Ulluni pingasuni ataatsimeersuarnermi killeqarfiit akimorlugit suleqatigiinnerunissamik pilersitsinissaq, misilittakkanik avitseqatigiinnissaq arnanullu nakuusernermik pinaveersaartitsineq sammineqassapput.

Nuummi anorersuarlunilu masannartuliornissaa pissutigalugu nunatta iluani marlunngornermi ualikkut angalasussat tamarmik taamaatsinnarneqarput.

Tasiilami aalisakkerivimmi tunisassiorneq naqitsinermut atortorissaarutip ajutoornera pissutigalugu unitsinneqarpoq. Aalisakkeriffik qaammatip tulliata aallartinnerani aatsaat ammaqqissangatinneqarpoq.

EU-mi ilaasortat amerlanerussuteqartut gas-imik Ruslandimeersumik atuiunnaarnissamut ataasinngornermi akuersinissaat naatsorsuutigineqartoq, Lars Aagaard oqarpoq.

Meeqqat 1578-it ilaquttaminiiginnassanersut angerlarsimaffiulluunniit avataanut inissinneqassanersut nunap kommuuniiniit nalilersuiffigineqarput. Sulianilli nukinginartunik suliarinittussat, isumaginninnermut siunnersortit sullissisullu, nuna tamakkerlugu 78-iinnaapput.

Inatsisartuni ilaasortat arlallit illersornissamut isumaqatigiinniarnermut naammattumik peqataatinneqarsimannginnertik isornartorsioraat, folketingimut ilaasortaq, Aaja Chemnitz (IA) allatut nipeqarpoq.

Greenland Airports-ip sannaviata ikuallalernera arfininngornermi ualikkut matusisariaqalersitsivoq, Kulusumilu mittarfimmiit qimagussortitsisoqarluni.

Sumiiffimmi ikuallanneq qanoq aallartissimanersoq nalorninaallisinniarlugu Qaqortumi Politiit sapaammi misissuissapput.

Tillinniat qassiunerinik amerlassusersineqanngitsut katersugaasiviit ilaannut Louvremut, pilattuutinik sarfatortunik sakkulerlutik sapaammi ullaakkut iserput. Kusanartut taarserneqarsinnaanngitsut tillinneqarsimasut, Frankrigip naalagaaffimmi pissutsinut ministeria oqarpoq.

Randi Vestergaard Evaldsen politikeriusimasoq Air Greenlandimilu attartortitsisarnermut pisortaq, Kommune Kujallermi decembarip aallaqqaataani pisortaaninngussaaq.

Issittoq pillugu isumaqatigiissutip aappaata isumaqatiginiunneqarnerani, innuttaasut inatsisartullu peqataatinneqannginnerat partiit naalakkersuisuutitaqartut pingasut illua tungiliuttullu partiiata isornartorsiungaatsiarpaat.

Sisimiut meerartaannut inuusuttaannullu ornittagaq MTO ukiut marluk piareersarneqarpoq. Kiisami oktobarip 26-ani ammarneqassaaq.

Inuussutissarsiutigalugu umiatsiaararsorlutik sinerissap qanittuani aalisartut angallataat nalunaarsorneqarnissaat ukioq nutaammiit piumaffigineqarput, avannaamiulli kinguartitsinissamik noqqaassuteqarput.

Naleqqap siulittaasuata danskit kalaallillu Nuummi sakkussiornerat politikkikkut kukkunerunerarpaa. Sakkussiorneq pinnagu, Rusland Ilulissani isumasioqatigineqarnissaa taassumap siunnersuutigaa.

Illersornissamut isumaqatigiissummi nutaami Nuummi atortorissaartut nutaat amerlanerusullu pingaarnerutinneqarnerat politikerinit arlalinnit sakkortuumik isornartorsiorneqarpoq. Nalinginnaanngitsoqanngitsorli ilisimatusartut marluk naliliipput.

Arnat 1992-imi januaarip aallaqqaataata kingorna akuersissuteqaratik naartunaveersaaserneqarsimasut ajunngitsorsiassanik qinnuteqarsinnaalerput.

Naleqqap siulittaasuata danskit kalaallillu Nuummi sakkussiornerat politikkikkut kukkunerunerarpaa. Sakkussiorneq pinnagu, Rusland Ilulissani isumasioqatigineqarnissaa taassumap siunnersuutigaa.

Innuttaasut qinigaat tamaasa peqataatinnissaat kissaatiginaraluartoq ullut aalajangiiffissat nallertartut nunanut allanut tunngasunut naalakkersuisoq oqarpoq.

