Inuit pingasut imigassartorsimatillutik umiatsiaaqqamik ingerlatsisimasutut pasineqartut ippassaq ualikkut aallarput. Umiatsiaarartullu allap unitsinniarsariniarlugit malikkai, politiit paasissutissiipput.

Avannaata Kommuniani borgmesteri, Lars Erik Gabrielsen (S) nunaminertanik angisuunut sanaartortitsinissamut marlunnut qinnuteqarpoq, taamaanneralu nammineq soqutigisaminik suliffeqarfiutiminut qanippallaarnera pissutigalugu inatsimmik unioqqutitsinerusoq immikkut ilisimasalik isumaqarpoq.

Ministeriusimasoq naapertorlugu spiralit nunatsinni politikerinit ajornartorsiutitut eqqaaneqanngisaannarsimapput. Arnat oqaluttuaat maanna pingaaruteqarnerarpai, pissutsinilli ataatsimut isigalugu ersersitsisuunnginnerarlugit.

Niuernerup tusagassiorfik Sermitsiaq allannguuteqartittariaqaraa. Pisortalli Masaana Egedep AG Sermitsiarlu digitalikkut tusagassiiginnartassasut – atuartartuminnullu sapaatip akunnerata naanerani naqitamik saqqummersitsisassallutik neriorsuivoq.

Angut 30-nik ukiulik nikallungalluni Tasiilamit sisamanngornermi ullaap tungaani aallarpoq. Angut ajunngitsoq angerlamut maanna apuuttoq, Kalaallit Nunaanni Politiit nalunaarutigaat.

Donald Trumpip sillimaniarnermut siunnersortigisimasaa, Mike Waltz eqimattat oqaloqatigiiffianni paasissutissanik isertuussanik ingerlatitseqqinnermi kingorna maajimi isornartorsiorneqangaatsiarpoq.

Siulittaasup ammaanersiornermi siullermeerluni oqalugiarnermini USA-p sioorasaarinerata kingorna eqqissisimanissamik oqaaqqissaarivoq aamma Danmarki Kalaallit Nunaannik aningaasaqarnikkut ikiuuttussaasoq uparuarpaa. Kisianni aaqqissuusseqqinnerit imaannaanngitsut aamma erseqqissaatigai.

Akerliusut Kalaallit meerartaasa Danmarkimi pinngiitsaaliissummik inissinneqartarnerinut akerliunertik takutinniarlugu, sisamanngormat eqimattanngorlutik Christiansborgip saavaniipput. Inatsit nutaaq naammanngitsoq oqariartuutaavoq.

Naleqqami politikeri KTI-mi Tech college Greenland pisortaaninngorpoq, Inatsisartunilu ilaasortaajunnaarpoq.

2025-mi Ukiaanerani ataatsimiinneq Inatsisartut ullumikkut ammaanersiorpaat. Ammaanersiorneq tamaat maana malinnaaffigiuk.

Tallimanngorneq ualikkut Hans Enoksen Nuummi naalagiuserineqassaaq, tamannalu toqqaannartumik KNR-radiokkut nal. 14.30 aallakaatinneqassaaq.

Aalajangiissutissaq akuerineqarnanilu taasissutigineqanngikkaluartoq, tamanna Israelimut Hamasimullu erseqqarissumik nalunaarutiginninnerusoq, Løkke isumaqarpoq.

Ukiakkut ataatsimiinnermi marlunnut avinneqarsimasumi ullumilu aallartittussami aningaasanut inatsisissatut siunnersuutip oqaluuserineqarnissaanut tunngavik allanngornikuuvoq.

Tasiilami angut 30-t missaannik ukiulik Tasiilami ujaarineqarpoq, Sisimiunilu ATV-t pingasut aallarunneqarsimapput. Aallarussisut malersorneqarnerat apuinermik kinguneqangajappoq.

Nunatta erngup nukinganik nukissiorfiit anginersaanni, qaqqani innaaqqissuni Nunat Avannarlerneersut sakkutuut illoqarfimminni piareersimasuusut kajumissutsiminnik peqataasut kiisami unikkallalerput. Tassani sungiusarnermut Arctic Light-imut, saassutsinnermi qanoq attaveqaasersuutinik pingaarutilinnik illersuisoqarsinnaanersoq sungiusarpaat.

