Kangaatsiami eqqakkat ajornartorsiutaanerat ESANI-mit naluneqanngilaq, eqqakkalli ikuallajasut kisimik suliarineqarsinnaasut, ingerlatseqatigiiffimmi pisortaaneq oqarpoq.

Hej Fonden, timersornermi qinngasaaruttarnermik akiuiniarfiusoq, aamma assammik arsartartut kattuffiat TAAK suleqatigiilerput.

Uninngasoq qallunaatut paasisinaanngippat, peqqinnissaqarfimmi sulisut oqalutsitut nutserisutullu kisimik atorneqarneq ajorput. Uninngasut aamma oqalutsigineqartartut, arlallit KNR-imut oqarput.

Meeqqanut, inuusuttunut ilaqutariinnullu naalakkersuisup, Mads Pedersenip (IA) danskit isumaginninnermut ministerianik ataatsimeeqateqareerluni pakatsisimavoq. Pisimasut sumiginnaaffiusimasut nassuerutigineqartinnagit nunarput ingerlariaqqissinnaanngitsoq, taanna oqarpoq.

Nuummi sapaammi katersuiniarlutik tusarnaartitsinermi aaqqissuisuusoq Alfred Hansen naapertorlugu, inuit nunatsinniittut inunnut Gazamiittunut allanngueqataasinnaapput, naak Palæstina nunap sumiissusaanut ungasikkaluaqisoq.

Umimmaat pingsut piniarfigineqaqqusaanngitsumi toqunneqartut, politiit paasissutissiipput.

Korea Kujalliup præsidentitaarlaa USA-mut ingerlaqqinnginnermini Japanimut siullermeerluni pisortatigoortumik tikeraarpoq.

Sisimiuni tallimanngornermi ulorianartumik biilertoqarnera ajutoornermik kinguneqartoq. Biilimik ingerlatsisoq maanna pasineqarpoq.

Nunatsinni kommuninit peqqinnissaqarfimmiillu noqqaassuteqartoqarnerata kingunerisaanik Mælkebøttencenterip meeqqanut 0-init pingasunik ukiullit akornanni inissiinermi sulianut ikiuussinnaanngungajalerpoq. Ammarnissaatali ullua kinguaattoorpoq.

Kangaatsiami innuttaasut eqqagassanikkaluttuinnarnera qatsuppaat. Tamanna qanoq ilungersunartiginersoq takutinniarlugu, innuttaasut ilaat filmiliorpoq.

Naalagaaffimmit tapit ukiuni kingullermi amerliartupiloorput. Nunarsuarmili eqqissiviilliortoqarnera tapinik nalikinnerulersitsivoq.

Naleqqap siulittaasuata naalakkersuisut sipaarniarniarnerat isornartorsiorpaa, taarsiullugulu pisortani atorfillit nunanit allanit sulisartut ikilisarneqarnissaat siunnersuutigaa.

København nunatsinnit danskit illoqarfiisa pingaarnersaannut nuuttunik inuuniarnikkut ajornartorsiuteqartunik isumaginninnissamut pikkorippallaarsimanngitsoq, Københavnimi isumaginninnermut borgmesteri oqarpoq.

Illersornissaqarfik nukittorsarusullugu Kalaallit Nunaanni sakkutooqartuarnissaa Danmarkip kissaatigigaa, DR allappoq. ’Greenland Rangers’ iluarsiissutit ilaattut KNR-imut erseqqissaatigineqarpoq.

Uummannami ammoniakimik aniasoortoqarnera ulloq kingulleq politiinit aallunneqarpoq, Sisimiunilu politiit ullaaq manna biilinik ajutoortoqarnerata kingorna ulapputtut, pigaartut pisortaat oqarpoq.

Nunatsinni pilersuinerup tungaatigut ingerlatseqatigiiffik annerpaaq 75 millionit koruuninik annaasaqarpoq. Inuit illoqarfinnut nutsernerat malittarisassallu nutaat pissutigalugit nunaqarfimmi avinngarusimasumilu kiffartuussineq ingerlatseqatigiiffiup eqqarsaatigeqqittariaqarpaa.

Utoqqaat illuanni Ajarsivasimmi najugaqartut piffissami sivitsortumi sulisussaaleqipput. Pitsorluttoq, Frederikke Petrussen maanna ikiorneqarani nammineq uffartariaqarpoq.