Atuarfimmi ASK-imi oqummik nassaartoqartoq, Kommuneqarfik Sermersuup sisamanngornermi unnukkut nalunaarutigaa. Atuarfik matuneqarallassaaq.

Kommuneqarfik Sermersooq aamma islandimiut Istak isumaqatigiissuteqarput, taamaalilluni Nuummi atuarfimmi nutaami ikuallattoqarnissaanut sillimaniarneq maanna aaqqiivigineqassaaq – atuarfillu 2026-mi ammassalluni.

Nuummi sakkutuut umiarsuaannut talittarfik nutaaq pillugu isumaqatigiissuteqartoqareersorlu borgmesterip Naalakkersuisut ataatsimeeqatigiumavai. Taassuma kommuni innuttaasullu qulangerlugit sakkussiornissamik aalajangiisoqarsoraa.

Inatsisartut Ilulissani GUX-imik pilersitsinissaq pillugu oqallisereerput, Ilulissanili ilinniarfmmik nutaamik sanasoqassappat, inuussutissarsiornermik ilinniarfimmik ilinniarnertuunngorniarfimmillu ataatsimoortumik peqartariaqartoq, Ilinniaritaanermulli Naalakkersuisoq isumaqarpoq.

Facebookikkut quppernermi Qaqortumi toqoraasartoqarneranik oqaluttoqarpoq. Tamannali Kalaallit Nunaanni Politiit eqqunnginnerarpaat.

Alaskami najugaqartut qimagussortinneqartunut qanoq ikiorsiisoqarsinnaanera pillugu ICC paasissutissanik siammarterivoq.

Borgmesterit Avaaraq Olsenip (IA) aamma Malik Berthelsenip (S) oqarnerat naapertorlugu naalakkersuisut illersornissamut isumaqatigiissutip nutaap isumaqatigiinniutigineqarnerani najukkani politikerinik ilanngutititsisimasariaqaraluarput.

Naleqqami politikerip illersornissamut isumaqatigiissut tatiginninnermik innarliisutut taavaa, oqaaseqaatigisaili pillugit politikkikkut kinguneqarnavianngitsoq Danmarkimit nalilerneqarpoq.

Danskit illersornissamut ministeriata, Troels Lund Poulsenip oqarnera naapertorlugu illersornissamut isumaqatigiissut nutaaq pillugu suleqatigiinneq naligiimmik kinguneqarluartussamillu isumaliutiginninnermik ilaqarpoq.

1700-kkunni nunasiaaleqqaarnerup nalaani pisut imaannaasimanngeqisut, misissuinerit nutaat paasinarsisippaat – kalaallillu naqisimaneqarusussimanngillat.

Nuummi mittarfik nutaaq kiisalu KNI Pilersuisup Brugsenillu suleqatiginerat nassiussanut akit qaffannissaannut unikaallatsitsipput. 2026-mi akit ullumikkutulli iinnassapput.

Danmarkip Issittumi illersornissaq pillugu aningaasaliineruniarneranut nutaarsiassaq, USA-p talerperliuniat nutaarsiassaqartitsiviannut pingasunngornermut unnuaani siammarterpaa.

ASK-i oqoqarnersoq pillugu sapaatip-akunnera una akissutisisussaagaluarput. Misissuinermili inernerit akissutaat sapaatip-akunnerata tulliani piariissasut, Kommuneqarfik Sermersooq paasissutissiivoq.

Kommune Kujalleq meeqqanut susassaqarfimmut aningaasartuuteqangaatsiarnermi kingorna sipaarniangaatsiartariaqarpoq. Borgmesterip pissutsit annernarnerarpai pisariaqarlutilli.

Kalaallit Nunaanni timersoqatigiit kattuffiat aamma angalatitsivik Travel By Heart kalaallit Arctic Winter Games 2026-mi angalalluarnerunissaannik qulakkeerinnipput.

Vivian Motzfeldtip isumaqatigiissut matoqqasumik isumaqatigiissutigineqarsimannginnerarpaa, Nalerarlu peqataanissamut qaaqquneqarsimagaluarluni qujaannarsimasoq erseqqissaatigalugu.

Nuummi Radiop qaqqaani blok 17-ip majuartarfiini siusinnerusukkut ikuallattoqarpoq, politiit qatserisartullu maanna sumiiffimmiikkunnaarput. Inuit pingasut napparsimmavimmukaanneqarput.