Nuummi Politiit qatserisartullu arlallit ullaap tungaa Nuummi umiarsualivimmiipput.

Kalaallit arnat assammik arsartartut erinitsattoqalersorlu sungiusaqatigiilerput oktoberimilu Islandiliassallutik.

Polenip ministeriunerata dronet Polenip silaannaatigoortut puussaarutaanerarpai. Dronet arlallit aallaallugit nakkartinneqarput.

Unnuaq ATV-nik aallarussisoqaqqippoq – tamatumuuna Sisimiuni.

Spiralilerneqarsimasut amerlanerpaartaat akuersisinneqarsimanngitsut, spiralilersuisimaneq pillugu qulaajaanermit nalunaarusiap tamanut saqqummiunneqarnerani erserpoq. Arnat 354-it misigisaminnik oqaluttuarput.

1960-imit 1991-ip tungaanut spiralilersuisimanermik arlaannaannulluunniit attuumassuteqanngitsumik misissuineq maanna saqqummersinneqarpoq.

Inuusuttut 20-it angullugit ukiullit nunarsuarmi nukittuneqqusaannissaat kalaallimit peqataaffigineqartussanngorpoq.

Issittumi Sakkutooqarfimmi pisortaq naapertorlugu nunarsuarmi pissutsit pillugit Issittumi sakkutooqarnerulernissaq pisariaqarpoq. USA-li Kalaallit Nunaanni illersornissap tungaatigut pisariaqartitsinerup annertusinissaanik qanittukkut mianersoqqussuteqareeraluarluni tunuarsimaarpoq.

Qamutit unnuami paarnaaqqatittarnissaat politiinit kajumissaarutaavoq.

Nuummi mittarfissuup nutaap ammarneqarnera timmisartortitseqatigiiffimmut Air Greenlandimut akisusimavoq.

Aalisarnermut, Piniarnermut Nunalerinermullu ataatsimiititaliaq Tunumut tikeraaqqammerpoq. Tassani suliniutissanik sumiffimmut iluaqutaasinnaasunik ataatsimiititaliaq taakkartuivoq. Suliniutit maanna Naalakkersuisunut nassiunneqarput.

Aaqqissuussaq Nuummi Katuami ingerlanneqassaaq. Naalakkersuisut siulittaasuat Jens-Frederik Nielsen 1992-ip kingorna arnanut piumassuserinngisaminnik spiralilersorneqarsimasunut aamma utoqqatserniarpoq.

Innuttaasut pisortanut akiitsullit, akileraarutiminnit ukioq manna utertuunngillat. Akileraartarnermik aqutsisoqarfiummi aniingaasat innuttaasut akiitsuinut nakkartussanngortippaat.

Ruslandip naalliutsitsisarneq pillugu isumaqatigiissummit aniniarluni pilersaarutaa Naalagaaffiit Peqatigiit inuit pisinnaatitaaffii pillugit allaffianit, OHCHR-imit, isornartorsiorneqarpoq.

Københavnip kommunia kalaallinut tikerlaanut inuuniarnikkut ajornartorsiuteqartunut imaluunniit inuuniarnikkut ajornartorsiuteqaleratarsinnaasunut nutaamik illuliornissamut aningaasanik 11,3 millionit koruuninik missingersuutit pillugit isumaqatigiinniarnerni immikkoortitsivoq, illullu 2027-mi naammassineqarnissa neriuutigineqarpoq.

Asiaq Kalaallit Nunaata kitaani umiarsualivinni qulini immap itissusianik uuttortaaneq qaammatip tulliani naammassissavaa. Uuttortaanernut immap itissusai sinerissallu killingi pillugit paasissutissanik sukumiisunik, pilersaarusiornerup imarsiornerullu isumannaassusaata pitsaanerulersinnissaannut atorneqarsinnaasunik, katersinissaq siunertaavoq.

Peqqinnissaqarfimmi aqutsisut 40-t missaanniittut isumaqatigiissummut nutaamut isornartorsiuipput. Iliuuserisatik takuneqarnavianngitsut aamma amerlanerit aqutsisunngornissartik toqqartarnaviakkaat, aqutsisut taama ernumassuteqarput.

Siumumi politikeri kannguttaatsuliorsimasutut eqqartuunneqarnermi kingorna Folketingimi ilaasortanngornissaminut naaggaarpoq.

