Ikuallattoq qaminneqareersoq, Kalaallit Nunaanni Politiit paasissutissiipput, illoqarfiulli ilaa suli innaallagiaqanngilaq, katersortarfillu tamanut ammatinneqartoq kommune paasissutissiivoq.

Aasiaat ataasinngornermi unnukkut innaallagiaqanngilaq, illoqarfimmilu ikuallattoqarluni. Ikuallattoq maanna qaminneqarpoq, sulili pujuliungaatsiarluni, Kalaallit Nunaanni Politiit paasissutissiipput.

Kalaallit filmiliaat naatsoq Entropy allanit aamma nuannarineqarluarpoq, filmfestivalimilu filminik silap pissusianik, avatangiisinik oqaluttuanillu inuppalaartunik pingaartitsiffiusumi, Tulum We-mi, pingasunik nersornaatisivoq.

Nunatsinni angutit arnanit akissarsiaqarnerunerat ajornartorsiutaangaatsiartoq, Naligiissitaanermut Siunnersuisoqatigiit isumaqarput. Arnat suliffiginerusartakkaminni akissarsiakinnerungaatsiarnerat pissutaasut ilagaat.

Afghanistanip avannaani nunap sajunnera pissutaalluni ajunaartut amerliartorput. Inuit 320-t aqqunarput.

SIK-p 24-ssaannik ataatsimeersuarneranni Ilulissani ingerlanneqartumi, Jess G. Berthelsen siulittaasutut qinigaaqqippoq. Maanna ukiuni 35-ni taama atorfeqarsimavoq. Tamatuma saniatigut nunani tamalaani toqqissisimannginnerujartuinnartoqarnerani nunatsinni ataatsimoornissaq, kattuffiup kaammattuutigaa.

Qinngorpumi Pisiffimmi cigaretinik karsinik tillittoqarpoq. Politiit pasisaqarput, takunnissimasulli sianernissaat kaammattuutigaat.

Kommuneqarfik Sermersuumi inuusuttut 39-t inersimasutut nammineerlunitik inuunissamut ukiumi kingullermi ikiorneqarput, arlallillu maanna suliffeqarput, ilinnialersimallutik namminnerluunniit ineqarlutik.

Pigaartut pisortaata ajutoortoqannginnerani eqqarsartoqarlunilu mianersortoqarnissaa kaammattuutigaa.

Qaammatini arfinilinni sakkortuumik sungiusarlutillu ataqatigiinnermik ilinniareerlutik inuusuttut 28-t Issittumi tunngaviusumik ilinniarneq sapaatit akunnerata massuma ingerlanerani naammassivaat, allagartartaartinneqarlutillu. Amerlanerilli ilinniarnertik naammassiinnanngilaat, allagartartaarnerammi ilinniarfinnut allanut ammaassivoq.

Pub Nuanimi savimmik kapisisoqarnerata kingorna angut allanut aarlerinartoq eqqartuussiviup aalajangerpaa – angullu piffissami killiligaanngitsumi paarineqartussanngortinneqarpoq.

Innuttaasut kræftimik napparsimasunut tapersersuingaatsiarnerik takuteqqippaat. Tapiissuteqarnerit tamarmik nalunaarsorneqarunik siorna katersat qaangerneqaratarsinnaapput.

Qimuttumik takuniaagit, USA-p Kalaallit Nunaannik soqutiginninnera pillugu paasisaqarnerulerit, Islandimiulluunniit nipilersugaannik tusarnaarlutit. Issittumi sumiiffinni assigiinngitsuni allanngoriartupiloornerit Arktisk Festivalimi aqagu aallartittussami pingaarnertut sammineqassapput.

Greenland Airportsimi teknikkeqarnermut pisortaq, Mike Kristiansen timmisartuutileqatigiiffimmi aqutsisuniikkunnarpoq.

Kalaallit Nunaat, Savalimmiut Ålandilu Nunat Avannarliit Siunnersuisoqatigiivisa qullersaanni aalajangersimasumik inissisimaffeqalerput - tamakkiisumilli ilaasortanngornissap anguneqarnissaata tungaanut peqataannginnissaq nunatsinniit aalajangiusimaneqarpoq.

Atuarfik Samuel Kleinschmidtimi oqummik nassaartoqarnerata kingorna atuarfik suli matoqqavoq. Borgmesterip atuarfiit pisortaasa aamma Meeqqanut Atuarfeqarfinnullu Ingerlatsiviup akornanni atuartitsinerup qulakkeerneqarnissaa qanimut suleqatigiissutigigaat ingerlaavartumillu aserfallatsaaliuisoqartarsimasoq oqaatigaa.

Politiit aamma ajutoortoqarsimatillugu misissuisartut, timmisartup Sermitsiami ajutoornerata kingorna, timmisartoq qanilliniarlugu qanimut oqaloqatigiipput. Sisamanngornermilu silaannarmiit qanillattorneqarnerulaarpoq.

Ullumimiit tuttunniartoqarsinnaajunnaassaaq, inuussutissarsiutigalugu piniartut aamma sunngiffimmi pinialuttartut 2025-mi pisanik nalunaaruteqarsimasut kisimik 2026-mi akuersissutinik qinnuteqarsinnaassapput, piffissaliussap piniarfiusup naareerneranit pisanik nalunaaruteqarnissamut ullut 14-it periarfissaallutik.