Najukkami takornariartaateeraq 21-nik issimasoqartoq Nuup kangerluanit pingasunngornermi ullaap tungaani mayday-imik kalerrisaaruteqartariaqarsimavoq, issimasulli tamarmik sukkasuumik isumannaatsumukaanneqartut, Issittumi Sakkutooqarfik paasissutissiivoq.

Air Greenlandip Kangerlussuarmi takornarialerisunik suleqateqarnini ingerlatiinnarpaa. Kangerlussuarmut Kangerlussuarmiillu aappaagumiit sapaatip akunneranut ataasiarluni timmisartuussisoqartassaaq.

Innuttaasunit ilisimaneqarluartoq ukiorpassuarnilu politikeriusoq, Hans Enoksen toqukkut qimaguppoq, tamannalu ikinngutaanit suleqatigisaanillu oqaaseqarfigineqarpoq. KNR-ip eqqaaniaanerpassuit ilai katersorpai.

Siornatigut Naalakkersuisuni siulittaasoq Hans Enoksen 69-nik ukioqarluni toquvoq.

Kommune Qeqertalimmi borgmesterip inissiinermi suliap ukiuni qulini suliarineqarnera sumiginnaanerusoq Ombudsmandip isornartorsiuinerata kingorna nassuerutigaa.

Sakkutuut qulimiguulii pukkillutik nipilioqalutillu tuttoqarfinni Nuup qulaavaasut piniartut qinngulussutigaat.

Israelikkut nunasisunik qimagussortitsinissaat sakkutuuisalu Palæstinamiit tunuarternissaat, FN-imit piumasarineqarsimavoq.

Aki-Matilda Høegh-Dam Naleqqameersup sulinngiffeqarnissaa Folketingimit akuerineqarpoq. Sinniisussaa Elvira Kûitse Naleraq sinnerlugu Folketingimut ilaasortanngorpoq.

Qeqertarsuatsiaani atuarfik oquttoq ukioq sinnerlugu maanna matoqqavoq, atuartut katersortarfimmi palasillu illuanik taaneqartartumi atuartinneqartarput. Tamanna isornartuusoq angajoqqaat arlallit atuarfiullu aqutsisua isumaqarput.

Suliaq meeqqat marluk angerlarsimaffiup avataanut inissinneqarnerannut tunngasoq, Kommune Qeqertalimmiit ukiuni qulini suliarineqarpoq. Meeqqat maanna inersimasunngorput piffissarlu suliap suliarineranut atorneqartoq, ombudsmandi naapertorlugu akuerineqarsinnaanngilaq.

Siulittaasoqarfiup spiralilersuisimanermut atatillugu pisortatigoortumik utoqqatsertoqarnissaa pissutigalugu Inatsisartut ataatsimiittarfianni sapaatip akunnerata tulliani pingasunngornermi pilersaarutit kinguartinniarlugit aalajangerpaa.

Naalakkersuisut siulittaasuat naapertorlugu Danmarkip milliardilikkaanik aningaasaliinera nunatsinnut arlalitsigut iluaqutaassaaq.

Sakkunik nakerluinnartunik ungasissumut igeriuttakkanik pisinissamik aalajangerneq Danmarkip illersornissamut politikkiani eqqarsaartaatsimik allannguineruvoq. Danskit ministeriunerat, nunanut allanut ministeri illersornissamullu ministeri ullaap tungaani tusagassiortunik katersortitsinermi oqarput.

Charlie Kirkimik toqutsisimasutut pasineqartoq, piaaraluni toqutsisimasutut ilisimannittunillu sunniiniartutut ilaatigut pasilligaavoq.

Danmark aamma Kalaallit Nunaat aningaasarsiornikkut isumaqatigiissuteqarput. Ilisimatusartup pissanngatigivaa imminut napatittumik aningaassiornissamik kinguneqarumaarnersoq.

Danmarkip 1,6 milliardit koruunit nunatsinni ilaatigut attaveqaasersuutinut atortussanngortippai. Sillimaniarnikkut politikkikkut pissutsit nutaat pillugit tamanna pisoq, danskit ministeriunerat oqarpoq.