Kikkut iligiinnersut nalorninarnerulermat, nunat qanoq inissisimanerminnik ersarissaaniarnerat aamma nunatsinni takusinnaavarput. Nunalli ilaasa inunnut isiginnittariaasii eqqumaffigisariaqarigut, ICC-ip siulittasua oqarpoq.

Naak peqqissaasut isumaqatigiinngissuteqaraluartut isumaqatigiissut nutaaq akuerineqarpoq. Isumaqatigiissutip sulinermi atugassarititat pitsaanerulernissaannik, sulisut taarseraatinnginnerunissaannik peqqinnissaqarfimmilu patajaallisaanermik kinguneqarumaartoq, PKK-mi siulittaasup neriuutigaa.

Sakkutuut umiarsuaannit qaqqani sungiusarnermut: illersornissaqarfik Nato-llu iligiivi septemberimi sungiusaqatigiilerpata sakkutuut, timmisartut sakkutuullu immikkut piginnaasallit nunatsinni takussaalissapput.

Taarsileraangat Unnuarissat takussaasarput - sukkuaqqanik kaasarfimmiulerlutik, oqaloqatigineqarsinnaallutik ikiugassaasoqaraangallu ikiuuttarlutik.

Høje-Taastrup Kommunep Ivana Nikoline Brønlundip pania inoorlaaq qaammatip ataatsip matuma siorna pinngitsaaliissummik arsaarinnissutigaa. Naak nunatsinnit sorlaqarfeqaraluartoq, kalaallit meerartaannik Danmarkimi inissiisarneq pillugu inatsit nutaaq naapertorlugu suliaq suliarineqanngilaq.

Aaqqissuusseqqinneq suliffeqarfinnut utaqqinannginnerullunilu aningaasarsiornarnerussaaq, aaqqissuusseqqittoqanngikkallarmat suliffeqarfiit Danmarkimiit alakkarneqarnissartik akuerineqarnissartillu qaamatini arlalissuarni utaqqisariaqartarnikuuaat.

Danmarkimi naalakkersuisut napparsimasunik Danmarkiliaassiniarsimanngillat qanittumiittunilli ikiuiniarsimallutik, tamannalu maanna Israelikkut itigartippaat.

Inatsisartut Nunanut allanut Sillimaniarnermullu Ataatsimiititaliaani ilaasortat tusagassiuutit malinnaavigisariaqarpaat. Politikerimmi nuimasut nunanit allaneersut tikeraarnerat pillugu ilisimatinneqarneq ajortut oqaatigineqarpoq.

Sermersuaq ukiut 29-ssaa tiffaraluttuinnarpoq. Taamaattoqaannassappat immap sarfai ajalusoorsinnaapput - nunarsuup sermeqarfinngoqqinnissaanik kinguneqarsinnaasumik.

Kalaallit Nunaanni politiit innuttaasut qanimut naapikkusuppaat. Amerlanerusunik politiissarsiornissaq politiinngorniarnissamullu aqqut eqaannerulersinnissaa siunertaavoq - pingaartumik illoqarfiit anginerit avataanni.

Naak EU-p aatsitassat nukissiornerlu soqutigigaluarai, aningaasat nunatsinnut tatisinermut atorneqarnissaat Dan Jørgensenip ilumuunnginnerarpaa. Aningaasat qanoq atorneqarnissaat pillugu Namminersorlutik Oqartussat namminneq aalajangiissapput.

Nuummi ikiuallattoqarnerani ajoqusertoqanngilaq. Kisianni putsumik najuussuisimanermi inuummarluutigilikkamik, ikiortissarsiornissaq pingaaruteqarpoq, taamak politiit oqarput.

84-it angerput 84-it naaggaarput - nunatsinni peqqissaasut isumaqatigiinneq ajulerput, pisussatullu tulliuttut PPK-miit misisissorneqarput.

Altinget naapertorlugu, kalaallit folketingimut ilaasortaatitaata Inatsisartut ukiaanerani ataatsimiinnissaat ukkatarerusuppaa.

Europakommissionip silap pissusia, aatsitassat ilinniartitaanerlu pillugit nunarput qanimut suleqatiginerulerumallugu, nunatsinnut maannamut tapiutigisartakkatik marloriaammik qaffallugit 4 milliardit koruuniulernissaat siunnersuutigaat.

Sakkut pillugit inatsisip sukaternissaanik Naalakkersuisut siunnersuuteqarput. Siunnersuut Inatsisartut ukiakkut ataatsiminneranni septemberip 19-ni aallartittussami oqaluuserisassaannut ilaavoq.