Atuakkiortoq Hans Anthon Lynge marlunngormat 80-inik ukioqarluni toqulluni qimaguppoq. Taanna atuakkiortuni kinguaariinni kingullerni pingaarnerit ilagigaat, atuagassiami Kalaalermi siulersuisut siulittaasuat, Aqqaluk Lynge, allappoq.

Isumaginninnermut, Suliffeqarnermut Nunamullu Namminermut Naalakkersuisoqarfik pisortamik nutaamik atorfinitsitsivoq. Mikael Mansi Rasmussen Kommune Qeqertalimmi atorfeqartoq toqqarneqarpoq.

Immikkoortortaqarfiup immikkut ittup kalaallit oqaasiinik piorsarsimassutsianullu tunngasunik immikkut ilisimasaqarfiusup, ukiup ataatsip qaammatillu arfinillit ingerlaneranni suliat inissiiniarnermut tunngasut 315-it suliarissallugit naatsorsuutigisimavaa. Danskilli kommuuniinit suliat 21-t, immikkoortortaqarfimmiit maannamut tiguneqarsimapput.

Uummannami sineriammilu innuttaasut ajunaalernermi ikumatittagaasorisaat marlunngornermi unnukkut SAR-imik suliaqartoqalerneranik kinguneqarpoq. Suliaqarnerli unitsinneqaqqipallappoq.

Nuummi ulluni qulini pikkorissarneq Winderness First Respondersitut, tassa asimi ikiueqqaartartutut 25-nut piginnaasalersitsivoq. Ilinniarneq asimi isumannaatsuunissamut annertusaallunilu nunavissut takornariallu nakorsamit ikiorneqarsinnaanermut periarfissaqannginneranni isumaginnissinnaanermut qulakkeerinnissaaq.

Aatsitassarsioqatigiiffiup nunatsinnut taarsiissuteqarnissamik piumasaqaataa isumaqatigiissitsiniartartunit aalajangerneqassanngilaq. Suliaq eqqartuussivimmut ingerlateqqinneqassaaq.

Arnat ilisimaneqartunit amerlanerusut piumassuserinngisaminnik naartunaveersaaserneqarsimasut taarsiivigineqarnissaminnut qinnuteqarput. Naaja H. Nathanielsen aningaasanik amerlanerusunik pisariaqartitsisoqassappat Inatsisartunut aningaasanik qinnuteqarniarpoq.

Peqatigiiffik kajumissutsimik suliniuteqartartoq Sipineq+ Danskit naalagaaffianniit millionit koruunit aappaa avillugu aningaasaliiffigineqarpoq. Taakku ukiuni marlunni tulliuttuni peqatigiiffimmik ingerlatsinermut atorneqassapput.

Nunatta namminiilivinnissaa aamma Danmarkimut atassuteqarneq pillugu oqallittoqarnerani atuakkap 'Taakku[Kalaallit]' inuusuttut qaqutigut tusaaneqartartut oqaaseqarsinnaatippai.

Issittumi piginnaasanik annertusaanissamut pilersaarutip aappaat saqqummiunneqarmat, sakkussiassanik nutaanik pisinissaq nutarterinissarlu politikerit eqqartorpaat. Kikkut qanoq oqarnersut aamma sooq suli nalorninartorsiortoqarnersoq uani atuarsinnaavat.

Internetikkut attaveqaatitigut sillimanissaq killissamillu qaangiilluni pinerluttuliortarnerit ministeriunerup Stockholmimi ilaatigut eqqartussavai.

Kommunimit kommunimut allamut ukioqqortussutsinilu angutit arnaniit suli agguaqatigiissillugu isertitaqarnerupput. Taamak Naatsorsueqqissaartarfiup nalunaarusiaani nutaami erseqqissumik allaqqavoq.

Kalaallit oqartussaasuisa timmisartoq ajutoorsimasoq arfininngornermi ualikkulli ujaarilerpaat. Timmisartoq ataasinngornermi ullaap tungaani nassaarineqartoq, Naviair paasissutissiivoq.

Folk & Sikkerhed aamma UNICEF Kalaallit Nunaanni Nuummi innuttasunut ataasinngorpat ataatsimiititsissapput. Issittoq pillugu isumaqatigiissut immikkoortortat aappaat pillugu apeqqutilliisoqarsinnaassaaq pisorlu pillugu meeqqat inuusuttullu qanoq oqaloqatigineqarsinnaanerat pillugu siunnersuisoqassalluni.

Inatsisitigut ataataqanngitsut meeravissianngortitaasimasullu utoqqatserfigineqarnissaannik ajunngitsorsiassaqarnissaannillu Naalakkersuisoq Mads Pedersen (IA), allakkami ammasumi danskit naalakkersuisuinut kajumissaarivoq.

Kangerlussuarmi meeqqat meeqqerivimmi Nukameersut pingasut meeqqerivimmiut tuttupput, meeqqallu angajulliit siunissami tuttunniarsinnaalissapput.

