui pinngortitami ajornaatsumik isumannaatsumillu angalaarsinnaalersitsissapput. Digitalikkut assit maanna pissarsiarineqarsinnaalerput.

Anaanaasoq kalaaleq meerarisamik inunngornerata kingorna nalunaaquttap-akunnera ataasiinnaq qaangiuttoq arsaarneqarpoq. Danmarkimi kalaallit meerartaannik pinngitsaaliissummik arsaarinnittarneq pillugu innuttaasut akerliussutsimik takutitsipput.

Suliffeqanngitsut amerliartorput naalakkersuisullu sulerusunngitsunut ikiorsiissutit annikilliniarpai. Inuusuttullu amerlanerusut sulilernissaat qulakkeerumallugu, namminersortut suliffeqarfiutai saaffigai.

Suliaq siornatigut politikeriusimasumut Lars-Emil Johansenimut kommunemilu pisortaanerusimasumut Lars Møller Sørensenimut tunngasoq Nunatta Eqqartuussisuuneqarfiani ullumi aallartippoq.