Danmarkimi kalaallit meerartaannik angerlarsimaffiup avataanut inissiisarnerit pillugit, GUX-imi ilinniartut Inatsisartut saavanni sisamanngornermi akerliussutsimik takutitsissapput.

Angut toqungasoq Nuup eqqaani Kangerluarsunnguami sapaatiummat siumorneqarpoq. Pisumi pinerluttoqarsimaneranut takussutissaqanngitsoq, pigaartut pisortaata ullaaq manna oqaatigaa.

Saanikuni ammillu atorlugit pinnersaasiani, ilisimatuut qimmit DNA-vinik itsarnisanik nassaarnerat, Kalaallit Nunaata oqaluttuarisaaneranut paasisanik nutaanik pissarsiffiuvoq.

IA-mit Aaja Chemnitz nunatsinni pinerluuteqarsimasunut inissiisarfinni pissutsit illersorneqarsinnaasunngortinneqarnissaanut Danmark qanoq qulakkeeriniarnersoq apeqqutigaa.

Akiligassaqartunut imaluunniit utertoortussanut ilaanerlutik e-Boksinnit aqagumit takusinnaalissavat.

Kalaallit Nunaat sulisoqarnerup tungaatigut ukiuni tulliuttuni unammillernartumiippoq. Taamaattumik akuutitsiniarnermut inatsit nutaaq allamiunik suliartorusutsitsilissaaq, kalaallillu oqaasiinik, piorsarsimassusaannik naleqartitaanillu illersuissalluni.

Isertorluni immiussinermut tunngatillugu eqqartuussisoqarnissaa, partiit isumaqatigiissuteqareernerata kingorna pinngitsoortinneqarpoq. Naleqqamili siulittaasup Pele Brobergip suliaq qaangiutivissimasorinngikkaa Sermitsiaq allaaserinnippoq.

Akerliussutsimik takutitsinerit partiillu pilersaarutai nutaat Tasiilaq Ittoqqortoormiillu ukkatarineqartippaat. Naalakkersuisulli aningaasanut inatsisissatut siunnersuutaanni nunap immikkoortuani mittarfiliornissamut aningaasaliisoqanngilaq.

Nuummi Katersortarfiup nalaani inuusuttorpaaluit inummik marlunngornermi unnukkut saassussisut, Kalaallit Nunaanni politiit paasissutissiipput.

Sakkutuussat 60.000-t saassussisoqannginnerani aggersarneqassasut Israelip illersornissamut ministereqarfiata uppernarsarpaa.

Tysklandip illersornissamut ministeriata tulliata ataasinngormat tikeraarnera Tysklandip sakkutuuisa amerlanerunissaata aallartinneratut isigineqarpoq. Vivian Motzfeldtip (S) ikiuiniarneq tigulluarpaa.

Tuttut amerlassusaat 80 procenti angullugu 2100-mi ikileriariarnissaat, misissuinermi nutaami ilisimatusartut aarlerisaaripput.

Danskit isumaginninnermut ministeriata, Sophie Hæstorp Andersenip Høje-Taastrup Kommunia kalaallimik angerlarsimaffiup avataanut inissiinermut suliamut atatillugu nassuiaateqaqqugaa.

Danskit milliardinik sinneqartooruteqarnerat pinerluuteqarsimasunut inissiisarfimmut nutaanut atorneqassapput, pineqaatissiisarnermullu sinaakkutit qaffanneqassallutik.

Toqusoqarsimaneranik nalunaaruteqartoqanngilaq, inuilli 1500-t missaanniittut Poltavami saassussisoqareernerata kingorna sarfaarunnermik eqqugaapput.

Kalaallit Nunaanni Politiit inuup toqungasup sapaammi ullup qeqqata eqqaani siumorneqarneranut atatillugu suliami ilisimannittussarsiorput. Ilisimasaqaruit politiit attaveqassasutit kaammattorpaatsit.

Akileraarutinut aningaasaqarnermullu naalakkersuisup Danmark spiralilersuisoqarneranut suliamut aningaasaqarnikkullu ajornartorsiutinut akisussaaffimmik tigusinerunissaa piumasaqaatigaa. Taassuma naalagaaffimmit tapiissutinut qaffaasoqaannassanngitsoq erseqqissaatigaa.

Eqqartuussiviup digitalinngorsarneranit politeeqarfimmut nutaamut: Danmarkimi inatsiseqarnermut ministereqarfiup nunatsinni eqqartuussiveqarneq politiillu tamarmik nutarsarniarpai: Danmark 850 millionit koruuninik aningaasaliiniarpoq.