Aalisarneq pillugu inatsit nutaaq januaarip aallaqqaataani 2025-mi atulerpoq. Inatsit atulermat sinerissap qanittuani qaleralinniartut pisassiissutigineqartunit niuersinnaatitaalerput, tamannalu tunngavigalugu pisassiissutigineqartunit niuertoqarluarpoq.

Atuakkiortoq Hans Anthon Lynge marlunngormat 80-inik ukioqarluni toqulluni qimaguppoq. Taanna atuakkiortuni kinguaariinni kingullerni pingaarnerit ilagigaat, atuagassiami Kalaalermi siulersuisut siulittaasuat, Aqqaluk Lynge, allappoq.

Aalisarnermut inatsip nutaap 2025-mi januaarip aallaqqaataani atuutilernerata kingorna sinerissap qanittuani qaleralinniarnermut pisassiissutinik tunisinerit ingerlapput.

Isumaginninnermut, Suliffeqarnermut Nunamullu Namminermut Naalakkersuisoqarfik pisortamik nutaamik atorfinitsitsivoq. Mikael Mansi Rasmussen Kommune Qeqertalimmi atorfeqartoq toqqarneqarpoq.

Immikkoortortaqarfiup immikkut ittup kalaallit oqaasiinik piorsarsimassutsianullu tunngasunik immikkut ilisimasaqarfiusup, ukiup ataatsip qaammatillu arfinillit ingerlaneranni suliat inissiiniarnermut tunngasut 315-it suliarissallugit naatsorsuutigisimavaa. Danskilli kommuuniinit suliat 21-t, immikkoortortaqarfimmiit maannamut tiguneqarsimapput.

Uummannami sineriammilu innuttaasut ajunaalernermi ikumatittagaasorisaat marlunngornermi unnukkut SAR-imik suliaqartoqalerneranik kinguneqarpoq. Suliaqarnerli unitsinneqaqqipallappoq.

Nuummi ulluni qulini pikkorissarneq Winderness First Respondersitut, tassa asimi ikiueqqaartartutut 25-nut piginnaasalersitsivoq. Ilinniarneq asimi isumannaatsuunissamut annertusaallunilu nunavissut takornariallu nakorsamit ikiorneqarsinnaanermut periarfissaqannginneranni isumaginnissinnaanermut qulakkeerinnissaaq.

Aatsitassarsioqatigiiffiup nunatsinnut taarsiissuteqarnissamik piumasaqaataa isumaqatigiissitsiniartartunit aalajangerneqassanngilaq. Suliaq eqqartuussivimmut ingerlateqqinneqassaaq.

Arnat ilisimaneqartunit amerlanerusut piumassuserinngisaminnik naartunaveersaaserneqarsimasut taarsiivigineqarnissaminnut qinnuteqarput. Naaja H. Nathanielsen aningaasanik amerlanerusunik pisariaqartitsisoqassappat Inatsisartunut aningaasanik qinnuteqarniarpoq.

Peqatigiiffik kajumissutsimik suliniuteqartartoq Sipineq+ Danskit naalagaaffianniit millionit koruunit aappaa avillugu aningaasaliiffigineqarpoq. Taakku ukiuni marlunni tulliuttuni peqatigiiffimmik ingerlatsinermut atorneqassapput.

Nunatta namminiilivinnissaa aamma Danmarkimut atassuteqarneq pillugu oqallittoqarnerani atuakkap 'Taakku[Kalaallit]' inuusuttut qaqutigut tusaaneqartartut oqaaseqarsinnaatippai.

Issittumi piginnaasanik annertusaanissamut pilersaarutip aappaat saqqummiunneqarmat, sakkussiassanik nutaanik pisinissaq nutarterinissarlu politikerit eqqartorpaat. Kikkut qanoq oqarnersut aamma sooq suli nalorninartorsiortoqarnersoq uani atuarsinnaavat.

Internetikkut attaveqaatitigut sillimanissaq killissamillu qaangiilluni pinerluttuliortarnerit ministeriunerup Stockholmimi ilaatigut eqqartussavai.

Kommunimit kommunimut allamut ukioqqortussutsinilu angutit arnaniit suli agguaqatigiissillugu isertitaqarnerupput. Taamak Naatsorsueqqissaartarfiup nalunaarusiaani nutaami erseqqissumik allaqqavoq.

Kalaallit oqartussaasuisa timmisartoq ajutoorsimasoq arfininngornermi ualikkulli ujaarilerpaat. Timmisartoq ataasinngornermi ullaap tungaani nassaarineqartoq, Naviair paasissutissiivoq.

Folk & Sikkerhed aamma UNICEF Kalaallit Nunaanni Nuummi innuttasunut ataasinngorpat ataatsimiititsissapput. Issittoq pillugu isumaqatigiissut immikkoortortat aappaat pillugu apeqqutilliisoqarsinnaassaaq pisorlu pillugu meeqqat inuusuttullu qanoq oqaloqatigineqarsinnaanerat pillugu siunnersuisoqassalluni.

Inatsisitigut ataataqanngitsut meeravissianngortitaasimasullu utoqqatserfigineqarnissaannik ajunngitsorsiassaqarnissaannillu Naalakkersuisoq Mads Pedersen (IA), allakkami ammasumi danskit naalakkersuisuinut kajumissaarivoq.