Utoqqaat illuini utoqqaat qassiit ikiuisussallu ikinneruneri ajornartorsiornerulersitsipput. Kommuneqarfik Sermersooq nutaamik iliuuseqarluni ajornartorsiut aaqqiiviginiarlugu allamiunik sulisussarsiornialerpoq.

Arfininngormat unnukkut angut 37-nik ukiulik Ukkusissani savimmik kapineqarpoq. Pinerluttoq sassartinneqarlunilu tigummigallarneqarpoq.

Suliaq Ukkusissani savimmik kapisisoqarsimaneranut tunngasoq, politiinit misissorneqarpoq.

Suliffeqarfik paintballertitsisarfik, Arctic Battlefield, eqqarsaataaginnaqqaarsimagaluarpoq, aallarnisaasulli Sisimiuni paintballimik unammisarfimmi ulappuseriataarsimapput.

Canadamiut timmisartuannik ataatsimik ilaasulimmik ujaasineq sapaammi aallarteqqinneqarpoq.

Politiit, Arktisk Kommando Naviairilu Nuup eqqaani timmisartumik nakkarsimasorineqartumik maannakkut ujaaseqatigiipput.

Sophie Løhdep Anna Wangenheimillu (D) tusagassiortunik ippassaq katersortitsineranni, arnat spiralilersuinermit eqqugaanikut Danmarkimit aappaagu qanoq annertutigisumik taarsiiffigineqarnissartik naatsorsuutigisinnaaneraat apeqqutigineqarpoq. Kisitsisiliinissarli siusippallaartoq, akissutigineqarpoq.

Nuna tamakkerlugu pisut imigassartorsimanermut attuumassutillit pissutaallutik, politiit sulisussanik sillimasunik suliartoqqusisariaqarsimapput.

Silaannaap kissatsikkiartornera ukiut qulit ingerlaneranni 0,15 gradimiit 0,29 gradimut qaffariarsimasoq, silap pissusaa pillugu nalunaarusiami 2025-meersumit erserpoq.

Nuna tamakkerlugu pisut imigassartorsimanermut attuumassutillit pissutaallutik, politiit sulisussanik sillimasunik suliartoqqusisariaqarsimapput.

Instagramimi, takornarialerisutut meeqqallu atuarfianni asannilersitserusuttarpoq. Ilisimasaqannginnerit isummiussereernerillu unitsikkumallugit, Morgan Angaju Josefsen Røjkjær nunarput pillugu saqqummiussillunilu oqaluttuartarpoq.

Inatsisartut Naleqqap Danmarkimit Savalimmiuniillu aningaasatigut tapiissuteqarfigineqarnissamut inerteqquteqalernissamut siunnersuutaa oqaluuseraat. Ilaasortalli USA-mut angalaneranut tunngasoq oqallisigineqangaatsiarpoq.

Partiit siulittaasui tamarmik Issittoq pillugu isumaqatigiissut 2-p isumaqatigiinniutigineqarneranut kissaateqarnissamut periarfissaqarnikuupput. Naalakkersuisut illersornissamut isumaqatigiissutip nutaap kingunerisaanik ullumi eqqissisaaniartut taama oqarput.

Danmarkimi nakorsat peqqinnissaqarfimmilu sulisut allat sinnerseraattut kalaallinullu kræftertunut neqeroorutit immikkuullarissut. Danmark nunarpullu nunatsinni peqqinnissaqarfik pillugu nunat marluk suleqatigiinnerannut nukittorsaanissamut ullumi isumaqatigiissuteqarput.

Politiit pisortaat naapertorlugu ikiaroornartut akisunerujussuat pissutigalugu nunarput inupilunnut niuerfiulluarpoq.

Tusassip Elon Muskip internettimik qaammataasatigut ingerlatseqatigiiffia Starlink siornatigut nipangersimanissamik isumaqatigiissutitalimmik oqaloqatigereersimagaluarpaa. Maannali franskit ingerlatseqatigiiffiat nutaamik isumaqatigiissuteqarfigaa.

Danskit aningaasanut inatsisaat sisamanngornermi saqqummiunneqarpoq. Tamanna nunatsinnut inuussutissarsiornermi ineriartortitsinermut angajoqqaanullu inissiinerit pillugit suliani immikkut neqerooruteqarnermut aningaasanik tapiissuteqarnermik isumaqarpoq.

Angut 42-nik ukiulik sisamanngornermi sassartinneqarnermi kingorna ulluni 28-ni tigummigallarneqartussanngortinneqarpoq. Angut taanna Kangaamiuni angut toqungasoq pillugu suliamut atatillugu sassartinneqarpoq.

Angut toqungasoq nunaqarfimmi Kangaamiuni ippassaq ullaap tungaani siumorneqarpoq. Suliaq toqutsisoqarneratut maanna misissuiffigeqqissaarneqartoq, politiit paasissutissiipput.